بدون عنوان

للرجوع الي صفحة هواوي G610s الرئيسية اضغط هنا

drmohab

2014-01-03 (02:27:23PM)

تليفون بمواصفات فوق الممتازة مقياسا بسعره بشهادة كل اللى استخدموه على مستوى العالم لكن عيبه الوحيد ان دعم هواوى فى مصر زفت عالاخر
لا اكسسوارات ولا قطع غيار و لو البطارية باظت يترمى علطول و مش معروف له وكيل صريح فى مصر
هواوى لو اهتمت بالسوق المصرى فعلا حتكتسح لان تليفوناتها ممتازة بس التخوف منها فى انعدام الدعم

waleedsunny

2014-01-03 (02:42:16PM)

كلام حضرتك صح فى كل حاجة
لكن هو بيتباع فى موبايل شوب بضمان شركة دلتا - شركة هواوى هى اللى قالت كده على الموقع بتاعها على الفيس

اللينك ده بيوضح ان الشيبات والبرسسور وكارت الشاشة بالضبط هو هو بتاع الكاتيل idol X اللى ب 2680ج والمفاجأه بقى انه نفس السوفت وير بالمللى حتى برده مافيهوش ايقونه تدخلك على قائمة برامج الجهاز وده لسبب بسيط انهم شركة صينية فتقريبا بيتبعوا نفس النظام
عيوب الجهاز ده باختصار
الكاميرا ضعيفة بشهادة المستخدمين فى الخارج
الذاكرة الداخلية لبرامج الجهاز صغيرة 1.1 جيجا
مافيش دعم نهائى او اكسسوارات للجهاز فى مصر
وزنه تقيل نسبيا مقارنه بالاجهزة اللى فى حجمه
غير كدة الجهاز بصراحة تحفة وسعره ماحصلش
وادخلوا على اليوتيوب وشوفوا الريفيوهات بتاعته

drmohab

2014-01-04 (01:55:01AM)

انا شفته عاليوتيوب و عجبنى جدا لكن زى ما قلت لحضرتك بالنسبة للاكسسوارات بمجرد انتهاء الجهاز من الشركة مش حتلاقيله اى قطع غيار و ليا واحد صاحبى اشترى هواوى u8110 عرض اتصالات بضمان دلتا و البطارية باظت و اتنفخت بعد 8 شهور و داخ على بطارية جديدة رغم ان الجهاز مكملش سنة و ملقاش حتى فى التوكيل اللى قال له البطارية خارج الضمان