بدون عنوان

انا متشكر جدا على اهتمامك بالرد بس بجد انا دورت كويس جدا ملقتش الامكانيات اللى عاوزها غير ف الراى رغم انه قديم وجمعت عنه معلومات كتيرة جدا تقريبا عرفت كل حاجة عنه بس هو بالنسبالى كويس جدا لان انا اللى محتاجه بالظبط ( كاميرا - كثافة بيكسل ف الشاشة - شكل - وحجم صغير- وبطارية بتدوم ) ودورت كتير لقيت افضل موب بالنسبة لاستخداماتى هو ده رغم انه قديم ولو جيبت حاجة م الجديدة كل نوع ناقص حاجة م اللى انا عاوزها وطبعا ده هيخلينى اندم لو اتخليت عن حاجة انا عاوزها فى سبيل الفلوس مثلا كما ان معظم التعليقات على gsm... بتقول انه كويس وكل المشاكل اللى فيه تعتبر ملهاش لازمة بالنسبالى يعنى مثلا موضوع الفلاش المانيوال ........ حاجات متفرقش كتير معايا اما الاندرويد ان شاء الله هتأقلم معاه لانى عاوز نظام يخلينى اتحكم فى الموبايل بالكامل وده تقربا مش موجود غير ف الاندرويد وكمان انا يعتبر بتأقل مع الانظمة بسرعة لانى جربت كذا نظام اما موضوع انه لو اتحدث بيبقى مش زى الاول ده لان الناس اللى بيشتكوا منه هاريينه العاب و برامج وده طبعا مش هحتاجه كتير وده ان انا حدثته اصلا م هو كده كده بما انها اول تجربة مش هبقى محتاج انى احدثه ف الاول كده على الاقل كما ان الجيلي بين نازله رسمى قريب وهو نزله فعلا بس مش رسمى انا بصراحة لحد دلوفتى مش لاقى موبايل اقتنع بيه اكتر من الراى وده لان عيوبه مش فارقة معايا اما موضوع الجلاكسى ف انا بصراحة متضايق جدا من السام وده لانى جربت كذا نوع منها ومعجبنيش وآخرهم المونتى

بس ف الاخر احب اشكرك على اهتمامك وآسف ع الاطالة

انت ليه تاعب ومحير نفسك على الفاضى
تقارن بين موبايل انتاج قديم من سنتين 8-2011 ونسخة اندرويد قديمة وبعد التحديث فى ناس كتير اشتكوا ان الموبايل ماعدش زى الاول وبخط واحد وسعر عالى
وبين موبايل انتاج اخر 2012 وبالنسخة الحديثة وامكانيات وتكنولوجيا حديثه وبخطين وسعر رخيص ومنافس فى فئته
وبعدين مدام اول تجربه ليك فى الاندرويد هات حاجة رخيصة عشان لو ماعجبش الاندرويد تبيعه وتبقى خسارتك بسيطه لان مش كل الناس تعرف تتأقلم مع الاندرويد
أو تجيب من الاخر وتشترى حاجة مشهورة وكل شىء فيها مضمون من حيث الاكسسوارات والضمان والصيانة وتتباع بسرعة (((( سامسونج ))))
أهم حاجة حدد انت عايز ايه واجمع معلومات كويس من خلال موقع GSMARENA ثانيا من خلال اليوتيوب ثالثا من الموقع ده - انا عن نفسى ال اكتر من 25 موبايل اندرويد اللى اشتريتهم كنت با اتبع الخطوات دى - والتوفيق من عند الله

انا بتكلم ع ال U4

يا جماعة انتوا بكلامكم ده هتخلونى أغير رأيى تانى اصل انا مش بتاع انى أغير الموب كل شوية انا اللى بجيبه بقعده معايا ع الاقل سنتين ثانيا دى أول تجربة للأندرويد ب النسبالى ف موضوع الاختيار ده محيرنى شوية
كما ان اللى يهمنى كاميرا وشاشة وشكل وحجم صغير وده اللى لقيته ف الراى وملقيتوش ف غيره بس لما جيت اقارن بين الموبايلين (ال راى و ال u4) ب النسبالى الراى يكسب (كاميرا - شكل - حجم - شاشة) بس اللى مخلينى متردد هو فرق السعر الكبير يعنى بروسيسور و مساحة الذاكرة وخطين مش معقول الفرق الكبير ده عشان الاسم بس . وكمان انا ممكن استغنى عن الشاشة والحجم الصغير لو فرق السعر كبييييير كده ف بما انكوا جربتو موبايلات كتيير قولولى ايه رأيكم
أصل الموبايل بجد سعرة خرافى مقارنةً بالسونى والسام.

استاذ waleedsunny اولا مبروك على الموبايل ويارب انشاء الله ربنا يباركلك فيه انا يعتبر زيك بالظبط خسرت كتير فى تغيير الموبايلات وناس كتير عارفه كده كويس دليل هتلاقينى هنا فى صفحه السونى اشتريت ميرو واليو والاى وكتير وسامسونج s dous و mini 2 وكتييييييييير اوى اكتشفت ان كله زى بعض بس بتختلف فى الشركه واسمها والشكل الخارجى طبعا لحد ما قعدت مع نفسى وقولت انا ايه كل اللى محتاجه فى موبايل غير انه يكون سريع وخاماته ممتازه وكويس وبرضه الاهممممممممم السعر فطبعا لما سمعت ان الموبايل ده نزل وانا طبعا عارف اسم الشركه ده كويس من زمان انا كمان منزل فيديو هنا عن تاريخ الشركه وجودتها واللى يقولك صينى هاى سينس المانى بس التقفيل صينى ده طبيعى جدا زى اى موبايل سونى او الجى اوغيره هتجيب سونى 3000 اقلبه هتلاقى صينى طبعا لان كل الشركات فى العالم اتجهت للاتجاه ده عشان اوفر وارخص فى التقفيل بجد من الاخر اختيار موفق وشكره لكتابه تجربتك بالكامللل

اولا من ناحيه ايه حضرتك متنصحش بيه والموبايل مواصفاته ممتازه جدا من حيث فى معالج قوى زى اى شركه وكارت شاشه وتصميم قوى وشركه معروفه من سنين على فكره الفكره ان الشركات التانيه سعرها بيكون غالى طبعا ممكن تلاقى المواصفات ااقل بس ده لانها بتبيع اسم مش اكتر هتقولى ضمان موجود الضمان هتقولى دعم موجود دعم ليه وبيششككوا فى امكانياته ازاى امكانياته المعالج
دى مواصفاته
upports W+G or G+G
Jaringan - 2G - GSM 900/1800/1900MHz,3G - WCDMA 900/2100MHz
CPU - Qualcomm MSM8225 Cortex-A5 Dual Core 1.2G Hz
GPU - Adreno 203
OS - Android 4.0.4 ICS
RAM - 768MB
ROM - 4GB
Dimensi - 132.8 x 67 x 10.3mm
Berat - 144g with battery
Layar - 4.5-inch Capacitive Touch Screen QHD, 960 x 540, IPS-LCD
Warna Pilihan - Black / White
Built In GPS & A.GPS
Bluetooth with EDR & A2DP
Wi-Fi - IEEE 802.11 b/g/n
Micro USB 2.0
3.5 mm Audio Jack
Kamera - Back 5MP, Auto Focus, Support to shoot MP4 720P with sound
Sensor - Gravity Sensor, Proximity Sensor, Light Sensor
Radio FM
Video fomat - AVI , MP4 , FLV , 3GP , MOV , ASF , MPEG , RMVB , etc.
Audio format - MP3 , AAC , WAV , etc.
Baterai - 1900mAh

لنوع ال gpu adreno 203 وطبعا ده اكيد سمعت عنه فى موبايلات السامسونج وغيره
ثانيا نوع المعالج المعالج من اقوى الشركات والمعالج بتاعه من احسن واكبر الشركات برضه البروسيسور بتاعه 1.2 جيجا هرتز snapdragon من الشركه العملاقه qualcacom لتصنيع المعالجات
فى اخر الموضوع كل اللى انت محتاجه نفس المواصفات بل واعلى فى الفئه السعريه دى محتاج ايه تانى ولك القرار فى النهايه ده فيديو بجد اتفرجوا عليه لانه بيشرح تاريخ شركه hisense منذ انطلاقها فى العالم عشان الناس اللى بتقول دى ماركه محدش سمع عنها وتعبانه شوفوا موجوده من سنه كام

بسم الله
اولا انا بقالى فترة طويلة أوى بعيد عن الموبايلات الاندرويد لانى اشتريت حوالى 25 موبايل اندرويد جميع الماركات وكنت بخسر كتير جدا
واخر موبايلات اشتريتها وفاكرها S II & Lg L5 & S Duos
ولما قريت عن الموبايل ده جمعت معلومات على حسب خبرتى وعملت اوردر من على النت وجالى الموبايل بعد 48 ساعة لحد البيت ب 1420 ج شامل كل شىء
والعلبة متبرشمة من النحيتين والجهاز عليه لزقة للشاشة + الشاحن + السماعة + الكبل
طبعا عشان الجهاز جديد ومش معروف طحنت امه امبارح من الساعة 7 مساء حتى الواحدة صباحا
موصله بالشاحن وشغال على الواى فاى طول الفترة تحميل وضبط والعاب وبرامج ونت وده بحكم خبرتى بموبايلات الاندرويد اقدر اقولكم على ملاحظاتى :
1 - خامة الجهاز محترمة جدا بدون مبالغة افضل من السامسونج
2 - صوته عالى قوى ونقى جدا ( ممكن تحديد نغمة خارجية بس للاسف مافيش تحديد نغمة لكل خط على حده )
3 - الواى فاى بتاعه سريع جدا ذى سامسونج اس 2 بالضبط
4 - ال جى بى اس بتاعه طلقه لدرجة بصراحة ماتوقعتهاش
5 - وضوح الشاشة عالى جدا ومحترم وفى الشمس مش بطال عامل ذى ال ال جى وسامسونج
6 - الجهاز ماشاء الله سريع جدااااااااااا وما بيهنجكش مهما حملت عليه افضل بكتير من اس 2 ودى حاجة انا بصراحة استغربت منها جدا وماعرفتش سببها ايه مع ان راماته 745 DDR 1 فدى بصراحة حاجة غريبة وكويسه جداا
7 - الحرارة ودى مشكلة كل الاجهزة الاندرويد بدون استثناء الاس 2 كان بيوصل معايا 42 وال ل جى بيوصل 38 وهكذا - ده امبارح انا كنت موصله بالشاحن ومشغل الواى فاى وبحمل والعب عليه وصلت درجة الحرارة 36 وانا قاعد فى جو الغرفة العادى
8 - البطارية برده مشكله الاندرويد انه بيسحب من البطارية كتير
انا لاحظت انه لما افصل الشاحن واشغل الواى فاى للتحميل بيسحب من البطارية بسرعة لكن لما قفلت الواى فاى وال ثرى جى لقيته تقريبا مابيسحبش باور خالص
9 - الكاميرا بتاعته تحفه مع انها من غير فلاش ( عايز تحكم على الصورة لازم تنقلها على الكمبيوتر الاول وتشوفها على الكمبيوتر عشان تحكم عليها كويس )
بخصوص الالعاب شغال كويس جدا وسريع من غير تهنيج وانا سنى مش صغير عشان احمل العاب لكن عشان اختبر الجهاز فقط ومسحتها عالطول
10 - الميزة الحلوة المضافة جديد هو انك ممكن تحدد ميعاد لغلق او فتح الموبايل اتوماتيك
11 - الميزة الحلوه كمان انك ممكن تنقل البرامج او الالعاب على الكارت الخارجى بدلا من ذاكرة الجهاز - بس فيه ملاحظه ان فى بعض البرامج لما نقلتها للكارت اصبح الجهاز مش شايفها مع انها متحمله - وده لان فى بعض البرامج ماينفعش تشتغل إلا وهى محمله عل ذاكرة الجهاز
12 - الجهاز بيجى معاه كارت 4 جيجا وهو ذاكرته 3 جيجا
الجهاز شيك جدا ونسخة طبق الاصل فى الشكل من LG Nexus - وتقدروا تعملوا مقارنة من حيث الشكل
الجهاز فى رأى ياخد درجة مش اقل من 90% - بصراحة انا الفلاش والكاميرا الامامية مايهمونيش
الحاجة التانية سعره كويس جدا بالنسبة لامكانيته - وكمان بخطين - اللى ينقصه جراب فقط
ثانيا ملاحظاتى دى من خلال استعمالى للموبايلات اللى كانت معايا زمان
اهم حاجه فى الموضوع ان ده ملاحظات وأراء شخصية ولازم الواحد قبل مايشترى حاجة يكون مقتنع بيها وانها هاتحقق طلباته بدليل انى مااشتريتش U4 مع انه ارخص وفيه فلاش وكاميرا اماميه
وانا اسف لانى ممكن اتأخر على استفسار اى زميل وذلك لانشغالى وظروف عملى