بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Desire 816
للرجوع الي صفحة الرئيسية اضغط
هنا
تقييم اللموبايل بعد اسبوع استخدام
تلك الخدمة مخصصة لاعضاء الموقع
معلومات سريعة عن HTC Desire 816
-
Android
-
5.5″
5.5 بوصة -
3G
2G / 3G -
13 MP, 4...
-
2600mAh
Li-Po 2600 mAh, غير قابلة للازالة
اولا العيوب .. المساحه الداخليه صغيره وتكتف الواحد شويه في كميه البرامج اللي بينزلها
الهيد فون السماعات بتاعتها تصميمها قديم شويه ومش مريحه بس عاليه جدا
لمبه led Notifications لو جالك ميسد او مسدج بتفضل تنور بس بتطفي بعد دقيتين بس
الضهر بتاعه الموبايل بيبصم اوووي
لو انت عامل تحويل مكالمات وجاتلك مكالمه محوله بيجيبلك الرقمين مع بعض اللي بيتصل بيك واللي متحول منه ودي ميزه انه بيعرفلك هي محوله من انهي رقم وعيب انه كده مش بيظهرلك الاسم لو انت مسجله
( السخونيه ) قبل ما اجيب الموب كنت خايف اوي من موضوع السخونيه عشان ناس اتكلمت عليه
بس الصراحه ولا فكرت اصلا انزل برنامج يقيس درجه الحراره لان درجه حرارته عاديه جداا اثناء التصفح واثناء اللعب بترتفع حاجات بسيطه فمشغلتش دماغي بيها لان مسكت موبايلت كتير قبل كده وعارف ان ده كويس
المزايا .. بطاريه فوق المتوسطه
صوت عالي جدا ونقي جدااا وكمان في المكالمات
اوبشن كتير واهتمام بكل حاجه وبكل التفاصيل في الجهاز
اداءه كويس اوي وممفهوش اي تهنيج وسريع
بالنسبه للناس اللي بتحب الجيمز انا نزلت لعبه modern combat 5 ودي من اعلي الالعاب جرافيك وامكانيات ومش اي جهاز يقدر يشغلها ومش اي بروسيسيور quad core يشغلها .. بس هي ماشاء الله علي الموب شغاله حلو جداااااا
في حاجه اسمها extreme power saving وده لو الموبايل بطاريته خلاص هتقفل ومحتاج ال3 % دول مثلا بتشغله وهو عباره انه بيقفل الانردويد من الجهاز خالص وبيشغل الحاجات الاساسيه زي المكالمات والرسائل ويعتبر مبيسحبش من البطاريه خالص وبيفضل فتره طويله لحد ماينقص البطاريه
الكاميرا الاماميه ممتازه والخلفيه فوق الجيده بس مش اداء كاميرا 13 ميجا اوي
الاندرويد اللي فيه سهل وممتع وفي اوبشنز كتير ومش محتاج لكل حاجه تنزلها ابليكشن
الخلاصه .. الموبايل انا شايفه تحفه .. حتي العيوب اللي انا ذكرتها مش مأثره علي ادائه وممكن في منها يتعالج
انا كنت بقارن ده وبين النوت 3 نبو مع ان النوت 3 اعلي شويه في الامكانيات بس الصراحه كنت هندم كتير لو مجبتش ده .. كفايه انك شايل حاجه مش سامسونج وموبايل محترم وان شاء الله يستاهل ال فلوس اللي ادفعت فيه :)