سعر الأيفون 6
للرجوع الي صفحة أبل iPhone 6 الرئيسية اضغط
هنا
SRamira
2014-09-28 (03:04:44PM)
كان عندى إستفسار بخصوص الأيفون 6 هو سعره فى السعودية دلوقتى 2800 ريال هل ممكن السعر ده ينزل هناك و لا هو ده السعر اللى هيثبت عليه الموبايل ؟ أنا بتكلم على السعودية ماليش دعوة ب اللى فى مصر خالص .
jecko
2014-09-28 (03:09:37PM)
سعره بينزل برده كل فتره في السعوديه
SRamira
2014-09-28 (03:16:59PM)
يعنى حضرتك تتوقع كده لما ينزل كمان قد إيه شهر شهرين مثلا و لا فى السنة الجديدة ؟
SRamira
2014-09-28 (03:23:20PM)
ولما سعره يقل بيقل قد إيه كده ؟؟
jecko
2014-09-28 (03:27:13PM)
لا انا عارف انه بيقل كل فتره لكن مقدرش اقولك هيبقل قد ايه بالظبط ، لكن اللي انا اعرفه ان في مصر هنا سعر الايفون بيتظبط في شهر ١
SRamira
2014-09-28 (03:39:31PM)
طب إيه رأيك فى الهاتف أصل أنا كنت عايزة أشتريه يعنى تنصحنى بيه ؟ أصل كل شوية الناس فى أى موقع مش شرط هنا و بس ماسكين على كل صغيرة و كبيرة فى الجهاز أنا اللى عاجبنى إن النظام ثابت مش زى الأندرويد بس الناس كلامها بيرددنى و ال bend test اللى طلعوا فيه ده و الناس ماصدقت و نازلين تريقة فحضرتك شايف ان الجهاز يستحق الإقتناء و لا فيه حاجة فى الشركات التانية أفضل ؟
jecko
2014-09-28 (04:50:45PM)
ال bend test بتاع الايفون 6 انا مش شايف فيه اي مشكله خالص ، الايفون 6 بلس هو اللي حجمه مش متناسق مع سمكه عشان كده بيتني بالضغط عليه بقوه ، اما الايفون 6 مش هيبقى فيه اي مشكله خالص في الاستخدام
لكن تشتري الايفون 6 لو حضرتك عايزه حجم الشاشه الكبيره فقط ، لأني انا مش شايف فرق بينه وبين ال 5s غير في حجم الشاشه (وطبعا دي عند ناس كتير مهمه جدا) و فرق بسيط في الكاميرا هي كاميرته تحفه وافضل كاميرا في سمارت فون حتى الان ولكن برده كاميرا ال 5s خرافيه ، وفرق السرعه ما بين ال 6 وال 5s مش هتحسي بيه ده لأن ال 5s طلقه اصلا ، وكان نفسي يبقى في فرق كبير في البطاريه لكن بعد ما شوفت الريفيو بتاع موقع gsmarena لقيت ان استهلاك البطاريه زي بعض في الموديلين
يعني خلاصه الموضوع لو عايزه شاشه كبيره يبقى الايفون 6 و لو مش فارقه معاكي الحجم او مبتحبيش اصلا الموبايلات الكبيره يبقى الايفون 5s
وبالنسبه للشركات التانيه ، انا برده سألت نفسي نفس السؤال ده قولت لو هجيب حاجه غير الايفون ممكن اجيب ايه ، بصراحه مقتنعتش بحاجه غير بالاتش تي سي وان m8 و السوني اكسبيريا z2 و z3 و لكن مقتنعتش اوي لدرجه اني اغير الايفون لأني بالنسبالي الكاميرا مهمه والاتش تي سي كاميرته مش حلوه ، واتعودت على موضوع البصمه ، والاتنين مفهومش بصمه ، ومهما يكونوا اجهزه سريعه مش هتبقى بسرعه الايفون ، عشان كده انا مش هغير لحاجه بصراحه
وطبعا سامسونج بقت خارج حسباتي من ساعه ما نزلوا الاس 5 و النوت 4 بنفس التصميم و الخامات الرخيصه دي ، مبحسش ان انا ماسك تليفون قيم كده وانا ماسك سامسونج
لكن تشتري الايفون 6 لو حضرتك عايزه حجم الشاشه الكبيره فقط ، لأني انا مش شايف فرق بينه وبين ال 5s غير في حجم الشاشه (وطبعا دي عند ناس كتير مهمه جدا) و فرق بسيط في الكاميرا هي كاميرته تحفه وافضل كاميرا في سمارت فون حتى الان ولكن برده كاميرا ال 5s خرافيه ، وفرق السرعه ما بين ال 6 وال 5s مش هتحسي بيه ده لأن ال 5s طلقه اصلا ، وكان نفسي يبقى في فرق كبير في البطاريه لكن بعد ما شوفت الريفيو بتاع موقع gsmarena لقيت ان استهلاك البطاريه زي بعض في الموديلين
يعني خلاصه الموضوع لو عايزه شاشه كبيره يبقى الايفون 6 و لو مش فارقه معاكي الحجم او مبتحبيش اصلا الموبايلات الكبيره يبقى الايفون 5s
وبالنسبه للشركات التانيه ، انا برده سألت نفسي نفس السؤال ده قولت لو هجيب حاجه غير الايفون ممكن اجيب ايه ، بصراحه مقتنعتش بحاجه غير بالاتش تي سي وان m8 و السوني اكسبيريا z2 و z3 و لكن مقتنعتش اوي لدرجه اني اغير الايفون لأني بالنسبالي الكاميرا مهمه والاتش تي سي كاميرته مش حلوه ، واتعودت على موضوع البصمه ، والاتنين مفهومش بصمه ، ومهما يكونوا اجهزه سريعه مش هتبقى بسرعه الايفون ، عشان كده انا مش هغير لحاجه بصراحه
وطبعا سامسونج بقت خارج حسباتي من ساعه ما نزلوا الاس 5 و النوت 4 بنفس التصميم و الخامات الرخيصه دي ، مبحسش ان انا ماسك تليفون قيم كده وانا ماسك سامسونج
SRamira
2014-09-28 (05:06:02PM)
تمام شكرأ لرد حضرتك ... سؤال أخير بس هو الجيلبريك بيقلل من سرعة الجهاز حاجة بسيطة أوى ؟ و ممكن يبقى مش كويس على الموبايل أو يأثر عليه ؟ معلش أنا طولت على حضرتك .
jecko
2014-09-28 (05:14:05PM)
لا لا عادي طولي براحتك :)
انا عامل عندي جيلبريك على الموبايل ومش مأثر على سرعته خالص ، بالعكس ده انا منزل برنامج بيسرع الانيماشن بتاعت الجهاز كله بمسك الموبايل اشتغل عليه كأنه متعفرت
والجيلبريك لو حد لغبط في على الاخر وحمل برامج مش متوافقه مع بعض كتير كبيره اوي يوقع السوفت ، وساعتها بتوصلي الموبايل بالكمبيوتر ببرنامج الايتيونز وتحملي سوفت جديد وكأن الموبايل رجع زيرو
انا عامل عندي جيلبريك على الموبايل ومش مأثر على سرعته خالص ، بالعكس ده انا منزل برنامج بيسرع الانيماشن بتاعت الجهاز كله بمسك الموبايل اشتغل عليه كأنه متعفرت
والجيلبريك لو حد لغبط في على الاخر وحمل برامج مش متوافقه مع بعض كتير كبيره اوي يوقع السوفت ، وساعتها بتوصلي الموبايل بالكمبيوتر ببرنامج الايتيونز وتحملي سوفت جديد وكأن الموبايل رجع زيرو
SRamira
2014-09-28 (05:40:21PM)
أنا شوفت فعلا البرنامج اللى بيسرع الأنميشن بس لما شوفت مقارنة فى سرعة فتح التطبيقات بين اتنين ايفون واحد عليه جيلبريك و التانى مافيهوش كان اللى مافيهوش أسرع بس بنص ثانية يعنى حاجة لا تذكر كده لكن الأنيمشن بيبقى شكلة بس اللى سريع حضرتك فاهم قصدى ؟ اه صحيح أنا كنت عايزه أعرف حكاية لو حد لغبط فيه على الاخر وحمل برامج مش متوافقه مع بعض كتير كبيره اوي يوقع السوفت انا مش فاهمة برامج مش متوافقة إزاى ؟؟
jecko
2014-09-28 (06:08:52PM)
اه انا فاهم قصدك ، لكن انا جهازي بعد الجيلبريك مش حاسس بأي فرق في السرعه الصراحه وموضوع الانيميشن ده بعد ما سرعته وقارنته بموبايل اخويا ال 5s قبل ما يعمل الجيلبريك كان بتاعي اسرع ، ولكن احنا كل ده بنتكلم على اجزاء من الثانية ، وانا اهم حاجه عندي اصلا سرعه الجهاز فلو كان الجيلبريك بطئه كنت شيلته
اما موضوع البرامج غير المتوافقه ، ده بمعنى انك تحطي برنامج مثلا يغير شكل الساعه يخليها مثلا بشكل معين ، وتقومي حاطه برنامج تاني يغير من شكل الساعه برده باشكال اخرى مختلفه ، فكده اصبح البرنامجين مش متوافقين
او انك تحطي برامج غير متوافقه مع نسخه ال ios اللي على جهازك
مع تكرار هذه الاخطاء من الممكن ان تؤدي اللي سقوط السوفت وير
اما موضوع البرامج غير المتوافقه ، ده بمعنى انك تحطي برنامج مثلا يغير شكل الساعه يخليها مثلا بشكل معين ، وتقومي حاطه برنامج تاني يغير من شكل الساعه برده باشكال اخرى مختلفه ، فكده اصبح البرنامجين مش متوافقين
او انك تحطي برامج غير متوافقه مع نسخه ال ios اللي على جهازك
مع تكرار هذه الاخطاء من الممكن ان تؤدي اللي سقوط السوفت وير
SRamira
2014-09-28 (06:25:34PM)
تمام .... شكرا لحضرتك على الرد و التوضيح :)
jecko
2014-09-28 (07:48:30PM)
العفوا يا باشا :)
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
معلومات سريعة عن Apple iPhone 6
-
IOS
-
4.7″
4.7 بوصة -
3G
2G / 3G -
8 MP, 32...
-
1810mAh
Li-Po1810 mAh غير قابلة للازالة