هذا الموضوع مرتبط بـ Desire 816

انا رجعت الجهاز

amr2014

2014-06-26 (07:07:04PM)

يا جماعه انا روحت موبايل شوب واشتكيتلهم من موضوع السخونيه والتكه الي بتجي ف المكالمات
والموظف الي هناك قالي انا معرفش الحراره الطبيعي تبقي كام
وغير حاجات ف السيتنج وفرمت الجهاز وقال جربيه وشوفي اخبار السخونيه ايه
لقيته لسه بيسخن صحيح اقل م الاول بس برده الحراره زياده عن كل الي معاه الموبايل
وقالي اتصل بالخط الساخن او الدعم الفني الي ارقامهم علي الضمان
الدعم الفني ردوا عليا وقالولي الحراره الطبيعي لحد 55
مش عارفه ازاي ؟؟؟؟؟؟؟ ولما قولتله طيب ريحه الشياط لما الموبايل بيوصل 42
قالي خلاص رجعيه تاني ويتم الكشف عليه
ورجعت موبايل شوب تاني وقالي ان الشكوي دي محصلتش قبل كده من اي عميل
وبالفعل اخده واداني ايصال بيه وكتبنا الشكوي وهيبعتوه التوكيل والرد خلال 10 ايام ان شاء الله
الموبايل مفيهوش خدشه بس اصر يكتب ان الموبايل عليه اثار استخدام العميل
قالي ان دي حاجه روتينيه ولو قرب النور م الموبايل اكيد هيظهر حاجات
وربنا يسهل والمشكله دي تتحل ويبدلوه بمويايل سليم او يعالجوا المشكله دي

poetMuhammad

2014-06-30 (03:20:14AM)

amr2014 اه اعرف ناس بدلت الجهاز في نفس اليوم وفي بيسيب الجهاز ويكلموه بعد يوم او يومين بالكتير ويروح يستلم جهاز جديد وعموما ربنا معاكي ومشكلتك تتحل ان شاء الله وكل سنه وانت طيب

gemyzamalek08

2014-06-28 (03:00:50PM)

اتمنى يا استاذ amr2014 والله انا الموبايل عاجبنى جدا بس انا خايف من موضوع العيوب دة وان شاء الله هاشترية من مكان مضمون وربنا معايا

amr2014

2014-06-27 (06:24:13PM)

gemyzamalek08
الموبايل تحفه وجميل جدااااااااا
ومحدش اشتكي من موضوع السخونيه غيري وحد كمان ووارد ان اي موبايل تجيبه يبقي فيه عيب صنع
ودي بتبقي بنسبه بسيطه جدااااااا
عشان كده الاحسن تجيبه من مكان مضمون زي موبايل شوب او فودافون او التوكيل
لان بيديك مده 14 يوم من حقك استبدال الموبايل فيهم لو فعلا فيه عيب
لكن لو جبته من محل عادي ممكن يكون ارخص حاجه بسيطه بس لو حصل الموقف ده هيقولولك مالناش دعوه وروح التوكيل

amr2014

2014-06-27 (06:21:20PM)

غيرت جهازين في يوم واحد ؟؟؟؟
طيب ايه السبب؟؟
وبعدين في موبايل شوب قالولي ان الي بيبدل ف نفس اليوم بيحطه ف العرض تاني
يعني ممكن يدوك موبايل في عيب برده وده سبب انهم بيبعتوه التوكيل عشان تضمن ان هيجيلك موبايل جديد

mmels

2014-06-27 (06:01:34PM)

mostafaeassm
ويا تري كان ايه سبب الاستبدال عشان تبدل اتنين في نفس الوقت .. مش معقول يكون جه معاك فيهم عيوب يعني وكده

mostafaeassm

2014-06-27 (04:45:29PM)

انا استبدلت في نفس الوفت بس من فودافون غيرت جهازين في يومين مش جهاز واح ناس محترمة هناك بجد

gemyzamalek08

2014-06-27 (03:07:19PM)

يا اخوانا خلاص انا هشترى الموبايل كمان يومين كدة انتوا خوفتونى جدا ازاى شركة زى htc تعمل كدة او محلات كبيرة زى دى بتبيع الموبايل فية مشكلة طمنونى الله يخليكم حتى لو هايرجعولى الموبايل لو فية حاجة فى 14 يوم طب افرد ان ماستحملش معايا سنة مثلا ارمية !! حد يطمنى الله يخليكم يا جماعة

amr2014

2014-06-27 (02:46:06AM)

poetMuhammad
هو حضرتك تعرف حد استبدل الموبايل ف نفس الوقت؟؟؟؟

amr2014

2014-06-27 (02:43:46AM)

الموظف الي هناك بصراحه كان محترم جدا و قالي احنا هنبعته النهارده التوكيل وقالي ده السيستم ماينفعش ابدلهولك الا لما اتاكد م التوكيل ان فعلا فيه عيب صناعه وقولتله طيب افرض التوكيل قال مفهوش حاجه وهو فعلا معيوب
قالي وهيستفيدوا ايه؟؟؟
وبعدين انا معايا ايصال بتاريخ امبارح ومكتوب فيه ان تاريخ الشراء من اسبوع
يعني من حقي استبداله لو فيه عيب

poetMuhammad

2014-06-27 (02:15:31AM)

خلي بالك علشان اوقات بيفضلوا يماطلوا لحد ما ال14 يوم يعدوا وبعدين يقولك مينفعش الموبايل يرجع او يتغير هو هيتصلح فلو عملوا معاكي كدة قوللهم هتصل بجهاز حماية المستهلك و خوفيهم انك مش هتسكتي يعني لو لا قدر الله عملوا كدة وموضوع التكه دة ملوش اى علاقه بالشبكه خالص اصلا الناس اللى هناك اوقات كتير بيبقوا مش فاهمين اى حاجه خالص و المفروض طالما الجهاز فيه شكوى خلال ال14 يوم يستبدلوه على طول مفيش موضوع الرد خلال 10 ايام والكلام دة

mmels

2014-06-27 (01:48:40AM)

ان شاء الله خير .. ومشكله محلوله ..

amr2014

2014-06-26 (07:35:02PM)

نسيت اقولكوا ان رد الدعم الفني علي التكه الي ف المكالمات
قالي ممكن تكون شبكه غيري الشريحه وهاتي خط تاني شبكه تانيه وجربي
انا خطي فودافون وعمره ماعمل معايا كده ف الجهاز القديم

amr2014

2014-06-26 (07:33:48PM)

هو بقاله اسبوع بس لسه ال 14 يوم ماخلصوش

zizo30

2014-06-26 (07:27:33PM)

خير ان شاء الله… هو الموبايل لو معداش عليه 14 يوم هايتغير ..ولو عدوا ..هايشوفوا لو عيب صناعة ودة الغالب هيحاولوا يصلحوا ولو فضل زي نا هو هايتغير

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن HTC Desire 816

مقارنة

Android
5.5″

5.5 بوصة
3G

2G / 3G
13 MP, 4...
2600mAh

Li-Po 2600 mAh, غير قابلة للازالة

مزيد من المعلومات

الموبايلات

انا رجعت الجهاز

التسجيل بالموقع

دخول الاعضاء

معلومات سريعة عن HTC Desire 816

Android

5.5″

3G

13 MP, 4...

2600mAh