هذا الموضوع مرتبط بـ iPhone 6

crazy girl

mahamustafa88

2014-09-13 (05:27:52AM)

ازيكوا يا جماعة :)
انا بصراحة متردده جدا اني اشتري ايفون 5s ولا ايفون 6 لاني قريت المواصفات و تقريبا مفيش فرق كبير اوي فكنت عايزه اخد رأي حد تاني ياترى انهي الافضل 5s ولا 6 ؟؟؟ و ياترى الايفون يستحق اني اجربه خصوصا بعد ما قريت انه شبيه جدا بنيكسيس 4 او حتى سامسونج عامة؟؟
فياريت النصيحة احب اسمع من حد يقدر يفيدني لأن صراحة انا خايفة اخاطر و اجيب ايفون وانا اندرويد بقالي 3 سنيين و معايا نوت 2
انا اسفة جدا لو طولت علييكو و ارجو الافادة :)

jecko

2014-09-15 (01:12:51PM)

Mahamustafa88 متشكر جدا :)

الايفون 6 مختلف عن الايفون 5s في حجم الشاشه طبعا اللي انا شايفه بقى مناسب جدا خصوصا ال 4.7 بوصه ، وافضل في البروسيسور وكارت الشاشه والكاميرا والبطاريه ، ولكن الفرق هيبقى مش كبير اوي ده لأن ال 5s اصلا جهاز قوي جدا ، اقوى فرق بينهم في حجم الشاشه ودي عند ناس كتير مهمه جدا ،
ولو عايزه رأيي يبقى الايفون 6 افضل لأن الايفون 5s شاشته صغيره بصراحه ، الا لو انتي اصلا بتحبي الموبايلات الصغيره يبقى كده ال 5s مناسب ليكي جدا
وكده كده لو عايزه تشتري فمش دلوقتي ، لما ينزل الايفون 6 وسعره يستقر شويه وبالتالي الايفون 5s سعره هينزل برده شويه

mahamustafa88

2014-09-15 (01:45:46AM)

شكرا جدا يا jecko بجد انت رأيك بيعجبني جدا بحس انك موضوعي و فاهم في الموبايلات بجد
انا بصراحة معجبه جظا بالآيفون 6 فانت شايف اجيبه على بركة الله و لا اجيب 5s لان ناس كتيير بتقولي مفيش فرق كبيير انت رأيك ايه؟؟

jecko

2014-09-14 (02:52:25AM)

ايفون 5 موديل 2012 سوري غلطه كتابيه :)

jecko

2014-09-14 (02:46:05AM)

اكيد طبعا المفروض لما واحد يقول رأيه في اي جهاز انه يقول رأيه بمنتهى الامانه لأن لا انا مثلا شركه ابل بتدفعلي فلوس عشان ادافع عنها ولا شركه جوجل هتدفعلك لما تدافع عنها ، فبالتالي احنا مش هنكسب حاجه لما ندافع عن منتج معين ،،

والايفون من وجهة نظرك انت شايفه مقيد جدا وشايف ان ده عيب بس من وجهة نظر ناس تانيه شايفاه ميزه ، اللي شايل ايفون مبيشلش هم الفيروسات انها تدخل جهازه وتتقله وتخليه يهنج ويجيب سوفت وكل الكلام ده ، وشركه ابل سهل عليها جدا انها تخلي السوفت وير مفتوح على جميع الانظمه الاخرى بس دي النقطه اللي بتأثر على ثبات وقوة النظام ، وانا معاك انها حاجه رخمه بس في نفس الوقت ميزه ،، ده بالنسبه لتقييد النظام في التعامل مع باقي الانظمه ، لكن بالنسبه للتطبيقات فالاستور بتاع ابل مليان تطبيقات كتير جدا ووصلت حاليا لمليون ومائتان الف تطبيق و زيها زي الانظمه الاخرى في منها اللي ببلاش وده كتير جدا وفي منها اللي بفلوس وماصادفنيش قبل كده برنامج او لعبه مثلا على الاندرويد ببلاش وعلى الابل ستور بفلوس كل البرامج والالعاب المشهوره موجوده في الاستور ببلاش ، بالعكس انا بحس ان الاستور بتاع ابل انضف بكتير ومفهوش برامج والعاب كتير كده ملهاش لازمه زي الاندرويد ،
والاندرويد طبعا نظام جميل وفيه اضافات عن نظام ابل بس مشكلته انه موصلش لدرجه ثبات واستقرار نظام ابل ، مشاكله كتير وتقيل وبيهنج حتى على اعلى الاجهزه من حيث مواصفات الهارد وير ، وطبعا مفهوش الامان بتاع نظام ابل ،،

والايفون 6 مينفعش يتقال عليه قبيح يا راجل ، طبعا دي وجهة نظرك الشخصية بس مش قبيح يعني ، امال اجهزه سامسونج يتقال عليها ايه بقى ؟؟

وشركه ابل بتستجيب فعلا لرغبات مستهلكيها بالدليل انها غيرت سياستها تماما وانتجت هواتف باحجام متوسطه وكبيره ، ومواصفات الهارد وير طبعا مش بالارقام لأن مفيش حد حتى لو مبيحبش اجهزه ابل يقدر يقول ان الاجهزه بطيئه مثلا ،، والكاميرا زي مانت قولت عدد الميجابيكسل مش هو المقياس و لو جربت كاميرا الايفون 5s هتنسى خالص موضوع الميجابيكسل ده ،،

ولما اتفرجت على مؤتمر ابل حسيت انهم بيقولوا لمستخدمي الاندرويد مرحبا في 2012 !! ماهو انت لو هتقول كده يبقى فعلا بتبص على المواصفات اللي على الورق لأن المواصفات دي فعلا لهواتف اندرويد وقبل 2012 كمان ،، لكن هات بقى موبايل ابل مثلا بتاع 2011 اللي هو ايفون 5 وقارنه مع اعلى هواتف اندرويد عام 2014 هتلاقي الايفون ادائه اقوى

طبعا في الاخر كل واحد وليه وجهة نظره وانا قولتلك وجهة نظري اللي انا مقتنع بيها

Star1

2014-09-13 (10:40:11PM)

jecko حاولت ان أعطي مخلص لتجربتي بحيادية وأمانة .. ليس من وجهة نظر ifan او android fan
الأيفون بدون جيلبريك مقيد جداً فيما يخص التعديل والتطبيقات .. على عكس الاندرويد تماما

IOS عموما نظام تشغيل ممتاز و سلس .. و iPhone 5s أفضل اصدارات آبل .. خصوصا بعد التصميم القبيح ( من وجهة نظري لأيفون 6)

Android في تطور دائم ومذهل ... وبشكل عام كمستخدم قديم جدا للأيفون وما زلت .. أستطيع أن أقول ان Android لم يعد منافساً شرساً فقط .. بل يتفوق في أمور كثيرة لدرجة أصبحت تثير انفعالات ال ifans :)

apple .. تحتاج الي مراجعة نفسها في الأسعار و الاستماع الى رغبات مستخدميها فيما يخص الكاميرا والهاردوير ( واعلم جيدا ان أرقام الميجا بيكسل ليست بالضرورة مقياسا للجودة ).. ومع ذلك أحييهم على الاستجابة لرغبات الجمهور فيما يخص تكبير الشاشة

في مؤتمر آبل هذا العام .. للاعلان رسميا عن أيفون 6 .. وآبل واتش .. شعرت وكأنهم يقولون شيئأً واحداً لمستخدمي الاندرويد ( #مرحباً بكم في 2012 )

jecko

2014-09-13 (09:06:20PM)

انا شغال بالجلبيريك بقالي شهور وشغال معايا تمام الحمد لله ، اهم حاجه تبقى البرامج متناسقه مع بعض متنزليش برنامجين وظيفتهم عكس بعض ، انا عامله على الايفون عشان كنت عايز ازودله شويه حاجات كده ، لكن محتاجتش اني اعمله على الايباد بصراحه ، شوفي انتي لو في حاجه محتاجه تعمليها بالجيلبريك يبقى نزليه لو مش محتاجه يبقى بلاش

patti

2014-09-13 (08:41:46PM)

إيه اخبار الجلبريك معاك يا جيكو علشان انا عايزه اعمله على الايباد نسخة 7.1.2

jecko

2014-09-13 (07:36:36PM)

Star 1 بالنسبه للعيوب اللي انت قولتها عن الايفون فهي عندي انا مش موجوده لأني ببساطه عامل جيلبريك للجهاز وده بيخليني اتحكم في كل تفصيله فيه زي مانا عايز زي اني اقدر احمل التطبيقات الغير مجانيه ببلاش ، بعدل على النظام زي مانا عايز في اي حاجه فيه لدرجه اني خليت الايفون فيه ويدجيت وخلفيات متحركه ، وبقفل اي برنامج او اي حاجه انا عايزها بالبصمه واشغل فيديو في جزء من الشاشه وانا باستخدم برامج اخرى وممكن اغير شكل الايقونات كلها و ممكن اضيف خصائص لبرنامج الكاميرا و حاجااات تانيه كتير اوي ( الجيلبريك ده بيشقلب الموبايل ) ،
اما البطاريه فهي ادائها متوسط الصراحه لكن مش سيئه يعني ومبتتشالش من الجهاز وبرده في اجهزه اندرويد كتيره بطاريتها مبتتشالش زي ال htc و سوني
وانا وجهة نظري ان النوت 2 مش افضل من الايفون ولا حاجه وطبعا ده رأيي سواء حد اتفق معايا او اختلف

Star1

2014-09-13 (04:57:17PM)

من واقع تجربتي
أيفون 5s .. أنيق جداً جداً ..صوت نقي .. شاشة فائقة الجودة.. وانا شايف انه كتصميم أفضل من أيفون 6
الكاميرا ممتازة .. سريع جدا ومستقر جداً ..آمن جدا.. ومفيش أي داعي للتحديث الا في حالة الرغبة في شاشة أكبر!
العيوب : - البطارية شلل..و لايمكن فكها الا في حالة الاستبدال التام.. القيود في التعديل على النظام .. لا يمكن اضافة كارت ميموري كالعادة .. القيود في استخدام تطبيقات معينة بدون شرائها ( على عكس الاندرويد يمكن تحميل التطبيق من مصادر اخرى غير جوجل بلاي واستخدامها )..السعر المرتفع

-------------
بالنسبة لتجربتي مع الاندرويد:
البطارية .. يمكن استخدام بطاريات احتياطية وفك البطارية في معظم الأجهزة ..
الحرية التامة في التعديل على النظام أو حتى تغيير الروم بكامل..
الحرية التامة في استخدام التطبيقات وبكل الصلاحيات الممكنة ..
مساحة التخرين الاضافية ( كروت الميموري )
النظام أكثر سلاسة في الصلاحيات عموما .. كازالة الاعلانات المزعجة من كل التطبيقات وحتى اثناء التصفح

يستطيع الاندرويد فعل كل شيء يفعله الأيفون الا الأشياء الخاصة بآبل .. Imessage على سبيل المثال

العيوب: انخفاض شديد في سعر الأجهزة في فترات قصيرة .. استهلاك الميموري بشكل محلوظ للجميع في حالة استخدام تطبيقات كثيرة ... مما يحتاج لمتابعة المستخدم لذلك .. والا فأهلاً بالتهنيج

النصيحة: موبايلك الحالي أفضل من الأيفون بوجه عام .. ولا داعي لل downgrading!

mahamustafa88

2014-09-13 (01:04:39PM)

متشكرة اوي على ردك black crow :)
بجد حضرتك طمنتني اوي من ناحية الايفون عموما لانها تجربه جديدة و مخيفة بالنسبالي فاشكرك جدا على افادتك :)

BlackCrow

2014-09-13 (07:42:05AM)

أهلآ بكِ أختي الكريمة في هذا المنتدى المميز ,

أنا هجاوب حضرتكْ من واقع تجربتي مع ال IPHONE 4S ده كان أول تجربة لي مع أبل , الأيفون جهاز سلس جدآ .. مفيش أي تهنيج زي الأندرويد ( ماعدا فئة النكسس ) .. الموبايل عملي جدآ ومش زحمة .. كنت جايب سعة 16 جيجا الصافي منهم 12 جيجا .. كنت مالي 9 جيجا برامج وجيمز وملفات موسيقى ... إلخ الجهاز كان خفيف جدآ معايا كأنه فاضي ,

في حاجات طبعآ إفتقدتها في الأبل زي الودجيت والتعديل على الروم .. لكن في المقابل حصلت على معدل أمان قوي مع أبل .. مفيش خوف من أي برامج ضارة أو فيروسات .. الأيتونز ستور مليان بجميع البرامج زي في الجوجل بلاي وأكتر شوية كمان .. مفيش مشكلة في موضوع البرامج خالص ,

نصيحة قبل ماتشتري موبايل أيفون غالي .. إشتري موبايل مستعمل وليكن 4s منها هتجربي ال IOS وفي نفس الوقت سعره هيكون كويس مش غالي زي ال 5s أو ال 5 ,

أرجو إني أكون أفدت حضرتكْ ولو بجزء بسيط , عذرآ على الإطالة .

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Apple iPhone 6

مقارنة

IOS
4.7″

4.7 بوصة
3G

2G / 3G
8 MP, 32...
1810mAh

Li-Po1810 mAh غير قابلة للازالة

مزيد من المعلومات

الموبايلات

crazy girl

التسجيل بالموقع

دخول الاعضاء

معلومات سريعة عن Apple iPhone 6

IOS

4.7″

3G

8 MP, 32...

1810mAh