بدون عنوان

للرجوع الي صفحة سامسونج Galaxy Ace 3 الرئيسية اضغط هنا

maxmono

2014-02-11 (10:36:49PM)

لو سمحت معايا 1000 ~ 1400 جنيه عايز جهاز حلو يمشي معايا في الرينج ده و بستخدم جيمز و فيديوهات بس :)

hardtime

2014-02-11 (10:56:15PM)

maxmono
مش قدامك يابشا غير انك تجيب
samsung s dous 7582
lg l7 l710
بس لازم تخف من الالعاب شوية لان سورى يعنى ياباشا فلوسك متجبشى احسن من الاتنين فون دوول
تقبل تحياتى........

maxmono

2014-02-11 (11:07:12PM)

hardtime شكرا علي ردك

انا مش بستخدم جيمز تقيلة بس كتيرة يعني Subway و تيمبل رن و الحاجات ديه :D و لو قدرت ازود الفلوس 100 أو 200 اقدر اجيب حاجة احسن ؟

hardtime

2014-02-11 (11:13:37PM)

لا خلاص ياباشا هات واحد من الاتنين اللى قولت ليك عليهم
هيبقوا تمام اوى مش هتحتاج حاجة اعلى توكل على الله

maxmono

2014-02-11 (11:55:49PM)

طيب انا قدامي واحد samsung s dous 7582 مضمون 100 % من حد حبيبي يعني استعمال اسبوع واحد و هاخده علي 950 عشان هو هيجيب S4 ان شاء الله

المهم انا كنت صراحة بفكر في Samsung Ace 3 فا فرق الامكانيات بين الجهازين يستاهل فرق السعر اللي ممكن يعمل 600 جنيه مثلا ؟

معلش استفساراتي كتير بس بنستفيد من خبرتك في الموضوع :) و شكرا لأهتمامك

hardtime

2014-02-11 (11:58:46PM)

باشا ace 3
موبيل فاشل اتمنى تكون وصلت

eltamimi

2014-02-12 (12:45:54PM)

hardtime

حضرتك بتقول على ac3 فاشل ليه !

حضرتك استخدمته قبل كدا ؟

ace3 جيد جدا كشاشه وحجم وصوت جيد جدا وسوفت وير 4.2 ورام 1 جيجا وبتفرق بعد فتره من استخدامك للموبايل ليصبح سلس وميهنجش

ويعيبه المساحه الداخليه و الكاميرا فقط :)

semsemSiR

2014-02-12 (12:57:21PM)

على فكرة يا hard time , معلش انا عندى تحفظ على كلمة فاشل لل Ace 3

الموبايل دة ممتاز جداااااااااااااااااااااااااااااا

شاشة روعة - تاتش رائع - صوت كويس جدا - احدث اندوريد 4.2 - كاميرا جميلة جداا وفية خصائص كتير جداا - شبكة قوية جداا - بطارية كويسة جدا لو استهلاك بدون نت - اوبشن كتير - مافيش تهنيج نهائى ولا مرة واحدة هنج - وايرلس ممتاز وقوى وسرعة تحميل محترمة - رامات الصافى بتاعها 880 ميجا والمستخدم مش بيزيد عن 550 ميجا , وكل دة ب 1550 جنية

يبقى فاشل لية بقى ياباشا

hardtime

2014-02-12 (03:02:39PM)

eltamimi
semsemSiR
اسمححولى فى الاول ان اقدم ليكم التحية على نقدكم البنا
اقولكم لية انا مش عجبنى ace 3
1-كاميرا صورتها على قدها جدا والموضوع مش موضوع اوبشن يا عم سمسم
والدليل كاميرة ال htc
2-بطارية بتقعد فى المكالمات 8 ساعات متخيل ممكن تقعد اية لو هتستخدمها نت او فيدوهات او الالعاب ومعتقدشى يا عم سمسم اى حد معاة اسمارت فون مش هيخش بية على النت
3-كارت شاشة متواضع جدا ودة بيخلى لما تيجى تلعب بعض الالعاب التقيلة معا الرسيسور المتواضع ايضا ان الجهاز يهنج ويرستر
4-نوع الشاشة ازاى الفل ياباشا لما يكون الشاشة نوعها tft
حضرتك جربت السوبر اموليد او IPS LCD capacitive touchscreen
بعد كل العيوب دى ياباشا تقدر تقولى الموبيل دة ممكن تسمية اية
الناس كلها عارفة انى من عشاق سامسونج بس بصراحة مقدرشى اخالف ضميرى
واقول مثلا الايس 3 والجراند 1 والميجا 5.8 زى الفل
اتمنى تكون رسالتى وصلت ومرة تانية تحياتى ليكم اخواتى الاعزاء

youssefshabana

2014-02-12 (04:03:08PM)

شوف يا استاذ maxmono احسن جهاز بالسعر ده هوا s duos 2 s7582 عامل حوالي 1350 جنيه واحسن من ace 3

hardtime

2014-02-12 (04:05:19PM)

youssefshabana
تسلم يا يوسف بية
شوفت يا عم سمسم حتى يوسف من راى انا كمان جاى معانا بقى ولا هتستنى القطار الىل جاى:))

eltamimi

2014-02-12 (05:22:14PM)

أخى الكريم hardtime أنا بحترم راى حضرتك :)

1- نوع الشاشه فى ace3 نفس الموجود فى Galaxy Core و Galaxy Win :)

2- بخصوص البطاريه كل الموبايلات الاندرويد تعانى من قوة البطاريه :)

3- انا قلت ان الكاميرا فى ace 3 ليست جيده

4- نوع الكارت الشاشه ليس جيد لحسب سعره

5- الرامات فى ace 3 1 جيجا هتفرق فيما بعد عن اى موبايل اخر رامات اقل من 1 جيجا

وبالتوفيق اخى الكريم :)

maxmono

2014-02-13 (03:12:51AM)

انتو كدا بتحيروني اكتر طب انا دلوقتي في ايدي اجيب الاتنين اجيب انهي واحد فيهم ؟ :) و عايز اعرف الفرق في كروت الشاشة

maxmono

2014-02-13 (03:16:22AM)

+ Hardtime

كل العيوب اللي قلتها موجودة في الـ Ace 3 و الس ديوس في نفس الوقت ليه بقي الاس ديوس احسن من وجهة نظرك

semsemSiR

2014-02-13 (12:05:45PM)

hard time

هههههههههه , لأ ياباشا مش جاى معاكوا فى القطار

ولاسباب عملية ( لان الجهازين مع اصحابى ) وعارف الفرق مابينهم كويس

وهقولك حاجة دية مقارنة فعلية مابين الاتنين

1- الحجم والشكل : الاتنين واحد وقريبين جدا فى الشكل

2- الشاشة : شاشة ال Ace 3 افضل سنة بسيطة اضاءتها اقوى شوية

3- الكاميرا : ال Ace 3 افضل من ال S duos 2 وكمان الاوبشن اكتر منها دة كفاية ان ال S duos 2 مافيش Smile detection , face detection دة غير بقية الاوبشن اللى موجودة فى ال Ace 3 ومش موجودة فى ال S duos 2

4- الصوت : الاتنين قريبين من بعض جداا

5- السرعة : طبعا الجهازين مش بياخدوا الالعاب اللى مساحتها بتزيد عن 1.6 جيجا , فكل الالعاب اللى متجربة عليهم , الاتنين بيشغلوها بنفس الكفاءة والسرعة يعنى مثال بسيط

تم فتح لعبة supway نفس الاصدار مع بعض , الاتنين اشتغلوا مع بعض تقريبا

6- الرامات : ال Ace يتفوق فى الرامات : 880 ميجا صافى الرامات والمستخدم لا يزيد عن 600 ميجا فى اقصى الاحوال

لكن ال s duos الصافى بتاعة حوالى 724 ميجا

7- فية بقى حاجات محدش يعرفها لانكوا بتحكموا على التليفون من خلال العمليات النظرية فقط

* ال S duos 2 يفتقد الى الاتى :

1- مافيش light sensors

2- التليفون مش بيقرى امتداد كتير مثلا ال 3gp مش بيقراها وغيرها بس دية اللى جربناها

3- اوبشن كتير مش موجود فى ال S duos 2 وموجود فى ال Ace 3

4- السرعة تم اختبار الجهازين على برنامح bench mark

ال Ace 3 : جاب رقم 10700 , وال sduos2 جاب 11200

يعنى فرق لا يذكر عادى جداا

5- الكاميرا الامامية فى ال s duos 2 ضايعة وحشة جدا , لكن فى ال ace 3 احسن منها

6- البطارية فى ال ace 3 اقوى من ال s duos 2

7- ace 3 ارفع واخف

كل دة وتقولى ال s duos 2 افضل

AshrafAshry

2014-02-14 (06:18:16AM)

الايس 3 مش فاشل الموبايل الفاشل الكور الايس سرى محترم بس الافضل الاس ثرى ميني

medo3000

2014-02-16 (03:30:17PM)

@semsemSiR على فكرة الاوبش بتاع الكاميرا بتاع S DUOS 2 هو هو زي ACE 3 ومفيش فرق و الاتنين مفهومش Smile detection ولا face detection زي ما انت بتقول والبطارية بتاعت ACE 3 ولا اقوي ولا حاجة من S DUOS 2 هي هي نفس البطارية والاتنين مفهومش Light Sensor مش ال S DUOS 2 بس , وحضرتك بتقول ان ال ACE 3 فيه اوبش كتير عن زي S DUOS 2 زي ايه مثلا؟ , هو الفرق الوحيد ان ال ACE 3 فيه خاصية ال SMART STAY وديه مش موجودة في ال S DUOS 2 وانا شايفها خاصية ملهاش لزمة, وكلامي ده عن تجربة لان انا معاية S DUOS 2 واخوية معاه ACE 3

تلك الخدمة مخصصة للأعضاء فقط