هذا الموضوع مرتبط بـ Optimus L3 II Daul E435

بدون عنوان

Elbahrawy2013

2013-10-05 (02:49:44AM)

السلام عليكم
ده اول تعليق ليا على الموقع :) الى جززبنى للموقع الرائع ده الاعضاء وتفاعلهم مع بعض وياريت تقبلونى صديق لكم .
انا ناوى ان شاء الله الفترة القصيرة الى جايه دى اشترى موبايل بس محتار جدااااااااااااا بين
Samsung Galaxy young s6310 و ال جي Optimus L3 II Daul E435
ياريت الاجابات تكون عن تجربة

ArchieDeacon

2013-10-12 (10:06:36AM)

مفيش تقل ولا حاجة .. الحكاية كلها أنك قلقان وأنا عاوز أريحك مش أكتر
مين قال أن LG مش ماركة مشهورة وما بتعش ؟
( LG ) أنا جربتها فى موبايلات وشاشات كمبيوتر وتلفزيونات وكل حاجة شركة كورية برده زى سامسونج وممتازة جدا

الموبايل كويس ومش بيهنج حسب الأستخدام المعقول .......

لو أنت مش عاوز LG وقلقان منها خلاص أشترى اليونج ( بس أنت قولتلى بالنص كدة ) :

" انا مخصص لموبايل 950 حد اقصى لان دول هما الى معايا ووالدى مارضيش يزود عن كده لانه هوا كمان هيجيب موبايل :) :)
فممكن لو سمحت يا صاحبى ترشحلى محل او توكيل Lg يكون افضل وطبعا بسعر ما يزيدش عن 950 وجزاك الله كل خير "

وبالنسبة أنى قولت أن LG أفضل من سامسونج أنا أقصد ( الموبايل ده ) أفضل من اليونج .. بس .، مش LG كشركة أفضل .. لأ كشركة ودعم وكدة سامسونج أفضل بس كموبايل فى الفئة السعرية دى LG أفضل من اليونج ومن الجلاكسى ستار ومن البوكت والمينى والمينى 2 كمان .. هو أفضل منهم ....

شوف أنت عاوز أيه ؟ ومرتاح لأيه أكتر وبعدين قرر على مهللك ..
وأنا تحت أمرك فى اى حاجة ..

Elbahrawy2013

2013-10-11 (03:24:07AM)

شكرا جدا على ردك الجميل
انا من المطرية فا اقرب مكان ليا البحيرى جروب فى حدايق القبه
بالنسبة للموبايل انا عندى فى البيت خوفونى منه لانهم بيقلوا خليك فى المضمون وهات تليفون ماركة مشهورة تعيش معاك لانى انا اختى جايبه موبايل سامسونج تاتش رخيص شوية تقريبا بـ 600 على ما اعتقد وعايش معاها كويس جدا وبقاله فترة كبيرة انا عايز موبايلى برده ان شاء الله يبقى زى كده يعيش معاايا وميهنجش
انا لغايه دلوقتى محتار بينه وبين سامسونج جالاكسى يونج مع العلم انك بتقولى ان LG افضل من سامسونج مع ان سامسونج اغلى فارجو الرد لانى محتااااار انا عايز تليفون يكون سريع فى استخدامه وسلس وميهنج خالص واهم حاجه انه يعييييييييييش باذن الله وانا اسف لو كنت بتقل عليك

ArchieDeacon

2013-10-10 (08:47:18PM)

بص هى الذاكرة الداخلية هاتستوعب ده كله .، وزيادة كمان
( بس أحنا مبنملهاش قوى عشان الموبايل مايهنجش منك )

وخلى بالك : أغلى تاجلر ممكن يبعلك الموبايل ده ثمنه مش هايزيد عن 910 جنيه بحد أقصى
( يعنى أنت ممكن تجيبه ب 860 أو 870 كدة يعنى ) فماتشتريهوش أغلى من كدة خالص ....

محلات الشناوى محترمة جدا وهتلاقى الموبايل بالسعر ده فيها .، وكمان عندك البحيرى جروب أيضا محل كويس ومضمون

بالنسبة للموقع ده هو نصباية لو قالولك أنه جديد لأن ده أصلا موقع للحاجات المستعملة أى حاجة من الأبرة للصاروخ ( وطبعا ده واضح جدا من السعر ) فأوعى تشترى منهم لو بتدور على الجديد لكن لو عاوز مستعمل يبقى كلمهم

Elbahrawy2013

2013-10-09 (06:34:13PM)

انا على فكرة دخلت على الموقع ده ولقيتهم عارضين الجهاز بــ 760 ج بس انا خايف لتكون نصبايه ولا حاجه . مع العلم ان الجهاز بضما الوكيل و مع الجهاز السماعه والشاحن وكمان معاه خط فودافون هديه ادى رابط الموقع

ممكن حضرتك تدخل وتقولى اذا كانت نصب ولا ايه نظامها دى وجزاك الله كل خير

Elbahrawy2013

2013-10-09 (05:49:32PM)

الله يخليك يا صاحبى الامر لله
انت ذكرتلى 7 تطييقات و6 العاب ممكن الموبايل يشيل كل ده او الذاكرة الداخليه تستوعب ده كله ؟؟؟؟؟ ده السؤال الى انا اقصده من الاول .
وانا افتكرت فعلا تعليقك فى التعليقات السابقة وانا كنت بقرأ الاسئله واجابتك عليهم قبل ما اسجل فى الموقع .
انا للاسف لسه لحتى الان ما اشترتش الموبايل لانه اليومين الى فاتوا الامور ماكنتش مستقرة فى وسط البلد .
انا سألت فى محل للموبايلات عن موبايل samsung Galaxy Y والراجل قالى 1100 تمام ؟
فانا خايف انى اتصدم فى المحلات الى انا ناوى اروحها ان سعر الموبايل يتغطى ال1000 او 950
لانى انا مخصص لموبايل 950 حد اقصى لان دول هما الى معايا ووالدى مارضيش يزود عن كده لانه هوا كمان هيجيب موبايل :) :)
فممكن لو سمحت يا صاحبى ترشحلى محل او توكيل Lg يكون افضل وطبعا بسعر ما يزيدش عن 950 وجزاك الله كل خير

ArchieDeacon

2013-10-08 (02:38:27AM)

ولا يهمك أسأل براحتك فى اى حاجة .، ومبروك مقدما

(1) بص هو بالنسبة للذاكرة .. أو البرامج اللى ممكن تحتاجها هى :

1. الفايبر ( Viber ) وده للمكالمات والرسائل ( Chat ) المجانية

2. أنتى فايرس ( Dr.Web Lite ) وده أسم البرنامج

3. برنامج لتشغيل جميع صيغ الفديوهات وأسمه ( MX Player )

4. برنامج لقفل التطبيقات المفتوحة وتنظيف الرامات وأسمه ( Easy Task Killer )

5. برنامج لقفل أى تطبيق أو الملفات أو أى حاجة فى الجهاز وأسمه ( App Lock )

6. Opera Mini أو Dolphen Browser وده برنامج لتصفح الأنترنت

7. برنامج لحفظ الصور والفديوهات الخاصة والشخصية بعيدا عن الأستديو ( Keep Safe ) ودى عبارة عن خزنة بتحط فيه الحاجات الشخصية عشان مثلا لو حد أتفرج على موبايلك أو كدة يعنى

دول المهمين .. وفى طبعا برامج تانية كتير جدا زى البرامج ترفيهية وبرامج خاصة بالأكل والرجيم وبرامج دينية مثلا زى القرآن الكريم وكدة وغيرهم طبعا كتير .. أنت هاتدخل على الماركت ( جوجل بلاى ) لما تجيب الموبايل أنشاء الله وتختار اللى أنت عاوزه وتنزله .، غير اللى ذكرته

(2) بالنسبة للالعاب المشهورة مثلا :

1. Subway Surfers .. ودى جميلة جدا

2. Temple Run .. تشبه لها .. بس اللى فوق أحلى

3. Fast Racing .. سباق سيارات

4. Beach Buggy Biltz .. موتوسيكل الشواطئ

5. Cut The Rope .. لعبة جميلة أيضا

6. Fruit Ninja .. لعبة تقطيع الفواكه

بس كدة مش عاوز أقولك على حاجات كتير .. عشان كتر الالعاب والبرامج بتقل طبعا الموبايل ,، وبعد ماتنزل دول .. لو واحدة فيهم ما عجبتكش هاتمسحها وهتلاقى فى ( الماركت ) ألعاب كتير جدا برده هاتنزل منه اللى أنت عاوزه .

(3) وبالنسبة للموبايل نفسه أنت بس ماخدتش بالك من حاجة .، لو قريت التعليقات اللى تحت هاتعرف أن الموبايل ده أنا أشتريته لأختى من فترة ( ردا على الأستاذة Miraelghanam ) .. وطبعا أختى معايا فى البيت وكل حاجتها هى حاجتى .، فباخده كل يوم منها وبطّلع عليه وبهلكه شغل كمان طبعا عشان أعرف أقيمه كمستخدم ... بس فمن هنا كلمة ( جربته )
لكن هو موبايل جميل ولا زال معاها حاليا

لو احتاجت أى حاجة فى أى وقت أسأل براحتك .، أنا تحت أمر حضرتك .. وربنا معاك

Elbahrawy2013

2013-10-07 (08:57:38PM)

الله يكرمك ياصاحبى بس عندى سؤال تانى معلش انا خلاص ان شاء الله بكره ولا بعده بالكتير ان شاء الله وهروح اشترى التليفون ده .
السؤال بقى انا قرأت ان الذاكره الداخليه للتليفون 1.6 للمستخدم لو افترضنا ان انا هستخدم المساحه دى كلها للالعاب بس اقدر احمل كام لعبه من اشهر الالعاب طبعا
والعكس لو افترضنا ان انا هستخدمها للتطبيقات ايه هيا اهم التطبيقات الى الواحد بيستخدما فى حياته مع العلم انى معرفش غير اسكاى بى والفيس وتويتر وبس :)
واسف على الاطاله

وبالنسبه للتليفون ده ايه الى حصله يعنى هوا لسه معاك ولا كان معاك وحصله حاجه اصل انت بتقول انك جربته يعنى كان معاك :)

ArchieDeacon

2013-10-07 (12:21:10PM)

تحت أمر حضرتك فى أى حاجة .. تشرفت بالرد عليك .

Elbahrawy2013

2013-10-07 (02:42:21AM)

بجد انا مش عارف اقولك ايه ولا اشكرك ازاى انت افدتنى بجد

ArchieDeacon

2013-10-06 (10:46:13PM)

الرام ( هى ذاكرة الوصول العشوائية ) .، كل لما بتزيد .. بيبقى فيه عدد من الميجابايت الفرى كتير فبتسمح للجهاز أنه يفتح ألعاب ونت من غير اى تهنيج ( وده بيبقى بتوافق مع البروسيسور ) يعنى كل لما الرام بتزيد كل لما التهنيج يقل ( والعكس صحيح ) .. العلاقة هنا عكسية ..
وفى ألعاب كمان بتسحب كتير من الفرى رام ( الميجا بايت الفاضية ) .. فلما الرام تبقى كبيرة .، وتيجى لعبة بتسحب كتير من الرام .، فتسحب مثلا نصفها ويتبقى الباقى فرى ( فاللعبة متهنجش )
لكن لو الرام قليلة (تسحب نصها .. وميتبقاش غير كام ميجا ) فتهنج اللعبة معاك .، وكذلك النت .، وكل حاجة فى الجهاز من برامج .، و ... و ...... الخ

2. التوافق مع البروسيسور ( كل لما البروسيسور يكون قوى .. يعوض ضعف أو قلة الرام ) ده غير السوفت وير لما بيكون خفيف مابيسحبش كتير من الرام ومش بيستخدم كل طاقة البروسيسور
أزاى ؟؟

يعنى السوفت وير على ال LG أخف نسبيا من على السامسونج ( والأتنين أندرويد طبعا )
فتلاقى LG سوفتها خفيف لذلك مش بيسحب كتير من الرام ( والبروسيسور هنا له مقياس معين بخلاف الرام )

نوع البروسيسور يختلف عن تردده .. بمعنى أن البروسيسور مثلا من شركة عملاقة زى كوالكم يمتاز عن بروسيسور مثلا من شركة سامسونج ( رغم ان الاتنين ترددهم واحد ) 1 جيجا مثلا هنا وهنا بس تلاقى اداء البروسيسور ده أعلى من التانى وهكذا .....

يعنى من الآخر أداء LG Optimus L3 Dual E 435 أعلى من الجلاكسى يونج فى كل حاجة من جهة البروسيسور ونوعه والبطارية وقوتها والشاشة ووضوحها ..

أسأل براحتك وتحت امرك دايما .، ولا شكر على واجب

Elbahrawy2013

2013-10-06 (04:23:39PM)

شكرا اخى الكريم ArchieDeacon بس ممكن حضرتك تشرحلى مهمة الرامات وايه هيا وظيفته
يعنى لما الرامات تكون عاليه ده بيعمل ايه فى الموبايل ولما تكون قليله وكمان البروسيسور لو تكرمت بعد اذنك .
وشكرا جزيلا ليك على ردك الطيب

ArchieDeacon

2013-10-05 (09:36:49AM)

مرحبا بك أخى الكريم .. أحنا هنا لخدمتك ولمساعدتك .، ونتشرف بأننا نكون أصدقاء ليك

أنا جربت الموبايل ده وهو رائع صدقنى فى كل حاجة ( طبعا مقارنة بالهواتف اللى فى سعره ) .، وهو يمتاز عن اليونج فى نوع الشاشة والبروسيسور والبطارية العملاقة وخفة السوفت وير وسرعته .، واليونج يمتاز بأن الرامات أعلى 768 ميجا

ده رأى عن خبرة تجربة موبايلات كتير ما بين السامسونج و LG .. لكن كجهاز اليونج نفسه أنا مجربتوش
أنا قولتلك على الفروقات البسيطة .، وممكن تسأل فى صفحة اليونج .، تحياتى

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG Optimus L3 II Daul E435

مقارنة

Android
240 x 320 pixels, 3.2 inches (~125 ppi pixel density)
3G

2G / 3G
3.15 MP,...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG Optimus L3 II Daul E435

Android

240 x 320 pixels, 3.2 inches (~125 ppi pixel density)

3G

3.15 MP,...