هذا الموضوع مرتبط بـ iPhone 6

التفاحة وهم والله

TheSpecialist100

2014-09-18 (06:13:15PM)

حد كدة من عشاق التفاحة اللى متاكل منها حته :) يقدر يفسرلى البوست دة معناه ايه !!!
التليفون نازل بأمكانيات نازله من شركه الجى من سنتين فى النيكسس 4 ومع ذلك الدنيا مقلوبه عليه مش عارف !!! صحيح اصحاب العقول فى راحه :)

يعنى الهانم ابل منزله مثلا خاصيه NFC ولأول مره اللى هى موجودة من سنين بجوار مثلا شركة تانيه عملاقة زى ال جى عملت التصوير بالليزر فى تليفونها الجديد LG G3 !!!! متهيألى الفرق واضح للجميع

والله والله وهم اسمه ابل الناس عايشه فيه لزوم المنظرة ليس اكثر وانا شخصيا كنت واحد من الناس دى لمدة 4 سنين من الايفون4 حتى الايفون5 اس بس ساعتها من اربع سنين ماكنش فيه موبايلات اندرويد الرهيبه اللى موجودة دلوقتى ودلوقتى الحمدالله الواحد فاق من الغيبوبه دى ومعايا LG G2 احسن هاتف محمول لعام 2013 وقريبا بأذن الله ناوى على العملاق LG G3 واخد برضه جايزة احسن هاتف جوال لعام 2014...شكرا

jecko

2014-09-22 (08:48:30PM)

ماهي كل موبايلات ابل ومن زمان الموضوع ده اول ما بتنزل في شهر ٩ من كل سنه بتبقى اسعارها هنا في مصر مستهبلة ، لكن على شهر ١ سعرها بيتظبط وهيبقى في رنج ال ٥٧٠٠ بالكتير انشاء الله

hashim597

2014-09-22 (03:23:10PM)

ما انا عارف وانا مسكت ايفون بس الجشع كره الواحد فى الايفون وكمان الشركة اصلا منتجاتها غالية بس على العموم لو سعره نزل هشتريه بس يقل لان 700 دولار ديه هتوصلنا بعد التعديل والضرايب والنصاب 1000 دولار

jecko

2014-09-20 (06:39:22PM)

يا باشا محدش قال ان الموبايل لما يبقى ب 11 الف جنيه حد يشتريه اصلا ، انا بحب شركه ابل جدا بس لو ده سعره او حتى 8 ولا 7 مش هشتريه ، احنا بس عندنا تجار جشعه لازم تستغل حب الناس لمنتج معين وتلهف منهم على قد ما يقدرو ، بس انا متعود اصلا مبشتريش موبايل ابل بالاسعار الهابله دي بستنى لما سعره ينزل ويستقر وبعد كده اشتريه ،، وشركه ابل منزلاه ب ٧٠٠ دولار يعني ٤٩٠٠ جنيه مصري ولو وصل عندنا بالسعر ده مش هيبقى كتير خالص ،
والموبايل مش بس سريع وخلاص ، لا الايفون سرعه وكاميرا وخامات خارجيه وداخليه بأعلى مواد التصنيع وكل حاجه في الموبايل مش سرعه وبس ،، واكتر موبايل في مصر هنا بيحافظ على سعره لغايه ما ينزل الموديل الجديد مش بيرخص كل اسبوعين زي سامسونج مثلا

hashim597

2014-09-20 (02:44:50PM)

بس بردك كل واحد حر يتشرى اللى هو عايزه بس انا بقول لازم شركة ابل تغير من سياسة البيع ديه شوية عشان فى دول فقيرة هما اغنياء :)

hashim597

2014-09-20 (02:40:25PM)

ياجدعان بالعقل كدا ياعنى عشان اجيب موبايل يعيش وميهنجش اجيببه ب11الف جنيه حرام وحتى لو ايفون 6 مساحته 16 جيجا وديه مش هتكفى الناس اللى بتنزل برامج والالعاب و فيديوهات وسعرها 700 دولار طيب ما انا اجيب بالفلوس ديه نكسس من جوجل مش بيهنج وسريع وليه دعم اول باول ورخيص مش هى قصة التهنيج نكسس مش بيهنج واى حد استخدام اجهزة جوجل يقول كدا انا طبعا بحب شركة ابل بس شايف انها بتبالغ فى الاسعار اوى اوى اوى وهى تعتبر الاولى على العالم بس بتبطل الاستهبال ده مش لازم تغلى كدا حتى الناس بدات تتريق بسبب كدا

jecko

2014-09-20 (12:55:18PM)

Thespecialist100 ماشي ياعم الطبيب متشكرين على النصيحه ، ومتقلقش هنا عارفين قيمة الفاكهة كويس وبالذات التفاحه ؛)

jecko

2014-09-20 (12:46:47PM)

Abdo20112 لا ياباشا انت تدخل تنور الصفحه في اي وقت ، بس انا عايز اقولك على حاجه انت بتقول ان انت اتكلمت كتير ومجابش نتيجه ، مش شرط لما تتكلم مع حد يبقى النتيجه انه يقتنع بكلامك ، ممكن تبقى النتيجه انه يتمسك برأيه اكتر لو شاف كلامك مش مقنع ،،
وصدقني محدش بيحب يعمل مشاكل مع حد ، بس المشكله ان في بعض الناس بتاخد الموضوع بتعصب شويه ، مع ان الموضوع مش مستاهل والله دي كلها اجهزه يعني ، وكل واحد بيشتري الحاجه اللي مقتنع بيها وخلاص

abdo20112

2014-09-20 (07:16:35AM)

jecko
انت فهمتني غلط والله انا مقصدش حاجه غلط علي الي بيشتروا ابل ولا حاجه انا بقول انه كلام اتقال قبل كده و مجبش نتيجه يبقي ليه نعيد او نملي الصفحه بنفس الكلام و انا متاكد هنخرج بنفس النتيجه فبقوله ملهوش لزمه
نيجي بقه لمضايق انا مش مضايق والله و زي ما انت قلت انا قلت برده ان كل واحد بيجب الي يريحه
انا اساسا مكنتش بخش قسم ابل قبل علي الموقع هنا قبل ما ايفون 6 ينزل بس لما نزل دخلت وقلت رائي و مش هتلاقي اساسا بخض بعد كده هو بس عشان محطوط دلوقتي في الصفحه الرئيسيه بانا بخش القي نظره كل شويه :D زي ما بخش علي بقيه الصفح عشان لو في استفسار ولا حاجه :D
و انا بس عايز اقول حاجه لكل الناس الي ممكن اكون بختلف معاهم علي حاجات معينه او تليفونات معينه انا معنديش مشكله معاهم انا لما بتكلم بتكلم علي اجهزه مش اشخاص متخدوش الموضوع شخصي و كاني بتخانق و انا لا بيكون في دماغي خناق ولا اي حاجه و لو كلمه قلتها حسيت انها بتسئ ليك قولي يا جدع :D و انا لو غلط هتاسف ليك او لغيرك
و برده اسف علي الاطاله و تقبلوا مروري

TheSpecialist100

2014-09-20 (02:44:23AM)

العفو يا باشا على ايه بس احنا ماعملناش غير الواجب....وبصفتى طبيب لازم افهم الناس فوايد الفاكهة مش كدة ولا ايه :-))

jecko

2014-09-20 (12:49:32AM)

Abdo20112 ليه محسسني ان اللي بيجيب موبايلات ابل ده مبيفكرش مثلا ، وبتقول ملوش لازمه الكلام وبتاع ، وانت ليه متضايق من اللي بيشتروا موبايلات ابل ما كل واحد حر يجيب النوع اللي يعجبه ، واللي بيشتريه مقتنع بيه ومريحه محدش غاصبه على فكره

TheSpecialist100 والله لو كنت عايز تتكلم بالمنطق كنت اتكلم محدش منعك ، ومش شرط ان اللي قدامك لو مقتنعش بكلامك يبقى النقاش ده هري على الفاضي ، انت مش هتجبر اللي قدامك يقتنع بكلامك بالعافيه لأن كل واحد ليه دماغه وليه طريقه تفكيره
ومكانش ليها لازمه يعني التريقه دي كلها وموزه ومانجه وفاكهة ، على العموم شكرا ليك

TheSpecialist100

2014-09-19 (06:05:33PM)

عندك حق والله ياعزيزى abdo 20112
واضح فعلا ان الموضوع عند ناس معينه منتهى من زمان واى كلام يتقال هايبقى وجع دماغ لصاحبه بس :)
صدقنى كنت داخل ارد عليهم كلهم وبالمنطق بس هى الصراحة مش ناقصة هرى فى كلام فاصى

ياجماعة اللى عايز يجيب التفاحة يجيب واللى عايز يجيب الموزة يجيب وفيه برضه مانجة زبديه موجودة دلوقتى حلوة اوى:))) الفاكهة مفيدة مفيش كلام....شكرا

abdo20112

2014-09-19 (08:29:27AM)

black crow
اانت فاهم ال الشاشه ال retina غلط علي فكره ممكن تخش و تبحث في جوجل و هتفهم و للعلم بس عشان كتير بيقولوا كاميرا بتاعت الايفون 8 احسن من اي كاميرا تانيه ف8 ال في ايفون ديه اصلا من سوني :D الي عامله ال 13 و 20 التانيين 90% من الشركات بتستخدم مستشعرات سوني زي lg و samsung و huawei و lenovo و xiaomi و meizu و oppo و apple شركات كتير و البروسيسر ال 64 اكيد احسن من البروسيسر العادي بس في الجيل و الوقت الي نزل فيه يعني مينفعش تجيب بروسيسر انتل 64 من 2012 تقول عليه احسن من بروسيسر عادي نازل في 2014 و برده مينفعش تقارن مثلا اداس بروسيسر و هو بيشغل شاشه hd و وهو بيشغل شاشه 4k او 2k و تقدر حضرتك تفهم الكلام ده لما تيجي تلعب لعبه مثلا علي الكمبيوتر و تعلي الدقه علي ultra او high فانت كده بتعليها مثلا ل hd و full hd و اكيد هتلاقي اداء جهازك علي hd احسن من full مع ان العبه شكلها احسن علي full
و اخونا TheSpecialist100
انا معاك في كلامك اه بس ملهوش لزمه و ياما اتقال قبل كده علي تليفونات ابل كتير و في الاخر كل واحد بيجيب الي يريحه فانا قصدي متتعبش نفسك :D ملهوش لزمه الكلام "D
و انا اسف علي الاطاله و تقبلوا مروري

medomahmoud

2014-09-19 (04:21:06AM)

لو هتتكلم عن الوهم يبقى كمان موضوع التصوير بالليزر وهم اصل هتستفاد ايه من حكايه زي دي انا اشتريت النوت 3 لا بستخدم smart stay ولا smart pause ولا smart scroll تقريبا كل ده منظره وحاجات مش مهمه انت محتاج تليفون يقضي احتياجك وميهنجش معاك هات حد هيعد يستخدم. Air gestures مثلا

Black Crow

2014-09-19 (02:26:02AM)

هو مع احترامي للموقع اللي وضع كل الامكانيات ديه بجانب بعضها لكن عشان تكون في صراحة شاشة Retina HD غير شاشة HD و processor 64 bit غير processor عادي ولو عايزين نقارن الكاميرا الجهازين 8Mp بس انا مبعترفش بالارقام بعترف بالمميزات اللي ممكن لو أي حد تطوع وفتح صفحتي الجهازين هيشوف امكانيات كاميرا ال iPhone 6 والفرق بينها وبين ال nexus 4 ونقيس علي كل ده باقي الامكانيات يعني حتي لمحبي الارقام ال iPhone 6 أعلي يا أستاذنا

jecko

2014-09-19 (01:49:55AM)

بالنسبه لأمكانيات الهاتف احنا اتكلمنا فيها كتير قبل كده انها مش بتتقاس بالارقام بتتقاس بالتجربه الفعليه وممكن تراجع البوستات اللي فاتت فيها رد على الموضوع ده
اما انك بتفضل هواتف ال جي مثلا او اي شركه اخرى فدي وجهة نظرك وتحترم ، لكن في ناس تانيه بالنسبالها اي موبايل تاني غير الايفون مش موبايل ودي وجهة نظرها برده وليها اسبابها

وفي النهاية ، لولا اختلاف الاذواق لبارت السلع

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Apple iPhone 6

مقارنة

IOS
4.7″

4.7 بوصة
3G

2G / 3G
8 MP, 32...
1810mAh

Li-Po1810 mAh غير قابلة للازالة

مزيد من المعلومات

الموبايلات

التفاحة وهم والله

التسجيل بالموقع

دخول الاعضاء

معلومات سريعة عن Apple iPhone 6

IOS

4.7″

3G

8 MP, 32...

1810mAh