سعر و مواصفات LG G2

بسم الله الرحمن الرحيم

السلام عليكم ورحمة الله وبركاتة

انا هاجيب التليفون دة ان شاء يا النهاردة يا بكرة بالكتيير وهاجيب النسخة ال 32جيجا اللون الاسود بس دلوقتى فى حاجة مقلقانى
انا سمعت ان فى اصدارات فيها مشاكل هاردوير تقريبا لارقام دى هى 312 او 311 او 310 فاية هى حكاية الارقام دى وازاى اتاكد من النسخة بتاعتى تكون اصدار جديد مش قديم وهل فى حاجة بتكون مكتوبة على العلبة ولا لا

علما بانى من الاسكندرية وهشترية ان شاء الله من المحلات اللى عند زهران ولو عند حضراتكم مكان افضل ياريت تقولوا

وجزاكم الله كل خير

والسلام عليكم ورحمة الله وبركاتة

حد جرب يشترى النسخة ال32 جيجا من سوق
السعر مغرى بس خايف يكون من غير ضمان او تطلع النسخة 16 جيجا

كنا شرحنا ازاى نعمل رووت و تركب ريكفرى ودول اساسى لتركيب روم معدل وياريت نحدث للكيت كات افضل لتركيب الريكفرى وتركيب الروم بعد كدة وانتهينا منها
نيجى بقا لافضل الرومات و طريقة التركيب

اولا : افضل رومات موجودة

1- optimus G3
يعتبر افضل روم متكامل للجى 3 على جهازنا موجود به كل المودات والاضافات و التصميم الشامل لواجهة للجى 3 بكل خصائصها و كإنك معاك جى 3 لان الجهازين الفرق بينهم بسيط جدا جدا و برامج أل جى موجودة كاملة ببرنامجها التحديثى بتاعها من الاخر يعتبر روم شامل

نحمل الروم من هنا :


ونحمل الكيرنل ده :

وده ايه لزمته ؟ بكل بساطة امكانيات الجى 3 فيها زيادة فى حاجات معينة بتسحب من البطارية وبتسخن الجهاز شوية فالاستاذ كلودى معدل الكيرنل الاصلى للجى 2 على الجى 3 بحيث لا تسحب بطارية ولا تسخن الجهاز كانه روم عادى للجى 2

2- Cloudy Stock
ده افضل روم معدل رسمى رايق بمعنى انه يعتبر الروم الرسمى فى جهازك بس مضاف ليه اضافات الجى برو 2 وفليكس زى خاصية split view وهى فتح برنامجين فى وقت واحد زى فى النوت لسامسونج وكاميرا البرو 2 بتدعم 2K و خصائص تانية حتشوفوها فى الروم وبطاريته ممتازة جدا جدا و قوية و السخونية معدومة الا فى الالعاب وده الطبيعى ومفيش اى مشاكل و مش محتاج طبعا كيرنل لان الكيرنل اللى فيه بتاعت كلودى

نحمل الروم من هنا :


طريقة تركيب الروم :

1- نعمل باك اب لكل برامجنا و للرسائل والمكالمات و الارقام و الاعدادات و دى ميزة كبيرة جدا متوفرة فى أل جى وموجودة فى الاعدادات
2- البطارية مشحونة النص 50% للراحة النفسية عند التركيب
3- بعد ما ننزل الروم نضعه فى الجهاز من غير ما يكون جوة فولدر يعنى جوة زاكرة الجهاز مباشرا
4- ندخل على الريكفرى عن طريق ضغط على الباور و زر خفص الصوت ثم نضغط مرة اخرى لما تظهر شعار أل جى حتدخلك على شاشة hard reset ونضغط على الباور 3 مرات (الريكفرى تاتش)
5- نختار wipe من الخيارات اللى قدامنا ونسحب الشريط اللى مكتوب عليه swipe to factory reset لتنفيذ الامر ومش حيمسح الا النظام القديم ببرامجه ومكالماته ورسايله والارقام اللى على الجهاز لكن على الشريحة لا و الداتا (افلام وصور واغانى واى ملفات تانية) لالا
و بعد كدة نختار advanced wipe ونعلم على dalvik cache , system , data , cache واياكم و internal storage كدة حتمسحوا زاكرة الجهاز ونسحب الشريط اللى تحت تانى و بعد ما نخلص نرجع باك ونختار خيار install ونختار ملف الروم من الزاكرة ونضغط عليه ونسحب الشريط اللى تحت و حيدخلنا لتسطيب الروم
6- اولا بنختار اول خيار فى الاعدادات اللى بتظهر وهى التسطيب
و نيجى لاهم حاجة وهى اختيار موديل الجهاز وهو D802 الاصدار العالمى واى اختيار غير ده الجهاز راح
ونختار البرامج اللى عايزنها مع الروم ولك حرية الاختيار من برامج أل جى وبعد كدة تسطيب ونصبر لحد لما يخلص وحيقلك ريستارت نوافق وشكرا ومبروك الروم

نيجى بقا لتركيب الكيرنل لاصحاب رومات الجى 3

1- بعد تركيب الروم وتمام التمام نطفى الجهاز وندخل على الريكفرى زى ما احنا عارفين
2- ونختار wipe ثم advanced wipe لاختيار cache , dalvik cache ونسحب الشريط اللى تحت لتنفيذ الامر وده لتنظيف الكاش للكيرنل لاستقبال كيرنل جديد ولازم نكون حملنا الكيرنل وحطيناه فى زاكرة الجهاز زى ما وضعنا ملف الروم بالظبط
3- ثم نختار من الخيارات install و نختار ملف الكيرنل و بعد كدة نعمل reboot system او reboot

الكلام ده يطبق للرومين لكن الكيرنل لروم الجى 3 فقط

مواضيع الرومات فى منتدى المطورين لمتابعة تحديثات للرومات

Optimus G3


Cloudy Stock

السلام عليكم

كل سنة وانتم طيبين

حنشرح طريقة عمل الرووت والريكفرى للاصدارين 4.2.2 و 4.4.2

الاول نحمل ملف الرووت حسب الاصدار عندك

ده ملف رووت الكيت كات 4.4.2 :

ده ملف رووت الجيلى بين 4.2.2 :


نحمل كمان برنامج الريكفرى

ده ملف ريكفرى الكيت كات 4.4.2:

(لا يوجد ريكفرى ممتاز للجيلى بين 4.2.2 لوجود بعض المشاكل به لذلك يقتصر الجيلى بين على الرووت فقط لكن لو تريد تنزيل رومات معدلة على الجهاز عندك لازم تحدث للكيت كات ثم تعمل رووت وريكفرى للكيت كات وتقدر تنزل اى روم يعجبك)

ناقص برنامج التعريف للأل جى لتعريف جهازك على الكمبيوتر لو متعرف قبل كدة ملهوش لازمة
حمله من هنا :


نيجى بقا لطريقة عمل الروت و الطريقة فى الاصدارين واحدة :

1- نكون معرفين الجهاز على الكمبيوتر ببرنامج التعريف اللى موجود
2- عند توصيل الجهاز حتيجى اختيارات وضعية الهاتف نختار شحن الهاتف
3- نقم بتفعيل خاصية USB Debugging والطريقة
نقم بالذهاب الى System Settings > General > About Phone > Software Information
ثم نضغط على Build Number ضغطات متتالية حتى تظهر رسالة you are now a developer
حتجدوا الان USB Debugging من General > Developer Options
4- نقم بتوصيل الجهاز بواسطة الكابل usb
5- نفك ضغط ملف الرووت ونفتح الملف المستنتج و نضغط على ملف root.bat
6- نبص إلى الكمبيوتر وإلى سطور الأوامر ثم نضغط Enter
7- حيتحول الجهاز إلى وضع الريكفري و نختار من القائمة(الاختيار باسهم الصوت والاختيار بالباور) apply update from ADB ونسيبه ثوانى يكتب اكواد الرووت بالاصفر
8- بالتزامن فى نفس الوقت مع ظهور شاشة سطور الاوامر الدوس في الكمبيوتر ثم نضغط Enter
9- نسيبه شوية و في اخر شاشة الجهاز سيظهر Install From ADB Complete وبكدة نتاكد من عمل الرووت
10-فى الاخر نختار reboot system now لإعادة تشغيل الجهاز وبعد إعادة التشغيل حتظهر برنامج SuperSu في جهازك وبكدة مبروك الرووت

طريقة تركيب الريكفرى :

طبعا نكون عملنا الرووت و الخطوة دى لاصدار الكيت كات ولا تصلح للجيلى بين وانا كتبت السبب فوق

الرووت برنامج اسمه AutoRec بيتسطب على الجهاز زى اى برنامج عادى
1- تعطى له صلاحيات الروت كاملا
2- حتظهر شاشة التحذيرات من اى خطأ نختار yes
3- حتظهر شاشة تثبيت الريكفرى و نختار Flash Recovery
4- كدة تم تثبيت الريكفري بنجاح وهنا يوجد اختيارين للدخول لوضع الريكفري على طول لو عندك ملف الروم المعدل على الجهاز وعايز تنزله أو نختار Exit للخروج من البرنامج

طريقة دخول للريكفرى :
ضغط على الباور و زر خفص الصوت حتدخلك على شاشة hard reset ونضغط على الباور 3 مرات بس مفيهاش قلق بعد عمل ريكفرى لان الاول كان بيعمل مسح وضبط مصنع وبعد تركيب الريكفرى حتدخلك على الريكفرى

اتمنى تنفيذ الخطوات بالظبط حتى لا يحدث اى مشاكل وانا غير مسؤل عن اى خطأ خارج عن خطواتى
شحن الموبايل يكون فوق 30%

عاوز رابط تجميل لروم lg g3 ل lgg2 يكون ثابت ومشكله قليله واهم حاجه البطاريه وانا هعرف اركبه انا مركب على حهازى روم خليط بين الفليكس وبرو2

انا بصراحة صرفت النظر عن التحديث للكيت كات دى العالم كلة بيقول انو مضفش جديد لا دى عفرت التليفون
فى حد عندو راى تانى
انا مش هحدث الا لما حد من الخبرة يقنعنى

طلب بسيط من اداره الموقع نفسنا فى تطبيق سهل وبسيط للموقع على جوجل بلاى يبقى خفيف وسريع وسهل الاستخدام وبه تغيير جذرى وكامل لنظام التعليقات العقيم ده..شكرا

ضمان دلتا والا الصافى
ارجو الرد من اصحاب الخبرة
النسخة 32gb 3550

هو الموبايل ده lg l90 d405 امتى هينزل مصر انا مستنيه بفارغ الصبر ياريت اللى يعرف حاجه عنه يقول شكرا .

قررت اجيب LG G2 32 GBبدلا من نوت 3 نيو فى حد عندو نصيحه قبل ما اتهور