بدون عنوان

للرجوع الي صفحة ال جي G Pro Lite Dual الرئيسية اضغط هنا

3rafa456

2014-02-11 (11:41:08PM)

السلام عليكم
عاوز اعرف من وليد ايه الفرق اللي لاقيته في g700

waleedsunny

2014-02-12 (12:15:26AM)

بصراحة وبمنتهى الامانه وعارف ان في ناس كتير هاتستغرب من كلامى ويمكن ماتصدقوش
ال جى افضل وده يثبت كلامى اللى قولتوا قبل كده ان المواصفات على الورق حاجة واستخدام الموبايل الفعلى حاجة تانية
مافيش اى فرق يذكر في السرعة مع ان الفرق في المواصفات رهيب
الصوت في ال جى سواء المكالمات او النغمات ماشاء الله سرينه بالنسبة للهواوى 700 او ال 610 على فكرة
مافيش تخصيص نغمة لكل خط على حده زى ال جى
مافيش خلفية مختلفة لكل خط زى سامسونج
مافيش تغير للون كل شريحة حسب راحتك زى الكاتيل او ال جى
مافيش برنامج الباور سيف المدمج مع سوفت وير الجهاز زى سامسونج او ال جى
مافيش اوبشن حظر ارقام معينه من الاتصال بيك ويديهم ان خطك مشغول عالطول زى ال جى او سامسونج
لما لاقيت السوفت وير بتاع الكاتيل ايدول اكس او ايدول مينى زى الهواوى 700 بالظبط توقعت ان هايبقى فيه برنامج تسجيل المكالمه مدمج مع سوفت وير الجهاز زى الكاتيل برده مالقتيش الاوبشن ده موجود
لو ادينا لبطارية ال جى برو لايت تقييم 100% ندى الهواوى 700 حوالى 70% مش أكتر
موضوع ان السماعات بتاعت ال جى وضعها زى الايفون بحيث انك مش هايفرق وضع الموبايل على ضهره او وشه دى ميزة لوحده بالموبايل كله بصراحه
الحسنات اللى في الهواوى 700
ان الرامات 2 جيجا وبصراحة دى ميزه انا شخصيا مش هااستفاد منها كتير
المساحة الصافية 5 جيجا وفى امكانية نقل للكارت الحارجى
الكاميرا بصراحة افضل شوية
المنبه بيشتغل حتى والموبايل مغلق زى الكاتيل
الريزلوشن بتاع الشاشة جميل وصافى بس وافضل حاجه بسيطه من ال ال جى
عارف ان اصحاب الهواوى ممكن يزعلوا بس فيه اعضاء كتير حاليا بيخدوا كلامى ثقة ويمشوا على اساسه
فالحاجات اللى انا ذكرتها انها عيوب ( بالنسبة لى انا فقط ) ممكن تكون عادية بالنسبة لحد تانى ومتفرقش معاه - وان الحاجات اللى انا شايفها عادية بالنسبة لى تكون مهمه جدا لحد غيرى زى موضوع الرامات ونقل البرامج للكارت الخارجى او ان الكاميرا افضل شويه
في الاخر انا بقول رأى من خلال تجربتى الفعليه للجهازين وليس عن طريق السمع
وان شاء الله ربنا يكرم الجميع

تلك الخدمة مخصصة للأعضاء فقط