iphone 6 aw Samsung s6

للرجوع الي صفحة أبل iPhone 6 الرئيسية اضغط هنا

mahamustafa88

2015-04-29 (01:44:25PM)

استاذ جبكو انا كنت عايزه اخد رايك في حاجه انا كنت ناويه خلاص اشتري iphone6 بس في ناس قالتلي ان السامسونج s6 افضل بكتير خصوصا ان دي اول مره استخدم iphone لاني معايا نوت 2 فياريت اعرف راي حضرتك و ياريت تعمل مقارنه بسيطه بين الجهازين عشان نعرف الفروق لان راي حضرتك موثوق فيه.
شكرا :)

jecko

2015-04-30 (09:08:47AM)

شكرا على ثقتك ، وعلى فكره السامسونج مش افضل بكتير ولا حاجه الموضوع بس اختلاف ازواق ، يعني انا مثلا شايف ان الايفون افضل بكتير من السامسونج وطبعا كل واحد وليه وجهة نظره ،،
انا شايف ان الايفون افضل في الخامات مثلا كل حاجه في الموبايل معموله باهتمام يعني مثلا السماعه الخارجيه صوتها قوي جدا وسماعه المكالمات والهاند فري اللي جاي مع الموبايل والشاحن وطبعا خامه الايفون نفسه اللي معمول كله من الالمونيوم ، السامسونج الجديد خاماته افضل من السابق ولكن برده من قدام شكله زي كل الموديلات القديمه ومن الخلف شكل الكاميرا والفلاش مش حلو ، وطبعا دي ازواق
وبالنسبه للسرعه الايفون اداءه طول عمره اعلى اداء وحتى لو مسكتي السامسونج الجديد ولقيتي اداءه حلو لكن مبيفضلش على نفس الاداء ده طول فتره استخدامه ، بييجي بعد فتره واداءه يقل ويهنج كتير لكن الايفون بيفضل محافظ على نفس اداءه
وبالنسبه للكاميرا ، السامسونج s6 الجديد كاميرته حلوه جدا ولكن انا بفضل كاميرا الايفون لأن صورتها طبيعيه اكتر وانا قارنت الاتنين بنفسي لقيت السامسونج صورته حلوه فعلا ولكن الوان الصوره مبالغ فيها شويه لكن الصوره بتظهر على الايفون زي مانتي شايفاها بعينك
وبالنسبه للشاشه نفس الموضوع برده شاشه الايفون الوانها طبيعيه مش زياده اوي زي السامسونج
ونظام السوفت وير في الايفون عملي اكثر بكتير ومبيحطش حاجات ملهاش لازمه وتتقل الجهاز على الفاضي ، ونظام مؤمن جدا ضد دخول اي فيروسات للجهاز
وبعدين كفايه اوي ان السامسونج s6 الجديد شكله مقتبس من الايفون وانا عن نفسي مبحبش الأجهزه المقلده ، وعملوا كده لأنهم فشلوا في انتاج تصميم جديد يجذب الانظار فقاموا مقلدين الايفون ، ولكن مازال الايفون برده شكله اشيك بكتير جدا

تلك الخدمة مخصصة للأعضاء فقط