Galaxy Ace 3 بدون عنوان -145728

merobig

2013-09-01 (12:41:48AM)

انت مردتش عليا استفسارى بشكل كامل يا ahmedaliyossef2010
:(

ahmedaliyossef2010

2013-08-31 (10:09:17PM)

حضرتك برضه مصر تدخل نوع الشاشة في مميزات الاس 3 ميني

طيب أنا هجيبلك دلائل على كلامي في موضوع الشاشة
شوف الفيديو ده عند 5:24 و كمل شوية هتشوف أنا أقصد ايه مع العلم ان دول أجهزة عالية في الامكانيات

.دي مقارنة بين شاشتي الاس 3 و النوت 2 الاتنين أموليد لكن الاس 3 البكسل بيتكون من 2 بكسل صغيرين و النوت 2 من 3 مع ان كثافة البكسلات أكبر للاس 3 الا انهم قالوا ان النوت 2 شاشته أوضح

بالنسبة لباق الفروقات زي الذاكرة الداخلية و دي أنا معاك فيها و مدي الواي فاي معاك مع اني مش شايف أهمية كبيرة ليها يعني "على الأقل بالنسبة لي أنا "

التحديث لحد دلوقتي لسة منزلش يعني على الأقل فيها شهرين على بال ما ينزل و ممكن أكتر بس برضه ميمنعش ان الاس 3 ميني هيتحدث و يبقى زية و علشان كدة أنا ماأكدتش عليها
لكن برضه أهم فرق في الايس 3 هو الشريحتين

يعني المقارنة دلوقتي الذاكرة الداخلية الأكبر و الفرق البسيط في البطارية في مقابل الشريحتين مع فرق السعر 500 جنيه
لو قلنا ان مدي الواي فاي هتروح كميزة مع النظام الأحدث على الأقل في الوقت الحالي

أنا عن نفسي أختار الايس 3 ^_^

تاني حاجة موضوع اكسبيريا ال شوف نتائج البنش ماركس ليه هتلاقيها أعلى بكتيير و من معمارية أحدث مستخدمة في بعض أجهزة الويندوز فون اللي محصلش فيها مشاكل مع وجود أدرينو 305 اللي هو أقوى من mali 400 المتواجد في الاس 3 ميني و تقدر تتأكد من هنا

و الدليل على موضوع الكلام العملي ده انك لو دخلت على تعليقات الناس و مراجعة اكسبيريا ال على GSMArena هتلاقي ان مفيش أي حد قال تهنيج
بالاضافة ان سوني في الفترة الأخير عملت تحسينات في واجهة المستخدم بالنسبة لموضوع التهنيج ده

و آخر حاجة علشان كتوضيح لموضوع الاسود ده افتح التليفزيون لو اللي عندك ال سي دي و هات قناة مقفولة و شوف الأسود ده 100% يعني كأن التليفزيون مقفول و لا في زي اضاءة خلفية كدة ؟

ArchieDeacon

2013-08-31 (09:05:57PM)

أولا ربنا معاك وتتطلع من الثانوية العامة على خير وتحصل على مجموع كبير يحقق هدفك .، ثانيا الأس ثرى مينى كده كده هياخد آخر تحديث زى ال Ace اللى هو 4,2,2 ده من جهة التحديث .، ثالثا فيه داعى للمقارنة أدينا بنفيد الاعضاء وبنتناقش ونفهم من بعض حاجات مش هانخسر حاجة .. أنما بالنسبة لفرق السعر فانا شايف أن الذاكرة الداخلية ونوع الشاشة ومدى الواى فاى وجودة البطارية دول مش كتير عليهم الفرق ( 500 جنيه ) وبالنسبة لموضوع الشاشة أنا اللى مش فاهم كلام حضرتك من جهة الأبيض والأسود فى الأموليد .. لأن انا موبايلى لونه ابيض والشاشة قمة فى الروعة والجمال .، فأنا فهمت فى التعليق السابق أن اللون ده لون الكفر الخارجى ( جسم الموبايل ) مالوش دعوة بالشاشة ولو عند حضرتك وجهة نظر تانية أحب أعرفها لأستفيد .. لأنى مش فاهم حضرتك بتتكلم على أيه بالظبط ده غير انى أول مرة أسمع الكلام ده من حضرتك بخصوص الشاشات الأموليد .. وبالنسبة لموضوع السونى L أنه أرخص .. أقول لحضرتك على حاجة انا استخدمت أكثر من موبايل سونى قبل كدة ومرتاحتش فيهم خالص ( فمعتش باخد بالكلام على الورق ) يعنى تقولى معالج أيه ؟ وكاميرا أيه ؟ وبعد كدة آجى للأستخدام الفعلى آلاقى الدعم ( سورى فى الكلمة ) زبالة وكثرة حدوث ال Lag وكدة .. وده بيرجع ألى أنه بيقلل الكاش بتاع البروسيسور ويبقى معملناش حاجة .، بس دى وجهة نظرى وتحياتى ليك ...............

ahmedaliyossef2010

2013-08-31 (04:22:16PM)

أول حاجة بعتذر عن التأخير في الرد لأني ان شاء الله داخل ثانوية عامة فدخولي على الموقع هيقل كتير

تاني حاجة
ردا على الأستاذ ArchieDeacon

الأستاذ تعليقه بسيط جدا قال فيه الايس 3 أحسن في التصميم و دي حاجة ترجعله و نظرا لفرق السعر يعني التعليق واضح جدا مجابش سيرة مين أحسن في الامكانيات هو قال نظرا لفرق السعر و فرق 500 جنيه ده ممكن تجيب بيه كاميرا ديجيتال جنب الموبايل مش حاجة قليلة

نيجي للفروقات و لو اني شايف ان مفيش داعي للمقارنة بينهم

ايس 3 أحسن في نظام التشغيل و بواجهة تحديث أحدث من سام مع بعض الاضافات من الاس 4
و الفرق الأهم انه بشريحتين و أعتقد دي أكبر ميزة للايس 3

الاس 3 ميني بيتفوق ممكن في البطارية و معاك انه بيتفوق في الذاكرة الداخلية لكن أنا مش شايف ان الحاجات دي تخلي فرق السعر يوصل ل500 جنيه

مع العلم ان المعالجات متقاربة " معالج الاس 3 ميني من ST-ericsson و الايس 3 من Broadcom "
لو في فرق هيبقى مش ملحوظ و حتى الأستاذ ask82 قال ان مفيهوش تهنيج يعني يمشي تمام

الشاشة الأموليد معروف ان ألوانها بتمتاز/بيعيبها الألوان مكن تعتبرها زاهية و غيرك يعتبرها فاقعة
لكن نقطة الأبيض و الاسود مش فاهم رأي حضرتك فيها غريب شوية

الأموليد علشان تنتج اللون الأسود بتلجأ لانها تطفي البكسل نفسه و ده بيخيها توفر الكهرباء في الألوان الغامقة و الأسود هتشوفه أسود لكن مع الألوان الفاتحة بتسحب طاقة أكتر و كمان سطوعها مش عالي " اللي في موبايلات سامسونج بالخصوص " فده بيأدي ان اللون الأبيض مش هيبقى ناصع زي ال سي دي

ال سي دي بتخفض الاضاءة الخلفية على قدر الامكان يعني في الموبايلات المتقدمة بيحاولوا بقدر الامكان انها تشبه الأسود بس أكيد لحد دلوقتي مش بقدرة الأموليدبالنسبة للاسود

و ليها عيب قولته في ردي اللي فات

بس يعني الموضوع في المقارنة بينهم ليه تدفع زيادة 500 جنيه لما ممكن تجيب حاجة أرخص و بتدي آداء مقارب جدا

الدليل على ان الاس 3 ميني مغالى فيه وجود موبايل سوني Xperia L بسعر أرخص منه " 2190 " و بمعالج من كوالكوم من النوع s4 pro يعني أقوى بكتير من الاس 3 ميني و بيقبل سرعة على ال3 جي أعلى و كاميرا 8 و شاشة أكبر و كل ده أرخص -_-

ArchieDeacon

2013-08-30 (08:03:42PM)

أستاذ ahmedaliyossef2010 أنا مع حضرتك أن فرق السعر مش قليل .، وأنه مهم ويجب أن يوضع فى الاعتبار بس أنا فهمت من تعليق أستاذ ask80 أنه بيتكلم عن أفضلية Ace 3 على الأس ثرى مينى فى الشكل والتصميم والأمكانيات وأنا معاك أن الفرق مش كبير بس كوجه عام أنا من رأى الأس ثرى مينى يكسب .، ويليه ال Ace 3 وده كمان غير البطارية أنا عارف أنها متساوية ولكنها أفضل فى المينى مثلا زى بطارية الأس أدفانس هى تعتبر أفضل من المينى مع أنها زى اللى فى المينى تماما .. ده غير الذاكرة الداخلية حاجة مهمة مينفعش نهرب منها وكمان مدى الواى فاى .. بس أنا مش عارف ازاى الشاشة الأموليد أحلى فى الأسود عن الأبيض اللون ده بيبقى لون الكفر الخارجى ملوش دعوة بالشاشة .. وتحياتى .......

merobig

2013-08-30 (06:23:55PM)

شكرا ahmedaliyossef2010
بس ممكن للناس اللى تعتبر بتتعامل مع السمارت فون عموما و الاندرويد خصوصا متعرفش ايه الفرق بين الشاشة الاموليد والشاشة السوبرالاوليد والشاشة ال TFT والشاشة IPS LCD والشاشة Super LCD2 مثلا زى اللى موجوده فى أتش تي سي Desire 600 dual sim
فياريت حضرتك توضح ايه الفروق بينهم ؟ وايهم اقل استهلاكا لطاقة البطارية ؟

drahmd

2013-08-30 (02:08:54PM)

أنا فعلاُ كنت هشتري الاس 3 ميني بس فيه ظروف منعتني
ولما نزل الايس 3 لقيته ممتاز وكمان فرق 500 جنيه و دا فرق مش شويه
ولو اخذت في الاعتبار السعر هتلاقي الايس 3 افضل
وعلي فكرة الشاشة الاموليد فعلا مش حاجة فظيعة يعني
انا شفتها و الوانها فعلا تقيلة وفاقعة
لكن ال lcd الوانها طبيعية و في النهاية هي مسألة أذواق

ahmedaliyossef2010

2013-08-29 (11:09:12PM)

هي مش عيوب بالمعنى الصريح تعتبر نواقص

بمعنى مثلا ان الشاشات الأموليد تكلفة تصنيعها غالية علشان كدة في موبايل يعتبر متوسط الامكانات في الوقت الحالي زي الاس 3 بيلجأوا لاستخدام تقنية قديمة اللي بتعرف بpentile Matrixيعني كل بكسل بيتكون من 2 بكسلات صغيرة " مصطلح لتسهيل الفهم " بدل 3 زي ما في الشاشات اللي من النوع ال سي دي فأكيد ده هيقلل من الوضوح

تاني حاجة هي الألوان بس دي متعتبرش عيب على قد ما تعتبر تفضيلات ان الألوان بتاعتها تعتبر أتقل من الألوان الطبيعية يعني بتلجأ لان الصورة تبقى ألوانها حاجة قريبة من فاقعة أو بطريقة تانية زاهية الكلمتين ليهم معنى مختلف علشان كدة بقولك هي أذواق لو بتحب الصورة تبقى ألوانها أتقل كدة هتقول عليها زاهية لو بتحب الصورة طبيعية هتقول فاقعة :) و الأموليد بتتميز باللون الأسود 100% لكن على الجانب الآخر الأبيض سئ و تلاحظ الفرق مع المقارنة بشاشات تانية

merobig

2013-08-29 (10:04:55PM)

ahmedaliyossef2010

لو سمحت ايه هيا عيوب الشاشة الاموليد ؟

ahmedaliyossef2010

2013-08-29 (06:44:26PM)

أستاذ ArchieDeacon

الأستاذ قالك لوو حطينا عامل السعر في المقارنة الايس 3

خد بالك ان الايس 3 جاي بنظام أحدث و بواجهة مستخدم أحدث من سامسونج و انه بشريحتين لو عملنا مقارنة و حطينا عامل السعر الايس 3 يتفوق مع انك تاخد في بالك ان المعالج مش ضعيف هو أداؤه مقارب و فرق السعر مش قليل ده فرق 500 جنيه

و الشاشة مش وحشة نفس الريزوليوشن بنوع شاشة مختلفة مش معنى انها مش أموليد انها وحشة -_- الأموليد ليها عيوب برضه

ArchieDeacon

2013-08-28 (08:28:46PM)

يا رااااااجل انت بتقول أيه ؟ أزاى يعنى أفضل .. أمال الشاشة السوبر أمولد تبقى أيه والواى فاى الثنائى التردد والذاكرة الداخلية ال 8 جيجا كل دول لصالح الأس ثرى مينى يبقوا أيه .. محطتهمش فى المقارنة ليه ؟ ده غير أنه بطاريته أفضل وال Gpu أفضل .. أصل سامسونج دى شركة عملاقة فى التفكير وكمان فى تسويق المنتاجات .، فهى لو شايفة أنه أفضل كانت على الأقل جعلت سعره أغلى أو حتى زيه مش أقلللل ...........

ask82

2013-08-28 (06:04:14PM)

ACE 3 كتصميم و نظرا لفرق السعر.

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Ace 3

Android

480 x 800 pixels, 4.0 inches (~233 ppi pixel density)

3G

5 MP, 25...