هذا الموضوع مرتبط بـ G3

مقارنة

mahmoudasd

2014-07-17 (09:14:43AM)

لو سمحتم يا اخوات كنت بستفسر عن حاجة بس انا نازل بأذن الله اجيب تلفون ايه رأيكوا اجيب sony z2 ولا lg g3 مع اني منحاز للسوني جدا بس حبيت اشوف رأيكم واجيبه منين من مصر بالباند وسماعات عزل الضوضاء ولو في نوع احسن من الاتنين يبقي جزيتم خيرا وشكر

youssefshabana

2014-07-18 (10:28:17PM)

ربنا يخليك يا باشا ده بس من ذوقك والله :)

hashim597

2014-07-18 (07:24:34PM)

دايما بتبهرنا بى ارائك عن الموبايلات يا استاذ يوسف بجد انت خبرة انت والاستاذ وليد والاستاذ هارد مان بسم الله ما شاء الله عليكم

youssefshabana

2014-07-18 (05:37:17PM)

شوف يا باشا الاتنين من افضل الاجهزة الموجودة في السوق وكل تليفون فيهم ليه حاجة بتميزه عن التاني انا هقولك المميزات اللي في الاتنين عشان اوضحلك الامور قدر المستطاع

بص يا باشا الزد 2 بيتميز بأنه ضد المياة و التراب يعني تليفون يستحمل البهدلة من الأخر ويعيش معاك مدة طويلة و بردو بيتميز بالكاميرا الممتازة اللي هي في نظري اقوي كاميرا تليفون موجودة وفيها خصائص و مميزات كتيرة جدا + خاماته الممتازة ويستحمل الصدمات وبطاريته قوية جدا وصوته ممتاز

اما الجي 3 بيتميز بشاشته الكبيرة و كمان شاشته QHD ودي ممتازة جدا في مشاهدة الافلام و الجيمز لو انتا ليك فيها وبردو كاميرته ممتازة والبطارية قابلة للإزالة لكنها اضعف شوية من اللي في الزد 2 وصوته بردو ممتاز + الذاكرة الداخلية اكبر 32 جيجا

فشوف ايه اللي تحتاجله اكتر عشان تعرف تاخد القرار

يعني انتا يهمك مثلا التليفون يكون ضد المياة و التراب والخامات الممتازة و الكاميرا الممتازة يبقي هات من غير تفكير الزد 2

اما لو يهمك الشاشة الكبيرة وتكون دقتها عالية عشان مشاهدة الافلام مثلا والجيمز وتكون الزاكرة الداخلية كبيرة لو انتا بتحمل تطبيقات و العاب كتير علي الجهاز يبقي هات الجي 3 ( النسخة 3 جيجا )

ومش هتندم في الحالتين

وفيه بردو جهاز تاني انصحك بيه وهو ال HTC One M8

وده اهم ميزة فيه سرعته الرهيبة والتهنيج فيه منعدم تقريبا + صوته يعتبر اقوي صوت بين كل المنافسين وخامات بردو افضل خامات بين المنافسين وبردو حجمه ممتاز ومسكته في الايد مريحة جدا ومش رخمة اطلاقا والواجهة بتاعته ممتازة ومفهاش حاجة معقدة وسريع جدا في فتح التطبيقات و الألعاب لكن بردو كل تليفون في عيوب مفيش تليفون كامل

يعيبه الكاميرا بتاعته تعتبر اضعفهم لكنها جيدة جدااا ومرضية لكن الكاميرا الامامية ممتازة جداااا و تعتبر اقوي كاميرا امامية بين المنافسين + ان البطارية بتاعته غير قابلة للازالة زي الزد 2 لكنها بتتغير عادي في التوكيل

وفي بردو سامسونج جالكسي اس 5 جهاز ممتاز بردو لكن انا شايف انه اقواهم علي الورق لكن علي ارض الواقع هو اضعفهم

نقول مميزاته الاول من اهم مميزاته الشاشة بتاعته سوبر اموليد ودي ميزتها انها موفرة جدا للبطارية وزوايا الرؤية فيها اكتر من ممتازة والكاميرا بتاعته بردو كويسة جداااااا والبطارية قابلة للإزالة زي الجي 3 ومقاوم للمياة و التراب لكنه ميستحملش زي الزد 2 لان خاماته تعتبر اقل منه + الحركات والحساسات اللي بتنفرد بيها سامسونج عن باقي المنافسين و خاصية البصمة زي اللي موجودة في الايفون 5 اس + سهولة البيع و الشراء وتوافر الإكسسوارات في كل مكان

لكنه يعتبر اكثرهم عيوبا لأنه اولا خاماته اسوا من جميع المنافسين و مفهوش راديو و التصميم بتاعه سيء في نظري و يعتبر اكثرهم في التهنيج وده بسبب الواجهة بتاعته والحساسات و الحركات + راماته تعتبر قليلة بالنسبة للواجهة دي 2 جيجا المفروض علي الاقل تكون 4 جيجا عشان التهنيج يخف شوية

لكنه في المجمل جهاز ممتاز ومنافس قوي للإجهزة اللي انا قلتلك عليها

فشوف انتا هتحتاج لإيه اكتر زي ما قلتلك ومش هتندم لو اشتريت اي جهاز فيهم ان شاء الله :)

hashim597

2014-07-18 (10:38:50AM)

lg g3 وده رابط بيوضح امكانياته بالتفصيل

Star1

2014-07-18 (04:12:12AM)

LG G3 طبعاً!

abdo20112

2014-07-18 (01:52:33AM)

kg g3

mob0me

2014-07-17 (10:04:00PM)

نصيحه منى هات htc m8

sahermas0

2014-07-17 (05:15:47PM)

أوعى اوعى اوعى تفكر فى السونى نهاااااااااااائى
انا تجربتى مع سونى z سيئة جدااا
السماعة باظت مرتين والمكيرفون مرة . والكاميرا ظهر فيها نقط وفى الاخر الشاشة
اتشرخت لوحدها والله
لو ناوى بجد تجيب موبايل هات LG G3 موبايل رهيب جدا بجد

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG G3

مقارنة

Android
1440 x 2560 pixels, 5.5 inches (~534 ppi pixel density)
3G

2G / 3G
13 MP, 4...

مزيد من المعلومات

الموبايلات

مقارنة

التسجيل بالموقع

دخول الاعضاء

معلومات سريعة عن LG G3

Android

1440 x 2560 pixels, 5.5 inches (~534 ppi pixel density)

3G

13 MP, 4...