هذا الموضوع مرتبط بـ One M8

z2 - htc one m8 - s5 ?!

SRamira

2014-07-13 (09:52:56PM)

لو سمحتم يا جماعة انا كنت ناوية ان شاء الله اشترى موبايل جديد و كنت محتارة بين ٣ اجهزة مت ٣ شركات مختلفة وكل واحد فيهم فيه عيوب بالنسبة لي ١- اولا / zperia z2 : هاتف انيق اداؤه ممتاز و كاميرا رائعة و سريع و لكن معجبنيش فيه شكل الاندرويد تحس انه كئب كده و دي حاجة مضايقاني جدا. ٢- ثانيا / htc one m8 جهاز اداؤه خيالي مبيعرفش التهنيج شكله الخارجي حلو جدا ولكن الكاميرا مش متناسبة مع امكانيات الجهاز وليست بالمستوى المطلوب بل احس انها رديئة نوعا ما وكمان هيكل الجهاز من المعدن و الناس تعتبرها حاجة كويسة بس انا شايفة ان الجهاز هيبق مولع عند الاستخدام لفترة و انت ماسكه باليد وزر القفل وضعة مش مريح في اعلى الجهاز بالرغم من وجود حركات فته الشاشة . ٣- ثالثا galaxy s5 : عاجبني فيه شكل الاندرويد لكن انا كرهت كل اجهزة سامسونج لان معظم الناس بتشتري اجهزة سامسونج على اختلاف انواعها ويبقي الموب تمام اول ٣ شهور كده وبعدين يهنج و يهبل و تظهر فيه المشاكل فهل مثلا استنى النوت ٤ اما ينزل هيبقى حاجة كويسة و لا ايه ؟ حتى كمان انا شوفت لوميا ٩٣٠ من نوكيا و كان كويس الى حد ما فأنا محتارة جدا و ياريت حد يرد على و يقنعنى بموبايل فيهم ، ومعذرة للإطالة .

ellithy

2014-08-02 (10:25:49PM)

بصراحه انا ارشح زد 2
لا تاحذي برئي استاز سمسم ده على طول مع سامسونج
وال HTC حلو برده وقدرش اقول عليه انه وحش هوا تلفون حلو جدا
بس انا بحب السوني والانتر فيس بتاعه مريح لى
بس معظم الردود اجتمعو على ال HTC شوفى انتى مياله لانهي فيهم اكتر
السوني مش بيهنج خاااااااااالص علشان بس الناس ركزت على ان الاتش تى سى مش بيهنج والسوني كمان مش بيهنج
بس دلوقتى الامر الاخير هوا رئيك انتى قدامك سوني واتش تى سي
واغلب الاعضاء رشحو HTC

mostafalotfy

2014-07-16 (07:04:18PM)

انا شايف انك تستنى عشان النوت 4 الشاشة بتعتو 2k hd واكبد الكاميرا هتكون 16MP او اكتر اما لو مستعجل انا لو مكانك هجيب lg g3 موبايل وهم بمعنى الكلمة

mostafalotfy

2014-07-16 (07:04:17PM)

semsemSiR

2014-07-16 (10:14:10AM)

انت مش قولت مافيش حد متفق معاك

انا جيبتلك 3 مواقع من ضمن المواقع المتفقة معايا ومن افضل 3 مواقع

وعموما لو انت ركزت فوق شوية هتلاقينى قايل عيوب كل واحد فيهم ومميزاتة

انت بقى عايز تقنع نفسك بحاجة مش موجودة على ارض الواقع براحتك

jobaz

2014-07-16 (07:09:07AM)

لا ياا بااشااا برحتك قوول رأيق وانت حرر فييه انااا قصدى ان مفييش حد متفق معااااك فالرأى ده فملهووش لازمة انك تقنع النااس بييه

semsemSiR

2014-07-16 (03:20:04AM)

لا يامازن مش بالعافية , كل واحد بيقول رأية وهو حر فية

وعموما ادى المواقع اللى انت بتقول عليها

jobaz

2014-07-16 (01:19:07AM)

ياا سمسم اس 5 اييه اللى افضلهم هوو بالعاافية وبعديين مفييش اى حد بيقوول نفس كلامك او بيؤكده وكل النااس وكل المواقع وكل الفيديوهاات بتؤكد ان الاس 5 اضعفهم مش افضلهم !!

hashim597

2014-07-15 (08:58:28PM)

زى ما استاذ يوسف قال m8 جهاز محترم جدا وملوش حل وبعده z2 وبعده s5 على الورق زى ما قال استاذ يوسف s5 افضلهم لكن واقع ومع الاستعمال m8 افضلهم وده عن تجربة مقارنة ما بين m8 و s5 وm8 تفوق هو كاميراته صحيح اضعفهم لكن مقبولة

semsemSiR

2014-07-15 (03:12:12PM)

الاس 5 افضل واحد فيهم ( كاميرا - واوبشن - حساسات- بصمة - ضد المياة )

ال htc m8 : افضل واحد فيهم خامات - صوت - سرعة واقصد بيها ( تنقل داخل الجهاز يعنى تروحى لقائمة الاتصال تخرجى منها تروحى للرسائل , تروحى للظبط وهكذا لان يعتبر نسخة خفيفة جدااااااا ( منصحكيش بية عشان ممل فعلا بيفكرنى بالاندرويد اول لما طلع , بس بردة انة مايمنعش انة سريع فى الالعاب وفى النت عادى جدااا وكاميرا كويسة بس اضعف واحدة فيهم

ال Z2 : كويس يمتاز ب اكبر شاشة فيهم - اكبر رامات - خامات فى المرتبة الثانية بعد ال m8 - سريع )

لا يمكن هتلاقى جهاز كامل , والثلاث اجهزة تقريبا متقاربين فى الاداء , الاس 5 افضل فى مجموع النقاط النهائية , بس عيبة ( الرامات قليلة على الحركات والشغل اللى فى السوفت - خامات مش وحشة بس بلاستيك )

وميزة كمان ان الاس 5 ( افضل اعادة بيع - افضل اكسسوارات - اقل سعر فيهم - افضل دعم )

امسكى الثلاث اجهزة قبل ماتقررى واختارى اللى تستريحى لية
ومبروك مقدما

jobaz

2014-07-15 (08:05:47AM)

شيلى الاس 5 من دماغك لانه اضعفهم كماان موبيل فااشل بكل المقااييس وبس

وبكده فااضل قداامك ال z2 وال m8 هااتى ال m8 لان اناا فى وجهة نظرى انه اقوى مووب فييهم وعن تجرربة وعلى فكررة الكاميرا بتااعته جاامدة جداا وبتناافس موبيلات كتيير وانااا اشتريته الحمدلله بس لسه عيجيلى بعد بكرة ومش ندماان انى اشتريته وعبقى اعمل تقرير شاامل عن الجهااز

youssefshabana

2014-07-15 (04:18:11AM)

صحيح انا معاكي تماما في ده ودي الحاجة الوحيدة اللي مش عاجباني في الجهاز لكنها متعتبرش عيب ومش مشكلة كبيرة بالنسبالي لان التقليب يمين وشمال من اعلي و اسفل مش هتفرق في حاجة بالعكس كمان انا شايفها اسرع لكن فعلاً الخلفية لونها اسود مش لون ال wallpaper دي فعلاً حاجة مش حلوة اوي و كان عندنا أمل انه يتغير مع نزول ال M8 لكنه متغيرش للاسف :(

SRamira

2014-07-15 (03:24:20AM)

طب بالنسبة لل m8 لما بدخل على قائمة التطبيقات مفيهاش كذا شاشة بتقلب يمين و شمال و عددها حسب التطبيقات اللي موجودة و لكن شاشة واحدة و بنزل لاسفل او لاعلى و دي حاجة رخمة جدا ! حتى الخلفية اللي تحت التطبيقات لونها اسود مش من نفس الصورة اللي عاملها wallpaper ودي بتحسسني انه اصدار اندرويد قديم مش kitkat !

youssefshabana

2014-07-15 (12:31:55AM)

شوفي علي فكرة الاتنين قريبين من بعض في الواجهة لكن بالنسبالي انا شايف واجهة ال M8 افضل و اسهل يعني مفهاش حاجة معقدة وسهل التعامل معاها وكذلك واجهة السوني لكن ال HTC بالنسبالي انا أفضل

والله احنا علي أمل انه يقدم حاجة مختلفة وجديدة لكن لسه منعرفش اذا كان هيكون مختلف عن الاس 5 ولا ﻷ لكنه اكيد هيكون افضل لان فئة النوت معروفة انها افضل من فئة الاس ومشاكلها اقل عن تجربة

SRamira

2014-07-14 (11:16:45PM)

طب حضرتك شايف الزد٢ ولا ال m8 اللى واجهته شكلها احسن ؟ لان الاتنين دول انا بميل ليهم اكتر من الاس ٥
وسؤال ثانى النوت ٤ اما ينزل هيبقى حاجة ثانية ولا ايه لان فيه ناس بيقولولي انا لو هتشتري سامسونج اشتري نوت
ومعلش انا طولت عليك .

youssefshabana

2014-07-14 (10:57:50PM)

للأسف مفيش تليفون كامل أبداً :(

بس علي فكرة ال m8 كاميرته مش وحشة هي تعتبر اضعفهم لكنها كويسة جداااااا والواجهة بتاعته ممتازة هي اه مفهاش حركات زي السامسونج بس كويسة جدا ومش مملة والموب سريع ومش بيهنج دي اهم حاجة وكمان شكله شيك جداااا انا شايفه اشيكهم وكمان صوته من اقوي وانقي الاقوي افضل من الاس 5 وكمان الزد 2 وبطاريته كويسة جدا هي بردو مش اقوي بطارية لكن بالنسبه لبطارية 2600 مللي امبير تعتبر ممتازة + خامات التليفون الممتازة

يعني ده يعتبر اقلهم عيوبا

SRamira

2014-07-14 (10:35:42PM)

انا اكيد عايزة كاميرة كويسة و جهاز سريع و شكله انيق بس عايزه المميزات دي تبقى في موبايل متناسبة مع بعض مش موبايل كاميرته كويسة و موبايل تاني كاميرتة رديئة لكن سريع و موبايل ثالث النظام فيه شكله حلو لكن بيهنج بمعنى اصح عايزة موب تكون مميزاته متكاملة مع بعض لكن مش من كل فيلم اغنية زي ما بيقولوا ‎:D كل موب في ميزة وانا اختار الكاميرا او السرعة او الشكل وهكذا و المشكلة دي سبب حيرتي في في ال ٣ موبايلات .

youssefshabana

2014-07-14 (03:57:44PM)

لو انتي حاطة قدامك في المقام الاول جهاز سريع جدااااا مش بيهنج نهائيا هاتي ال M8

اما لو انتي عاوزة تليفون كاميرته قوية جداً وشاشته كبيرة وبطاريته من اقوي البطاريات وضد المياة والتراب هاتي الزد 2

اما لو عاوزة تليفون بردو كاميرته ممتازة ومقاوم للمياة وشاشته الوانها ممتازة و فيه شوية حركات وحساسات منفرد بيها السامسونج بس خامته متعتبرش افضل من ال m8 و الزد 2 يبقي هاتي الاس 5

ومش هتندمي في ال 3 حالات ان شاء الله :)

hashim597

2014-07-14 (12:30:45PM)

htc one m8 مع ابن عمى الموبيل روعة وعلى فكرة البطارية مش بتسخن جامد احسن حاجة فى htc ان الموبيل سريع ومش بيهنج ومفيش سخونة وده على تجرة اتؤكلى على الله واشترى htc

abdo20112

2014-07-14 (04:53:09AM)

مش هتندمي لو جبتي اي واحد بس انتي شوفي ايه اكتر واحد عاجبك و هاتيه بس كده :D

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن HTC One M8

مقارنة

Android
5.0″

5.0 بوصة
3G

2G / 3G
Dual 4 M...
2600mAh

Li-Po 2600 mAh,غير قابلة للازالة

مزيد من المعلومات

الموبايلات

z2 - htc one m8 - s5 ?!

التسجيل بالموقع

دخول الاعضاء

معلومات سريعة عن HTC One M8

Android

5.0″

3G

Dual 4 M...

2600mAh