بدون عنوان

للرجوع الي صفحة سامسونج Galaxy Ace S5830 الرئيسية اضغط هنا

jimmy83

2012-04-02 (05:44:30PM)

لو ممكن تشاركوني رايكو بموضوع التحديثات الكتيرة من اندرويد وان مش كل الاجهزة مهما علي تمنها عمال تاخدها...
انا واحد من الناس منزعج من موضوع ان الجهاز بيقعدلو كام شهر بعدين بتنزل نسخة اندرويد جديدة وبلاقي انها مش حتتوفر لجهازي و بعتقد ان المفروض اندرويد تبتدي تركز فموضوع المشاكل الي الناس عمال اتواجها مع نسخ الاندرويد بتاعتها بسبب تسرعهم وانهم عايزين يخلو اجهزتنا تقدم بالطريقة دي عشان يبيعو اكتر.
مش المفروض انهم وصلو مرحلة ممتازة بغض النظر هل اندرويد الافضل ولا غيرها و لازم يبتدو يركزو ليزيدو ثبات واعتمادية النظام بتاعهم بدل ما اليوم عندنا الايس كريم وبعد كام شهر هلام الفول(دا مخصوص للشعب المصري) و بعدي فطيرة مفتاح الجير ولا مهما الاسم كان...وكل نسخة من دول حيكون فيها مشاكل وبلاوي.
فيها ايه لو خلو الايس كريم هو احدث حاجة من دلوقت لكمان سنتين وخلو جميع التحديثات مخصصة لتزيد كفائة النظام تحت اسم الايس كريم..عشان نبق كلنا عندنا ايس كريم و بنفس الوقت منغير مشاكل ولا هفوات احنا مضطرين نقلب عالنت لايام لنلاقيلها حلول.
يرحم ايام ما كان السوفتوير بيقعد سنتين وتلاتة منغير منحتاج نفكر بابديت ولا فورمات ولا ريكوفري ولو مهما عملنا بالجهاز لا بيبوظ ولا حاجة و هي البطارية الي كل كام سنة لنغيرها مرة.
--------
دي حكاية مطروحة من قبل شباب اوروبي بدعم من اجهزة حماية المستهلك و الرقابة على المواصفات بهدف يا اما اجبار اندرويد على انهم يباعدو بين فترات التحديثات لتبق اقل حاجة سنوية او اجبار الشركات على انها توفر التحديثات لكل الاجهزة الي عمرها اقل من سنتين كل التحديثات الي اندرويد بتصدرها...(نظرا لان الشركات المصنعة للاجهزة هي نفسها شريكة في تطوير اندرويد وتمتلك فيها حصص)
يعني الخلاصة انهم عايزين يوقفو الشركات دي من انها تتعمد انها تخلي اجهزتنا قديمة عشان يبيعونا اجهزة جديدة و هكذا.
فعايز لو تكرمتو اعرف ايه رايكو و هل حنفضل مستهلكين سهل التلاعب بيهم ولو تطلب الامر انضمام المستهلك العربي للتوجه دا حنكون مع التوجه دا ولا في وجهات نظر تانية.
شفت امبارح تقرير على قناة dw tv (قناة المانية شبه اخبارية على النايل سات) عن الموضوع دا و عجبتني وجهة النظر جدا و حبيت اعرضها عليكو...(مثال على ازاي بيجبرو الشركات تحترمهم كمستهلكين و بتحسبلهم الف حساب)

essamseven777

2012-04-03 (06:35:29PM)

هلام الفول حلوة اوى دى ههههههههههههههههههههههههههههههه
الاندوريد عامل زى هيونداى وكيا كل سنتين ينزلوا شكل جديد للعربية(ودى حاجة بتزعل اصحاب الشكل القديم) مع ان المفروض ان شكل العربية يبقى واحد لمدة خمس سنين
المشكلة هنا ان لو مشيوا بالاقتراح دة حيخسروا افضلية الاجهزة الجديدة فى انها حتنزل بنفس السوفت بتاع جهاز قديم يعنى مش حيبقى فى تغيير واضح يعنى حيبقى المفروض عليهم ينزلوا اجهزة اقل بكتير فى السنة وحيكون التغيير فى الهاردوير
انا معاك اوى فى ان الايس كريم المفروض يقعد سنتين او تلاتة من غير تغيير لانة دلوقتى بقى فية كتير من شياكة الاي او اس بس جوجل عمرها محتفكر تعمل حاجة زى دى الا لما تشوف الايفون5 او بالاصح الاي او اس 6 لان لو حصل تغيير كبير احسن فى الاي او اس 6 حيبقى غصب عن عين جوجل تطور فى الاندوريد والا ابل حتبقى الكل فى الكل

amirafms

2012-04-04 (09:38:43PM)

أستاذ جيمي...أنا شايفة ان حضرتك خبير في الموبايلات...يا ريت حضرتك تساعدني لأني عايزة أشتري موبايل في حدود 2500 - 3000 ومحتارة جدا بين نوعين : الويف 3 أنا عاجبني جدا بسبب شاشته وخاماته المميزة لأني بحب أوي الموبيل الأنيق وعارفة انه بادا مش أندرويد وكمان LG Optimus 3D P920 وده لأني نفسي أجرب الأندرويد بس قريت تعليقات على GSM Arena أنه الفيديو بتاعو بيفصل كل 10 ثوان هل ده صحيح؟؟؟...يا ترى مين الأفضل فيهم من ناحية كل حاجة بما انهم في نفس السعر تقريبا؟؟؟ ويا تري في موبايل تاني ممكن يكون احسن من الأتنين؟؟؟؟

essamseven777

2012-04-04 (11:53:25PM)

سونى ارك اس احسن موبيل فى رينج السعر دة

jimmy83

2012-04-06 (11:44:56AM)

انا بتفق مع عصام
الارك اس اجمل و اعلى مواصفات عند السعر دا مع اني تمنو غالي ليكون منغير ذاكرة داخلية كبيرة.
في اجهزة تانية عليها معالجات ثنائية بس بالمقابل كاميرة اقل و شاشة اقل ولاني متوقع ان حضرتك مش غاوية العاب سيارات والكلام دا فحنقول معالج عادي سريع مع كاميرة وشاشة افضل احسنلك من معالج ثنائي بكاميرة وشاشة اقل.
في عندك موتورولا اتريكس بمعالج ثنائي و ذاكرة داخلية كبيرة و خامات عالية و كاميرة 5
في عندك اتش تي سي رايم بحجم اصغر بس شكل رائع و كاميرة 5 و ذاكرة داخلية كويسة (مع انو ميستاهلش تمنو)
في عندك جالاكسي اس بلس بنفس مواصفات الويف 3 (في فرق بالخامات لمصلحة الويف) بس سعرو منطقي ومناسب وانا بميل للجهاز دا.
لو عاجبك الlg هاتي و متخافيش من موضوع التصوير(مفيش جهاز منغير عيوب وكلها مشاكل سوفتوير) سعرو كويس بالنسبة لامكانياتو.
صعب تلاقي حاجة تكون افضل بالمطلق و دول كلهم تقريبا متشابهين بالاداء و الفروق بالاحجام و الشكل و الذاكرة الداخلية و الكاميرة..
انا او مكانك حفاضل بين الارك و الجالاكسي اس بلس.
الارك شكلو تحفة فنية و شاشتو روعة و كاميرتو ممتازة خصوصا انها مش 1080
الجالاكسي ممتاز بانسبة لسعرو و الذاكرة الداخلية الكبيرة بتفيدك لو انتي فضولية و حتنزلي برامج كتير و تشوفي الاندرويد..مع انو شكلو مفيهوش اي ابداع زي اغلب اجهزة السامسونج.
---------
لو مش مقتنعة بالكلام دا والويف و الlg شايفاهم انسبلك
الويف مميز جدا شكلا واداء وانا من الناس الي مقتنعين بي جدا و بعتبرو يستاهل كل جنيه بس بالمقارنة مع الlg حيطلع خسران و مشكلة التصوير او غيرها فدي عيوب سوفتوير بالاندرويد نفسو وكل جهاز ليه مشاكل معينة ممكن تظهر و ممكن بس نسمع عنها واي واحد حيشتري جهاز اندرويد لازم يهيأ نفسو لمشاكل بالسوفتوير(مش على اندرويد بس) بس اندرويد اكتر نظام في مشاكل والناس بتصبر لانو برامج كتير ببلاش.
-------------
و بشكرك عصام على المشاركة
و مثال العربيات دا واقعي لابعد الحدود
مرسيدس و بي ام و اودي بيلتزمو بفترات معينة زي 4 او 5 سنين و الشكل تقريبا هو هو مع تعديلات طفيفة بينما فالياباني و الكوري تغيير على طول.

amirafms

2012-04-06 (06:14:39PM)

أستاذ جيمي شكرا جزيلا لحضرتك على الإجابات الوافية دي...هو الحقيقي الموضوع اتحسم لصالح الويف 3 واشتريته خلاص امبارح ومبسوطة بيه جدا جدا جدا وكويس اني اشتريته لأني ماليش في الالعاب خالص وحتى لما جربت لعبة أسفلت 6 مستحملتش وقفلتها علطول وعرفت ساعتها أني مش بتاعة أندرويد خالص...انا كان عاجبني جدا الارك اس بس بصراحة خفت اشتريه لأني عمري ما اتعاملت مع سوني اريكسون وكمان قريت على النت أراء كتير بتقول ان مواصفاته على الورق بس وملهاش علاقة بالواقع وبالنسبة للاس بلس شكله مشدنيش شكل الويف وخاماته أحلى كتير وبصراحة أول ما شفته مقدرتش اقاوم وأشوف أي حاجة غيرو...موبايل تحفة شكلا ومضمونا بمعنى الكلمة. وشكرا لحضرتك مرة تانية

تلك الخدمة مخصصة للأعضاء فقط