بدون عنوان

للرجوع الي صفحة هواوي G610s الرئيسية اضغط هنا

moaaz1

2014-02-25 (06:12:40PM)

باركولي ياشباب انا اشتريت الفون ده النهارده بعد تردد شديد جدا .. وتعبت استاذ وليد صني معايا جدا .. وبصراحة هو مابخلش بأي معلومة او استفسار وكان صبور جدا معايا على حالة التردد للي كنت فيها .. والله لحد ماروحت المحل وانا محتار بينه وبين الايدول 6030 وقولت اللي ربنا هيختارهولي بقا ... واول ماشوفت الجهاز عجبني جدا وشدني ... والجهاز مبدئيا فوق الممتاز ... وبطاريته زي الفل ... والكاميرا جميله جدا ... بروسيسور قوي ورامات قوية .. شبكاته ممتازه .. الموبايل - البلوتوث - الوايفاي
دا تقييمي مبدئيا ... ولنا عودة ان شاء الله بعد التدقيق في الامكانيات اكتر.
لكن للأسف لسه ماجبتلوش جراب فليب ولا سكرينة ... مالقيتش في المحل اللي جبت منه
حد يعرف بيتباع فين اكيد ؟

mans512

2014-02-25 (08:47:42PM)

بعد اذنك ممكن اعرف المحل ال انت جيبته منه او اماكن بيعه علشان مش لقى فى 888 ولا البحيرى ولا موبيل شوب يريت حد يفيدنى

moaaz1

2014-02-25 (10:39:30PM)

انا ياباشا جبته من البحيري ... اللي في ش مصر والسودان .... بس وانا ماشي في الشارع ورايحله ... عديت على محل تقريبا اسمه دريم اونلاين ... عارض منه في الفاترينة قطعتين او اكتر ... بـ 1500 واي خدمة ... وعلى فكرة دا كان اخر واحد عند البحيري كنت كلمته بالليل اسأل وقاللي فاضل قطعة واحدة فقولتله احجزهالي وانا جايلك الصبح وفعلا كنت عنده الساعه 2 الضهر لقيته شايلهالي ....

waleedsunny

2014-02-25 (10:44:48PM)

أولا الف مبروك وان شاء الله ربنا يباركلك فيه
ثانيا موجود عند محل 888 جراب الضهر ب 20ج
وموجود عند دريم 2000 جراب الفليب والاسكرينه ب 60ج
وانا انهارده لسه شارى الجراب الفليب والاسكرينه ب 75ج من موبايل شوب

TefaShoman

2014-02-26 (12:29:25AM)

ربنا يبارك لك فيه ..
الموبايل امكانياته ممتازة ماشاء الله ...
ربنا يبارك لك فيه وفى الـ LG
ويبعد عنك ايدين الحرامية وعيون الحساد :)

Ashrafkmn

2014-02-26 (02:33:13AM)

انا اشتريت النهارده صباحا جى 610 من فودافون لابن خالى الجهاز + الجراب الفليب + اسكرين =1500
كان اخر واحد بس قولتتهم على جهاز تانى لوحد صاحبى وجابوه من فرع ثانى واتصلوا بى ورحت مساء انا وصاحبى استلمنا