بدون عنوان

للرجوع الي صفحة جي تايد G35 الرئيسية اضغط هنا

أحمد محمد

2013-01-11 (09:53:17PM)

نرجو من الأعضاء قبل إضافة سؤال داخل القسم ..... البحث في الأسئلة عن أي سؤال مشابه
فقد يكون أحد الأعضاء سأل في نفس الموضوع من قبل
" منعا للتكرار "

و شكرا

shin545

2013-01-12 (10:21:21AM)

اه فعلا ممتاز هيسهل علينا الرد على استفسارات الاعضاء وارجو وضع ميزه تثبيت المواضيع وكمان تعديل الاجابات عشان من عيوب الموقع انك بعد كتابه الاجابه لو دوست انتر مش هتقدر تعدل حرف :)

أحمد محمد

2013-01-12 (12:38:09PM)

أستاذ shin545

ميزة تثبيت المواضيع دي في المنتديات فقط ! ........لا تصلح هنا
لكن هيكون في بديل إن شاء الله ... بإمكانية وضع سؤال "مميز"
يعني أي سؤال سأله أي عضو ممكن يتعمل سؤال مميز و تتحط جنبه نجمة
"زي اللي في البوست ده مثلا"
بس دي هتبقى للمشرفين فقط ..... لأن لو أي عضو يقدر يخلي أي سؤال مميز !
كل الأسئلة هتبقى مميزة ههه
و كمان تثبيت المواضيع في المنتديات بتبقى للإدارة فقط !
و ممكن إن شاء الله لو ظهر أسئلة مميزة كتير نعملها تصنيف منفصل ... يعني قائمة خاصة بيها

تعديل البوست غير متاح لأن التعليقات هي كيان متكامل
إنت كتبت بوست .... أنا رديت عليه !
لو إنت عدِّلت البوست .... ردي هيبقى ملوش معنى تقريبا !
و كذلك مسح التعليقات غير متاح "لصاحب التعليق" ... لنفس السبب !

shin545

2013-01-14 (06:14:55PM)

أحمد محمد
انا بجد بحييك وانتا مشرف نشيط جدا ماشاء الله عليك وصعب طبعا انك تكون شغال لوحدك لازم يكون فيه مجموعه كلهم زيك عايزين يرفعو من اداء الموقع عشان كده انت معذور لو في تقصير في حجات موجوده هنا وانا طبعا مبحطش اي لوم على شخصك الكريم ولكن....

بالنسبه لميزه المواضيع المثبته ديه انا متفق معاك وانتا كده حلتها...بس ميزه التعديل فوجه نظرك صح بس المواقع التانيه كلها بتبقا حطه حوالي 10 دقايق او ربع ساعه حسب راي الاداره وبعديها بتتقفل امكانيه التعديل ( الحاجه ليها غير ملحه ولكن ممكن نحاول نعملها)

تاني حاجه مكان ال س و الجيم كده كويس بس بقا عشان تقدر تفعلها وتخلي الناس تبدا تستفاد منها بشكل فيه تحكم اكتر ومن غير ميتعبو وتفعلها في الموقع بنسبه 100% فياريت تحطها في صفحه كل موبايل يعني مثلا على سبيل المثال صفحه جلاكسي نوت 2 هتلاقي فوق المواصفات /والمميزات والعيوب /شرلء جديد/ الخ الخ الخ حط في الاخر خانه (س.ج) تبقا خاصه بالاسئله والاجوبه الخاصه بالموبايل نفسه عشان الناس متدوخش على المعلومات وتقدر توصل لاسئله واجوبه موبيلتها بسهوله لان غالبا الي بيسال سؤال خاص مثلا بموبيل نوت 2 هيبق محتج رد من واحد عنده نوت 2 برضه ...سهله مفيهاش تعب عليك انشاء الله وخلي ال س و ج العامه موجوده برضه بس صدقني الخانه ديه هتخلي الساده الاعضاء في قمه التفاعل وهتحقق تحديد لنوع الاسئله ولاجوبه بشكل كبير...احنا عايزين الموقع ده يبقا gsmarena العرب انشاء الله :) بالتوفيق

تلك الخدمة مخصصة للأعضاء فقط