مشكلة شبكة

smaaa

2015-04-19 (10:55:23PM)

لو سمحتم هل E7 فيه مشكلة ان الشبكة ضعيفة و بيسقط شبكة فعلا؟

masteramr

2015-04-20 (06:32:37PM)

بالنسبة يا جماعة لموضوع الشبكة هو فعلا بسبب عيوب الشبكة عندنا وده مبيحصلش كتير بصراحه هو عمل معايا كده مرتين في خلال شهر كل الي عملته اني دخلت علي وضع الطيران وخرجت منه الشبكه بترجع زي الفل ..... الموبايل تحفه بجد متخفيش وهيعجبك جدا.... يعني مثلا ناس اشتكت ان البطارية بتنزل 90% بسرعه انا بقي بتنزل 80% بسرعه بس ايه الظروف بعد ال 80 بصراحه ميه ميه نت والعاب واتصال ممتاز والبطارية كويسه جدايعني تقفل يوم مرتاح شغل
واكتر من يوم واحتمال يومين وشوية اتصال

waleedsunny

2015-04-20 (06:01:51PM)

هو غريبه بصراحه معلومة ان في ناس بتشتكى من شبكة E7 بالتحديد
ماكنش الموبايل حقق المبيعات دى ولا انتشر كده
شبكات بلدنا هى اللى للاسف التغطيه فيها مختلفه على مستوى المناطق وده مش مرتبط بماركه او موديل معين

smaaa

2015-04-20 (03:10:57PM)

على كلام حضرتك دا معناه ان اى موبايل ممكن يحصله كدة لكن فى ناس بتشتكى من شبكة E7 بالتحديد .يا ترى ايه السبب؟
انا عاجبنى الموبايل جدا لكن خايفة من موضوع الشبكة دا

waleedsunny

2015-04-20 (02:14:20PM)

الاوبشن موجود جوه الضبط ثم الاكسيسورز ثم اولشن تفعيل اللوك والانلوك للجراب
بس طبعا لازم برده الجراب يكون فيه الخاصيه ديه

waleedsunny

2015-04-20 (01:51:12PM)

الجهاز فعلا بيدعم خاصيه الاس فيو كفر
لكن الجراب ده لسه مانزلش مصر اصلا
ولو لقيته هاتلاقي في حدود ٣٠٠ ج في التوكيل
وممكن بعد فتره ان شاء الله ينزل
وانا حاليا مش معايا جهاز
فا هاشوف الاوبشن بيتفعل منين مع حد من زمايلي اللي معاهم الجهاز

masteramr

2015-04-20 (12:15:58AM)

عاوزين أفادة عن موضوع s view cover

mo3tsmekramy

2015-04-19 (11:54:49PM)

استاذ وليد سؤال مهم جدا بالنسبة لي
هل الجهاز ده بيدعم s view cover زي النوت 3 وال 4 والاس 5 مثلا
اللي هو بيخلي حضرتك ممكن ترد ع المكالمة وتصور وتسمع موسيقي واوبشن تاني كتير بدون الحاجه لفتح الكفر ولا الجهاز لا يدعم الخاصية ديه لأن الصراحه اشتريت s view cover هاي كوبي ب 60 جنية وملقتش الاوبش ده خالص ولازم افتح غطاء الكفر لأرد علي المكالمات ولا لازم يكون s view cover اوريجينال اللي هو بيتباع في التوكيل فقط
وازاي انشط الاوبشن ده من الجهاز الجراند 2 مثلا كان فيه كده s view cober وبتشطها من الاعدادات. الجهاز ده ملقتش فيه كده
وآسف للأطالة

waleedsunny

2015-04-19 (11:30:27PM)

تسقيط الشبكه ده بيكون بنسبة 90% معتمد على المكان اللى حضرتك فيه
مثلا اشتريت لواحد زميلى ال E7 بيشتغل عليه في الشغل نت 3جى طلقه وسريع و100%
يروح البيت يفتح نت بالعافيه والموبايل يقطع اثناء المكالمه وهكذا
لو الجهاز فيه عيب كان بقى سىء في كل مكان
لكن لما يكون صاروخ في مكان وسىء في مكان تانى
يبقى العيب معروف
تغطيه الشبكة للمكان اللى حضرتك بتكون فيه عليها عامل كبير واساسى

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy E7

مقارنة

Android
5.5″

5.5 بوصة
3G

2G / 3G
13 MP, 4...
2950mAh

Non-removable Li-Ion 2950 mAh battery غير قابلة للازالة

مزيد من المعلومات

الموبايلات

مشكلة شبكة

التسجيل بالموقع

دخول الاعضاء

معلومات سريعة عن Samsung Galaxy E7

Android

5.5″

3G

13 MP, 4...

2950mAh