مشكلة فى الداونلود

للرجوع الي صفحة ال جي G Pro Lite Dual الرئيسية اضغط هنا

mohabhoba

2014-04-12 (12:48:09PM)

بعد اذنكم الموبايل ده مع اختى بس فيه مشكله مش عارف ايه سببها, دلوقتى فى لعبة معينة اشترناها من google play حجمها حوالى 1.8 GB
الداوتلود كل مرة يقف ويدينى error 495 ده عند حوالى 3-4 %
نعمل ايه فى الموضوع ده؟

waleedsunny

2014-04-13 (12:30:43AM)

بص حضرتك عشان تتأكد ان العيب من الجهاز ولا لأ
حضرتك بتقول انك بتحمل لعبه شاريها من جوجل بلاى
طب حضرتك ادخل وحمل اسفلت 8 ودى مساحتها حوالى 1.32 جيجا مجانا
عن طريق الواى فاى لو كملت تحميل عادى يبقى المشكله من اللعبه اللى حضرتك بتحملها مش من الجهاز
الحاجه التانيه لازم تتأكد من سلامة الرواتر وعدم تشغيل اى جهاز او لاب اخر اثناء تحميل اللعبه
انا مشترك فى نظام طلقه
المفروض اللعبه تتحمل معاك فى 30 دقيقة بالظبط

mohabhoba

2014-04-13 (02:59:19PM)

انا جربت اعمل كده امبارح اصلا وبرده التحميل كان بيقف
بس امبارح برده انا عرفت سبب المشكلة فى ايه والتحميل اكتمل الحمد لله
المشكلة بقى ان الموبايل اما ال lock بيقفل تقريبا ال wi-fi بتاعه بيضعف حبة بحبة لغاية ما تقريبا يفصل؟ فا لازم علشان التحميل يكمل معايا افضل استعمل الموبايل؟ انا ساعتها قفلت خاصية ان ال lock بتاع الموبايل يقفل لوحده وسبت الشاشة مفتوحة وسبت الموبايل والتحميل اكتمل وكله تمام, بس اكيد المشكلة ديه مش طبيعية؟ ومش عارفلها حل فى ال setting مع العلم انى عامل ان ال wi-fi on during sleep يبقى (always) , ديه فى ال settings بتاعت ال wi-fi

فياريت تشوفلى الموضوع ده علشان مقلقنى؟مش عارف اروح للضمان ولا اعمل ايه؟

waleedsunny

2014-04-13 (10:51:13PM)

بص حضرتك الموضوع ده برده حصل مع عضو محترم هنا فى الموقع بس كان بيحصل مع برنامج الواتس اب والفيس ان برده لو ساب الموبايل ساعه مثلا وهو فاتح الواى فاى لما يجى يفتح الشاشة يلاقى الواى فاى قفل مع انه كان برده مشغل اوبشن wi-fi on during sleep لكن ماعرفش بصراحه حلها ولا عمل ايه
وانا لما كان معايا الموبايل حملت لعبة ريل ريسنج3 مساحتها 1.5 جيجا اللى فاكره ان الشاشة ماقفلتش اصلا اثناء التحميل والتحميل تم فى نص ساعه تقريبا
لكن حايلا انا معايا جراند2 وميجا 5.8 مع المدام محمل لعبة اسفلت 8 واول ما ابتدى التحميل انا قفلت الشاشة بنفسى وبعد نص ساعه انتهى التحميل والحمد لله
ياريت حضرتك كنت تعمل اعادة ضبط المصنع قبل تجميل اللعبه دى لان حضرتك بتقول انك شاريها وحرام تعمل اعادة ضبط المصنع وتمسحها بعد ماحملتها

mohabhoba

2014-04-14 (12:05:37PM)

باشا انا معايا فى العيلة موبايلين LG G PRO مش واحد والاتنين جايبهم من دريم 2000 واحد ضمان الدلتا وواحد الصافى ,جربت التحميل فى الاتنين ونفس الموضوع التحميل مش بيكمل غير والشاشة مفتوحة, اللعبة مفيهاش مشكلة ممكن تتشال وتتحمل تانى من غير مادفع فلوس, المشكلة ان مفيش حل اكيد, يعنى لو عملت اعادة ضبط مصنع هتتصلح؟ مظنش برده؟ لأن الموبايلين اصلا مبقلهمش معانا شهر؟ ولسه متلعبش فى settings بتاعتهم برده؟ وأنا جربت احمل اللعبة بتابلت samsung tab 3 7.0 واتحملت عادى و الشاشة مقفولة وكل حاجة, الموضوع مقلقنى والله؟ هل اوديه للتوكيل ولا ايه؟

معلش تاعبك معايا والله؟ بس منتظر ردك يا أستاذ وليد

waleedsunny

2014-04-14 (01:05:33PM)

طب هاقول لحضرتك حاجه بسيطه نجربها وان شاء الله مش هانخسر حاجه
اول حاجه جرب ان حضرتك تحمل لعبه كبيره بس مش من على جوجل بلاى وفى طبعا ماركت تانيه غير جوجل بلاى ومجانا وشوف هايحصل ايه - لو برده حصل نفس الشىء
شوف اى الموبايليين اللى مع حضرتك عليهم برامج اقل واعمله اعادة ضبط المصنع وبعد فتح الجهاز مباشرة حمل اللعبه بعد ماتعمل حساب ليك على ال Gmail مباشرة وماتحملش اى برامج نهائى وشوف لو برده فيه نفس المشكله يبقى يستحسن تروح الضمان وتشوف حل
بس حضرتك ماقولتليش الموضوع ده برده بيحصل لو حضرتك فاتح الفيس او الواتس اب وشغال عليهم عادى وبعدين سيبت الموبايل مثلا ربع ساعه ورجعت للموبايل بتلاقى الواى فاى قفل ولا لسه فاتح
وكمان برده شوف كده لو فتحت الواى فاى وماحملتش حاجه اصلا وسيبت الجهاز الشاشة قفلت وسبتها برده مثلا ربع ساعه وفتحت الشاشة تانى هاتلاقى الواى فاى برده قفل ولا لسه فاتح
ولو حضرتك جربت الجهاز على راوتر تانى مختلف هايحصل نفس الشىء
انا عارف انى تعبتك بس الواحد بيحاول يجرب كل البدائل قبل اللجوء للضمان وبعتبره اخر حاجه الواحد يفكر فيها

mohabhoba

2014-04-14 (02:13:27PM)

المشكلة بس ان الموبايل مش بتاعى ومش معايا دلوقتى, اما يبقى فى ايدى هجرب اشوف احمل من ماركت تانى, هاشوف حكاية ضبط المصنع ديه ممكن معرفش اعمل ضبط مصنع علشان فيه ملفات كتير تانية,
يا باشا لا بيبقى ال الواى فاى connected عادى بس زى ماتقول بيبقى ضعيف او حاجة كده مش عارف؟ يعنى بفتح الاقيه عامل connection عادى
مش عارف اجربه على راوتر تانى فين ده, بص هاشوف الحاجات ديه كلها واقولك عملت ايه ووصلت لإيه

لا يا باشا والله انا اللى تاعبك معايا شكرا لمجهودك معايا

ahmeduma85

2014-04-14 (02:17:48PM)

القصة دي كانت بتحصل معايا بس كان موديل p920 3d كان لما الشاشة تقفل الرأى فأي يقفل لوحده والوقت معايا g2 شغال تمام ومفهوش المشكلة دي الحمد لله

mnagib2010

2014-04-15 (04:56:34AM)

غريب الموضوع ده. انا معاي البرو لايت وبيحمل والشاشة مقفولة سواء عن طريق الواي فايزاو الثري جي. ساعات بحمل ملفات بحجم 4 جيجا. بسيبه طول الليل شغال وكله تمام. مع اني معملتش اي حاجة في الاعدادات نهائيا. يبقى زي ما قال الاستاذ وليد روح التوكيل وشوف ايه النظام

mohabhoba

2014-04-15 (11:29:35PM)

mnagib2010: شكرا, انا شكلى هعمل كدا علا :(

waleedsunny: جربت كل اللى قلتلى عليه بصراحة ماعدا إعادة ضبط المصنع علشان الملفات والأرقام اللى على الأجهزة؟ التحميل من ماركت تانى كان نفس الكلام, اما الواى فاى مع التطبيقات التانية وكده فبيبقى شغال عادى وعمره مفصل اصلا؟ واما بيحمل مبيفصلش برده؟ جوجل بلاى بيجبلى error وبس؟ انا اكتشفت الحكاية ديه من انى راقبت لمبة الراوتر وانا بحمل؟ لقتها بتحمل تمام وبعد كده تبطأ وأما أفتح الشاشة بتاعت الموبايل تكمل تحميل تانى؟

شكلى كده المفروض اروح للضمان ؟ :)

تلك الخدمة مخصصة للأعضاء فقط