هذا الموضوع مرتبط بـ Desire 816

اختيار موبايل مناسب

princessaya

2014-06-05 (01:59:54AM)

الحمدالله الحمدالله قدرت اشترك فى المنتدى اخيرا بجد فرحانه اوى بعد كلام الاعضاء عن htc desire 816 كنت ناويه انى اجيبوا ان شاء الله الشهر الى جاى بس كتير من الاعضاء قالوا انه مبقاش موجود واحتمال لما انزل عشان اجيبه يبقى خلاص خلص او بقى اغلى اوى فلو ممكن تساعدونى لو الفون htc معرفتش اجيبه اجيب فون الكاتيل هيرو النسخه الجديدة ولا سونى تى تو ولا نوت 2 لو دول مش حلوين انا يهمنى الشاشه تكون كبيره والوانها حلوة اوى والموب يكون سريع نت والعاب وميهنجش وكاميرا حلوة وبخطين اسفه لو ازعجتكوا بكلامى الكتير :) :)

princessaya

2014-06-07 (01:30:49AM)

هو حلو فعلا بس انا عندى ان الشاشه تكون كبيره دى مهمه جدا فمتهيقلى مقاس 816 كبير فعلا مش كلام صح ؟ وكمان رمات 816 اكبر وبرده مهمه عندى

poetMuhammad

2014-06-06 (07:48:28PM)

فى اختيار تانى قدامك ممكن تشوفى desire 600 دة بشريحتين والاتنين شغالين مع بعض بردة والناس اللى اشتروا الجهاز دة بيشكروا فيه جدا بس هو اصغر من ال 816 ببوصه تقريبا

princessaya

2014-06-06 (01:17:58AM)

شكرا maxpayne هو فعلا موبايل نوت 2 حلو جدا بس المشكله انه بخط واحد
وشكرا ياساره انا يبقى اكيد انا مكنتش بدور كويس يوم ماجبت الفون بتاعى للاسف
لا طبعا شكرا يااستاذ محمد ده انا كنت قربت اتجنن عشان تليفونى جايباه من ست شهور بس وعايزة ارميه من البلكونه وحش اوى بيهنج كتييييييييييييير
وشكله بااذن الله هترسى على الديزايير 816 بااذن الله

khaledmedhat

2014-06-05 (10:08:10PM)

desire 816 the best.... htc best then samsung , sony ...made in tiwan

poetMuhammad

2014-06-05 (06:23:08PM)

لا شكر على واجب استاذه ايه احنا هنا كلنا بنساعد بعض موضوع التقفيل دة عادى لان معظم الموبايلات دلوقتى تقفيل صيني وفى منها تقفيل فيتنامى وفى ناس بتشكر فى الصيني وناس تانيه بتشكر فى الفيتنامي بالنسبه لموضوع التهنيج بيتهيالى دة ملوش دعوة بالتقفيل لان معظم موبايلات سامسونج كدة خاصة الموبايلات الرخيصه منها لكن الجراند تو فى ناس كتير جربوه وبيشكروا فيه جدا انا .
انا مثلا معايا حاليا موبايل Motorola Moto G وتقفيل صيني بس بصراحه ممتاز فى كل حاجه ولا تهنيج ولا الكلام دة خالص ويعتبر افضل هاتف فى فئته وكمان ليه فيديوهات على اليوتيوب اسرع من النوت 3 والاس 4 مع انه اقل منهم فى الامكانيات.

sarah1

2014-06-05 (03:39:47PM)

الجراند تو الى معايا تقفله فيتنامى مش صينى
فى التقفيل الصينى والفيتنامى والكورى

maxpayne

2014-06-05 (02:03:08PM)

note 2 موبيل ممتاز وبطاريه قويه وشاشه الوانها ممتازه ومعاه s pen بس شريحه واحده

princessaya

2014-06-05 (04:40:43AM)

بس فعلا زى ماحضرتك قلت htc افضل بااذن الله هستناه ينزل يارب ميبقاش غالى عشان الكل يعرف يجيبه بااذن الله وشكرا مرة تانيه :) :)

princessaya

2014-06-05 (04:18:46AM)

شكرا يااستاذ محمد جداااااا بس معلش سؤال تانى بعد اذنك جرراند تو مش تقفيل صينى اصل انا معايا سامسونج وندر i8150 وطلع تقفيل صينى وبيهنج جدا وبيفصل لوحده

poetMuhammad

2014-06-05 (03:31:59AM)

اولا اهلا بيكي فى المنتدى اخت ايه.
بالنسبه للموبايل htc فى بعض الاعضاء بيقولوا انك بتكلمى اى محل ولنفترض مثلا دريم 2000 وبتقوليله انك عايزة تحجزى نسخه من الجهاز لما ينزل وبتسيبي رقمك و اول ما ينزل بيتصلوا بيكي وهو فى الغالب هينزل تانى ان شاء الله.

عايز اقولك ابعدى عن الكاتيل خاماته مش حلوة ودعمه مش قوى واكسسواراته مش موجودة كتير.

السوني موبايل كويس ممكن تفكري فيه واعتقد انه الافضل فى اختياراتك اللي محتارة بينهم.

بالنسبه للنوت تو موبايل كويس بس شريحه واحدة مش اتنين.

ممكن تفكري فى جراند تو موبايل ممتاز وفيه كل اللى انتى عايزاة وفى كمان نوت 3 بشرحتين بس سعره غالي شويه ولو حضرتك عايزة رأيي استني ال htc 816 لما ينزل علشان هو افضل موبايل فى فئته وسعرة.

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن HTC Desire 816

مقارنة

Android
5.5″

5.5 بوصة
3G

2G / 3G
13 MP, 4...
2600mAh

Li-Po 2600 mAh, غير قابلة للازالة

مزيد من المعلومات

الموبايلات

اختيار موبايل مناسب

التسجيل بالموقع

دخول الاعضاء

معلومات سريعة عن HTC Desire 816

Android

5.5″

3G

13 MP, 4...

2600mAh