هذا الموضوع مرتبط بـ Desire 816

تابع خامات htc 816

mohelsaid

2014-05-25 (08:09:08PM)

نسيت اقول ان شاشة الموبيل ليس لها اى حماية يعنى ايه الفرق بين شركة عملاقة زى htc
مشهورة بالخامات الجيدة طول عمرها وشركات زى الكاتل
وهواوى معروفه بردائة الخامات

drizzyman

2014-05-27 (06:30:43AM)

وعندك بردو وات ماكس

drizzyman

2014-05-27 (06:28:55AM)

استاذ وليد كلامه صحيح 100% مع إحترامى للأراء الأخرى
محمد بيقول إنه زعلان على الخامات ...خلاص يامحمد روح هات htc m8 جهاز محترم وسيبك من ال desire ده خالص

waleedsunny

2014-05-26 (07:49:44PM)

استاذ بيتر انا ماقصدش حضرتك خالص
ولو حضرتك قريت الكومنتات تاني هاتعرف اني بكلم استاذ محمد السيد
والحوار داير بيني وبينه تقريبا فقط
استاذ محمد السيد
اولا والحمد لله مافيش خلاف ولا حاجه
حضرتك في نقطة ان HTC طول عمرها معروفة بخامتها العالية جدا في الجودة وده كان من الاسباب الرئيسية لارتفاع تمنها وبالتالي برده خسائرها الفادحه
فالشركة قررت تعدل سياستها زي هواوي والكاتيل مثلا وتستعمل خامات عادية زي سامسونج عشان تقدر تنافس تاني في السوق
وعلي خامتها اصبحت قريبه جدا من سامسونج
لكن برده وللامانه الجهاز فعلا يعتبر افضل من سامسونج في نفس الفئة ويمكن اعلي منه بكتير كمان
وانا اسف اذا كان حد زعل مني
بس بصراحة الموقع بالنسبة لي مرهق لان كل واحد عايز يتأكد مليون في الميه قبل مايشتري اي موديل وده بيخليني يوميا ارد علي عشرات الرسائل علي الخاص
وانا اصلا كنت بعدت عن التعليقات من اول ما المنتدي غير النظام والشكل بتاعه
لكن للاسف رجعت تاني عشان افيد اي حد بخصوص الموديل الجديد
وتحت امركوا في اي استفسار علي الخاص

mohelsaid

2014-05-26 (07:08:50PM)

ا/وليد انا مش عارف ليه حضرتك اخد الموضوع بعصبيه المواقع ديه كلها معموله للنقاش وكل واحد يقول رايه
وعلي العموم الخلاف في الراي لا يفسد للود قضية
انت راجل مجرب موبيلات كتير كلنا عارفين خبرة حضرتك بس نصحتي لازم تخلي بالك طويللكي يستفيد الجميع. وانا مااختلفتش مع حضرتك ان الموبيل امكانياته عالية في حدود سعره ولكن كنا نتمني من العملاق التيواني ان تقد زي ما عودتنا خامات احسن من كده

petergirgis

2014-05-26 (04:56:29PM)

يعنى استاذ وليد انا كونت عايز استفسر فقط عشان انا هجيب الموب قريب انشاء الله و كنت بقول راى فقط مش اكتر لقيت حضرتك اتعصبت و طلبت من ادارة الموقع تتدخل و انا من حقى اقول وجهة نظرى و كدة انا مش بضر الناس و اظن ان الموقع اصلا معمول عشان نتناقش فى امكانيات الاجهزة مش عشان كل واحد يفرض رأيه على التانى و لو حضرتك مش عجبك التعليق مكنتش مضطر انى حضرتك ترد عليه على العموم انا اسف انى طلبت من حضرتك استفسار زى دا و اوعدك مش هتتكرر تانى

waleedsunny

2014-05-26 (12:41:42PM)

حضرتك تقييم حضرتك يبقى مظبوط وفيه افادة للناس
لما تكون استخدمت الجهازين فعلا
حضرتك استخدمت ال 816
ولا رأى حضرتك بناء على موقع gsmarena
وبعدين طب ماهم عاملين برده تقرير زى الفل عن السونى T2
وبعد استخدام الاعضاء للموبايل اكتشفوا ان الجهاز سىء جداا
يعنى المواصفات على الورق حاجهوالاستخدام الفعلى حاجه تانيه
وماحدش قال ان النوت2 وحش لكن اصبح قديم قوى بالرغم من ان هاينزله تحديث الكيت كات ليه
عن قريب
وبعدين الموضوع مش متعلق بالفهم
الموضوع متعلق بالاستخدام الفعلى فقط
واحنا غلطانين واسفين لحضرتك عشان نزلنا جبنا جهاز ب 2900ج وبنوضح لحضرتك مميزاته وعيوبه قبل ماتشترى
ورأيك مهم طبعا بس بموضوعيه وعن استخدام فعلى لكن انك تستند على تقرير موقع فقط يبقى انت كده مابتفيدش الاعضاء انت بضرهم

mohelsaid

2014-05-26 (10:31:19AM)

يا جماعه هوه الي يقول رايه بناءعلي مراجعة. موقع محترم زي gsmarena يبقي بيكره الناس في الموبيل
وبعدين احنا بنقيم الموبيل هاروير وسفت وير علشان الي عايز يشتري الموبيل يكون عنده صوره كامله
واعتقد ان كل واحد في الموقع له حرية ان يقول راية من وجهة نظره بعيدا عن شخصنة الامور
انا شايف ان النوت تو احسن موبيل عملتة سامسونج
ليه يا جماع في ناس فاكره ان هيه بس الي بتفهم في الموبيلات

waleedsunny

2014-05-26 (10:12:58AM)

ودى عينه من اراء المستخدمين للجهاز فى الخارج بتاريخ 26-5-2014
Hi All,

I Bought this phone yesterday from HTC Store.

Awesome phone, better then Grand and T2 Ultra
Indian version is dual sim(3G and 2G) No 4G,NO NFC, Running on Android Kitkat 4.4.2 and HTC Sense 6. Flip Cover additional if you buy it from HTC Store.

Available colors are : White, Orange and Dark Gray

this phone is awesome...much much better than grand 2 and t2 ultra.....no lag on even high intensive gaming...superb awesome speakers...amazing and probably the first correct pricing done by htc....people who want a phablet and who consume too much multimedis...this phone is boss

waleedsunny

2014-05-26 (09:15:49AM)

وبعدين ياجماعة قولنا 100 مره ان الاستخدام الفعلى للجهاز هو المهم
انا استخدمت جلاكسى كور ووين وجراند2 وميجا 5.8 وميجا 6.3 ونوت2 و816
ومن خلال الاستخدام اكتشفت ان ال 6.3 وال 816 اسرع من النوت2 مع ان مواصفاته اعلى واحد فيهم
لكن ده مايمنعش ان النوت2 قوى ومازل اصبح ليه وزنه فى السوق حتى الان
ومثال بسيط جدا
فى عضو محترم جدا معانا فى الصفحه
كان معاه السونى T2 وبعديه HTC 816 ولسه شارى امبارح البرو لايت
وبيشكر فيه اكتر من السونى وال 816 وانا معاه ومؤيده كمان لان جهاز ب 1820ج بالضمان ( وكان معايا قبل كده وكنت جابه اول مانزل ب 2200ج ) وبطاريته خرافيه وكاميرا محترمه وسرعته والله غير اللى مكتوب على الورق خالص
فا الحكم الاخير والفيصل للاستخدام الفعلى عشان تبقى النصيحه بفايده وممكن على اساس كلامنا ناس هاتدفع فلوس

waleedsunny

2014-05-26 (08:26:56AM)

ياجماعة كل حاجه على قد سعرها
HTC بسبب خسائرها الفادحة
اول مرة تنزل موبايل بسعر رخيص وامكانيات عاليه جدااااااااااا
سوفت وير النوت2 قديم ( مش اقصد نسخة الاندرويد ) بدليل ان الميجا 6.3 احدث وفيها امكانيات اعلى من النوت2 والنت3جى فى النوت2 ابطىء فغليا من ال 816 وانا مجرب الاتنين
ولو حد شايف ان مواصفات او خامات الموبايل رديئة على قد السعر ده فى تقريبا فى السوق حوالى 30 موديل مختلفين وامكانيات كويسه جدا
وبعدين اللى بيدخل على صفحات الموبايلات
حاجه من اتنين يا يسال او يستفسر عن الموبايل عشان يقرار الشراء من عدمه
او بيشرح امكانيات ومواصفات الموبايل من خلال شراءه للجهاز واستخدامه الفعلى مش بناء على قراءة مواصفات على الورق
لكن ان حد يدخل على الصفحات عشان يكره الناس فى الموبايل من وجهة نظره هو فقط من غير مايكون مسك او ستخدم التليفون اصلا فده شىء مش مقبول والمفروض ان ادارة الموقع تتدخل

drizzyman

2014-05-26 (03:52:41AM)

الاداء ف الاتنين واحد والاتش تسى هيتفوق ف الصوت والكام والشكل والوزن

petergirgis

2014-05-26 (02:02:17AM)

ممكن اعرف يا استاذ وليد ازاى 816 بيتفوق على النوت 2 مع ان النوت 2 فى بروسيسور و رامات اعلى

mohelsaid

2014-05-25 (10:36:56PM)

ا.وليد. شكرا لرد حضرتك وانا متابع جيد لردود حضرتك لفايدة الاعضاء
ثانيا انا مش فلوسي كتير علشان اجيب كل يوم موبيل وابيعة واخسر فيه الف جنيه
انا بتكلم ان موقع محترم زي gsmarena في مراجعته للموبيل لوحضرتك قرتها بيقول ان زراير الموبيل رخيصة وفقيره وان شاشة الموبيل بدون حماية. فان بسال ان كان ده بياثر علي قوق تحمل الموبيل في الاستخدام العادي. القصة مش اسكررين بروتكتور ولكن خامات الموبيل بشكل عام
واعذرني ان كنت جديد في السمارت فون

waleedsunny

2014-05-25 (09:49:19PM)

الموبايل لسه نازل من 10 ايام يبقي ازاي نزله من غير ضمان
الكلام ده في سامسونج فقط
عمرك سمعت ان HTC بتتباع ضمان دولي ولو حصل ونزلها مش هايكون قبل فترة طويله وبيكونوا متهربيين كمان
استاذ محمد السيد لو موضوع حمايه الشاشه ده مهم لحضرتك ممكن تستني اسبوع ان شاء الله وتنزله اسكرينه ضدالكسر زي بتاعت سامسونج او تزود شويه وتجيب M8 ب 5000 ج
يعني حضرتك جاي بعد ما HTC نزلت ارخص موبايل في عمرها كله وبامكانيات تنافس النوت2 وبتفوق كمان لانه كان معايا قبل ال 816 وحضرتك معترض علي الشاشه
بالتأكيد حضرتك جديد في عالم السمارت فون
محتاج تبقي زي كده وتخسر كل شهر في موبايل جديد مبلغ محترم عشان تعرف الفروق بين الموبايلات والماركات

rororody

2014-05-25 (09:21:40PM)

طب ممكن اعرف هو بكام من غير ضمان

NFSHesham

2014-05-25 (09:00:27PM)

الشركة اتضطرت متحطش حماية على الشاشة عشان التكلفة متزدش اكتر من كده ده كويس اوي اللي عرفوا يعملوه فيه عشان يبقى بالسعر ده
بعدين في الغالب حضرتك هتجبله سكرين بروتكتور سواء محمي او مش محمي ، ملحوظة عشان يستخدموا Corning gorilla glass 3 عشان الحماية الجهاز كان هيغلى ٣٠٠ جنيه لان الطبقة دي مش رخيصة ..... هل حضرتك كنت هتشتريه ساعتها بدل الجراند ٢ ؟ اشك في كده

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن HTC Desire 816

مقارنة

Android
5.5″

5.5 بوصة
3G

2G / 3G
13 MP, 4...
2600mAh

Li-Po 2600 mAh, غير قابلة للازالة

مزيد من المعلومات

الموبايلات

تابع خامات htc 816

التسجيل بالموقع

دخول الاعضاء

معلومات سريعة عن HTC Desire 816

Android

5.5″

3G

13 MP, 4...

2600mAh