هذا الموضوع مرتبط بـ Galaxy Grand 2

بدون عنوان

AndroidMan

2014-02-24 (11:52:19PM)

الجهاز ده احسن ولا الاس 3 في الاداء ؟؟

ده حجمو مش مناسبني الاس 3 حجمو كويس بالنسبالي فا عاوز اعرف انهي احسن في الاداء ؟

sayedsaad

2014-02-27 (11:09:25PM)

استاذ وليد شكرا لرد حضرتك بس قدرك بقى ان ثقتنا فيك هتتعبك وانا جديد ع الاندرويد ولما انشالله اشترى الموب الاسبوع الجاى وحتى ممكن يكون نزل سعره هابقى اتابع حضرتك وتشرحلى شويه منه وشكرا

waleedsunny

2014-02-27 (03:33:06PM)

لأ طبعا مش اقصد انه ما بيشغلش الالعاب التقيله لان حضرتك لو دخلت على المستخدمين فى الخارج على موقع GSMARENA هاتعرف انهم شغلوا عليه اتقل واكبر الالعاب واشتغلت بمنتهى الكفاءة والسرعة لان الفيجا بتاعت الجهاز عاليه وكويسة
لكن اقصد انهم مصريين على تركيب البرسسورارت الارخص مع ان اسعار موبايلاتها غاليه
ولو هاتقارن بين الكاتيل ايدول اكس وبين الجراند 2
يبقى الافضل ليك على المدى البعيد الجراند2 من غير كلام لان انت عارف ان فى مصر بيحبوا السامسونج والاكسسوارات هاتغرق الدنيا فى خلال شهر وفى البيع بيبقى افضل

sayedsaad

2014-02-27 (02:40:34PM)

الاستاذ العزيز
الاستاذ وليد انا فعلا متشكر جدا لرد ومتابعة حضرتك
اولا الخطين مش فارقه بس النوت 2 غالى عليا وهو فعلا موبايل جامد
ثانيا حضرتك متحفز على نوع المعالج انه قديم ومش قوى
هل ده مش هيشغل العاب تقيله وكمان هيسخن بسرعه
معلش اسف هتعبك تانى انا شفت عرض لشركة جى استور على
الكاتيل ايدول اكس ب2425ج وانا شايف انه الامكانيات جميله ده طبعا بعد تقيم حضرتك ولو نصحتنى بيه اسف هتعبك معايا تانى
وثالثا انا مش لاقى الاكاتيل عندى بالسويس ومش عارف الشركه فيها ديلفيرى ولا لاء

hima82eg

2014-02-27 (01:28:01PM)

الجهازه ده كويس
وعلى حسب تقديرى هو افضل من الاس 3
لانه شرحتين وبطاريته 2600 امبير اعلى الاس 3
هو معايا شغال كويس والحمد لله

waleedsunny

2014-02-27 (11:50:09AM)

معلش أسف
نسيت اقول لحضرتك على ايهم افضل الجراند2 ولا الميجا 5.8
ببساطه الجراند 2 نزل عشان يعالج العيوب اللى كانت فى الميجا 5.8 والجراند 1
والمقارنه خير دليل

waleedsunny

2014-02-27 (11:44:22AM)

أولا شكرا لحضرتك على ذوقك
لو هانتكلم بصراحه فا ال P6 على اليوتيوب من افضل 5 اجهزه لعام 2013 للاجهزه اللى بخطين
وفى مصر موجود بخط واحد فقط
ومدام هادفع 2700ج فى الهواوى يبقى الافضل اكمل 400ج واجيب الجراند 2 والكاميرا بتاعته بشهادة المستخدمين فى الخارج كويسة جدا حتى فى الاضاءة الخفيفه وكل المستخدمين فى الخارج بيشكروا جدا فى الجهاز
وده مش معناه ان ال P6 لاقدر الله وحش بالعكس كويس جدا وفى عضو محترم جدا بالمنتدى قالى انه جابه وكان وتحفه لكن احتاج فلوس وباعه بعد ماطلع عينه ب 1600ج بعد استخدام شهر عندما كان سعره 3000ج يعنى تقريبا خسر 50%
وبعدين بكل امانه انا استخدمت تقريبا جميع الماركات السامسونج والكاتيل وال جى وسونى وهاى سينس ونوكيا
ساسمونج الوحيده اللى بتتميز بحاجه مهمة غير توافر الاكسسوارات طبعا وغير الدعم
وهى ان فيها كل الاوبشن اللى هاتحتاجه واللى مش هاتحتاجه
نغمه لكل خط - نغمة رسايل لكل خط - خلفيه لكل خط - خلفية القفل لكل خط على حده - اصبحت تسألك عند الاتصال من اى خط تتصل ( ماكنتش موجوده ) فايبريشن عند فتح وغلق الاتصال - زرار لزيادة علو الصوت اثناء المكالمة - خاصية تصغير الشاشة - مالتى تاتش - امكانية الاتصال بالمسح على اسم المتصل وهكذا ... فى اوبشن اكتر من كده بكتير بس دول اللى فاكرهم
وكانت سامسونج مافيهاش الاوبشن دا كلوا لكن بقت تشوف الماركات التانيه بتعمل ايه وتروح مزوداه فى موبايلات وده شى جميل انك تلبى احتياجات المستهلك
لكن للاسف جهاز زى ده بالسعر ده البرسسور بتاعه A7 وده نوع رخيص ومش قوى وقديم نسبيا
يعنى سامسونج برده مش عبيطه بتعمل اوبشن كتير لكن بتستخسر فى حاجات مهمه
فا انا من رأى الشخصى فقط - الافضل ليك جراند2 - وبرده ادخل على تعليقات المستخدمين فى الخارج لجمع اكبر معلومات
ولو حضرتك مش محتاج خطين
يبقى مافيش افضل من نوت 2

sayedsaad

2014-02-26 (11:39:19PM)

الاستاذ العزيز
استاذ وليد
انا متابع حضرتك وبصراحه ردك وتعليقات حضرتك مقنعه جدا ومفيده للكل
بصراحه انا دوشت اساتذه كتير ع الصفحه عشان اختار موبايل بصراحه تعبو معايا وليهم كل الشكر استاذ
محمد فؤاد وهارد تايم وزمان يا حب بس انا محرج اسلهم تانى انا النهارده لقيت موبايل شوب عامل تخفيض رهيب على الهواوى بى 6 ب2700ج ورغم امكانياته الجامده بس انا قلقان عشان التحديثات وممكن الشركه متسالش فيه بعد كده انا من هواة التصوير وحضرتك معجب ب610بس انا كنت عايز كاميرا متقلش عن 8 ميجابيكسل ومحتالر بينه وبين الجراند2 وكنت معجب بالميجا 5.8بس مستنى حضرتك تفيدنى
واسف للاطاله والسلام عليكم

waleedsunny

2014-02-26 (09:08:35AM)

امبارح اتفرجت عليه فى موبايل شوب ب 3399ج وكانوا حاطينه بجوار الجراند 1 والجراند نيو عشان يبينوا الفرق
للأسف الوكيل بتاع سامسونج هايبتدى يغلط نفس غلطة ال HTC ويعلى السعر زياده عن اللزوم وبكده هايتسبب ان الناس تروح لماركات تانيه وده فعلا اللى حاصل حاليا ماركات برده مشهوره وعالميه وامكانيات اعلى وسعر اقل بكتير
لان الجهاز لما يكون موجود فى مشاعل السعوديه ب 1250 ريال ولو قلنا الريال سوق سودا ب 2 ج يبقى الموبايل 2500ج احنا ندفع فيه هنا زياده حوالى 900ج يبقى الصح ان لازم نوصل للوكلا بتوع سامسونج رساله انهم لازم يغيروا من سياسة التسعير بالمقاطعه لمنتجات سامسونج مؤقتا حتى يشعروا بأن هناك حدود لهامش الربح
مثال بسيط انا معايا هواوى 610 وزميلى معاه اس 3 مسك الموبايل وقعد يشتغل عليه ماكنش مصدق ان موبايل ب 1450ج وبخطين بيشتغل عليه زى موبايله بدون ادنى فرق بالعكس البطارية كمان افضل وجهازه كان جايبه اول مانزل ب 4000ج وحاليا عامل 3000ج
وانا عن نفسى كنت مابشتريش غير سامسونج لكن بعد ماجربت ماركات زى الكاتيل وال جى وسونى وهواوى عرفت ان سامسونج بتضحك علينا
المفروض الموبايل ده ينزل فى التوكيل بالضمان ب 3000ج وفى المحلات ب 2700 وبضمان دولى 2500ج اكتر من كده يبقى مالوش لزمه

ahk252

2014-02-25 (02:15:25AM)

طبعا انا مجربتش ده وعندي فكرة وحشة عن الجراند عموما
ولكن الاس 3 احسن بالاضافة ان اداؤه جميل جدا علي اندرويد 4.1.2

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Grand 2

مقارنة

Android
720 x 1280 pixels, 5.25 inches (~280 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Grand 2

Android

720 x 1280 pixels, 5.25 inches (~280 ppi pixel density)

3G

8 MP, 32...