M8 Vs Z2 تنصحونى بأييه !!!!-2014-07-03 (05:22:06AM)

RockMax

2014-08-08 (04:35:57AM)

انا مش فاهم ليه الاستاذ سمسم نافخ في الاس 4 و5 احب اقوله بلاش فضايح لاني كان معايا الاس4
و مستحملتوش شهرين 9500 قلت اجيب ال9505 لقيتها زي 9500 مفيش فرق.. ايه اللي جاب الاس4للزد 2 اصلا ولا حتى زد1 ايه رأيكوا ان الزد العادي اسرع من الاس4 والله بجد...اسوأ ماركة موبايلات مسكتها هي سامسونج الاس 5 والنوت3 الاتش تي سي البترفلاي اس اسرع منهم بكتير
هتقولي ازاي هقولك جرب و شوف. انا بجد مش هلاقي جهاز زي الام8 بجد سرعة مطلقة و غريبة فعلا
بجد ابهرني والزد2 مع اخويا وزي الوحش والله فعلا جبار وكاميرا مفيش بعد كده..

youssefshabana

2014-07-08 (09:43:39PM)

اوكي يا باشا وانا والله او ما التليفون يبقي في ايدي هرفعلك صورتين ونشوف ايه الحاجات اللي هنتناقش فيها

والله الكاميرتين ممتازين والاتنين فعلا قريبين من بعض اوي لكن اللي لاحظته ان الصور بتكون الوانها زاهية اكتر في الاس 5

وفعلا الاوبشن في كاميرا الاس 5 رهيبة وكتيرة واكتر حاجة عاجبتني خاصية ال HDR فعلا مختلفة عن كل الموبايلات واحسن من الاس 4 في الخاصية دي بالذات

يمكن بس ده في كل الصفحات تقريبا مش هنا بس ده الموقع فيه تقريبا 50000 عضو ما شاء الله النشط منهم 3 او 4 بالكتير ههههههههههههه D:

semsemSiR

2014-07-08 (09:16:55PM)

ههههههههههه

خلاص بقى موضوع الكاميرا , دة ان شاء الله هندعمة بأدلة واقعية

على فكرة بس عشان تبقى عارف والله , ان كاميرا الاس 4 تكاد تكون هية هية كاميرا الاس 5 , الفروقات بسيطة جداااااااااااا , وهقولك حاجة كمان تصوير الاس 4 اسرع من الاس 5

هو بس ميزة الاس 5 فى الاوبشن بتاع الكاميرا ماشاء الله اكتر من الاس 4

وخلى بالك , انا خليت واحد صاحبى هو اللى عمل التقرير بتاع الاس 5 والاس 4 عشان هو تليفونة يعنى دة رأيى ورأى صاحب التليفون

وانا فعلا مش عارف لية مافيش غيرنا فى الموقع دة , تقريبا الناس بتشوف وبتقارن او لائما التليفون مش منتشر ومحدش عارف يتكلم علية فى حاجة

youssefshabana

2014-07-08 (06:17:40PM)

هو ايه اللي فين الكلام ده مانا جايبلك رابطين اهو وواحد بيقول ان الرامات من غير ما يفتح اي تطبيق بيبقي فاضي منها 200 ميجا

والاستهلاك بيكون ما بين 1.40 / 1.41 جيجا الكلام واضح زي الشمس

وبردو واحد بيقول ان الاستهلاك 1.24 جيحا ومع ذلك بيهنج وبيأثر علي اداء الجهاز وواحد رد وقال انا عندي نفس المشكلة

وبعت شكوي للشركة ولسة محدش رد عليهم

وبعدين ماشي انتا حظك طلع في موبايل مفهوش مشاكل لكن غيرك كتير معاهم التليفون وبيشتكوا من كل حاجة في الجهاز مش الرامات بس

وبعدين انا استخدمت النوت 3 حوالي 4 شهور وهو تقريباً التليفون الوحيد من سامسونج اللي جربته ومهنجش مني

ﻷ طبعاً بتفرق شوف التقييم بتاعي للاس 4 التقييم عملته بعد استخدامي للجهاز ب 8 شهور و الجهاز بعد 8 شهور استخدام مختلف عن بعد ما استخدمته بشهرين او تلاتة في حاجات بقت لﻷحسن زي استهلاك البطارية وفي حاجات بقت لﻷسوأ زي التهنيج

وياما ناس بتشتكي من التهنيج في الاس 4 وعندك كل المواقع نقي منها اللي يعجبك وشوف اراء الناس فيه في اللي بيشكر في التليفون وفي اللي بيشتم في التليفون وفي الشركة عاماً :D

عرفنا ان بطاريته جبارة لانه برغم اننا ما استخدمنهاش لمدة طويلة ومع ذلك قوية جدا وبقعد معانا باﻷيام فما بالك بقي بعد شهرين او تلاتة هتكون عاملة ازاي

والاس 4 او ما استخدمته مكنش بيكمل معايا اليوم لكن بردو بعد شهرين او تلاتة ابتدت ادائها يتحسن وبتقعد مدة اطول ومتقوليش بسبب التحديث لان الفرق مش شاسع بين البطارية قبل التحديث و بعد التحديث زي مانتا فاكر الفرق ساعات قليلة جدا ويمكن دقائق مش فرق ايام

ماشي معاك تماماً في ده :)

بص احنا بنقارن ما بين كاميرا الاس 4 و الزد 2 اما مقارنة كاميرا الاس 5 والزد 2 في ناس بتقول الزد 2 افضل وفيه ناس بتقول الاس 5 افضل وكذلك المواقع مش كلها ولا حاجة بتقول ان الاس 5 افضل في الكاميرا

لكن مفيش ولا واحد قال ان كاميرا الاس 4 احسن من الزد 2 هاتلي حد قال كده في اي موقع

عشان كده احنا مستغربين من الكلام اللي انتا بقوله ازاي الاس 4 احسن من الزد 2 في اي حاجة اصلا مش الكاميرا بس مع ان كل الناس بتقول العكس وتجربتنا كمان مختلفة عن اللي انتا بتقوله وبردو جايبين الأدلة وبردو مش مقتنع بيها

طيب احنا نعمل ايه أكتر من كدة هاتلي حد من الموقع هنا بيقول عكس اللي احنا بنقوله

وهو الموقع ليه نايم كده :D

فين باقي الاعضاء يقولونا رأيهم في المواضيع دي انا حاسس ان انا وانتا بس اللي مشتركين في الموقع هههههههههههه :D

semsemSiR

2014-07-08 (10:25:04AM)

لأ ياباشا , ماتقلقش انا بتكلم بهدوء , اصل دة تليفون فى الاول وفى الاخر , ولا هيعيش معاك طول العمر ولا هعيش معايا طول العمر

وياباشا الاس 5 فين بس الكلام دة , شوف ياباشا , التليفون قدامى ليل ونهار , علية 12 لعبة و5 برامج

الرامات بدون فتح اى حاجة بتكون 1.1 -1.15 جيجا , ومع البرامج بتكون 1.25- 1.3 جيجا , يعنى عمرى الصراحة ماشوفت تليفون راماتة 200 ميجا من غير فتح اى حاجة لأ واس 5 يعنى جهاز يعتبر واجهة سامسونج فى التكنولوجيا

فية ناس معاها التليفون فى الموقع بيكلمونى شخصيا , عمر ما حد قالى ان التليفون بيهنج ولا سمعتها مرة واحدة منهم , وممكن تراجع فسم الاس 5 مش هتلاقى حد بيشتكى من تهنيج ابدا

بالعكس بقى اللى بيشتكوا من تهنيج بتوع النوت 3 , مع انة بردة معايا وعمرة ماهنج غير مرة واحدة بس لقيتة جايب الشاشة على ال easy mode لوحدة وهية اصلا مطفية مش مفعلة فقط لاغير

غير كدة الجهاز زى الفل وسلس جداااااااااااااا

والجهاز بقالة 7 شهور معانا

طيب وهو انا ياباشا يعقل انى عشان اديك تقرير عن تليفون لازم استنى 5-6 شهور عشان اقولك التليفون دة بيهبج ولا مبيهنجش ؟؟؟ اكيد لأ طبعا

المفروض انت تبقى عارف الكلام دة , ان فية حاجة اسمها cash files كل مابتتملى التليفون طبيعى بيتقل او اى سيستم عموما فى الدنيا

- ياباشا انتقض براحتك , دية حريتك الشخصية , انا عن نفسى لسة واحد صاحبى جايبلة الاس 4 , وماشاء الله علية زى الفل معاة ,. بطارية تقريبا زى عندى - ورامات جهاز بتلعب فى 850-900 ميجا ومافيش سخونية ولا اى حاجة , وقبل مايشترية نفس الكلام عمل بحث حلو وشاف ال z2 وال lg واستقر على الاس 4 والتليفون الحمد لله مشاكلة ( zero ) وبقالة شهر ونص معاة

ومحدش بردة قالى بيهنج دية انا اول مرة اسمعها منكوا انتوا شخصيا

- طيب انت بتقول لسة التليفون جديد , عرفتوا منين ان بطارية الزد 2 قوية وجبارة ؟؟؟ طالما لسة وعرفتوا منين ان الزد 2 مش هيهنج بعد استخدام 6 شهور زى مانت بتقول ان عشان سامسونج تليفوناتها تهنيج لازم بتحتاج شهور ( معلش ياباشا كلام غير منطقى ) انا طالما التليفون شغال زى الفل لمدة 6 شهور يبقى اى حاجة هتحصل بعد كدة هتبقى خطأ منى مش من الجهاز

- وياباشا مش موضوع مصدقك او مش مصدقك , احنا كدة كدة فية بينا مصداقية فى الكلام

يعنى لما بتقول حاجة انا بكون مصدقها , بس لازم اناقشك فيها عشان نبقى عارفين ماهية ممكن تكون حاجة عارضة او حالة فردية

- ومعلش ياباشا انا جيبتلك المواقع اللى بتؤكد كلامى , وبتؤكد تفوق الاس 5 على الزد 2 وعلى ال htc one m8 واكتر موقع الناس بتثق فى كلامة وعلية اعضاء بالملايين , وانتوا بردة مقتنعين ان الزود 2 احسن من الاس 5 , طيب انا اقولكوا اية ؟؟؟؟؟؟؟

youssefshabana

2014-07-08 (06:30:20AM)

وشوف ده بردو واحد معاه الاس 5 واستهلاك الرامات عالي والفاضي 200 ميجا بدون فتح اي تطبيقات

youssefshabana

2014-07-08 (06:13:32AM)

حيلك يا باشا مالك متعصب ليه الموضوع مش مستاهل ده كله

زي ما احنا منتقضين تقييمك للتليفونات دي انتا بردو مش معترف بالكلام اللي احنا بنقوله رغم الادلة اللي احنا جايبنهالك

مش فاهم قصدك يعني ايه محدش فكر يرفع سكرين شوت مش فاهمك التليفون لسة نازل ومش ناس كتيير ولا حاجة في الموقع اشترت الجهاز اصبر وهتلاقي ناس اكتر معاها التليفون وهتقيمه وبعدين حتي اللي معاهم التليفون ميلحقوش يعرفوا اداء البطارية بالظبط لانه زي مانتا عارف الاداء الحقيقي للبطارية بيبان مع مرور الوقت مش في لحظة ما الواحد يشتري الجهاز يقوم رافع سكرين شوت للبطارية ويقول هو ده اخرها ﻷ طبعاً

بنهاجم سامسونج ايه !!!! هو عشان احنا بننتقض الاس 4 والاس 5 وبنقول ان الزد 2 و الا m8 احسن منهم يبقي كده بنهاجم سامسونج وبعدين احنا بنقول الكلام ده بناءً علي تجربتنا إحنا ملناش دعوة بحاجة تانية واللي بنشوفه بنقوله هنا في الموقع

طيب انتا الاس 5 مش بيهنج معاك غيرك التليفون بيهنج معاه وانا قلت ان ده مش بيبان او ما بتشتري الجهاز الموضوع بياخد اسابيع وأحياناً شهور عشان تعرف الاداء الحقيقي للجهاز في كل حاجة مش التهنيج بس مش عشان الواحد جربه ساعة ومهنجش يبقي كده الجهاز مش بيهنح ومفهوش مشاكل وزي الفل ﻷ طبعا

انا بقولك اللي شوفته انتا بقي تصدقني او متصدقنيش انتا حر يا باشا بس علي فكرة انا مقلتش من غير تنزيل برامج انا قلت انه كان مليان برامج والعاب لكن انا قلت من غير ما افتح حاجة منهم فاضي 200 ميجا تقريبا وقلت بعدها ده يمكن عشا ن البرامج والالعاب الكتيرة اللي عليه لكن انا مقلتش اللي انتا بتقوله ده والبوست عندك فوق عشان تتأكد

طيب انتا مش مصدقني مش هتصدق ملاك الجهاز بردو

ولا دول بيفتوا ومش معاهم الجهاز من الأساس !!!

والموضوع والله مش مستاهل ده كله ولو ده هيوصلنا لخلاف بلاها خالص يا باشا

Ahmed0Shaheen

2014-07-08 (04:17:32AM)

انا بكلم ان ام 8 خالى من العيوب تمام و هو احسن جهاز السنة دى

semsemSiR

2014-07-08 (04:03:35AM)

علية افضل الصلاة والسلام

والله انا لو بدافع , انا مش هستفاد حاجة لما ادافع عن الاس 4 او الاس 5 , كدة كدة , انا ان شاء الله مع نزول الاس 6 او النوت 4 , هغير الاس 4 لانى كنت منتظر الاس 5 يقدم جديد اقدر استفيد بية , لكن لقيت الفروقات بسيطة ماتستاهلش انى اغير التليفون

نفس الحوار بالظبط , الاس 4 2013 اة , بس جهاز محترم من اقوى الاجهزة الموجودة على الساحة

ومافيش حاجة اسمها موبايلى , انا بدافع عن الواقع

عارفين احلى حاجة اية , ان ناس كتير معاها الزد 2 ومحدش فكر يرفع استهلاك بطارية ولا صورة

الصراحة , انتوا اللى بتهاجموا السامسونج من غير تجربة , والدليل على كدة بتقولوا الاس 5 بيهنج , وانا عمرى ماشوفتش التليفون بيهنج

استاذ يوسف بيقولى الاس 5 بيبقى فاضى فية 200 ميجا رامات من غير تنزيل برامج , وانا التليفون قدامى وبقالة شهر , راماتة مش بتزيد مع الالعاب والبرامج عن 1.25 جيجا

يعنى الصراحة بسمع كلام اول مرة اسمعة وعمرى ماشوفتة قبل كدة

وبتقول بدافع عن سامسونج ؟؟؟؟؟

انت نفسك قبل ماتشترى الجهاز الزد 2 , عمال تسأل الناس كلها على العيوب اللى انا بقولك عليها , وفية اللى قالك اة قابلتها وواحد بس قالك ماقبلتهاش , يعنى انت نفسك شاكك فى التليفون قبل ماتجيبة وعارف ان فية العيوب دية , وبردة بدافع عنة

Ahmed0Shaheen

2014-07-08 (02:22:54AM)

معلش انا اسف بس حضرتك انت بتقارن موبايل 2013 ب موب 2014 لمجرد انو موبايلك و معجبنيش اصلا كلامك و الاس 5 2014 مش احسن سواء مع اتش تى سى او ال جى او سونى

youssefshabana

2014-07-08 (02:04:46AM)

ايه يا جماعة صلوا عالنبي محصلش حاجة لكل ده

سمسم باشا هو الاستاذ احمد ميقصدش اكيد الاهانة ليك هو بينتقض تقييمك لﻷجهزة مش اكتر

يا ريت يا جماعة نحترم اراء بعض محدش هيستفاد لما يطلع شركة او جهاز احسن من التاني ايا كان بقي سوني او سامسونج او غيرها

ومش معقولة هنتخانق عشان حاجة تافهة زي دي

صلوا علي النبي :)

semsemSiR

2014-07-07 (11:51:03PM)

وعشان تبقى عارف انا مش فارقة معايا ولا استاذ ولا تقول اسمى عادى

بس انت واضح انك هتبدأ تخرج عن اداب الحوار

وانا معنديش استعداد اتناقش مع حد , بالطريقة دية

شكرا جدا لحضرتك ولذوقك

Ahmed0Shaheen

2014-07-07 (07:17:14PM)

تعرف ياسمسم مش استاذ بقا انى بدأت اشك فى مقدرتك على تمييز التليفونات انت بتقارن اس 5 بالعملاقة انا لو جبتلك فيديوهات ان النوت 3 اسرع من اس 5 و ان اتش تى سى اسرع من زد 2 الى اسرع من نوت 3 الى اسرع من اس 5 بطارية الاتش تى سى اقوى من نوت 3 و اس 4 و اس 5 و دا كل المراجعات بيقولها بس مش احسن من زد 2 كاميرا الام 8 احسن من نوت 3 و ممكن تكون مقاربة للاس 4 بس مش احسن من اس5 الى اوحش من زد 2 و سرعتة اسرع من دا كلوا فانا ارشحلك اتش تى سى و بعديها الزد 2 و بعديها نوت 3 و بعديها اس 5

youssefshabana

2014-07-06 (05:42:54PM)

شوف يا باشا

اول حاجة الفيديو اللي جيبته في البوست اللي في البوست اللي فوق موضح ان الزد 2 افضل من الاس 4 في الكاميرا بس علي فكرة الفرق مش رهيب بين الاتنين بس الكاميرا افضل الزد 2 والفرق واضح ركز في الفيديو تاني وخلي الدقة hd عشان الفروقات مش باينه اوي وهي علي دقة اقل من كده والتفوق كان للاس 4 في اخر فيديو بتاع القطار والصورة بتاعت اللعبة فقط اما الباقي في صالح الزد 2 واحنا عارفين ان الفرق بين كاميرا ال 9500 و 9505 مش كبير ومش واضح ومنقدرش نفرق بينهم غير في االتصوير الليلي

استهلاك الرام عالي في كذا جهاز اس 5 شوفته بس هو كان عليه برامج والعاب كتيرة جدا يمكن ده السبب اللي مخلي الاستهلاك عالي بس بردو في الطبيعي عمرها ما قلت عن 1.30 جيجا وكمان فيه عيب كبير مش موجود حتي في كل موبايلات السامسونج انه مينفعش نعمل كلير للرام ودي مشكلة لان استهلاك الاس 5 عالي جدا للرام وده يخلي البطارية تضعف والجهاز يهنج

وده علي فكرة عمره ما يبان غير بالاستخدام المستمر او بمعني اصح الجهاز يكون معاك علطول يعني تجربته لمدة نص ساعة او ساعة عمره ما يبين اذا كان الجهاز بيهنج ولا ﻷ الموضوع بياخد اسابيع واحيانا شهور عشان تعرف اذا كان ده مأثر علي اداء الجهاز او مش مأثر فيه

semsemSiR

2014-07-06 (04:00:14PM)

لا ياباشا مصدق من غير حلفان

بس انت سألت ورديت فى نفس الوقت بالفيديو اللى انت جيبتة , يعنى انت جايب فيديو ل s4 9505 وطالع بالمنظر دة , انا عن نفسى صعب جدااا ان اطلع فرق بينهم الا فى ظروف معينة او تركيز اوى

وكمان نقط معينة تفوق فيها الاس 4 9505

وزى مانت عارف ان حساس الكاميرا بتاع ال 9505 مختلف تمام واضعف من حساس كاميرا ال 9500

يعنى مش تفوقت على كاميرا الاس 4 بجدارة وافضل بكتيييييير زى مانت قولت , والدليل بردة على كلامى الفيديو اللى انت جايبة وكمان رد صاحب الفيديو اللى بيقولك من الصعب انك تفرق مابين الجهازين فى انهى صورة اللى اقل ولو هيتفوق علية هيكون عشان حجم الكاميرا على شاشة كبيرة او فى الاضاءة الضعيفة , وانا بردة مش هجيبلك مواقع مع انك انت اللى بتجيب بس عادى مش هتفرق

- موضوع بقى الاس 5 , هو مين دة ياباشا اللى فاضى منة 200 ميجا بدون تشغيل اى برامج , امال اللى كان معايا دة اية , راماتة بدون تشغيل العاب او برامج 1.15 جيجا من اصل 1.81 جيجا يعنى حوالى 700 ميجا فاضى , مع فتح لعبة angry bird go التليفون استهلاكة اصبح 1.25 جيجا

يبقى فين بقى ال 200 ميجا الفرق

والتليفون علية كمية برامج كتيييييييييير جدااا

والتليفون سريع جدا وسلس مافيش تهنيج قابلنى فية ولا حاجة , عشان كدة انا بستغرب من الكلام والمقارنة اللى بتعملوها

youssefshabana

2014-07-06 (02:07:27PM)

عموماً انتا حر انتا شايف الاس 5 هو افضل تليفون لكن انا شايف انه اضعفهم عمليا

لا حول ولا قوة الا بالله انا ملاحظ ان انا كل ما قول ان تليفون احسن من الاس 4 تقولي تليفونك في عيوب

يا اخ سمسم احلفلك بإيه ان تليفوني مفهوش عيوب وكاميرته ممتازة وانا ياما مسكت تليفونات اس 4 كلهم زي بعض في الكاميرا ولا بردو كل اللي مسكتهم معيوبين !!!

كاميرا الزد 2 تفوقت علي كاميرا الاس 4 بجدارة في جميع الاوضاع والله وكل المراجعات بتقول كده وانا جربت التليفونين

وانتا عارف كويس اني معايا النسخة 9500 مش عاوز تصدقني انتا حر بس الزد 2 افضل بكتير من الاس 4 في الكاميرا

اذا كان الزد 2 تفوق في بعض الصور علي الاس 5 اللي كاميرته 16 ميجا مش هيتفوق علي الاس 4 اللي كاميرته 13 وشوف الفيديو ده

كاميرا ال htc مش ضعيفة ومش معني ان كاميرا الاس 5 تفوق عليها يبقي هي زبالة بالعكس انا بردو شايفها من افضل الكاميرات وتفوقت تليفونات كتير 8 و 13 ميجا

احنا بنقول ان الاس 5 بيهنج بناءً علي المراجعات واختبارات الناس للتليفون وخلي بالك ان التهنيج ده مابيبنش في الاول ده بيبان لما تحمل عليه تطبيقات والعاب كتير وتضغط علي الجهاز فبيهنج وقتها وده في كل موبايلات السامسونج اللي انا جربتها لكن متبقاش موجودة اوي في فئة النوت خصوصا النوت 3 اللي انا شايفه افضل تليفون سامسونج

بص دي اراء بس اغلب الناس شايفة ان ال m8 افضل شكلا من ال m7 وطبعا الاس 5 اسوأ التليفونات شكلا واعتقد ان في اجماع علي كده وزي ما ال htc بيتخدش فالاس 5 بردو بيتخدش ولازم يركبله جراب زي ال htc بالظبط

ليه منقولش ان بطارية ال htc من افضل البطاريات وهي كده بالفعل برغم انها صغيرة لكن تفوقت علي بطاريات كتير اكبر منها واختبار gsmarena جايب الاس 5 زي ال m8 تقريبا لكن دي 2600 مللي امبير ودي 2800 مللي امبير ومع ذلك الاتنين زي بعض يبقي طبعا نقول ان بطارية ال m8 جبارة ومن اقوي البطاريات

يعني ايه رامات الاتنين 2 جيجا يبقي اللي هيهنج هنا هينج هنا ﻷ طبعا الكلام ده غير صحيح شوف فرق الاستهلاك بين الاتنين في الرامات الاس 5 بيستهلك رام عالي جدا وبيبقي متاح 200 ميجا بس وده من غير مااشغل اي حاجة فطبيعي يهنج علي عكس ال m8 استهلاكه مش زي الاس 5 ابدا

والترتيب الصحيح في رأيي زي مانا قلت

الاول ال m8

الثاني الزد 2

الثالث الاس 5

وفي انتظار اراء باقي الاعضاء المحترمين :)

semsemSiR

2014-07-06 (12:42:10PM)

لازم تراجع تليفونك يأخ يوسف , لان كاميرا الاس 4 افضل من كاميرا السونى z2 الا بقى لو معاك ال 9505 دة كدة وضع تانى

كاميرا ال htc one m8 من اقل الكاميرات الموجودة ضمن المنافسين كل الناس عارفة كدة

الاس 5 مش بيهنج تماما , مش عارف انتوا بتقولوا بيهنج بناء على اية ؟؟ ورامات الهاتف وقت الاستخدام 1.2 جيجا , واثناء التشغيل لا تتعدى ال 1.5 جيجا , ومهما بتتملى عمر الجهاز مابيهنج

شوف مشكلة سامسونج كلنا عارفينها ( الخامات ) هية بتعمل خامات بلاستيك وقابلة للخدش بسرعة , لكن كسوفت وير واوبشن جهاز اشد واحد من اللى موجودين فى الساحة

والخامات حلها بسيط جدااا ( جراب محترم ) يحل المشكلة كلها واعتقد بردة ان اللى معاهم ال htc مش هيمشوا بالتليفون كدة لانة بردة معرض للخدوش بسهولة جدااااااااااااااااااااااااااااااااااااااااااااااااااا

انا لسة شايف تليفون htc one متبهدل خدوش عادى جداااااااااااااا

هو شكلة اشد من الاس 5 بس انا بتكلم عن ال one m7 لانة فى نظرى افضل شكلا من ال m8

والترتيب الصحيح للقائمة دية :

1- الاس 5

2- ال htc

3- z2

وبردة ماتقوليش بطارية ال htc one m8 انها من افضل البطاريات , عشان بطاريتة عادية جداااااااااا

وهية هية بطارية الاس 5 , يعنى لو هتقول يبقى تقول الاتنين واحد

ورامات ال htc one m8 بردة 2 جيجا , يعنى لو هيهنج الاس 5 يبقى كمان ال htc هيهنج

youssefshabana

2014-07-06 (02:37:00AM)

انا شايف ال HTC one m8 هو افضل تليفون علي الساحة دلوقتي وده بسبب خاماته الممتازة

وبطاريته الرهيبة برغم انها 2600 مللي امبير بس لكنها تفوقت علي بطاريات كتير 3000 و 3200 مللي امبير

وكاميرته ممتازة صحيح انها مش افضل كاميرا لكنها جيدة جدا ونتاءجها مرضية وفيها مميزات كتير جدا زي اللي موجودة في الاس 5

وصوته من اقوي و انقي الاصوات اللي سمعتها وشاشته ممتازة جدا

ويعتبر اسرع تليفون علي الساحة واقل التليفونات تهنيجا

اما الاكسبيريا زد 2 اللي شايفه تاني افضل تليفون بعد ال HTC one m8

وكمان يعتبر اقل التليفونات عيوبا مش عارف والله علي اي اساس الناس بتقول انه مليان عيوب

هو عيبه الوحيد ان برنامج الكاميرا بيقفل في حالة واحدة بس لما نستخدم الكاميرا في النهار ويكون الجو حر وده بيخلي الجهاز يسخن وبرنامج الكاميرا يقفل

وعلي فكرة المشكلة دي هتتحل مع التحديث القادم فدي مش مشكلة خالص والجهاز بيسخن زي اي سمارت لما تضغط عليه طبيعي انه يسخن بس سخونية طبيعية جدا

ومن مميزات التليفون كاميرته الجبارة فعلا من اقوي و افضل الكاميرات اللي انا جربتها وقارنتها مع تليفوني الاس 4 و تفوقت عليها في جميع الاوضاع سواء بالنهار او بالليل او بفلاش او بدون فلاش والكاميرا فيها خصاءص كتير جدا وجميلة

وكمان شاشته الجبارة ممتازة بكل المقاييس سواء في الحجم او في الوان الشاشة او في زوايا الرؤية وتعتبر من افضل الشاشات

وطبعا خامات الجهاز ممتازة جدا وضد المياة و التراب ودي تعتبر مهمة للبعض ومش مهمة للبعض الاخر وانا بالنسبالي مش مهمة اوي

والبطارية من اقوي البطاريات بطاريته تفوقت علي ال m8 والاس 5 والنوت 3 وال g3

وطبعا راماته 3 جيجا في مقابل 2 جيجا لباقي المنافسين

اما بقي الاس 5 اللي شايفه اضعفهم عمليا بس طبعا علي الورق الاس 5 بيتفوق علي الزد 2 وال HTC

لكن انا مبعترفش اوي بالكلام النظري قد ما بعترف بالتجربة الفعلية للجهاز

انا شوفت الاس 5 من كام يوم والحقيقة معجبنيش نهاءيا فعلا من اسوأ التليفونات شكلا وخاماته رديئة جدا يعني انا شايف ان النوت 3 افضل في الخامات مش عارف ازاي

وكمان بيهنج احيانا وده لاسباب كتير اهمها الاستهلاك العالي جدا للرامات

وكمان من عيوبه ان بطاريته مش قوية زي باقي المنافسين لكنها معقولة

ومن مميزاته كاميرته الممتازة طبعا وشاشته الرائعة ومقاوم للمياة

فلو هنتكلم كلام عملي يبقي الاس 5 هو اكتر التليفونات عيوبا بين المنافسين

لكن ده مش معناه انه جهاز سئ بالعكس انا شايفه بردو من افضل التليفونات لكنه مش الافضل

فانا رأيي ان الافضل بالترتيب بين ال 3 تليفونات دول الاتي

1- HTC One M8

2- Sony Xperia Z2

3- Samsung Galaxy S5

Ahmed0Shaheen

2014-07-05 (11:29:29PM)

اتش تى سى يعنى خامات - يعنى سرعة - يعنى صوت عالى و نقى - يعنى كاميرا حسنوها بشكل كبير - يعنى تصميم خيالللل - يعنى بطارية جبارة اما الجلاكسى اس 5 يعنى خامات زبالة - منقط - تصميم عبيط - رامات 2 جيجا مش مكفياة الفاضى بيبقى 300 او 200 ميجا بس - بيهنج شوية - كل المراجعات فى الفيديوهات بتقول كدا و الزى 2 كويس بس فية مشاكل زى السخونية و تطبيق الكاميرا بيقفل لوحدو اما بالنسبة للجى 3 صراحتا السوفت حاسة تقيل شوية و كمان الشاشة مش مدعومة من جوجل لسا يعنى كاندى كرش مش هتلاقيها فى المتجر حسب اكثر المراجعات كاتبة ان فى العاب مش بتدعم الشاشات مش هتلاقيها

kariam

2014-07-05 (02:57:31PM)

الاخ jobaz نصيحه منى هات m8 احسن من سمسونج واحسن من الز2 كمان سمسونج خماتها تعبانه جدا واحسن فئه تمسكها من سمسونج هى فئه النوت بيس ونصيحه منى هات الاتش تى سى بيتميز بخمات فون معدت وشكلو شيك جدا صوت عالى ونقى جدا وسوفت وير ووجه سنس سريعه جدا بدون اى تهنيج بطاريه جباره بصراحه مسكت الفون دا ف ايدك بتبهر اللى ادمك عكس سمونج لو انته شيل سمسونج وجيه واحد ادمك هيفكر انك ماسك عده صينى ام 200 جنيها دى هههه عكس الاتش تى سى شكلو ف الايد تحفه فنيه

semsemSiR

2014-07-05 (01:01:46PM)

انا كلامى واضح من اول مشاركة ( انا مش بعترف بالمقارنات على المواقع )

وعموما , ال lg g3 كويس جدااا , بس يفتقد لحاجات كتير

يعنى كان لازم ينزل ضد المياة - بطارية اكبر من كدة لان الشاشة هتستهلك طاقة اكبر

ولسة بقى لما ينزل هنكتشف فية

وعموما حتى الان الاس 5 فى نظرى هو افضل هاتف موجود فى الساحة او بمعنى ادق

انة بيحصل على عدد نقاط كلى اكتر من المنافسين , ودة اللى انا بردة شوفتة فى الواقع

يعنى حتى الان الاس 5 يتفوق على ال z2

والاس 5 يتفوق ايضا على ال htc one m8

وال htc one m8 يتفوق على ال z2

لسة بقى ال lg g3 لما ينزل هنشوف اية نظامة

hashim597

2014-07-05 (08:53:24AM)

بصراحة انا برشح lg g3 او one m8 انهم ياخدوا افضل سمارت فون 2014

hashim597

2014-07-05 (08:52:37AM)

طيب ما انت قعدت تقول مقارنات هات ادلة وبعدين دلوقتى لما الموبيل ينزل خش على صفحته هتلاقى اعضاء جايبين اخبار عن lg g3 وان مبيعاته فى كوريا كانت اكتر من s5

semsemSiR

2014-07-04 (11:48:47PM)

ياباشا لما ينزل ال LG G3 رسميا فى السوق المصرى واجربة , هقولك هو افضل ولا اسوء

كل دة كلام على الورق , انا عمرى مابعترف بالمواقع , لازم اجرب التليفون بنفسى واعمل مقارنة وساعتها بعرف مين اللى تمام ومين اللى اقل

hashim597

2014-07-04 (09:23:55PM)

والمقارنة بين الاربع اجهزة التفوق lg g3 فى حجم الشاشة ودقة البيكسلات وكمان التفوق فى دقة العرض تقنية qhd الجديدة افضل من hd وبطارية lg افضل فى تفوق لى lg g3 والمقارنة اهى

hashim597

2014-07-04 (09:20:16PM)

طيب ما هو ده اللى احنا بنقوله lg g3 32g الرامات بتاعته 3 جيجا ياعنى هيبقى جهاز قوى والشاشة بتاعته افضل شاشة فى العالم على فكرة وده فى اختبار والمقارنة ما بين الاجهازة الاربعة اهى z2 و lg g3 وs5 و m8 اكيد s5 جهاز قوى بس m8 جهاز قوى بردك والجودة التصنيع ممتازة والكاميرا بتاعته حلوة 3 الترا بيكسل والواحد الترا يساوى 3.8 بيكسل lg g3 او s5 او m8 كلهم اجهزة كويسة مفيش فرق كبير على فكرة

semsemSiR

2014-07-04 (03:04:12PM)

انتوا بردة مصممين , ان ال HTC ONE M8 افضل من ال S5 , عموما انا جيبتكلوا المواقع , مع انى مش بعترف غير بالتجربة العملية

بس طالما انتوا بتتكلموا بمواقع , انا جيبتلكوا مواقع , وعموما HTC مش وحش بالعكس جهاز ممتاز

بس اقل من الاس 5 فى 90% من الاختبارات

وعلى فكرة ال LG G3 النسخة ال 32 جيجا فقط هية اللى فيها الرامات ال 3 جيجا

لكن النسخة ال 16 جيجا راماتها 2 جيجا

وبروسيسر ال S5 801 2.5 GIGA لية بقى مايتقارنش بية ؟؟؟؟؟؟؟؟؟

الصراحة انا مش عارف انتوا بتقارنوا عن طريق اية , وبردة عشان تبقوا عارفين ان الاس 5 طبيعى افضل من ال LG G3

وشوفوا كدة بردة عشان تبقوا عارفين

ياريت لما حد يتكلم , يكون جايب ادلة

وانا لما بقول ان الاس 5 افضل مش معناة ان الاجهزة التانية وحشة , بالعكس بتكون بردة اجهزة ممتازة

وعموما عيب سامسونج هو خامات الجهاز غير كدة الجهاز يعتبر اكتر الاجهزة تقنيا وفيها اوبشن كتييييييير جدااا يفيد المستخدم فى الحياة اليومية

Ahmed0Shaheen

2014-07-04 (12:49:34PM)

هات HTC One M8 و انت مغمض ياعم فكك من دا كلو على الاقل اتش تى سى صوتة احسن شاشتة احسن بطاريتة اقوى اسرع و كاميترو الامامية احسن

hashim597

2014-07-04 (09:33:35AM)

hashim597

2014-07-04 (09:24:38AM)

لو بالمقارنات يبقى lg g3 احسن رمات 3 جيجا و برسيسور 2.5 جيجا هرتز lg g3 جهاز جبار و s5 ميتقارنش بيه بس طلما نازل بكره اشترى one m8 ومش هتندم وصاحبى معه الموبيل روعة

semsemSiR

2014-07-04 (12:06:15AM)

مع انى مش بعترف بالمقارنات اللى فى المواقع , بس طالما انت قولت مراجعات

يبقى عندك اقوى موقع فى المراجعات , هتلاقى تفوق واضح للاس 5 فى كل النقاط , ولم يتفوق ال HTC ONE M8 فقط الا فى نقطة واحدة وهية الصوت

يبقى مين بقى الافضل

ومعلش خرج ال Z2 من الموضوع خالص عشان فية مشاكل وعيوب كتير

Ahmed0Shaheen

2014-07-03 (01:47:44PM)

اس 5 اية الى افضل كل المراجعات بتقول ان الاس 5 اقل اداء بين ال3 الى نزلين انا انصحك ب الام 8 و بعدية الزى 2 و لو تعرف تجيب ال جى جى 3 و لو معرفتش تفكر بقا فى الاس 5 عشان كدا سعرو فى النازل علطول

semsemSiR

2014-07-03 (10:55:35AM)

ولا دة ولا دة يامازن هات ال S5 افضل

الموبايلات

M8 Vs Z2 تنصحونى بأييه !!!!

التسجيل بالموقع

دخول الاعضاء

معلومات سريعة عن HTC One M8

Android

5.0″

3G

Dual 4 M...

2600mAh