هذا الموضوع مرتبط بـ G Pro Lite Dual

بدون عنوان

3rafa456

2014-01-19 (08:40:09PM)

السلام عليكم ورحمة الله وبركاته أرجو من أستاذ وليد او حد يكون عنده خبره او مجرب الاتنين Huawei g610 و lg pro
انا جبت موبايل هواوي g610 بصراحة ممتاز كاداء بس انا شايف الناس بتشكر في الموبايل ال lg ده مع ان إمكانياته مش اوي فهل هو أفضل من الهواوي اصل انا عوز اجيبه فهل هلاحظ فرق يعني مش هندم

waleedsunny

2014-01-20 (08:48:06AM)

أستاذ 3rafa456
أنا ما أنصحش حضرتك بإنك تبيع الهواوى لانه المفروض انه جهاز محترم وماركة محترمة عالميا وبعدين عشان ماتخسرش كتير وكل حاجة فى جميلة ماعدا صوت النغمات اللى متوسط وبعدين الكمال لله وحده - وبعدين مش هاتلاقى جهاز فى كل الامكانيات الجبارة دى بالسعر ده - ده ولا فى الاحلام - ده لو محطوط علية علامة سامسونج مش هايقل عن 2500 - زى الجراند مثلا اللى امكانياته اقل والناس بتشتكى منه - الامانة واجبه ومش عشان اشتريت موبايل تانى اطلع الموبايلات التانية وحشة - ده غير ان قلت قبل كده انى كنت نازل اشترى الهواوى وكنت هاجيبه من السعودية لكن سالت المحلات لو حبات ابيعوا ليهم قالولى هاتخسر فى اكتر من 50% - فازودت شوية وقلت اجرب الشاشات الكبيرة والبطاريات العاليه وبعدين ال جى ماركة معقولة ومش وحشة - لكن برده ده مايمنعش ان الهواوى ماركة محترمة بامكانيات عالية وسعر خرافى

waleedsunny

2014-01-20 (08:37:33AM)

حضرتك اللى عايز يبيع عايز يبيع 610 مش ال جى
ثانيا ان بصراحة قلت قبل كده كتير ان مواصفات الجهاز ده على الورق فقط
وعشان كده حبات أثبت لنفسى ان الجهاز فعلا امكانياته محترمة
دورت ولاقيت اكتر جيم بيعملوا عليه اختبار فى الموبايلات الحديثة فى الريفيوهات بتاعت اليوتيوب هو جيم real racing 3 وده مساحته 1 جيجا ولما بينزل على الموبايل بيبقى 1.5 جيجا
قبل ما أحمل اللعبة كانت البطارية 70% ودرجة الحرارة 16
شغلت الواى فاى ( سرعة النت عندى 2 جيجا ) وحملت اللعبة ( 1 جيجا ) وبعد التحميل أصبحت على الجهاز 1.5 جيجا - اخدت وقت حوالى ساعة وتلت ولعبت حوالى 20 دقيقة عشان اجرب اللعبة واشتغلت ماشاء الله زى الفل بدون أى تعليق او تهنيج او بطء وريزليوشن محترم جدا بدون اى بيكسل او الوان باهته ولا حاجة - ولعبت مرة وان فاتح الواى فاى ومرة انا قافله عشان خفت لا تكون اللعبة مابتشتغلش الا والنت مفتوح لكن اشتغلت عادى والحمد لله
وبعد ماقفلت اللعبة واواى فاى لاقيت البطارية 43% ودرجة الحرارة 28
أنا ماكنتش ناوى أحمل عليه اى العاب تقيله لانى مش جايبه عشان العاب بس حبات أثبت لنفسى قبل حضراتكم انه والحمد لله جهاز محترم

3rafa456

2014-01-20 (01:37:35AM)

جزاك الله خيرا يا وليد بجد انا مستغرب ان الموبايل بامكانياته الضعيفة دي وحضرتك بتشكر فيه اوي كده لدرجة أن حاسس انك بتتكلم علي موبايل تاني عشان كده عاوز اجيبه
ممكن تقول لي اسم الاخ اللي هيبيع ال lg pro

waleedsunny

2014-01-19 (10:48:23PM)

بص حضرتك لو حضرتك مش هايهمك موضوع ان صوت النغمات مش عالى في عضو محترم في صفحة ال 610 لسه شارى الموبايل بيفكر يبعوا بسبب صوت النغمات وبرده توفر في الفلوس وتاخد أداء عالى من ماركة محترمة عالميا
لو حضرتك عايز شاشة كبيرة وريزليوشن محترم وبطارية ( عربية ) ماشاء الله وصوت سماعات ستريو عالى جدا ( لان الجهاز سماعتين ) وبعدين وضع الجهاز سواء على ضهره او وشه مش هايفرق لان وضع السماعات بجوار مكان اليو اس بى ودى ميزة خطيرة ( لانى كنت دايما بحط الموبايل على وشه عشان صوت النغمات مايتكتمش - وأداء الموبايل ماشاء الله محترم وسريع جدا ومافيش حاجة إسمها تهنيج والفلوس معاك تكمل هات ال جى
على فكرة أنا اشتريت حوالى 20 موبايل وتاب أندرويد من أول أندرويد 2.1 لحد 4.2 لإى أخر سنتين وبحكم الخبرة ده أقدر أقول ان الجهاز ده فعلا ماشاء الله يستحق الاحترام والاقتناء لدرجة ان اول ألاقى نفسى ما بفكرش في موبايلات تانيه - شكلى الحمد لله خفيت من مرض التكنولوجيا
مع ان الجهاز في عبيين من وجهة نظرى (لان الكمال لله وحده )
1 - زراير التحكم من غير إضاءة
2 - عدم نقل البرامج والالعاب لكارت الميمورى ( ودى مش فارقة معايا ) لكن بالتأكيد ممكن تهم ناس تانية
غير كده حتى الان لم أقايل حاجه تانية
وربنا يوفقك

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG G Pro Lite Dual

مقارنة

Android
540 x 960 pixels, 5.5 inches (~200 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG G Pro Lite Dual

Android

540 x 960 pixels, 5.5 inches (~200 ppi pixel density)

3G

8 MP, 32...