سعر و مواصفات Samsung Galaxy Ace 3
-
Android
Android OS, v4.2 (Jelly Bean) -
480 x 800 pixels, 4.0 inches (~233 ppi pixel density)
-
4G
2G / 3G / 4G -
5 MP, 25...
-
GB RAM
4 GB (3G) / 8 GB (LTE), 1 GB RAM -
دعم شرحتين
Dual SIM / Mini-SIM
غير متاح
تقييم المنتج
(1880 تقييم)
مواصفات Samsung Galaxy Ace 3
| المواصفات الاساسية | |
|---|---|
| الحجم | 121.2 x 62.7 x 9.8 mm (3G) / 121.2 x 62.7 x 10 mm (LTE) |
| الوزن | 115 g (3G) / 119.5 g (LTE) (4.06 oz) |
| الألوان بالأسواق | اسود |
| الشاشة | |
|---|---|
| نوع الشاشة | TFT capacitive touchscreen, 16M colors |
| مساحة الشاشة | 480 x 800 pixels, 4.0 inches (~233 ppi pixel density) |
| دعم اللمس المتعدد | لا |
| الشبكة | |
|---|---|
| دعم 2G | نعم |
| دعم 3G | نعم |
| دعم 4G-LTE | نعم |
| دعم 5G | لا |
| دعم HSCSD | لا |
| دعم EDGE | نعم |
| دعم GPRS | نعم |
| الاتصال | |
|---|---|
| دعم WLAN | Wi-Fi 802.11 b/g/n, Wi-Fi Direct, Wi-Fi hotspot |
| دعم بلوتوث | v4.0 with A2DP |
| GPS دعم | نعم |
| NFC دعم | لا |
| دعم راديو Fm | نعم |
| دعم USB | نعم |
| معلومات عن الكاميرا | |
|---|---|
| دعم الكاميرا | 5 MP, 2592x1944 pixels, autofocus, LED flash |
| دعم فلاش | نعم |
| كاميرا امامية | نعم |
| مساحة الذاكرة | |
|---|---|
| الذاكرة الخارجية | microSD, up to 64 GB |
| الذاكرة الداخلية | 4 GB (3G) / 8 GB (LTE), 1 GB RAM |
| نظام التشغيل | |
|---|---|
| نظام التشغيل | Android OS, v4.2 (Jelly Bean) |
| نوع نظام التشغيل | Android |
| CPU | Dual-core 1 GHz Cortex-A9 (3G) / Dual-core 1.2 GHz Cortex-A9 (LTE) |
| معلومات أخري | |
|---|---|
| الرسائل | SMS(threaded view), MMS, Email, Push Email, IM |
| المتصفح | HTML5 |
| الخصائص | |
|---|---|
| دعم شرحتين | نعم |
| الشريحة | Dual SIM / Mini-SIM |
| نوع النغمات | MP3, WAV |
| مخرج صوت 3.5mm jack | نعم |
| الاهتزاز | نعم |
| دعم انفراريد | لا |
| حماية بالبصمة Fingerprint | لا |
ملحوظة : لا يمكننا ان نضمن ان تكون المعلومات
في هذه الصفحه صحيحة 100%
مميزات و عيوب Samsung Galaxy Ace 3
مميزات سامسونج Galaxy Ace 3
- شاشة ذات سطوع عالي و ألوان ممتازة و زوايا الرؤية جيدة جدا
- تاتش سريع جدا و سلس
- كاميرا خلفية جيدة جدا و بها خصائص كثيرة
- كاميرا امامية جيدة جدا
- بروسيسور قوي و عالي الأداء
- 1GB RAM متاح منها حوالي 550 ميجا بايت ... و ده أكبر من الرام المتاحة في ال s3
- بلوتوث v4.0
- تصوير فيديو 720p@30fps
- سماعة المكالمات صوتها واضح و نقي جدا
- به خصائص جديدة مثل ال smart stay
- واجهة كاميرة سهلة الإستخدام
- يدعم شريحتين و يمكن إستبدال إحداهم بدون إزالة البطارية أو إعادة تشغيل الجهاز
- يدعم ميموري كارد حتى 64GB
عيوب سامسونج Galaxy Ace 3
- مساحة الشاشة صغيرة نسبيا و يوجد أجهزة أخرى بمقاس شاشة أكبر بنفس السعر و تدعم شريحتين أيضا ..... مثل alcatel OT-Scribe Easy و alcatel OT-997D و alcatel OT-Snap و samsung Galaxy Core و LG Optimus L7 II
- ذاكرة داخلية 4GB متاح منها 1.77GB فقط و هي لا تكفي للداتا الخاصة بالتطبيقات و الألعاب الكبيرة
- زجاج الشاشة غير مقاوم للخدش
- البطارية متوسطة القوة و تستمر يوم بالإستخدام المتوسط
- وضوح الشاشة في الشمس ضعيف نسبيا و أقل من شاشات LG و سوني
- يدعم فقط micro-sim و لذلك يجب قص الشريحة العادية لإدخالها في الجهاز
- غطاء الظهر غير مرن و قد يتعرض للكسر عند فتحه
أحدث موبايلات من سامسونج
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
مواضيع مميزة عن موبايل Samsung Galaxy Ace 3
مواضيع و اراء عن Samsung Galaxy Ace 3
menasabet
2013-10-11 (04:36:42PM)
ياجماعه انهي الاحسن s3 mini ولا ace 3 وليه فرق السعر كبير لصالح s3 mini هل ده معناه انها احسن من ac3 ؟؟؟؟
semsemSiR
2013-10-11 (05:36:27PM)
s3 mini افضل
Egy4Ever
2013-10-11 (09:44:03PM)
فرق السعر 300ج تقريبا مش كبير اوى
وهو زى ماقالك الاخ سمسم افضل من ace3
خصوصا فالشاشه
وهو زى ماقالك الاخ سمسم افضل من ace3
خصوصا فالشاشه
Adel farouk
2013-10-11 (12:22:01PM)
يا Egy4ever أنا بصراحه مش بيفرق معايا التوكيل أنا بتكلم في إمكانيات جهاز وسعر،وأنا ممكن أروح أي توكيل محترم ويقصر معايا عادي وإن شاء الله مش أحتاج للتوكيل خالص وبعدين تقريبا إنتا حصلت معاك مشكله فرديه مش بالضروره تحصل مع الناس كلها وبصراحه تليفونات الكاتل محترمه وأنا ماكنتش أعرف إنها محترمه إلا من كتير من الأعضاء.
Egy4Ever
2013-10-11 (09:42:12PM)
انا قولتلك على اللى حصل معايا ومع ناس صحابى "مش حاله فردية ولا حاجة"
وانا قولت مشكلته التوكيل "ع الاقل بالنسبالى" انت من شايف انها مشكله يبقى على بركة الله روح هاته وماتسالش حد بس :)
وانا قولت مشكلته التوكيل "ع الاقل بالنسبالى" انت من شايف انها مشكله يبقى على بركة الله روح هاته وماتسالش حد بس :)
Adel farouk
2013-10-11 (04:01:07AM)
ياجماعه في جهاز جامد قوي قوي إتفاجئت بيه الكاتل SNAB خلاني إتحيرت قوي قوي إمكانياته عاليه جدآ ونفس سعر الإيس تقريبا 1650ج:1750ج ياريت أهل الخبره يردو ويقولو رأيهم بحياديه رجاء؟
Egy4Ever
2013-10-11 (05:45:16AM)
بلاش الكاتيل صيانته زى الزفت مع صاحبى والله الكاتيل ستار وبيعيط منه كل شويه يوديه الضمان بتاع رزق الله ولا بيصلح ولا بيعمل اى حاجة ومن اسوء التوكيلات ف مصر وللاسف هو اللى واخد توكيل الكاتيل لوحدة , غير ان اكسسوارات غاليه بشكل مبالغ فيه , الجراب لو ب20ج يبقى فالكاتيل ب60ج او اكتر ..
mrmaxmaz
2013-10-10 (10:50:42PM)
حد يفيدنى قبل ما اتجنن .... يا جماااااااااااااااااااااااااااااااااااااااااااااااااااااااااااااااااااااااااعة عاوز اجيب موب قبل العيد و محتار بين أثنين أولهم Galaxy Ace3 ...و كارت الشاشة المدمج بة Broadcom VideoCore IV و الثانى Alcatel OT 6030D و كارت الشاشة المدمج بة PowerVR SGX531 حد ممكن يفيدنى علماً بان استهلاكى العاب ثم العاب ثم العاب ثم نت و مكالمات
Egy4Ever
2013-10-11 (05:43:16AM)
زود شويه وهات s3 مستعمل عامل تقريبا 2000ج , وانسى بقى الموبايلات دى خالص
mrmaxmaz
2013-10-11 (07:08:12AM)
شكرا ليك يا Egy4Ever بس حدودى ال 1600 و بالعافية و بصراحة كنت طمعان فى اس 2 مستعمل بس بصراحة مش لاقى على السعر ده او اقل منه بس حاله نظيفة جداً
Egy4Ever
2013-10-11 (09:40:20PM)
الشكر لله
بس s2 على حد علمى سعره فالسوق مستعمل 1000 : 1200 ج
لو انت م القاهره انزل عبدالعزيز فيه ناس كويسه هناك "مش الكل طبعا ولازم تكون مفتح اووى معاهم"
بس s2 على حد علمى سعره فالسوق مستعمل 1000 : 1200 ج
لو انت م القاهره انزل عبدالعزيز فيه ناس كويسه هناك "مش الكل طبعا ولازم تكون مفتح اووى معاهم"
loleta1
2013-10-10 (06:27:17PM)
ياجماعة بعد ازنكوا ياريت حد يرد عليا انا عاوزه اجيب قلم ينفع يتلعب بيه الالعاب فا c-pen بيتلعب بيه الالعاب زى لعبة subway وكده ولا لا وياريت حد يقولى اية احسن قلم بيتلعب بيه
mrmaxmaz
2013-10-10 (08:19:35PM)
محدش جرب طريقة القلم فى الالعاب
abdallaosamma
2013-10-10 (04:14:32PM)
من فضلكم انهي احسن في الاربعة دول
1_samsun galaxy ace 3
2_ samsung galaxy core
3_ sony xperia M
4_lg optimus l7 ll dual
من فضلك الرد
1_samsun galaxy ace 3
2_ samsung galaxy core
3_ sony xperia M
4_lg optimus l7 ll dual
من فضلك الرد
mrmaxmaz
2013-10-10 (08:16:40PM)
طبعاً بدون نقاش Xperia M و ده لينك يوضح الكلام ده .... شوف تعليق الاخ Best Answer - Chosen by Voters
aboabbas
2013-10-10 (09:17:01PM)
mrmaxmaz
مع احترامى لراى حض
مع احترامى لراى حض
aboabbas
2013-10-10 (09:18:28PM)
*حضرتك انت مجربتش سونى ....حضرتك بتقارن نظرى بس انما فعليا سونى من اسوا الموبايلات اللى ممكن تستخدمها
assassinnaser
2013-10-12 (12:22:23AM)
سونى احسن تانى شركة فى جودة التصنيع يا aboabbas هو انت بتتكلم عن اية انا معايا سونى اكسبيريا p ملوش حل و الخامات قوية جدا يستاهل تمنة فعليا سونى افضل من سامسونج و نوكيا
بمراحل الشركة الوحيده الى تفوقت عليها htc
بمراحل الشركة الوحيده الى تفوقت عليها htc
Adel farouk
2013-10-10 (03:12:13PM)
ليه مساحة الألعاب عاليه قوي كده في الأندرويد دا NFS SHEFTفي السيمبيان كانت تقريبا 270 MB علي كده الموبايل لو شال ال NFS يبقي المساحه طارت!
أحمد محمد
2013-10-10 (07:27:16PM)
لعبة NFS Shift مساحتها 85 ميجا في الأندرويد !
mrmaxmaz
2013-10-10 (08:20:30PM)
و فيه الالعاب بتبقى مسحتها 1 جيجا و فيه 850 ميجا زى لعبة اسفلت 8
bassamsanad
2013-10-10 (12:15:13PM)
تقريري المبدئي علي الجهاز ace3 وبعد مقارنة مع الألكاتيل ot-995 في نقاء الصورة والتاتش والتايبينج
========================
أولا الكاميرا .... الإتنين 5 ميجا بيكسل
المفاجأة التي أذهلتني إن كاميرا الألكاتيل مطلعة صورة أحلي ... وعملت إختبار لكذا شخص وريته الصورتين وكان بيختار الأحلي ويقوللي دي أكيد صورة السامسونج والحقيقة هي العكس تماما !!!!!
======================
ثانيا الشاشة .....
شاشة السامسونج أحلي وأنقي وفيها عوامل إبهار أكتر من الألكاتيل والتاتش أكثر سلاسة من الألكاتيل بس عموما الفرق في الوضوح مش كبير قوي في الفيديو وإستعراض الصور .....
=======================
ثالثا لوحة الكيبورد أثناء الكتابة ....
الألكاتيل يتفوق لإن كل حرف في العربي لوحده وفي سلاسة في الإنتقال بين الأحرف والأرقانم والعلامات والإيموشنز ....السامسونج رخم في موضوع إن في حروف مشتركة .... بمعني إن الراء والزين مع بعض والعين والغين مع بعض والصاد والضاد مع بعض والجيم والحاء مع بعض وده شئ رخم جدا من وجهة نظري في أثناء الشات ...ده غير إن مساحة الحروف صغيرة جدا وكتير بتغلط في الحروف ..... الألكاتيل الصراحة عملي أكتر في الكتابة ..... مع ملاحظة إن شاشة الألكاتيل أكبر بحاجة بسيطة .....4.3 إنش مقابل 4 إنش للسامسونج !!!!!
================
رابعا ..... التقفيل والجودة
السامسونج طبعا يتفوق في الشكل والتقفيل والجودة .... الألكاتيل لقيت فروق بين الشاشة والبودي أو الشاسيه وفي نور باين من ضهر الشاشة !!!!!!! أنا الصراحة مش عارف الألكاتيل كله كده ولا الموبايل اللي معايا فيه عيب صناعة !!!!!!!!
==========================
بخصوص البطارية بقي فدي صعب أحكم عليها دلوقتي لإني لسة مشتغلتش عليه العاب ونت بس عموما هو قعد معايا يوم ونص مع الإستخدام المتوسط بدون إجراء مكالمات علي شحنة المصنع
================
دي الملاحظات الأولية علي الموبايل .... بالنسبة لإجراء المكالمات بقي ولاكلام ده فأنا لسة مركبتش الشريحة .....
================
بصراحة الواحد ندمان إنه جاب موبايل 4 بوصة .....
========================
أولا الكاميرا .... الإتنين 5 ميجا بيكسل
المفاجأة التي أذهلتني إن كاميرا الألكاتيل مطلعة صورة أحلي ... وعملت إختبار لكذا شخص وريته الصورتين وكان بيختار الأحلي ويقوللي دي أكيد صورة السامسونج والحقيقة هي العكس تماما !!!!!
======================
ثانيا الشاشة .....
شاشة السامسونج أحلي وأنقي وفيها عوامل إبهار أكتر من الألكاتيل والتاتش أكثر سلاسة من الألكاتيل بس عموما الفرق في الوضوح مش كبير قوي في الفيديو وإستعراض الصور .....
=======================
ثالثا لوحة الكيبورد أثناء الكتابة ....
الألكاتيل يتفوق لإن كل حرف في العربي لوحده وفي سلاسة في الإنتقال بين الأحرف والأرقانم والعلامات والإيموشنز ....السامسونج رخم في موضوع إن في حروف مشتركة .... بمعني إن الراء والزين مع بعض والعين والغين مع بعض والصاد والضاد مع بعض والجيم والحاء مع بعض وده شئ رخم جدا من وجهة نظري في أثناء الشات ...ده غير إن مساحة الحروف صغيرة جدا وكتير بتغلط في الحروف ..... الألكاتيل الصراحة عملي أكتر في الكتابة ..... مع ملاحظة إن شاشة الألكاتيل أكبر بحاجة بسيطة .....4.3 إنش مقابل 4 إنش للسامسونج !!!!!
================
رابعا ..... التقفيل والجودة
السامسونج طبعا يتفوق في الشكل والتقفيل والجودة .... الألكاتيل لقيت فروق بين الشاشة والبودي أو الشاسيه وفي نور باين من ضهر الشاشة !!!!!!! أنا الصراحة مش عارف الألكاتيل كله كده ولا الموبايل اللي معايا فيه عيب صناعة !!!!!!!!
==========================
بخصوص البطارية بقي فدي صعب أحكم عليها دلوقتي لإني لسة مشتغلتش عليه العاب ونت بس عموما هو قعد معايا يوم ونص مع الإستخدام المتوسط بدون إجراء مكالمات علي شحنة المصنع
================
دي الملاحظات الأولية علي الموبايل .... بالنسبة لإجراء المكالمات بقي ولاكلام ده فأنا لسة مركبتش الشريحة .....
================
بصراحة الواحد ندمان إنه جاب موبايل 4 بوصة .....
أحمد محمد
2013-10-10 (01:12:35PM)
شكرا على تقريرك المفيد ده
و ياريت تقرأ المميزات و العيوب بتاعة الجهاز ....... إضغط على كلمة مميزات و عيوب فوق
أنا كتبتها من أسبوع تقريبا بناء على كلام الأعضاء المميزين semsemSIR و Egy4Ever
ياريت تقرأها و لو في حاجة عاوز تضيفها أو تشيلها إبعتهالي في رسالة
و ياريت تقرأ المميزات و العيوب بتاعة الجهاز ....... إضغط على كلمة مميزات و عيوب فوق
أنا كتبتها من أسبوع تقريبا بناء على كلام الأعضاء المميزين semsemSIR و Egy4Ever
ياريت تقرأها و لو في حاجة عاوز تضيفها أو تشيلها إبعتهالي في رسالة
semsemSiR
2013-10-10 (02:22:00PM)
شوف انا بكتب فى ال ACE 3 ماشاء الله بدون مشاكل , وزى الفل وشاشتة كبييرة وخطها جميل وواضح
الكاميرا كويسة جداااااا بالنهار , لكن بالليل بتقل الجودة ودة طبعا عشان مافيس SENSORS فى الكاميرا تعالج ضعف الضوء
الفرق كبير وملحوظ جداا مابين شاشة السامسونج وشاشة الاكاتيل انا شوفت الشاشتين بنفسى وكانت شاشة 997D
والموبايل 4 بوصة انسب تليفون فى الحجم , الا بقى لو انت متعود على الشاشات الكبيرة فطبعا هتحس ان اى موبايل تانى صغير جداااا
الكاميرا كويسة جداااااا بالنهار , لكن بالليل بتقل الجودة ودة طبعا عشان مافيس SENSORS فى الكاميرا تعالج ضعف الضوء
الفرق كبير وملحوظ جداا مابين شاشة السامسونج وشاشة الاكاتيل انا شوفت الشاشتين بنفسى وكانت شاشة 997D
والموبايل 4 بوصة انسب تليفون فى الحجم , الا بقى لو انت متعود على الشاشات الكبيرة فطبعا هتحس ان اى موبايل تانى صغير جداااا
bassamsanad
2013-10-10 (05:15:34PM)
الأخ semsemSIR بالنسبة للكاميرا فأنا صورت بالموبايلين في نفس ظروف الإضاءة ونفس المشهد وأنا لحد دلوقتي مندهش إزاي كاميرا الألكاتيل تدي صورة أحلي من السامسونج وكنت بوري الصورتين لأصحابي بدون معرفهم أنهي صورة لأي موبايل وأسألهم أنهي أفضل فيختاروا صورة الألكاتيل .... للأسف واضح إن كل الشركات بقت زي عض بس الناس بتحب السامسونج عشان إسمه وشكله .....أنا سمعت إن هاواوي وZTE منزلين شغل جامد جدا بس مشكلتهم في الإسم والتوكيل ....
mrmaxmaz
2013-10-10 (08:23:24PM)
بالنسبة للمستهلك المصري :
لو قولتلك إشتري موبايل إمكانياته كويسة و تصنيعه ممتاز و شكله شيك ... إسمه TCL صيني .... مش هترضي تشتريه
إنما نفس الموبايل ... لو شالوا من عليه كلمة TCL ... و قالولك أنه ألكاتيل فرنساوي و متصنع في الصين ... هتشتريه.
و ده اللي عملته شركة TCL الصينية ... إشترت إسم ألكاتيل و بقت تحطه علي الموبايلات اللي بتصدرها للشرق الأوسط و أمريكا.
و ده نفس التفكير اللي بتفكره هواوي و ZTE ... أنهم يشتروا ماركة زي HTC أو بلاك بيري .... عشان الناس تتشجع تشتري تليفوناتهم.
لو قولتلك إشتري موبايل إمكانياته كويسة و تصنيعه ممتاز و شكله شيك ... إسمه TCL صيني .... مش هترضي تشتريه
إنما نفس الموبايل ... لو شالوا من عليه كلمة TCL ... و قالولك أنه ألكاتيل فرنساوي و متصنع في الصين ... هتشتريه.
و ده اللي عملته شركة TCL الصينية ... إشترت إسم ألكاتيل و بقت تحطه علي الموبايلات اللي بتصدرها للشرق الأوسط و أمريكا.
و ده نفس التفكير اللي بتفكره هواوي و ZTE ... أنهم يشتروا ماركة زي HTC أو بلاك بيري .... عشان الناس تتشجع تشتري تليفوناتهم.
Adel farouk
2013-10-10 (03:03:44AM)
لوسمحتم ياجماعه إللي معاكم الجهاز،لو مشغل شريحه للنت التانيه هتبقي شغاله ولا هتقف لأني هكون دايمآ علي النت وهل الشريحتين 3G،في حاجه كمان بقي عايز أعرفها مساحة لعبة سب واي كام،وجاتا،ونيد فور سبيد شيفت؟
semsemSiR
2013-10-10 (03:44:27AM)
شغالة عادى انت بس فعل الشريحتين من ال sim managment وشكرا على كدة وطبعا الاتنين 3g
مساحة لعبة supway 27 mega
shift تقريبا بال data files , 1.3 giga
مساحة لعبة supway 27 mega
shift تقريبا بال data files , 1.3 giga
bassamsanad
2013-10-10 (01:57:26AM)
ياريت ياجماعة حد يفيدني في موضوع قص الشريحة أقصها ولا أجيب شريحة جديدة من فودافون .... الصراحة أنا مستخسر ال60ج اللي هدفعهم في فودافون عشان أنا هقص شريحتين .... وفي نفس الوقت ناس قالولي القص بيبوظ الشريحة .... هو في فرق بين الميكرو والميني ولا إيه بالضيط .... عشان اللي فهمته إن في كذا شريحة خصوصا للأيفون 4 والأيفون 5
semsemSiR
2013-10-10 (03:54:54AM)
روح قصها , مابتاخدش ثانية بالظبط , بمكنة بتتقص على قد ال Slot بتاع التليفون وبتركب بدون ادنى مشكلة
ياباشا فية مكنة دلوقتى عاملة زى العصارة كدة , بتحط الشريحة فيها , وتضغط , تتقص وتتطلع الجزء اللى اتقص معاها , عشان لو عايز تركبها فى موبايل mini-sim
اهم حاجة يكون بالمكنة دية
ياباشا فية مكنة دلوقتى عاملة زى العصارة كدة , بتحط الشريحة فيها , وتضغط , تتقص وتتطلع الجزء اللى اتقص معاها , عشان لو عايز تركبها فى موبايل mini-sim
اهم حاجة يكون بالمكنة دية
أحمد محمد
2013-10-10 (04:06:02AM)
أنا قصيت الشريحة عشان أحطها في ال s3 ...................ب 5 جنيييه
روح أي محل هيقصهالك .... بحاجة شبه الدباسة بتاعه الورق كده
و إحتفظ بالجزء اللي هيتقطع عشان ممكن تحتاجه بعد كده زي ما أستاذ سامح قاللك
روح أي محل هيقصهالك .... بحاجة شبه الدباسة بتاعه الورق كده
و إحتفظ بالجزء اللي هيتقطع عشان ممكن تحتاجه بعد كده زي ما أستاذ سامح قاللك
Egy4Ever
2013-10-10 (07:42:29AM)
المفروض المحل اللى اشترت منه الموبايل عنده القصافه دى وهى شبهه الدباسه بالظبط بتاعت الورق وماكنتش هتدفع تعريفه , المهم ممكن تقصها دلوقت وزى ما الاخوه قالو احتفظ بالجزء اللى هيتقص عشان لو حبيت تستخدم الشريحه فاى موبايل تانى , ولو هتقص الشريحتين ادى الراجل 2ج يبقى فل اووى القصافه دى اصلا سعرها 12ج
أحمد محمد
2013-10-10 (08:21:51AM)
يا نهار أسود !!!
يعني أنا إتضحك عليا ف 3 جنيه !
يعني أنا إتضحك عليا ف 3 جنيه !
يوجد المزيد من الردود, شاهد
جميع الردود