سعر و مواصفات LG G Pro Lite Dual

السلام عليكم , أنا اشتريت الموبايل يوم 4\1 ,, و من ساعتها و الشاشة مضايقانى جدا , موطى السطوع لصفر و مع ذلك عالى جدا خاصة بالليل و مخلينى مش عارف أستخدمه أقرأ فيه أو أعمل أى حاجة و لا بالليل و لا بالنهار , مؤذى جدا و السطوع بالشكل ده كافى حتى فى الشمس! أو بضطر أرفعه ل 20 مثلا فى الشمس , , بالرغم من ان عندنا تليفونين
LG L7 II Dual 4.3 ,, بتوع اخواتى و جايبينهم من بدرى و السطوع كويس جدا بل يكاد يكون منخفض , , و استخدمت تليفونات تاتش تانية , و شاشة اللاب و تليفزيون و شاشة LCD و عنيا مفيهاش مشكلة ,

الموبايل نازل بتحديث كيتكات , ما عملتلهوش أى سوفتوير أبديت لغاية دلوقتى , هل التحديث الأخير 20C تقريبا بيحسن حاجة فى الهاردوير , و لا لأ ؟
خايف أنزله يعمل مشكلة تانية خصوصا ان الناس بتشتكى من التحديثات بتاعته

جبت سكرينة بس عادية لكن ما غمقتش ألوان الشاشة أوى برضو , أنا مش عايزها تضيع ألوان الشاشة , أنا خايف يكون الموبايل فيه مشكلة فعايز أعرف آراء الناس اللى معاها الجهاز ,

التليفون لغاية دلوقتى مش عارف أستخدمه , حتى بالنهار فى اضاءة الغرفة مش بستحمل أقرا PDF أو برنامج قرآن عليه , مع ان استخدامى الأساسى اللى جايبه علشانه هو القراءة! و بقرأ على تليفونات اخواتى على السرير قبل النوم اضاءة مريحة و ألوان هادية,

عايز أعرف لو حد من اللى معاه الجهاز بيشتكوا من نفس المشكلة ؟ و هل التحديث بيحل أى مشاكل هاردوير ؟ و لا أروح بالموبايل لـ (دريم) اللى اشتريت منه , مع ان برغم انه تعاملهم محترم , بس أى محل هيفضل يقول (مفيش مشكلة فى الجهاز و حضرتك بتتلكك, أو روح التوكيل!) , و التوكيل ممكن يستهبل كمان و انا لسه فى ال 14 يوم , خصوصا ان المشكلة ممكن ما تظهرلهمش فعلا فى ضوء النهار أوى ,

و شكرا مقدما للرد و لتعليقات الأعضاء على الجهاز فى الصفحة اللى ساعدتنى كتير قبل ما أشترى , و أتمنى أى مساعدة لأنى برغم مميزات الجهاز الكتير , بطاريته الكويسة و حجم شاشته و سرعته , إلا ان الموضوع ده خلانى بقول يا ريت كنت جبت حاجة رخيصة و خلاص أو صغيرة زى ال L7 !

دلوقتى ياجماعة انا كنت برفض التحديثات اما توصلى واخر تحديث عندى 4.1.2 بتاريخ ابريل اللى فات لما بحاول انزل تحديث الكيت كات من about phone مش بيظهر حاجة اكن مفيش تحديث نزل اييه الحل

السلام عليكم ,, الجزء الثانى من التقرير المصور للجهاز .
التقرير الاول : فتح العلبة + الضمان + الاكسسوار بالصور (10 صور)
التقرير الثانى : بعض مزايا السوف وير بالصور (29 صورة)
التقرير الثالث : تكملة ج2 من استعراض لباقى مميزات السوفت والتطبيقات ومعدل الاداء (قيد الإعداد +20) ,,, اجمالى الصور +250

محتوي الجزء الثانى
1- استعراض امكانيات الهارد "استكماله تجربة الاداء ج3" ,, قريب
2- خاصية الاستعراض العرضى كـ "تابلت" وبعض المزايا
3- الـ Guest Mode
4- الـ Back up
5- خواص ومزايا اعدادات الـ Lock Screen
6- Smart lock Screen + خاصية تمميز الوجه
7- الـ Smart Share & Smart Beam
8- اعدادت الـ One Hand
9- USB Conection + استعراض اهم خواص برنامج LG PC Suite
10- Qslid apps
11- توليف الريموت.IR ,, Quick Remote
12- Easy Home

ان شاءالله الجزء الثالث هيكون فيه تكملة لامكانيات السوفت وير واختبارت الاداء للهارد وير
هذكر شوية حاجات ان شاءالله هتفيدكم
1- نصيحة لوجه الله "ابتعد تمام عن تطبيق الـ كاسبر سكاى" هيتقل الجهاز
2- يستحسن استخدام كروت ميمورى Class 6,,10 هتحس بفرق سرعه شاسع + اسعار الكلاس 6-10 مقاربة جدا جدا للكلاس4 بس هتلف عليه شوية + حاول تتأكد من جودة الكارت

المزايا
1- سرعه استجابة الشاشة مبهرة جدا جدا جدا

بعض العيوب بعد استخدام قرابة شهر
1- صوت الجهاز نسبيا مش عالى لكه ثنائى بفضل السماعات ,, الصوت فـ الهاند فري ممتاز
2- بسبب اللاصقات العادية هتلاحظ البصمات ع لاصقة الشاشة
3- الشبكات : من ارخم العيوب الموجود فـ الموديل ده او غيره من اجهزة LG و"غيرها" ,, شبكة الخط الاول متذبذبة الاشارة "مش عارف المشكلة" لكن لما ترن عليه حتى فـ ظل شرطة بيرن

التهنيج والسرعه
الاول لازم تعرف ان الجهاز موب 1 جيجا مش سوبر ماك لكن فكرتك عن التهنيج اساسا مقارنة مع اجهزة سامسونج "الى بسببها اشتريت الجهاز ده" منعدمة
التهنيج الوحيد الى حصل كان بسب الكاسبر ,, حتى لو استخدام الرام 850 ميجا من اصل الـ 1 جيجا لو فتحت اى ابلكيشن انسى ان يبقى فيه تهنيح التهنيج ممكن يكون لمجرد ثانية او اقل ومش فـ التطبيقات ,, كـ سرعه اديله تقييم +9:10

البطارية
ممتازة جدا شحن سريع + اقصى قدر من الاستهلاك حتى مع الواى فاى "الالعاب بتسحب من الجهاز اكتر من البرامج" مع الاستخدام الشاق البطارية ممكن تقفل يوم الاستخدام العادى مش هبالغ لو قولت 3 ايام

الكاميرا
الاماية عادية 1.3 ,, الخلفية 8 ميجا لكن فيه مشكلة الكاميرا مش مدعومة بمثبت بالتالى لو ايدك بتتهز وانت بتصور هتشوفها فـ الكاميرا ,, امكانيات الكاميرا ممتازة ,, جودة الصورة جيدة مش ممتازة "ج3 هيكون فيه قدر كبير للحديث عن الكاميرا"

اداء الالعاب HD , 3D والبرامج
الاداء العام سريع سواء HD او 3D وده كنت مستغربه مع انعدام التهنيج نهائيا فـ اى منهم
المشكلة والحل*الموب 8 مساحة داخلية 8 جيجا متاح +4 جيجا بالتالى محكم بشكل جزئى "ربما متحسش بيه" بعدد التطبيفات خاصة لو انت بتحب الالعاب التقيلة ومساحة الصور الكبيرة ,, لو غاوى العاب وبرامج وتصوير اشترى كارت ميمورى كبير كلاس عالى والموب واحفظ عليه الصور والموب بيتيحلك انك تنقل اى برنامج او لعبة للميمورى كات بالتالى المشكلة هتتحل

بعض العيوب الى قولتها مش مشكلة موب وهتفرق بين مستخدم والثانى زى البصمة ع الشاشة والمساحة الداخلية ده فيه اجهزة 4 جيجا متاح منها 1.7 جيجا بس ومش بتنقل اى حاجة للميمورى كارت زى اجهزة سامسونج
*مشكلة الشبكة هحاول اعرف سببها ان كان من الموب ولا مشكلة سوفت ولا مشكلة استثنائية وهرد عليها قريب لكن زى ما قولت مهما كان اشارة الشبكة لو رنيت ع الموب هيرن ممكن اول مرة يديك مغلق لكن هيرن بعد كده "انا عن نفسى مش شايفها مشكلة"
(مع العلم ان فـ ناس اعرفها معها الجهاز ومشتكتش من النقطة دى)

بقى 3 حاجات عاوزة اتكلم عنها ,, 1-الموب فيه خدمة الترجمة باستخدام الكاميرا ودى مشهورة بيها LG من زمان 2-تجربة متجر LG SMART خلتنى احترم الشركة جدا لادائهم الممتاز ,,فيه قاموس مرفق مع الجهاز مصطلحات ومعانى جيد جدا خاصة للطلبة (الـ 3 حاجات + تجربة القلم هتكلم عنهم بالتفصيل فـ ج3 ان شاءالله)

اخر حاجة تقييم عامة للجهاز 9 : 10 انبهه بس ع حاجة ,, انت مشترى موب ثمنه 1600 وراعى ان اجهزة جديدة فـ اسوق ثمنها +4000 جنيه فـ متقولش انا عاوز حاجة كاملة 100% دون تنازلات
رغم انى مش شايف اى تنازلات فـ الجهاز وكـ تقيم مقارنة بالسعر والامكانيات اديله+10:10 وكـ اداء بينه وبين الموبايلات الخارقة فرق اقل من 20% لما تستخدم الموب هتفتكر كلامى كويس خاصة لو انت كنت مستخدم اجهزة زى سامسونج اللى فـ نفس الامكانيات

نهايةً "هذا التقييم لا يعتبر دعاية لمحل او شركة او موديل الجهاز او غيره تم ذكرها وما هو إلا رأى شخصى بعد تجربة" تحياتى ,,, ولقاء قريب مع Part.3 ان شاءالله

لو سمحتوا كنت عايزة اعرف بلد المنشا للموبايل واذا كان صينى ولا لأ ؟

وهو متوافر فى كل المحافظات ولا فى اماكن معينه ؟؟

انا عندي مشكله ان لما بدوس علي الشاشه بيكون في فيبراشن
عاوز الغيه . دورت ف كل السيتينج مالقيتش حاجه تلغيه
يا تري ايه الطريقه وشكرا ؟؟

طب ده خلاصة التقرير الى ان شاءالله هحاول انزله النهرده بالليل او بكرا واسف جدا لانى كنت واعد ارفعه من فترة بس ظروف شغل ,,

بعد تجربة الموبايل +اسبوعين مش هتكلم ع الاكسسوارات والضمان او الهارد وير لانى ناشره فـ التقرير الاول بالصور

A- الدفعه الجديدة نازلة بالتحديث الاخير 4.2.2 وفيه تحديث 60 ميجا مفرقش معايا صراحة فـ الاستخدام بعد التحديث

B- خواص الموب مشابه بشكل كبيرر لبعض الخواص الموجودة فـ G2 , G3 كـ
1- ميزة استخدام بصمة العين / الوجه لفتح الموب
2- استغلال حجم الشاشة الكبير نسبيا 5.5 واستخدام الموب كـ موب+تابلت فـ نفس الوقت ,, هتوضح اكتر فـ صور التقرير
(هتنبهر اوووى خاصة ان ميزة الاستخدام العرضى هتكون لكامل الموب من الهوم سكرين للابلكيشين ... الخ)
3- خاصية الجوست مود الخاصية دى فريدة فـ موبايلات LG الحديثة ببساطة كأنك بتعمل مالتى يوزر للموب زى الموجودة فـ الويندوز ,, هتبان اكتر فـ صور التقيرير
(هتفيدك فـ شكل كبيرر لو طفلك او صاحبك حب يمسك الموب ومش عاوزه يدخل ع خصوصياتك فـ بتخصلله "شئ اشبه بالنظام الوهمى" فرض استخدام محدود لابلكيشن الموب دون الدخول ف الخصوصيات او الاعدادت )
4-خاصية الباكـ اب من LG ببساطة اشبه بباكـ اب الكمبيوتر ممكن تسترجعها حالة ان الموب باظ او حصلت فيه مشكلة بكامل التطبيقات والاعدادت الى انت كنت عاملها
(مفيدة جدا خاصة انها مزدوجة للموب والمزامنة مع الكمبيوتر) هتظهر اكتر بالصور فـ التقرير
5- خاصية السمارت شير لو عندك تلفزيون/جهاز ذكى بمنتهى البساطة شير الى تحبه من ضغطة واحدة لاى جهاز حتى لو مش LG
6-خاصية الوايرليس برنتر موجودة فـ موبايلات من فترة تقدر بس الجديدة فيها انك بتشبك الموب بطابعه وايرليس او بـ IP لو برنتر لان
7- حفظ الصورة بالمكان الى تم تصويرها فيه او قرنها بمكان حقيقى مشابهه
8- خاصية المالتى بيدج & ويدج للوكـ سكرين برضوا حاجة خاصة باجهزة LG الحديثة بس ايوه من خلال شاشة اللوك تقدر انك تعمل اكتر من صفحة وتضيف ويدج تستخدمها دون فتح الجهاز
9- سمار لوك سكرين مكملة لـ خاصة8 ببساطة لو انت مثلا مشغل ميوزك تقدر تقفل الجهاز ومن خلال اللوك سكرين تقدم او توقف او تتحكم فـ الميوزكـ وتفاعلها مع شاشة اللوكـ "هتبان اكتر فـ صور التقرير"
10- التخزين السحابى وتجربة الـ Easy Mode لكبار السن مش هيحسوا بتعقيد الاندرويد نهائيا كانه موبايل كلاسيك
11- LG SMART WORLD بالنسبالى افضل بمراحل من SAMSUNG Apps
12-اقتران الموب بالكمبيوتر او LG PC Suite بالوايرليس بدل عناء الكابل فـ تبادل البيانات & تصدير الموب نت للكمبيوتر وعمل شبكات وهمية #ميزة قديمة بس مميزة فـ الموب ده
13- خاصية nfc بشكل مختلف مشابه لخاصية السمارت شير بس للاجهزة الداعمة لفكرة سمارت شير بيم
14- خاصية الوضع الليلى تخصيص مود خاص بيكـ للاستخدام فـ اوقات معينة باعدادت معينة
15- طبعا خاصية الكنوك اون المميزة لـ LG عن طريق النقر المزدوج ع الشاشة وهى مقفولة تفتح الموب
16- خاصية داى دريم بباسطة خاصية اشبه بخواص السيمبيان لما تكون الشاشة ف وضع الخمول او ع الشاحن زى السكرين سيفر كده
17- LG برضوا راعت ان فـ ناس ممكن تستكبر حجم الشاشة او مش تقدر تستخدمه بايد واحدة عن طريق وضع الون هاند للسكرين لوك والكيبورد والمكالمات (برغم انى بستخدم بايد واحدة بمنتهى السهولة)
18- تحسينات مميزة فـ استخدامات الـ USB خاصة لو هتقرنه باجهزة سمارة او عاوز تستخدمه للشحن فقط سوا من الكمبيوتر او الشاحن او نقل الملفات او قرنه مع برنامج LG PC وبالمناسبة لمجرد وضع الموب ع الكمبيوتر واختيار خيار LG PC SUITE هيسطب البرنامج والفيرجن المناسب ع الكمبيوتر
19- بما ان الموب فيه زر اضافى مع ازرار الصوت والقفل ممكن تخصيصه لابلكيشن معين او استخدامه لـ كويك ميمو لاستخدامات القلم زى ما تحب
20- الكويك ميمو الموجودة فـ الموب جميلة جدا مميزة سهلة الاستخدام ممكن تكتب ع شاشة المب الشغالة حتى
21- QSILDE بتيحلك انك تشغل حاجتين مع بعض فـ نفس الوقت
22- الاستديو الخاص بالموب برايئى من اجمل الاستديوهات الموجودة فـ السمارت فون له مميزات جميلة جدا
23- الموب لو سحبت الشاشة من تحت لفوق بيطلعلك الكويك ميمو او اوامر جوجل

ان شاءالله كامل استخدامات السوفت سواء بالبرامج الجاية مع الموب او المحملة هستعرضها بالكامل فـ التقرير بقدر الامكان / من مميزات LG غالبا لما تشترى الجهاز مش هتحتاج تثبت برامج كتير لان اغلب البرامج الاساسية جاية مثبتة مسبقا ع الجهاز بالتالى مش هتلاقى التهنيج الى بيحصل مع اجهزة زى سامسونج لانها جاي بنظام مفهوش غير برامج الشركة ومع حجم مماثل للرام هتلاقى الجهاز هنج منك بشكل فظيع انما لما يكون السوف دامج البرامج المهمة مش هتلاقى التهنيج ده حتى مع تثبيت برامج والعاب ثقيلة
نصيحة عشان تستمتع بالشاشة بتاع الموب رغم ان كثافة الالوان 200 بيكسل / بوصة بس استخدم صور HD غنية بالالوان وهتبهرك الشاشة الـ IPS

معلومات اكتر عن الهارد وير والسوفت وير وحاجات تانى هتباعها فـ التقرير بالصور ... :)

السلام عليكم
لو سمحتم بالنسبة للشريحة بعد ما تتقص عشان تبقى حجم الميكرو
لو حاستخدمها فى موبايل زى البرو لايت

لازم اطلع شريحة جديدة لنفس الخط من الشركة
ولا فيه طريقة تانية؟

انا معايا الفون بقاله 5 شهور وشغال الحمد لله تمام بس هو شغل بنسخة (الجيلى بين ) وانا محتار ان كنت احدثه للكيت كات ولا لأ ارجو الرد ضرووووووووووووووووووورى

يعني ياجماعه مفيش حد راضي يفدني انا موبايلي بقاله يومين فصل شحن ووبشغلة تاني وقف علي عﻻمة lg ومش رادي يشتغل عملت فاكتوري ريست وبرضو مش رادي يشتغل اية الحل وياريت اﻻهتمام شكرا

بسم الله لو سمحتو انا موبايلي البطارية بتعتو وصلت لحد اﻻخر وفصل الموبايل جيت شحنتة وبشغلة تاني وصل عند كلمة Lg واتجمد علي الوضع دة ممكن حد يقولي الحل اية ﻻني بقالي 3 ايام علي نفس الوضع افيدوني افادكم الله وشكرا