هذا الموضوع مرتبط بـ Galaxy Grand 2

سؤال بعد اذنكم

yasmo1

2014-03-20 (02:41:29AM)

ازاي موبايل زي الكاتيل هيرو رغم انه شاشة اكبر وبريزوليوشن اعلى وبنوعية شاشة افضل ال س دي مش تي اف تي . اضف لده انه راما اكبر وميموري الجهاز الضعف وبروسيسور اعلى وكاميرا بجودة ارقى اضف لده كمان القلم وكل ده بنفس تمن الجراند تو ؟؟ ايه السر ؟؟ ماهو لو حد اشترى الجراند تو بامكانياته اللي فارقة بمسافة مش صغيرة عن الهيرو ويتفاجأ بموبايل بامكانيات جبارة وبنفس السعر زي الهيرو هيحس انه اتضحك عليه ولا ايه ؟؟

Coolmecool

2014-03-21 (04:58:23AM)

رأيى الشخصى .. انا جربت كل الاجهزة فى مصر والخليج , انضف اجهزة اندرويد فى كل المواصفات سامسونج ثم ايفون فقط لاغير

waleedsunny

2014-03-20 (09:13:33PM)

نوعية الشاشة افضل بكتير جدا طبعا والحجم كويس بس ساعات الحجم الكبير قوى 6 بوصه بيكون عائق فى شيل الجهاز لانه اصبح تقريبا تاب والحاجات الواضحه قوى الواحد مش بيتكلم عليها لانها مش محتاجه توضيح
ثانيا نوعية البرسسور والشيبات وكارت الفيجا افضل من النوعيه المستخدمه فى الهيرو وقديمه ونفس اللى موجوده بالظبط فى ايدول اكس وهواوى 610 وهواوى 700 ودول اشترتهم قبل كده
وفرق الرامه الواحد مش هايحسه اﻻ لو الواحد بيفتح 10 برامج مع بعض مثلا وطبعا ده غير مستحب
الحاجه المهمه واﻻساسيه بالنسبه لى هى اراء المستخدمين فى الخارج على موقع gsmarena
وحضرتك هاتشوف الفرق الواضح فى التعليقات على كل جهاز
ده غير ان شاء الله لما تحديث الكيت كات ينزل للجراند2 هايفرق كتير فى تمن وقيمة الجهاز ويجعله من الاجهزة المميزه

yasmo1

2014-03-20 (06:25:47PM)

ميرسي لردكم
بس يا استاذ وليد الكاميرا بتاعته 13 ميجا هي انقى واوضح من الجراند تو بمسافة مش قليلة
مش تحسها 8 ميجا زي ما حضرتك بتقول
وتقدر تشوف الفرق بنفسك من هنا

ثانيا حضرتك اتكلمت عن الهيرو عن نقطتين بس انه مش بيركب له كارت ميموري عكس الجراند تو بالاضافة انه عمره الافتراضي اطول ودي بردو حاجة في علم الغيب بالاضافة للكاميرا واحنا اتكلمنا فيها

بس حضرتك ما علقتش على الشاشة الاكبر ونوعية الشاشة الافضل والراما والبروسيسور الاعلى

كل ده مش هيفرق في الموبايل ؟؟؟ لما اشتريه مش هحس انه اسرع ؟

انا معايا جلاكسي كور وعايزة اغير ومحتارة جدا بين الجراند تو وبين الهيرو
وكلامكم زاد حيرتي مقللهاش

وشكرا لاهتمامك استاذ هاررد تايم وشكرا لردك يا استاذ وليد

waleedsunny

2014-03-20 (08:55:55AM)

بص حضرتك
مافيش انهارده حد عبيط - كل شركه عرفه هى بتعمل ايه وهتتكلف ايه وهاتبيع ايه وتكسب اد ايه
الكاتيل هيرو جهاز جميل جدااااااا
لكن خد بالك المفروض مايزدش عن 2500ج - لاسباب بسيطه ( وده من خلال تجربتى الكتيره مع الكاتيل )
الجهاز مابيركبلوش كارت ميمورى - صافى الذاكره 13 جيجا - اندرويد 4.2 والشركه ماجبتش سيره عن انه هايتحدث للكيت كات - الكاميرا بتاعته 13 ميجا لكن عدسه جودتها ضعيفه وقديمه وتعادل 8 ميجا من سامسونج ( بشهاده موقع gsmarena ) - البطاريه مش بتتشال - القلم بتاعه بشهادة المستخدمين فى الخارج مالوش اى لزمه - لحد انهاردة مافيش تأكيد تام من الشركة على تأمين موضوع الجراب المغناطيس على صحة المستخدم - الجهاز بينزل بموبايل بلوتوث وجراب مغناطيس فقط وماحدش من اللى اشتره فى مصر عرفنا هو جراب سمارت ولا عادى - الاوبشن فى الكاتيل عامة مقارنه بسامسونج عامة برده وبالاخص جراند2 من خلال استخدامى ليهم فقير جدا - وفى حاجه لاحظتها من خلال دخولى كتير على صفحات الكاتيل ان العمر الافتراضى ليه اقل من سامسونج مثلا - مع انى من اشد المعجبين لموبايلات الكاتيل وجربت ايدول 6030 و 6012 و 995 - ولحظت ظهور اعطال او عيوب غريبه فى بعض موديلاته - طبعا غير قلة الاكسسوارات بتاعته
لكن عندك مثلا الجراند2 وبتكلم عليه بالاخص عشان هو اللى معايا وجربته عشان يبقى الكلام صادق وعن تجربه
ان شاء الله هاينزله تحديث الكيت كات الشهر الجاى
واحد زميلى فى المكتب معاه نوت3 ال 4جى جايله من السعوديه بدون مبالغه نفس الاوبشن بالكامل بتاع الجراند2 ( مش نفس المواصفات طبعا ) ماعدا القلم
وده مش معناه ان سعر الجراند2 كده كويس - لأ طبعا المفروض ان كبيره قوى 2700ج - لكن انت عارف ان السعر فى مصر بيتحدد على اساس اسم الماركه مش المواصفات
وفى الاول والاخر هى امكانيات ماديه اولا غير الراحة النفسيه ثانيا

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Grand 2

مقارنة

Android
720 x 1280 pixels, 5.25 inches (~280 ppi pixel density)
3G

2G / 3G
8 MP, 32...

مزيد من المعلومات

الموبايلات

سؤال بعد اذنكم

التسجيل بالموقع

دخول الاعضاء

معلومات سريعة عن Samsung Galaxy Grand 2

Android

720 x 1280 pixels, 5.25 inches (~280 ppi pixel density)

3G

8 MP, 32...