هذا الموضوع مرتبط بـ iPhone 6

ارجو المساعده الضروريه

mohamedbakr2020

2015-02-17 (03:35:51PM)

لو سمحت يا استاذ جيكو انا في حيره صعبه وانت الوحيد اللي هتخلصني منها ! انا اولا معايا جلاكسي s2 بقاله 3 سنين اول ما نزل وحابب اغيره وقدامي اوا انا اخترت 3 اجهزه هما
1- اي فون 5 اس
2-اي فون 6
3-اتش تي سي وان ام8
الحيره بقى .. انا عاوز ال اي فون 5 اس تمااام بس شاشته اصغر من الs2 وانا عاوز لما اغير احس بالتغيير في الشاشه اكيد طبعا من نحيه السوفت هاحس بالتغيير تمااام ؟؟
ال اي فون6 حلو وكل حاجه وشاشته اكبر بس بصراحه مش حاسه يستهال السعر ده مقارنه بال5 اس في الامكانيات يعني من الاخر (مدفعش فيه المبلغ ده) نجي بقى للاخر موب
اتش تي سي وان ام 8 كنت خلاص اتفقت عليه بس على اخر لاحظه واحد صاحبي حزرني منه ان بطاريته كلها 3 اربع سنين ومبتتغيرش والموب بيترمى وانا مش عاوز ادفع فلوس وكلها كام سنه وتترمى في الارض وخصوصا اني بحب احتفظ الموبايلات وماببيعش حاجه فا انت ايه رايك ؟؟؟ وانا احترت بصراحه واللي انت هتفضله انا هجيبه على طول بدبسك يعني ^_^ وشكرا على الرد مقدما

jecko

2015-02-19 (05:36:52AM)

هو المفروض سعر الايفون بيتظبط في شهر ١ من كل سنه ، لكن زياده سعر الدولار مخليه سعره عالي عن كل سنه ، واعتقد ان سعره دلوقتي اللي هو 5800 لو نزل تاني مش هينزل كتير يعني ممكن بعد كام شهر تاني ينزل ل 5500 مش اقل من كده

mohamedbakr2020

2015-02-19 (12:10:42AM)

متشكر للنصحيه الغاليه دي ان شاء الله خلاص هفكر في اي فون 6 بس معلش هو ايه انسب وقت اشتري فيه الموب يعني اول السنه اخر السنه عروض التخفضيات بتتبقى امتى خصوصا للاسعار ال اي فون ؟؟ يعني استنى فتره قد ايه يكون سعره نزل شويه؟؟

jecko

2015-02-18 (08:51:21PM)

ههههه لا ياباشا مش بتدبسني ولا حاجه ، انا يسعدني اني اساعدك في اختيار القرار المناسب
بص يا سيدي بما ان التليفون اللي انت هتجيبه هيقعد معاك كذا سنه ومش بتغيره كل فتره قليله يبقى انسب تليفون تجيبه هو الايفون لأنه جهاز معمر جداا ، انا والدي لغايه دلوقتي معاه ايفون 4 اللي كان نازل من خمس سنين ولسه لغايه دلوقتي شغال كويس جدا وبطاريته ادائها كويس ،،
ولو محتار بين الايفون 6 وال 5s ، انصحك تجيب ال 6 لأن شاشته حجمها حلو جدا وهيريحك في الاستخدام ، ومحسنين فيه جوده الكاميرا والوان الشاشه والسرعه والكاميرا الاماميه افضل بكتير من ال 5s ، وانا عن نفسي شايف ان الفرق يستاهل ، وخصوصا بالنسبالك لأن التليفون هيقعد معاك فتره طويله واغلب الشركات دلوقتي بتنزل احجام شاشات كبيره فلو جبت ال 5s هتحس ان موبايلك صغير اوي بالنسبه لكل الاجهزه اللي حوليك ، فرأيي تشتري التليفون اللي يريحك عشان متجبش مثلا ال 5s وتقعد طول فتره استخدامه متضايق من حجم شاشته الصغيره
ومبروك مقدما :)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Apple iPhone 6

مقارنة

IOS
4.7″

4.7 بوصة
3G

2G / 3G
8 MP, 32...
1810mAh

Li-Po1810 mAh غير قابلة للازالة

مزيد من المعلومات

الموبايلات

ارجو المساعده الضروريه

التسجيل بالموقع

دخول الاعضاء

معلومات سريعة عن Apple iPhone 6

IOS

4.7″

3G

8 MP, 32...

1810mAh