ma7amdx

احدث المشاراكات

• 2015-02-20 (10:10:23PM) LG G Pro Lite Dual

  من التعليقات فى الصفحات الأخيرة هتلاقى كل اللى معاهم الموبايل بينصحوا بتحميل التحديثات و لكن اعادة ضبط المصنع بعدها , و أنا عملت كده من أول ما جبت التليفون و استهلاك الرام كويس الحمد لله سواء فى السكون أو تشغيل تطبيقات , و اقتراح الكلمات ما بيتقلش على الجهاز فعلا و لا بيزود استهلاك الرام و لا يبطأه.
  
  و جرب الموبايل بالكرت و بدون الكرت برضو , و لو هتعمل اعادة ضبط مصنع ما تنساش تعمل باك أب للبرامج و الأسماء و البيانات المهمة, بالتوفيق إن شاء الله.

---

• 2015-01-14 (10:09:24PM) LG G Pro Lite Dual

  تسلم يا أستاذى الغالى , و بإذن الله هنزل بكره و يا رب خير ,, بارك الله فيك و يسر لك كل أمرك و منع عنك كل شر ..

---

• 2015-01-14 (04:05:08PM) LG G Pro Lite Dual

  متشكر يا جماعة لردودكم ربنا يجزيكم خير , و شكرا أستاذ masserman على البرنامج , بس أنا كنت عايز أتأكد ان الموبايل مفيهوش مشكلة (الجهاز بتاعى بس) لوحده علشان ألحق فى فترة ال 14 يوم,
  
  أستاذ MEl3RaBy , أنا فعلا فكرت أروح لدريم بس لقيت الفاتورة مكتوب عليها (الاجهزة الزيرو مسئولية الوكيل) , مع ان اللى أعرفه ان أول 14 يوم التعامل المفروض مع المحل ! ده خلانى أتردد كتير خصوصا ان فى المحلات بيفضلوا يستهبلوا و يتعمدوا يخلوا شكل الواحد كأنه بيتلكك و خلاص علشان ما يغيروش الحاجة أو يرجعوها ! و ممكن يقلوا أدبهم كمان ! بس هروح و أشوف كده و أخد موبايل من ال 2 lG اللى عندنا (و حديث برضو L7 ) يعتبر اخوه الصغير , و شاري واحد من الجهازين من عندهم برضو و الشاشة مريحة جداااا , و هكلم التوكيل قبل ما أروح برضو أسأله على موضوع الضمان و حق الاستبدال أو الاسترجاع فى خلال ال 14 يوم مع المحل و لا لا ,
  
  المشكلة ان بياعين موظفين اللى بيفتحوا الاجهزة , و مش هيرضى يفتج حهاز الا بفاتورة , و بالنسبة لموضوع ال Super amoled لأ بالعكس أنا متعود على اللاب شاشة عادية و شاشة lg 32 LED و كمبيوتر 23 سامسونج , و تليفونات اخواتى شاشة IPS زى البرو لايت (L7 II DUAL) من نفس تاريخ الاصدار مش أقدم , فالموضوع مش موضوع انى متعود على نوع شاشة معين أو كده ,
  
  و شكرا يا جماعة بجد و ربنا يسهل و تكون المشكلة فى الجهاز بتاعى بس و يتبدل بنفس الجهاز و يكون كويس على الأقل زى L7 DUAL , أو أى جاهز مختلف حتى ..
  
  معلش تعديل لرد حضرتك اتلغبطت بس فى الرد : النسخة اللى فى السوق Kitkat 4.4.2 مش 4.2.4 ,, أنا عارف ان حضرتك عارف طبعا بس خطأ كتابة بسرعة قلت أنبه عليه علشان لو أعضاء بتقرأ التعليقات و لسه هتشترى الموبايل ما تتلغبطش , و بارك الله فيك..

---

• 2015-01-12 (08:35:33AM) LG G Pro Lite Dual

  لو سمحت يا أستاذ MEl3RaBy , هل التحديث بينزل الموبايل من كيتكات للإصدار الأقل (جيلى بين) زى ما جضرتك كاتب و لا أنا فهمت غلط؟
  مع العلم ان موبايلى على تحديث 20b كيتكات حاليا و اشتريته كده.

---

• 2015-01-12 (08:32:46AM) LG G Pro Lite Dual

  أرجو من الإدارة حذف التعليق الزائد لأن الموقع كان بيكتب لى (الصفحة المطلوبة غير متاحة) .

---

• 2015-01-12 (08:24:49AM) LG G Pro Lite Dual

  السلام عليكم , أنا اشتريت الموبايل يوم 4\1 ,, و من ساعتها و الشاشة مضايقانى جدا , موطى السطوع لصفر و مع ذلك عالى جدا خاصة بالليل و مخلينى مش عارف أستخدمه أقرأ فيه أو أعمل أى حاجة و لا بالليل و لا بالنهار , مؤذى جدا و السطوع بالشكل ده كافى حتى فى الشمس! أو بضطر أرفعه ل 20 مثلا فى الشمس , , بالرغم من ان عندنا تليفونين
  LG L7 II Dual 4.3 ,, بتوع اخواتى و جايبينهم من بدرى و السطوع كويس جدا بل يكاد يكون منخفض , , و استخدمت تليفونات تاتش تانية , و شاشة اللاب و تليفزيون و شاشة LCD و عنيا مفيهاش مشكلة ,
  
  الموبايل نازل بتحديث كيتكات , ما عملتلهوش أى سوفتوير أبديت لغاية دلوقتى , هل التحديث الأخير 20C تقريبا بيحسن حاجة فى الهاردوير , و لا لأ ؟
  خايف أنزله يعمل مشكلة تانية خصوصا ان الناس بتشتكى من التحديثات بتاعته
  
  جبت سكرينة بس عادية لكن ما غمقتش ألوان الشاشة أوى برضو , أنا مش عايزها تضيع ألوان الشاشة , أنا خايف يكون الموبايل فيه مشكلة فعايز أعرف آراء الناس اللى معاها الجهاز ,
  
  التليفون لغاية دلوقتى مش عارف أستخدمه , حتى بالنهار فى اضاءة الغرفة مش بستحمل أقرا PDF أو برنامج قرآن عليه , مع ان استخدامى الأساسى اللى جايبه علشانه هو القراءة! و بقرأ على تليفونات اخواتى على السرير قبل النوم اضاءة مريحة و ألوان هادية,
  
  عايز أعرف لو حد من اللى معاه الجهاز بيشتكوا من نفس المشكلة ؟ و هل التحديث بيحل أى مشاكل هاردوير ؟ و لا أروح بالموبايل لـ (دريم) اللى اشتريت منه , مع ان برغم انه تعاملهم محترم , بس أى محل هيفضل يقول (مفيش مشكلة فى الجهاز و حضرتك بتتلكك, أو روح التوكيل!) , و التوكيل ممكن يستهبل كمان و انا لسه فى ال 14 يوم , خصوصا ان المشكلة ممكن ما تظهرلهمش فعلا فى ضوء النهار أوى ,
  
  و شكرا مقدما للرد و لتعليقات الأعضاء على الجهاز فى الصفحة اللى ساعدتنى كتير قبل ما أشترى , و أتمنى أى مساعدة لأنى برغم مميزات الجهاز الكتير , بطاريته الكويسة و حجم شاشته و سرعته , إلا ان الموضوع ده خلانى بقول يا ريت كنت جبت حاجة رخيصة و خلاص أو صغيرة زى ال L7 !

---

• 2015-01-12 (08:23:36AM) LG G Pro Lite Dual

  السلام عليكم , أنا اشتريت الموبايل يوم 4\1 ,, و من ساعتها و الشاشة مضايقانى جدا , موطى السطوع لصفر و مع ذلك عالى جدا خاصة بالليل و مخلينى مش عارف أستخدمه أقرأ فيه أو أعمل أى حاجة و لا بالليل و لا بالنهار , مؤذى جدا و السطوع بالشكل ده كافى حتى فى الشمس! أو بضطر أرفعه ل 20 مثلا فى الشمس , , بالرغم من ان عندنا تليفونين
  LG L7 II Dual 4.3 ,, بتوع اخواتى و جايبينهم من بدرى و السطوع كويس جدا بل يكاد يكون منخفض , , و استخدمت تليفونات تاتش تانية , و شاشة اللاب و تليفزيون و شاشة LCD و عنيا مفيهاش مشكلة ,
  
  الموبايل نازل بتحديث كيتكات , ما عملتلهوش أى سوفتوير أبديت لغاية دلوقتى , هل التحديث الأخير 20C تقريبا بيحسن حاجة فى الهاردوير , و لا لأ ؟
  خايف أنزله يعمل مشكلة تانية خصوصا ان الناس بتشتكى من التحديثات بتاعته
  
  جبت سكرينة بس عادية لكن ما غمقتش ألوان الشاشة أوى برضو , أنا مش عايزها تضيع ألوان الشاشة , أنا خايف يكون الموبايل فيه مشكلة فعايز أعرف آراء الناس اللى معاها الجهاز ,
  
  التليفون لغاية دلوقتى مش عارف أستخدمه , حتى بالنهار فى اضاءة الغرفة مش بستحمل أقرا PDF أو برنامج قرآن عليه , مع ان استخدامى الأساسى اللى جايبه علشانه هو القراءة! و بقرأ على تليفونات اخواتى على السرير قبل النوم اضاءة مريحة و ألوان هادية,
  
  عايز أعرف لو حد من اللى معاه الجهاز بيشتكوا من نفس المشكلة ؟ و هل التحديث بيحل أى مشاكل هاردوير ؟ و لا أروح بالموبايل لـ (دريم) اللى اشتريت منه , مع ان برغم انه تعاملهم محترم , بس أى محل هيفضل يقول (مفيش مشكلة فى الجهاز و حضرتك بتتلكك, أو روح التوكيل!) , و التوكيل ممكن يستهبل كمان و انا لسه فى ال 14 يوم , خصوصا ان المشكلة ممكن ما تظهرلهمش فعلا فى ضوء النهار أوى ,
  
  و شكرا مقدما للرد و لتعليقات الأعضاء على الجهاز فى الصفحة اللى ساعدتنى كتير قبل ما أشترى , و أتمنى أى مساعدة لأنى برغم مميزات الجهاز الكتير , بطاريته الكويسة و حجم شاشته و سرعته , إلا ان الموضوع ده خلانى بقول يا ريت كنت جبت حاجة رخيصة و خلاص أو صغيرة زى ال L7 !

---