سعر و مواصفات Huawei Honor 3X G750

مقارنة

Android

Android OS, v4.2.2 (Jelly Bean)
5.5″

5.5 بوصة
3G

2G / 3G
13 MP, 4...
GB RAM

8/16 GB, 2 GB RAM
3000mAh

Li-Po 3000 mAh, قابلة للازالة

غير متاح

(438 تقيمات)

موصفات Huawei Honor 3X G750

الموصفات الاساسية

[?]	الحجم	149.5 x 77.4 x 8.9 mm (5.89 x 3.05 x 0.35 in)
[?]	الوزن	162 جرام
[?]	الألوان بالأسواق	اسود,ابيض

الشاشة

[?]	نوع الشاشة	IPS LCD capacitive touchscreen, 16M colors
[?]	مساحة الشاشة	5.5 بوصة
[?]	دقة الشاشة	720 x 1280 pixels, 16:9 ratio (~267 ppi density)
	دعم اللمس المتعدد	لا

الشبكة

	دعم 2G	نعم
[?]	دعم 3G	نعم
[?]	دعم 4G-LTE	لا
[?]	دعم 5G	لا
[?]	دعم HSCSD	لا
	دعم EDGE	نعم
[?]	دعم GPRS	نعم

الاتصال

[?]	دعم WLAN	Wi-Fi 802.11 b/g/n
[?]	دعم بلوتوث	v4.0, A2DP
[?]	GPS دعم	نعم
[?]	NFC دعم	لا
	دعم راديو Fm	نعم
	دعم USB	نعم

معلومات عن الكاميرا

	دعم الكاميرا	13 MP, 4128 x 3096 pixels, autofocus, LED flash
	دعم فلاش	نعم
	كاميرا امامية	نعم

مساحة الذاكرة

	الذاكرة الخارجية	microSD, up to 64 GB
	الذاكرة الداخلية	8/16 GB, 2 GB RAM

نظام التشغيل

	نظام التشغيل	Android OS, v4.2.2 (Jelly Bean)
	نوع نظام التشغيل	Android
[?]	CPU	Octa-core 1.7 GHz

معلومات أخري

	الرسائل	SMS(threaded view), MMS, Email, Push Mail, IM
	المتصفح	HTML 5
	معلومات عن البطارية	Li-Po 3000 mAh, قابلة للازالة

الخصائص

[?]	دعم شرحتين	نعم
	الشريحة	Dual SIM (Mini-SIM, Micro-SIM, dual stand-by)
	نوع النغمات	MP3
	مخرج صوت 3.5mm jack	نعم
	الاهتزاز	نعم
	دعم انفراريد	لا
[?]	حماية بالبصمة Fingerprint	لا
	مكان البصمة	لا يوجد

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع و اراء عن Huawei Honor 3X G750

نصيحه

بواسطة: merobig

يا جماعة الخير ...
عايز اجيب جراب محترم واسكرينه تحمى الشاشة ضد الكسر للموبايل دا ...
اجيبها منين وهيا بكام ؟
انا النهارده نزلت لفيت كتير فى شارع عبد العزيز وشارع العطار وملقتش جرابات غير عند اتنين والصراحة غاليين على الفاضى وخامات تعبانه ولقيت اسكرينه عادية اللى هيا ضد البصمة ...
افيدونا اعزكم الله

2014-10-16 (12:54:09AM) / ردود 6

اضف رد

EMUOSTAR

2014-10-18 (04:01:56AM)

وجهات نظر

merobig

2014-10-18 (02:58:05AM)

بالعكس يا هندسة .. انا شايف من وجهة نظري ان احد اهم عيوب تصميم الجهاز بجانب مكان سماعة الاصوات هوا وجود زرار الباور في النص مجنب زراير الصوت...والجراب دا خللاني اتحكم شوية في الموضوع دا...خلاص يعني قفلت علي هواوي يلزقوا الزراير جنب بعضها.... ما التليفون طويل عريض..حبكت معاهم يعني يحطوهم كدا؟؟

EMUOSTAR

2014-10-17 (04:36:41PM)

المشكله ان في اكسسورات رائعه للجهاز في الخارج ومش عارف ليه الوكيل مبينزلش الحاجات دي مع نزول الجهاز مع انها مش غاليه بالمره
وبالنسبه للجراب اللي هو من غير زارير انا بفضله لسبب بسيط لان الجراب اللي انت تقصده اللي مقفول من عند الزراير ده افضل فعلا لو مصنوع من خامات مرنه ولكن الموجود في السوق من اردئ الخامات والزراير بتكون تقيله والتحكم فيها صعب

merobig

2014-10-17 (03:01:53PM)

عزيزى EMUOSTAR
ان جبت جراب لونه ابيض بلون الموبايل (وندمت لانى مكنتش اتخيل ان الجراب الابيض بيتوسخ بسرعه كده ) واعتقد انه من البلاستيك المرن (اذا كنت تقصد الجراب السليكون الشفاف فهو لسه مجاش عندهم ) ومقفول من عند الزراير واعتقد فى رأى المتواضع دا الصح وسعره 25 جنيه وعندهم الوان والاسكرينه العادية ب 20 جنيه ... حاجة مؤقته كده بقا يا عم EMUOSTAR لحد ما ان شاء الله الكوفر الفليب والاسكرينه الزجاجية ينزلوا ...:)
تحياتى :)

EMUOSTAR

2014-10-17 (12:52:22PM)

ياريت تقولي جراب الضهر خامته ايه سيلكون ولابلاستيك ومقفول من عند الزراير ولا مفتورح وسعره كام

merobig

2014-10-17 (03:14:41AM)

قمت اليوم بزيارة فرع 888 بعين شمس ....شباب زى الفلل ومحترمين جدا ومعاملة فوق العالية .. جبت من عندهم جراب الظهر والاسكرينة العادية وكارت ميمورى 8 جيجا .. وكلها بأسعار فى متناول الجميع .. ووعدونى ان شاء الله الجراب الفليب والاسكرينه الزجاج هيكونوا موجودين فى بحر 10 ايام

ياريت تفيدونى

بواسطة: mohamedashraf90

الموبيل ده افضل ولا جراند 2

2014-10-15 (01:00:47PM) / ردود 4

اضف رد

EMUOSTAR

2014-10-16 (08:21:00PM)

متقلقش من جوده الخامات والتصنيع في هواوي فهي مميزه وقويه وانا كان ممكن بسعر الجهاز ده اجيب نوت 2 أو اس 4 كسر زيرو أو جراند2 أو اس 3 زيرو ولكن انا فضلت الهواوي لشكله وامكانياته
وبكل امانه الجهاز هيعجبك جدا ومش هتندم لو جبته ولكن مشكله الجهاز حاليا هي قله اكسسوراته وقطع غياره هتبقى مع الوكيل وده برده في نظري مسأله وقت

EMUOSTAR

2014-10-16 (08:19:10PM)

متقلقش من جوده الخامات والتصنيع في هواوي فهي مميزه وقويه وانا كان ممكن بسعر الجهاز ده اجيب نوت 2 أو اس 4 كسر زيرو أو جراند2 أو اس 3 زيرو ولكن انا فضلت الهواوي لشكله وامكانياته
وبكل امانه الجهاز هيقولك جدا ومش هتندم لو جبته ولكن مشكله الجهاز حاليا هي قله اكسسوراته وقطع غياره هتبقى مع الوكيل وده برده في نظري مسأله

mohamedashraf90

2014-10-16 (07:24:16PM)

طب ياريت حضرتك تنصحني
هواوي محترمه فعلا ولا اقل من سامسونج وسوني وHTC
لان اسعارهم مغريه جدا.. انا لو معايا فلوس كفايه مكنتش اشتري غير ال p7 بصراحه

EMUOSTAR

2014-10-15 (08:02:39PM)

في الامكانيات هواوي G750 افضل من الجراند 2 في البرسيسور والرامات والكاميرا وحجم ونوع الشاشه

وفي توافر قطع الغيار والاكسسورات سامسون افضليه السامسونج بشكل عام

توضيح مهم جدا جدا بخصوص الكيتكات

بواسطة: mezo0o0o66

انا اشتريت الموبيل من الخارج .. " انا موبايلى huawei honor 3x pro " --- نسخه 16 جيجا
هو نزلوو تحديث كيتكات 4.4.2 ع الموقع ده

النسخه بتاعتي كانت جايه بلغه انجليزي و صيني فقط ..
بعد التحديث نزلها كل اللغات .. الفكرة ان للتحديث ده developer لذلك مش متظبط قووي .
كل 15 يوم تقريبا بينزلولو تحديث عشان يظبطوه .
للامانه هو موصلش للتوب ... بس شغال
عمل تحديثات ع الكاميرا و نزلى مجموعه ابليكشنز حلوة .
بالنسبه للنسخ اللى نزلت مصر انا مش عارف ايه الوضع .

بالنسبة للنسخه ال 8 جيجا ... دي فى منها نسختين
3X T00 WCDMA ... دي نسخه فيها 3G .. و دي اللى موجوده ف مصر
3X T01 GSM ... دي نسخه مفيهاش 3G .. و ملناش دعوة بيهاا
انا بقولكو الكلام ده لسبب
م الاخر مش هيجيلك تحديث للجهاز اونلاين لأن هواوي مش من الشركات اللى بتبعتلك التحديثات اول باول .

يبقي انت لو عايز تحدث الجهاز هيكون على مسئوليتك .. هتنزل السوفت و تحدث
بس الاهم انك تعرف نوع جهازك ايه .. و بالتفاصيل عشان لما تيجي تنزلو حاجة تكون ف السليم

ده لينك لكيتكات لجهازك

على مسئوليتك و انت بتنزلوو

ارجووو وضع الكومنت كتقييم للجهاز .. انا مش عايز الكومنت يضيع فى وسط الكومنتات
عايز الكل يستفيد

2014-10-15 (12:23:20PM) / ردود 7

اضف رد

wahba1800

2014-12-14 (07:24:19PM)

ممكن تقولنا خطوات الابديت للكيت كات وخطوات اني اغير النسخة u10 ل t00

merobig

2014-10-17 (03:17:54AM)

EMUOSTAR

mezo0o0o66

بالراحه علينا شوية يا اساتذه احنا مش ملاحقيين على سرعة تعاملكم مع الجهاز ...
واحده واحده ياخونا ... :) :)

mezo0o0o66

2014-10-16 (04:07:26PM)

ازااى حليتها طيب ؟

EMUOSTAR

2014-10-16 (12:17:46PM)

المشكله دي مش عندي ومحستش بيها ولو كنت تقصد باستجابه التاتش انك بتحس بتهنيجه بسيطه يبقي دي المشكله اللي كانت مقابلاني وانا حلتها من الاعدادات في خيارت المطورين

mezo0o0o66

2014-10-16 (03:21:39AM)

استجابه التاتش قلت شوية
يعني الاول كان افضل
لكن للامانه حسيت بفروق ف الكاميرا و السيستم اتحسن
بس موضوع التاتش ضايقني جدا اتمني تتحسن مع التحديث القادم
و على فكرة صحيح .. الموبيل بتاعي نازل معاه ماركت صيني بيحدث الميوزيك بلاير بتاع الموبيل و الحاجات دي .
الميوزيك بلاير صوتو بقي اعلي شوية بعد التحديث

EMUOSTAR

2014-10-15 (07:05:29PM)

وياريت توضح ايه المشاكل اللي بتصادفك اللي بتخليك تقول ان النسخه موصلتش للتوب علشان اقدر اقولك ده بيحصل معايا ولا لا علشان صادفني مشكله وكانت بسبب خطا في الاعدادات كانت بتخليني احس ان الجهاز بيهنج وبعد ماوصلت لحلها انتهت المشكله والجهاز بقي سريع جدا

EMUOSTAR

2014-10-15 (07:02:23PM)

انا كمان منزل النسخه دي وهي جميله جدا علي الجهاز مع ان الفروق الملحوظه فيها هو التتغير في الواجهه وبعض الاضافات في بعض البرامج وهي علي فكره نسخه مستقره ومفيهاش تقريبا ادني مشكله
في حاجه كمان انا جهازي بالضمان المحلي يعني مش النسخه العالميه ود مفيش تحديث ليها بعد الجيلي بين بس انا بفضل الله قدرت افك الحمايه بتاعت البوتلودر واحولها للنسخه العالميه اللي تقريبا مبيعديش شهر الا ويكون في تحديث نازل ليها

رجاء الرد

بواسطة: anafigo

لو سمحتم اللي اشتري الهاتف من مصر
نزله تحديث الكتكات ولا لا ؟؟؟
عشان دي نقطه محيره الناس اللي عاوزه تشتريه
رجاء الرد ضروري

2014-10-14 (10:51:16PM) / ردود 0

اضف رد

تجربة حقيقية

بواسطة: eitaa

بصراحة يا جماعة الموبايل دة لسة جايبة بقالة اسبوعين من موبايل شوب بس فى الحقيقة ياعنى سامسونج واتش تى سى هيزعلو بمعنى الكلمة ... الموبايل رووعة جدا وامكانياتة جميلة وسعرة تحفة بالنسبة لمنافسية واجمل حاجة عجبانى اووى ان بطاريتة بتستحمل شغل ولعب ونت لان الاس ثرى كانت معايا قبلة وكانت بطاريتها مابتلحقشى تقعد معايا والخطين بيشتغلو سوى عادى مافيش مشكلة فيهم ومش تقيل ولا بيهنج وبنصح بية بصراحة اى حد عايز يغير ويجيب حاجة فيها امكانيات كويسة جدا وبسعر معقول يبقى يخلية فى الهواوى بجد شركة واضح ان هايبقى ليها مستقبل عالى اووى فى مصر هيا بس محتاجة شوية دعاية زيادة ويزودو الاكسسوارات بتاعت الموبايل وتبقى متاحة بطريقة اكتر فى المحلات

2014-10-12 (02:31:25PM) / ردود 9

اضف رد

EMUOSTAR

2014-10-15 (08:14:59PM)

مبروك الجهاز ياباشا هو جهاز جميل فعلا
وعلي فكره صافي الذاكره الداخلي 5.5 جيجا
وبالنسبه لموضوع الكيت كات النسخه اللي نازله مصر والدول العربيه اللي برقم G750 U10 لسه منزلش ليها تحديث الكيت كات اكيد هينزل بس هيتاخر شويه
وبالنسبه للنسخه العالمية G750 T00 دي تقريبا بينزل ليها كل شهر تحديث جديد وانا جهازي نسخه U10 وحولته للنسخه العالمية T00 وعادي بيقبل كل التحديثات الجديده بتاعت النسخه
وبالنسبه للكيت كات يعتبر مش فارق كتير عن الجيلي بين غير في تغير الواجهه واضافه بعض الخصائص علي بعض البرامج

وبالنسبه للالعاب انا جربت لعبه قالي عليها صديق وقال انها مش بتشتغل علي اي جهاز وفي اجهزه بتشغلها علي الوضع المتوسط للعبه وااللعبه دي اسمها NOVO 3 مساحتها 2 جيجا وشغاله علي الجهاز بدون اي مشاكل او تهنيج وعلي اعلي اعدادات

eitaa

2014-10-14 (11:46:55AM)

استاذ ahmeddalal معلش اتاخرت عليك فى الرد استاذ merobig رد على حضرتك هوة فعلا مابيشغلشى USB فلاش بس المقصود انة كابل يو اس بى زى موبايلات السامسونج كدة تقدر توصلة بالكمبيوتر دايركت وتحط وتنزل علية عادى وتشحنة من الكمبيوتر ...
وبالنسبة للذاكرة انا جبتلة كارت 16 جيجا زى الفل ياعنى مافيش اى مشاكل ومش حاسس بموضوع ان الذاكرة قليلة دى بس هوة مجملا موبايل تمام مافيش اى مشاكل حتى الان ملحوظة بشكل يضايق او يخوف واتوكل على الله وهاتة ماتقلقشى

eitaa

2014-10-14 (11:41:30AM)

الله يبارك فيك يا merobig لا الحقيقة انا اخر مرة عملت تحديث للموبايل من 3 ايام وقالى ان مافيش تحديثات متوفرة فا مش فاهم بصراحة كدة هينزلو تحديثات للكيتكات زى ما بتقول ولا لا

merobig

2014-10-13 (02:26:28PM)

anafigo
آه له تحديث كيت كات 4.4.2 بس حاليا للنسخه الصينى بس.. انما النسخه الدولية فى الطريق

anafigo

2014-10-13 (12:17:35PM)

هل الموبايل نزل له تحديث كتكات ولا لا ؟؟

merobig

2014-10-13 (01:49:18AM)

eitaa
استفسار مهم .. انت عملت له تحديث للاندرويد كيتكات 4.4 وللا لسه ؟

merobig

2014-10-13 (12:35:31AM)

مبروك eitaa
وعندك حق ....هواوى العالمية واخدة الطريق بتاع الكاتيل اول ما بدأت تشتغل فى الاندرويد بردو فضلت فى الاول طناش طناش .. دلوقتى انزل وسط البلد هتلاقى مندوبى الكاتيل بيجروا وراك فى الشارع عشان تشترى منهم ومعظم اكسسوارات موديلات الكاتيل موجوده فى المحلات ... والصراحة انا بقع على ظهرى من الضحك لما حد بيقول ان هواواى ماركة صينى !!! دا على اعتبار ان كل السامسونج اللى قى مصر كورى على ابوه والسونى تقفيل يابانى بقا وكده ؟؟؟

ahmeddalal
لو انت تقصد خاصية USB On-the-go فهى مش موجوده
اما بخصوص المتاح من الذاكرة الداخليه فهو فى حدود 3.8 جيجا يعنى تقريبا نص المساحه

ahmeddalal

2014-10-12 (09:46:50PM)

اسف نسيت هو الذاكرة الداخلية المتاحة من ال 8 جيجا كام وشكرا

ahmeddalal

2014-10-12 (09:45:36PM)

لو سمحت هو الموبيل بيقرأ الفلاشه ولا لا وارجو الرد بسرعة عشان انا عايز اجيبه بس دي حاجة مهمه بالنسبالي وشكراً

G750

بواسطة: Mada1

يا جدعان ياريت حد يفيدني انا موبايلي g750 عايز اعرف احدث الى الكيت كات ازااااااااااااى ياريت حد يرد عليا عشان حاسس ان الصفحة نايمة اوى وياريت يقولي الشرح ازااى والى حدثو يقول اية رائيو ف فى الكيت كات خلي الجهاز احلى من الاول ولا ارجو الافادة

2014-10-12 (03:27:25AM) / ردود 1

اضف رد

EMUOSTAR

2014-10-15 (08:20:43PM)

لو جهازك برقم G750 U10 ده لسه منزلوش تحديث الكيت كات لانه لسه تحت التطوير
لو جهاز برقم G750 T00 ده ليه اكتر من نسخه كيت كات وتعتبر نسخ للمطورين يعني لسه مفيش نسخه نهائيه.
وفي طريقه لتحويل الجهاز من النسخه الاولي للنسخه الثانيه بس هظلمك لوقتلك عليها لان في خطوره في تنفيذها لو انت معندكش الخبره الكافيه الجهاز ممكن يعم بريك معاك او يفقد سيريال وطبعا ممكن يخرج من الضمان

والفرق بين الكيت كات وبين الجيلي بين اعتقد الفروق مش كبيره

ايه دا ؟؟؟

بواسطة: merobig

ازاى ال HUAWEI ASCEND P6 يبقى فيه ال : USB On-the-go وانتاجه شهر يونيه 2013 وال Honor 3X G750 مفيهوش على الرغم انه ديسمبر2013 ؟؟؟

2014-10-06 (06:44:43PM) / ردود 0

اضف رد

ال 3G

بواسطة: merobig

هوا الموبايل دا فعلا الشريحتين 3G
(HSDPA 900 / 2100 - SIM 1 & SIM 2)
زى ماهم كاتبيين فى صفحة GSM ARINA ?

2014-10-06 (06:35:58PM) / ردود 1

اضف رد

EMUOSTAR

2014-10-07 (12:06:48AM)

ممكن تشغل اي شريحه فيهم 3g حسب اختيارك

الحمدلله

بواسطة: merobig

ربنا اكرمنى والموبايل جالى من السعوديه بضمان سنه ونص من "جرير" ... العلبة لونها لبنى شيك متبرشمة باحكام لدرجة انى جبت مقص عشان افتحها ... الان بوكسينج يوحىبأنىداحل على موبايل محترم تقفيل كويس محتويات العلبه : الجهاز(ابيض اللون) + بطاريه 3000 امبير + وصلة usb+شاحن ثلاثى ابيض اللون بنفس لون الموبايل +والمفاجأة انى لقيت سماعه رأس لونها بيض شيك.... واضح ان جرير بيظبط العلا بتوعه .... تجربه بسيطة ورورو سريع على الموبايل : سريع مفيش تهنيج / سيستم خفيف وبسيط/ صوت الرنات كويس وان كان فيه غلوشة بسيطه / استقبال وارسال مكالمات ورسايل 100 100 / نت واى فاى تمام / نت داتا كويس / سخونة بسيطه جدا / مجرتش العاب غير صب واى ولقيتها تمام / كل ما يخص البطاريه لسه مجرتوش وان كانت تبدو بطاريه محترمة جدا ... فى انتظار المزيد بأمرالله

2014-10-03 (09:17:46PM) / ردود 15

اضف رد

EMUOSTAR

2014-10-06 (09:39:59PM)

واضح ياباشا ان في لبس في موضوع الرامات انا لما بقول ان سرعه الرمات وصلت عندي ل 1900 بقصد بيها سرعه النقل للرامات مش الحجم كما هو واضح من تعليق حضرتك السابق
وعلي فكره مفيش اي مشكله خالص من ان الرامات تعدي النصف وممكن تستخدم اي برنامج بينظف الجهاز الرامات
وبالنسبه للالعاب ان بصراحه مليش فيهم خالص ولما كنت بنزل لعبه كان علشان اجرب بيهم الجهاز ولو حد من الاعضاء عنده لعبه مش بتشتغل علي اي جهاز يقولنا عليها ونجربها

وعلي فكره جهازك لو جهازك الموديل العالمي رقم g750 t00 ده نزله تحديث كيت كات رسمي ياريت تنزله وتقولنه علي الفروق

merobig

2014-10-06 (06:30:26PM)

علاءالدين
الشاشات اللى 5 بوصة وانت طالع يفضل انك تجيب لها الاسكرينة الزجاج هيا صحيح اغلى من العادية وبتترك اثرللبصمات وبتغمق من اضاءة الشاشة شوية بس الصراحة بتحمى الشاشة تمام من اى خبطات او خدوش لانك عارف طبعا ان الموبايلات الحديثة ما هيا الا شاشة ... اما بالنسبة للاسكرينه اللى بتيجى مع الجهاز فاان عايز اقولك ان بردو كل الفيديوهات قايله ان الموبايل مافيهوش سماعات اذان .. انما انا لقيت فيه سماعات .. وكمان طرف الشاحن بتاعه اللى بيدخل فى الكهربا على اللى هوا عامل زى الشوكه و مبطط انما اللى جايلى مع الموبايل ذو التلات اطراف ..فيه مواقع كتيرلشركات فعلا بتعمل اوفرز وبيديك 2 اسكرينه وجراب وسماعه اذن وممكن كمان شاحن عربية .. بس دى غالبا بتكون النسخ العالمية من الموبايل وغالبا مش بيكون فىها لغة عربية وزى ما بقولك بتكون عروض من شركات..

EMUOSTAR
شكرا يا باشا على المعلومات ... ولو فيه لعب تقيله اكتر من كده ياريت تقولى عليها عشان اجربها .. بس ياريت تكون مجانيه :) :)
وبخصوص الرامات انا فعلا بستخدم حاصية التنظيف بتاعة الجهاز بس بردو الرامات عندى مليانه تقريبا نص الرماات مشغولة ياترى ايه ممكن يكون السبب ؟؟ .. وهل انزل بقا برنامج MEMORY BOSTER وللا اعمل ايه ؟

EMUOSTAR

2014-10-06 (05:21:17PM)

مساء الفل
موضوع سرعه الرامات ده انا اكتشتف ان الاسكور اللي بيطلع علي برنامج انتوتو مش ثابت يعني ممكن يقل ويزيد علي حسب حاله الجهاز يعني كل ما تكون عامل تحسين للرامات والذاكره وتنظيف الجهاز من مخلفات البرامج عن طريق مثلا برنامج زي cleam master او برنامج مدير الهاتف اللي موجود مع الجهاز
هتلاقي اداء الجهاز والاسكور عالي وسرعه الرمات عاليه

وفي حاجه كمان مينفعش تقيم الجهاز بالالعاب دي لانها اصلا بتشتغل علي اجهزه اقل بكتير في الامكانيات زي هواوي g610 والكتيل سكريب اتش دي انا مجربهم بنفسي علي الاجهزه دي
وفي ريفيو علي اليتيوب مخصوص لتجربه الالعاب علي الجهاز ده

بالنسبه للبطاريه

اكتر حاجه لحظتها انها تقريبا بتفضل ثابته في حاله السكون يعني ممكن بعد ست ساعات الاقي البطاريه نزلت مثلا 1%

علاءالدين

2014-10-06 (01:50:29PM)

أولا الف مبروك على تحيلك asphalt 8 ثانيا بالنسيه للاعتذار ...انا عارف انه خطأ مطبعى ...ثالثا بالنسبه للسكرينه والجراب ...انا اتصلت على 888 قبل العيد بكام يوم وقالو ان الاسكرينه بتاتة الجهاز عندهم لكن الجراب مش موجود واحتمال يجيبوه قريب ...ممكن تتصل بيهم علشان متتعبش نفسك ويكون مشوارك بدون لزوم ...بس فيه ملاحظه صغيره ....من خلال فيديوهات المراجعه لاقيت ان الجهاز نازل عليه اسكرينه من المصنع ..ياترى الكلام ده صح ولا غلط ...

merobig

2014-10-06 (12:42:22PM)

علاءالدين >>
آسف على الخطأ المطبعى انا كان اقصد 100%
البشره التانيه تم تنزيل لعبة asphalt 8 واللعبه تمام يا برنس ... صحيح هيا مساحتها اكتر من 1 جيجا اخدت اكتر من تلات ساعات على سرعة 1 ميجا والبطارية نقصت حوالى 10% ... بس اللعبه حلوه على الرغم من انى مش محترف فيها يعنى ... ان شاء الله بعد العيد ستبدا رحلة البحث عن الاسكرينه الزجاج والجراب الفليب ... ادعيلى :) :) :)

علاءالدين

2014-10-06 (11:12:34AM)

الصراحه انا مش عارف اودى جماليك اللى مغرقانى دى فين ....بجد اشكرا شكرا جزيلا على اهتمامك بالرد .....بس عندى اسفسار محيرنى جدا ...ازاى الشحن يكون 10% وبعد اكتر من 12 ساعه بقدرة قادر يبقى 58% ...تييجى ازاى دى .........بهزر على فكره

merobig

2014-10-06 (04:20:47AM)

علاءالدين
الحقيقة من ساعة ما وعيت على دنيا الاندرويد و انا متعقد من حاجه اسمها سونى وسامسونج ...بحس انهم نصابيين وكلائهم فى مصر بيدعموا المبدأ دا اكتر واكتر ....واحب ابشرك بحبر حلو .. انا نزلت لعبة spider man unlimted ... تقريبا دى "ديمو" للعبة بس بنفس الجرافيكس و نزلت فى حوالى 7 دقائق وشغاله معايا تمام الحمدلله وحاليا بنزل لعبة اسفلت 8 بس اللعبه بس واضح انها ضخمة للغاية بقالها اكتر من ساعه ونزل منها 27 % !!!..اما عن البطارية فانا شاحنتها 10% منن امبارح بالليل ولحد دلوقتى 58% بس استعمال خفيف ... لسه مجربتش الاستعمال التقيل زعموما على حد معلوماتى تقييم البطاريه ما بيتمش الا بعد 3 او 4 شحنات تامه على الاقل ..
اتمنى انى اكون افدن
EMUOSTAR
انت ازاى وصلت الرامات ل 1900 ؟؟

EMUOSTAR

2014-10-05 (02:39:10AM)

بالعكس الرامات كويسه جدا ووجودها مع البرسيسور رافع من ادائها انا معايا برضه ايدول اكس رمات 2 جيجا برضه بس سرعتها مش بتزيد عن 1100

علاءالدين

2014-10-04 (10:42:45PM)

ياباشا اشكرك وانا مش محتاج اخد الموبايل اجربه ولا حاجه انا واثق في كلامك كل الحكايه انى من عشاق سونى بس عايز موبايل بخطين بشرط قوة البطاريه ...هي دى كل الحكايه من البدايه للنهايه

merobig

2014-10-04 (10:16:11PM)

علاءالدين
انا كده اسهل ممكن اجيب لك الجهاز تجربه اسبوع وترجعهولى تانى :) :) :) ... انا يوزر عادى جدا ولست محترف ... الفكره كلها ان الواحد بييدور طبع اعلى ارخص الاسعار وافضل الامكانيات وبينى وبينك انا قرفان من السامسونج والسونى لانى بحس انهم هرى على الفاضى ... وكنت قبل ما اشوفل الموبايل دا كنت هشترى LG L90 Daul بس كل شىء نصيب طبعا ..... عموما حاضر من عينيا هعمل لحضرتك ريفيو بس دا محتاج وقت شويه عشان الاحكام تبقى صحيحه لان ظروف العيد بقا وكده انت عارف مش مدينى الوقت انى اركز معاه ..... الموبايل حاليا حاطه على الشاحن وهوا مقفول من حوالى ساعه ومدينى 73% امتلاء البطارية فمن الواضح ان الشاحن ما شاء الله بيشحن بسرعه .... عيدسعيد وكل عام وانتم بخير وربنا يوفق الجميع ...

EMUOSTAR
مبروك عليك وربنا يرزقك خيره ويكفيك شره ...بس مش عارف ليه بجس ان البرسسور الثمانى النواه كان عايز له رامات اكتر من 2 جيجا عشان يبان اداءه الحقيقى !!!! .... عموما احنا هنتابع سوا ونشوف ايه الاخبار

EMUOSTAR

2014-10-04 (02:48:25PM)

مبروك عليك ياباشا الجهاز انا كمان لسه شاري الجهاز امبارح بضمان محلي وفضلته عن النوت 2 وبصراحه جهاز محترم جدا وعامل معايا اسكور علي الانتوتو 31790 نقطه وسرعه الرامات وصلت 1900

علاءالدين

2014-10-04 (11:28:34AM)

ياعم انا مش من الجمارك انا كنت بس حابب اعرف انه موجود في السعوديه ...لكن فيه كام ملاحظه كده ....النسخه اللى معاك 16 ولا 8 جيجا وبعدين الأهم هل الجهاز بيدعم نقل التطبيقات للذاكره الخارجيه وجعل الذاكره الخارجيه هي الافتراضيه بما انك لسه محدثتش النسخه ياريت تقيم الجهاز على النسخه الحاليه في كل شيء وتقيمه بعد التحديث ان شاء الله ....الحاجه المهمه برضوا اننا محتاجين منك ريفيو شامل عن أداء الجهاز من ناحيه مده بقاء البطاريه في الوضع العادى مكالمات فقط ...المتوسط ..استعمال نت خفيف على الفون ...استعمال تقيل ..نت داتا والعاب تقيله ومكالمات ..ومتنساش تقييم الحساسات الخاصه بالجهاز وانت بتلعب لعبه زى اسفلت 8 مثلا ...وتقييم الصوت من علوه او توسطه او انخفاضه في داخل البيت والأماكن المزدحمه المصود بالصوت ...نغمه الرنين وصوت المتصل ...وشكرا جزيلا على اهتمامك وسرعة الرد وكل سنه وانت طيب مره تانيه وأعضاء الصفحه كلهم والقائمين عليها

merobig

2014-10-04 (09:23:51AM)

عايز اوضح حاجه صغيره .... لو انت خلاص خلاص خلاص استقريت على ماركة هواوى تحديدا ... هتشتريه من بره زى من جوه لان توكيل دلتا ضامن هواواى فى مصر الناس كلها بتلعن فى اللى جابوهم ... وفى الاول وفى الآخر الضامن هوا الله ... اهم حاجه تكون فلوس الموبايل حلال حلال حلال :) :)

merobig

2014-10-04 (09:01:17AM)

علاءالدين
وحضرتك طيب .... و الله يبارك فيك ..... انت من الجمارك وللا ايه يا عم ؟؟ :) :) ... لا الحقيقة الموبايل جالى مع صديق ليى عايش فى جده ونازل مصر فى العيد ... وجابه لى من هناك وسلمه لى يدا بيد :) :) ... بدون شحن ولا غيره .. هوا لف الصراحة شوية فى السوق لحد ما لقاه وكان آخر حته عند البياع اللى يعرفه ...بس الموبايل موجود هناك .. موضوع الشحن من الخارج من المواقع العالمية سلاح ذو حدين لان النسخ العالمية من الموبايل دا مفيهوش عربى ولازم بيعملوا له روت بره عشان يينزلوا العربى وينزله له جوجل بلاى ستور وشوية حاجات تانيه كده ... ودا نقلا عن تعليقات السادة الرفقاء على صفحة الموبايل

... وانا شخصيا مش هعمل له ابديت الكيت كات دلوقتى على الرغم من انه متاح لحد ما استوعب كل امكانيات الموبايل ...لان السوفت وير بتاعه على الرغم من انه سهل وبسيط ..بس مليان اوبشنززز وحركات ... ربنا يوفقكم جميعا

علاءالدين

2014-10-03 (09:43:18PM)

أولا كل سنه وحضرتك طيب ثانيا الف مبروك على الموبايل الجديد وربنا يباركلك فيه ....خد بالك بقى من السؤال علشان جاى دلوقت ...حد اشترى لك الفون من السعوديه ولا انت جبته شحن عن طريق النت ....ومبروك مره تانيه

طريقه الشرا من الخارج

بواسطة: mezo0o0o66

2014-10-02 (01:29:32PM) / ردود 4

اضف رد

mezo0o0o66

2014-10-03 (01:07:31PM)

انا عملت ابديت للكيت كات ااه 4.4.2

mezo0o0o66

2014-10-03 (01:06:37PM)

فى نااس سالت عالطريقه قلت افيدهم مش اكتر .
و النااس اللى محتاره ف موضوع الجراب ممكن تشتريه من بره برضو بنفس الطريقه

merobig

2014-10-03 (04:16:25AM)

mezo0o0o66

هوا انت عملت للموبايل ابديت الكيت كات 4.4.2 ؟

EMUOSTAR

2014-10-02 (07:33:34PM)

ايه ياباشا البهدله دي ده انت لو هتجيب ممنوعات من بره اعتقد كانت تبقي اسهل من كده

الموبايلات

سعر و مواصفات Huawei Honor 3X G750

Android

5.5″

3G

13 MP, 4...

GB RAM

3000mAh

موصفات Huawei Honor 3X G750

التسجيل بالموقع

دخول الاعضاء

مواضيع و اراء عن Huawei Honor 3X G750