اتمنى التفاعب من جميع مالكى الهاتف

للرجوع الي صفحة ال جي G Pro Lite Dual الرئيسية اضغط هنا

Princo

2014-05-02 (01:46:56AM)

انا كنت عايز اجيب سمارت فون و بصراحه عجبنى الجى برو لايت بامكانياته الجباره زى ما بيتقال هنا ف السايت مع انه ماركه مش ليها شعبيه عندنا هنا ف المنصورة
فبعد اذن سيادتك كنت عايز اعرف منك شوية حاجات قبل ما ادبس فى الفون وانا مش من نوع اللى بيغير الا كل 3 سنين مره وخايف مش يعجبنى واجى ابيعه ف مش هيجيب ربع تمنه
ليا بعض استفسارات عن الموبيل
اول مره بتشتريه بيكون مشحون بنسبة كام؟
اول مره بتشحنوا امتى لما يخلص شحن خالص ولا عادى فى اى وقت؟
هل بيتشحن وهوا مقفول ولا عادى سايبه مفتوح بس مش بتستخدمه
اول مره تشحنه تسيبه ف الشحن لمدة كام ساعه؟
بعد شحن الموبايل لاول مره وتم الشحن خلاص تمام كدا
استخدمته وفصل شحن تانى مثلا
بيستمر اد ايه ف الشحن لحد ما يوصل 100 ف المئه؟
بالنسبه لحكاية الشبكه ضعيفه ف الخط الاول هل دى حقيقية فعلا و بتأثر على الخط؟
بالنسبه لفتح الشاشه هل فعلا الضغطتين دول بيمثلوا مشكله ولا ليها حل؟
استخدام الموبايل بعد شحنه 100 ف الميه مع استخدام للنت جامد بمعنى انى بصحى من 8 صباحا مش بنام الا 12 مساءاً
وبكون فاتح شات وتصفح ومكالمات عاديه طول منا صاحى
البطارية تستمر معايا لمدة كام ساعه بالظبط وبعد كدا يقل شحنه؟
ولو استخدمته مكالمات بس من غير نت يستمر لمدة ايه؟
ولو العاب بس من غير مكالمات ولا نت مدة كام ساعه؟
هل فيه خاصية المالتى تاسكينج بمعنى انى افتح برنامجين على نفس الشاشه و اقدر اعمل باست و كوبى للكلام ما بين البرنامجين؟
هل لو شغلت اكتر من برنامج يعنى فايبر وتانجو وواتس اب و فيس بوك و كمان برنامجين تلاته الجهاز يهنج معايا ف التنقل ما بينهم ولا عادى مفيش تهنيج؟
وبالنسبه للالعاب زى تمبل ران وساب واى وفروت نينجا بتشتغل بكل سلاسه ولا مهنجه
وبالانسبه للالعاب التقيله بتهنج ولا لا؟
وايه رايك ف كامرته الخلفيه و الاماميه بالذات لانى دايما بعمل مكالمات صوت وصوره
وهل الجهاز بيسخن اوووى ولا مش بيسخن خالص وامتى بالظبط تزداد سخونته
ياريت ترد عليا ف اقرب وقت

GoodBye

2014-05-02 (10:48:36AM)

السلام عليكم
من كلام الأعضاء و المشاركين المحترمين هنا ان الموبيل مناسب جدا بالنسبة لسعره فى الفئة السعريه دى 2000 او 2200 جنيه
انا نفسى اجيب الموبيل ده ان شاء الله بعد ما كنت بفكر فى sony xperia Cو sony xperia SP
و ان شاء الله اجيب الجهاز بسبب كلام الاستاذ المحترم وليد

فى اسكندريه اجيب الموبيل من التوكيل و الجراب و السكرينه منين ؟ ش شاكور
هو كل الناس المحترمه جدا هنا اللى بتساعد الناس بدون مقابل
ربنا يبارك فيكم و يجازيكم خير و يبارك فى اعمالكم و اعماركم ان شاء الله

Princo

2014-05-02 (12:16:36PM)

انا كمان اكتشفت دا مع وقتى هنا ان الجهاز دا جميل وفعلا ربنا يبارك ف استاذ وليد وكل الاعضاء اللى هنا واتمنى جد يكلمنا عن الموبيل باستفاضه و يجاوبنا على الاسئلة دى

GoodBye

2014-05-02 (05:25:35PM)

فعلا جهاز واضح انه ممتاز بالنسبه لسعره
عمرك ما حتلاقى كل المميزات مع سعر معقول " بس دا احسنهم فى حدود 2000 "
بس يارب يكون اكسسواراته الجراب و الاسكرينه و البطاريه و كده متاحين فى التوكيل
و انا متابع معاك اسئلتك
بس اسئله كتير اوي Princo

mozakoky

2014-05-02 (05:55:15PM)

الجهاز ما شاء الله عليه محترم جدا
والجراب الضهر - والفليب الاصلي والكوبي - والاسكرين كلهم موجودين الوقت في السوق .
توكل علي الله واشتريه مشهتندم باذن الله .

Princo

2014-05-02 (06:37:14PM)

اكيد كلامك صح بس دى اسأله عادية كتقييم للجهاز لانى مشفتش ريفيوهات كويسه ليه
يعنى مشفتش خواص المالتى تاسكينج و انك تاخد شوت تصوير للشاشه يعنى ياريت حد يجاوبنى على اسئلتى

GoodBye

2014-05-02 (07:05:37PM)

ان شاء الله اللى اشتروا الجهاز يروا قريب يا Princo
اللى يجاوب على نصهم حتى يبقى ولد دول اكتر من 12 سؤال يا مدير ههههههههه

- mozakoky
ان شاء الله نشتروا الجهاز قريب انا اتمنى ىلاقى الجراب و كل اكسواراته فى اسكندرية يا لورد

انت اشتريت الجهاز ؟ و من امتى اشتريته ؟ و الجهاز اخباره ايه معاك ؟

mozakoky

2014-05-02 (08:02:03PM)

الجهاز معايا من حوالي شهرين وما شاء الله عليه زي الفل واحلي واهم حاجه ان البطاريه تمام جدا بيشتغل يوم كامل مكالمات كتير ولمدد طويله والواى فاي مش بفصله وكمان شغل فيس بوك وواتس اب وداونلود ويوتيوب وبراوزر يعني الشاشه مش بتطفي الا قليل جدا بعكس مثلا الكاتيل ايدول اكس بيتشحن مرتين في اليوم لكن البرولايت ما شاء الله عليه
توكل ومبارك عليك مقدما .

mnagib2010

2014-05-04 (12:58:51PM)

بالنسبة للشحن. مش فاكر كان اد ايه لما اشتريته بصراحة.
يتشحن مقفول او مفتوح زي اي فون عادي. مش بياخد كتير علشان يوصل 100%. ممكن اجربلك عملي واقلك الوقت بالظبط. الشبكة زي الفل متقلقش. فتح وقفل الشاشة عن طريق النقرتين هو اوبشن ممكن تفعله وممكن تلغيه بحرية تامة. البطارية بتقعد يوم كامل بشغل جبار. يعني انا بظروف شغلي باخد اسبوع احازة في البيت مش بكون محتاج الموبايل نت فبشحنه مرة واحدة بس طول الاسبوع وبقضيها مكالمات وميديا شغل متوسط 45 ق مكالمات يوميا. المالتي تاسك اظن انه مش متاح زي اجهزة النوت انك تشغل كذا نافذة في وقت واحد بس في كيو سلايد فيها شوية تطبيقات ممكن تشتغل بالتوازي مع برامج اخرى. بالنسبة للالعاب ساب واي شغالة طيارة. باقي الالعاب مجربتهاش بصراحة. الكاميرا جميلة وتصويرها ممتاز. والامامية جميلة جدا في المكالمات الفيديو.موضوع السخونه محصلش معاي يمكن علشان انا مليش في الالعاب انما شغل نت وبرامج شات وميديا مفيش سخونة. وفي الاخير يا باشا احب اقلك ان كل واحد له رأيه النسبي اللي بيختلف عن غيره. انا شايف ان الموبايل ده من احسن الموبايلات في رينج 2000 جندي

mnagib2010

2014-05-04 (01:01:59PM)

لو في اي استفسار تاني او اي نقطة مش مفهومة احنا دايما في الخدمة

Princo

2014-05-06 (01:10:51AM)

تسلم يا استاذ محمد نجيب انت حضرتك افدتنى كتير ف اسألتى بس ممكن استفسار:
-تعرفلى بيشحن ف مدة اد ايه لو تقدر تجرب عملى
-فتح وقفل الشاشه عن طريق النقرتين ممكن تستغنى عنه وتغيره لشكل رمز (حرف) ترسمه با يديك او باسورد ارقام تكتبها عادى؟؟؟؟؟
-تقدر تجربلى خاصية كيو سلايد بحيث انى اقدر اخد الكلام كوبى من السايت مثلا وانقله ف الرسايل كوبى وباست زى النوت 3 و الجراند كدا ؟؟
-خاصية سكرين شوت للشاشه و تصويرها تجربهالى ضرورى
شاكر جدا لافضالك ولتعبك معايا

mozakoky

2014-05-06 (07:55:56AM)

علي فكرة خاصية القفل عن طريق النقر مرتين علي الشاشه دى بديل. للزرار اللي في الجنب اليمين فقط
يعني انك تفتح الشاشه بانك ترسم حرف او باسورد ده بعد فتح الشاشه سواء بالنقر مرتين او الضغط علي الزرار اللي في اليمين من فوق .

saber127

2014-05-06 (09:48:33PM)

برينكو اشتريه و ااكدلك انك هتتزهل من امكانياته الجهاز فعلا جبار بالنسبه لثمنه و كل اللي انت بتسال عليه موجود و زياده يعني موضوع تاخد الكلام كوبي دي موجوده في اي موبايل اندرويد انت بتبقي فاتح البراوزر متقفلوش نزله تحت بزرار home و البرنامج التاني برده متقفلوش انت ممكن في اي اندرويد تفتح كذا برنامج و متقفلهمش. و تتنقل مابينهم. بس طبعا كل ما كانت الذاكره اكبر تقدر تفتح برامج اكتر منغير ما تتقل الجهاز الجديد بقي في الجهاز ده quick memo و دي بتسمحلك تاخد اي صفحه انت فاتحها كصوره و تكتب او ترسم عليها بالقلم. عامتا مش هتلاقي حاجه في النوت تو او الجراند مش موجوده بالعكس هتلاقي حاجات كتير زياده زي الريموت كنترول تتحكم بيه في اي تليفزيون. و حاجات تانيه كتير جدا هيجيلك زهول منها

Princo

2014-05-07 (12:42:07AM)

تسلم يا استاذ معتز على تبسيطك الجميل
تسلم يا استاذ صابر على اهتمامك انا عارف ات خاصية التنقل دى موجودة ف اى موبايل فعلا عن طريق زرار الهوم لكن انا اقصد انك تستخدم خاصية الكيو سلايد وتنسخ كلام من السايت لرساله عندك ف الجهاز دى شفتها ف ريفيو للجراند 2 و مش عارف موجوده ولا لا ؟؟

ELNISR

2014-05-07 (08:49:16PM)

البطارية بتتشحن من صفر الى100ف المية بعد ثلاث ساعات ونصف بالظبط وبتشتغل نت 3جى لمدة 8 ساعات متواصلة وكانت مشحونة وهية في العلبة55 في المية بالنسبة للسخونية اقصي حاجة وصل ليها 35 درجة في الالعاب

تلك الخدمة مخصصة للأعضاء فقط