هذا الموضوع مرتبط بـ Galaxy Grand 2

بدون عنوان

ghazala2014

2014-03-04 (10:18:42PM)

للاسف الناس فى مصر بتفضل الماركه المنتشره فى السوق لانها بتفكر فى البيع قبل الشراء مع اننا احنا اللى بنعمل سوق للماركه عن طريق تدوالها انا من رأيي ان موبيلات LG متفوقه جدا على السامسونج وارخص بكتير بصراحه بدليل ان موبيل مثلا زى السامسونج ميجا 5.8 بالمقارنه بينه وبي lg pro lite كلها فى صالح ال lg مع الفرق فى السعر الكبير الميجا 2800 وال lg ب 2222 ولا انا كلامى غلط يا استاذ وليد

waleedsunny

2014-03-05 (07:32:53PM)

أستاذ ghazala2014
عشان الامانه لو امكانيات حضرتك متوسط 2200ج ويهمك الشاشة الكبيرة والبطاريه القويه والريزلوشن النضيف واهم حاجه صوت المكالمات والنغمات العالى يبقى صدقنى استحاله تلاقى افضل من ال جى برو لايت
ولو امكانياتك متوسط 1500ج برده استحاله تلاقى زى الهواوى 610 ولعلمك حقق مبيعات كبيره فى وقت قياسى وعليه سحب جامد ( ده لو حضرتك مقتنع بالماركة ومن النوع اللى بتعيش معاك الموبايلات لانه عند البيع بتخسر كتير ) المشكله البسيطه من وجهة نظرى هى صوت النغمات والمكالمات متوسط وده ممكن تحمل نغمات عاليه وفى برنامج كنت محمله بخلى لكل خط نغمه ( لان الموبايل مافيهوش الاوبشن ده وان البطاريه كويسه بنسبة 80% يعنى مكالمات فقط من يومين ونص ل تلات ايام لكن نت والعاب ومكالمات من يوم ل يوم ونص غير كده بكل امانه جهاز جبار جداااااا
ولو بتحب الماركات المعروفه والمشهوره زى سامسونج وامكانياتك الماديه تسمح فوق ال 3000ج
لو عايز بخط واحد يبقى نوت 2 او ميجا 6.3 ولو عايز بخطين يبقى جراند2 ان شاء الله
يعنى الخلاصه فى الاخر بتعتمد على الامكانيات الماديه عشان نتكلم بصراحه
وربنا يوفقك

ghazala2014

2014-03-05 (03:49:27PM)

انا مع حضرتك يا استاذ وليد ولو انى التمس بعض العذر للوكلاء متنساش انه بعتمد على انتشار المنتج وتداوله داخل السوق وبناءا عليه بيكون انتشار وتداول اكسسواراته يعنى انا متأكد ان ال lg فى حالة انتشاره بين فى السوق المصرى الاكسسورات هتنتشر ولو افتكرت ان النوكيا كانت تقريبا محتكره السوق المصرى الى ان انتشر السامسونج وخد مكانها ووقتها اكسسوارات السامسونج مكنتش منتشره اوى انا شايف ان انتشار المنتج هوه اللى بيوفر كل حاجه عموما انا قررت ان شاء الله اشترى ال lg pro انا شايف انه افضل موبايل بخطين مابين كل الانواع اللى بيتراوح سعرها من 2000 الى 2800 بس برده رايك يهمنى يا استاذ وليد

waleedsunny

2014-03-05 (08:45:35AM)

كلامك صح 100%
بس بختلف معاك فى موضوع ان احنا اللى بنعمل اسم للماركة
للاسف اللى بيعمل اسم للماركة فعليا هو المستورد او الوكيل بمعنى ان لما الجراند2 ينزل فى شركة سكاى اللى الموبايل بضمانها ينزل يوم 19-2-2014 وتلاقى الجراب الاصلى والاسكرين الاصليه بتاعت الموبايل منتشره فى المحلات وبسعر عادى مش غالى قوى وتلاقى الماركات التانيه تاخد وقت طويل عشان توفر اكسسوارات الموبايل يبقى العيب من الوكيل
يعنى ال جى برو لايت مالوش جراب غير فى التوكيل فقط مع انه مش هايخسر حاجه لما يوزعه للمحلات الكبيره فى مصر حتى ساعتها انت هاتقتنع بالموبايل اكتر لانك حاسس ان الموبايل وراه حد بيدعمه والوحيد اللى جاب جراب ضهر ليه هو محل 888 وتلاقى ماكنش قصده كمان
وفى عضو محترم فى صفحة ال جى برو لايت جاب الموبايل ده واخوه معاه الميجا 5.8 وبيقول ان شاشة ال جى افضل بكتير من الميجا وماكنش مصدق غير ان ال جى فيه اوبشن اعلى + قلم
لكن الملاحظ ان احنا للاسف اصبحنا بنجرى بشكل مستفز ورا التكنولوجيا الاحدث والشركات المصنعة عرفت ده وشغاله عليه وانا اول واحد للاسف فيا العيب ده وده بيسبب خساره كبيره - مع ان موبايل سامسونج اللى ب 250ج اللى بخطين او كشاف عملى مليون مره عن الموبايلات اللى فى السوق كلها بطارية اسبوع وصوت المكالمه يسمع الدور التانى وكشاف كمان يابلاش

ahk252

2014-03-05 (01:39:14AM)

قبل ما الاستاذ وليد يرد عليك .. انا بقولك كلامك صح وفعلا دا اللي بيحصل

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Grand 2

مقارنة

Android
720 x 1280 pixels, 5.25 inches (~280 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Grand 2

Android

720 x 1280 pixels, 5.25 inches (~280 ppi pixel density)

3G

8 MP, 32...