هذا الموضوع مرتبط بـ Desire 816

السلام عليكم عندي استفسار لو سمحتم

qusaihazem

2014-06-20 (04:53:16PM)

لو في حد معاه الموبايل ده يرد عليا ياريت
انا اشتريت الموبايل ده من اسبوع وبالنسبة ليا هو كويس جدا بس عندي مشكلة لو حد يرد عليا بسرعة انا لما اعمل اعمل مكالمة 5 دقائق الموبايل بيسخن اوي للدرجت ان مش بقدر احطه علي ودني او حتي اعد عالنت شوية مش كتير برضو الموبايل بيسخن اوي ياتري ده عادي ولا يبقي في مشكلة ورجعوا ياريت حد يرد عليا بسرعة لو سمحتي

qusaihazem

2014-06-21 (04:01:05AM)

شكرا جدا ليكم
mmels / انا جربت البرنامج ده battery doctor برضو بيسخن وجربت العب لعبة عادية جدا زي مقولتيلي درجة الحرار وصلت 42 بس مش بيهنج وكمان وانا بلعب قفلت كل حاجة ...
waleedsunny / انا مش من النوع اللي بيلعب جيمز كتير انا ممكن اعد اشيت شوية اشوف الفيس شوية حتي مكالماتي مش كتير وببقي في التكيف ومع ذلك بيسخن جدا ....
zizo30 / انا بصيت علي الاستيكر وفعلا صناعة تيواني وكمان انا مشتري من التوكيل ...
themage2010 / منا مستغرب عشان كده مهو لو سامسونج كنت اولت ماشي ...
ودلوقتي مش عارف اعمل ايه اروح التوكيل ولا اعمل ايه ؟ وشكرا وشكرا لهتمامكوا ع الرد علي سؤال شكرا جدا

themage2010

2014-06-21 (12:56:54AM)

دة عيب من عندك انتا لان الموبايل مش بيسخن زى سامسونج حتى ودى من مميزاتة :)

zizo30

2014-06-20 (11:02:39PM)

الجهاز عليه استيكر على الشمال مكتوب عليه صناعة ايه او شوف ألعابه المفروض تيواني

waleedsunny

2014-06-20 (09:28:34PM)

لو حضرتك قاعد فى تكييف وشغال على الجهاز وطحنه شغل استحاله يزيد عن 35 درجه
الحاجه الغريبه ان حضرتك اول واحد تقول ان الجهاز بيسخن
انا لما كنت قاعد فى غرفه عاديه والدنيا حر وكنت مشغل اسفلت 8 ( اكتر حاجه تسخن الجهاز هيا الالعاب عشان انت بتستخدم البرسسور وكارت الفيجا ) كانت الحراره 42 لكن اثناء الشغل على النت 38 برده فى غرفه عاديه وفى الحر
لكن فى التكييف الحرارة بتنقص كتير قوى

mmels

2014-06-20 (07:59:15PM)

40 اعتقد انها كتير شويه .. اولا ممكن تشوف برنامج تاني battery doctor مثلا للتاكد فقط
ثانيا جرب اللعب وشوف هتكون درجة الحراره كام
هل هناك اي تهنيجات مع الالعاب
تاكد من اغلاقك الوايفاي والموبايل داتا وانته مش شغال
البطاريه من النوع بوليمر وعشان كده مش بتسخن اد البطاريه الليثيوم في الاغلب

qusaihazem

2014-06-20 (07:30:14PM)

شكرا جدا علي اهتمام حضرتك
اولا انا دايما ببقي اعد في اماكن فيها تكيف
ثانيا انا نزلت البرنامج اللي اولتي عليه حضرتك لقيت درجة الحرارة الجهاز 40.5 مع العلم ان مكنتش بعمل اي حاجة في الموبايل يمكن من ساعة ولا استقبلت اي مكالمة ولا اتصلت باي حد وشكرا

waleedsunny

2014-06-20 (05:47:44PM)

اولا الجهاز ده بيتميز بعدم السخونه
ثانيا عايزيين نمشى بالارقام بمعنى ياريت حضرتك تحمل من على الماركت مجانا برنامج اسمه Batterybot وده مساحته صغيره جداااا ومابيسحبش من الرامات حاجه تذكر وبيجبلك نسبه البطاريه + درجة حرارة الجهاز فا بعد ماتحمل البرنامج ياريت تشتغل عليه زى ما انت متعود وتشوف درجة الحراره كام وكمان المفروض ان اثناء المكالمه الجهاز مايسخن اصلا عشان حضرتك مابستخدمش قوة الجهاز فى حاجه
كمان فى حاجه مهمة درجة حرارة الجهاز بتعتمد على درجة حرارة المكان اللى حضرتك فيه واحنا اليومين دول حر جدااا

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن HTC Desire 816

مقارنة

Android
5.5″

5.5 بوصة
3G

2G / 3G
13 MP, 4...
2600mAh

Li-Po 2600 mAh, غير قابلة للازالة

مزيد من المعلومات

الموبايلات

السلام عليكم عندي استفسار لو سمحتم

التسجيل بالموقع

دخول الاعضاء

معلومات سريعة عن HTC Desire 816

Android

5.5″

3G

13 MP, 4...

2600mAh