نوت5

omdamedo

2015-08-16 (02:19:35PM)

ايه رايكوا ياجماعة فى جالكسى نوت5 واضح ان الايفون راحت عليه خلاص

jecko

2015-08-21 (08:34:57PM)

على فكره انا مقولتش اطلاقا ان اجهزة سلسله النوت اجهزه فاشله ! بلاش تقولني كلام انا مقولتوش

انا كل اللي قولتله ان المميزات اللي انت ذكرتها دي مش مهمه عندي وعند ناس كتير برده معاها اجهزه النوت وعمري ماشوفتهم بيستخدموها اصلا ، ولكن مش معنى كده انها اجهزه فاشله ، بالعكس سلسلة النوت من افضل ما انتجت سامسونج في عالم الهواتف المحموله ،،

ومش شرط ان ابل تقلد الخصائص دي عشان تقدر تنافس ، ابل ليها اسلوب معين في منتجاتها وماشيه عليه ، بتحب الابتكار اكتر من التقليد
وعلى فكره اجهزه فابلت كتير من شركات تانيه كتير مفهاش الخصائص بتاعت سامسونج دي ، لكن ليها مميزاتها الخاصه ، فمش شرط عشان اي شركه تعمل فابلت انه يبقى فيه خصائص الفابلت بتاع سامسونج
كل شركه وليها سياستها وطريقة تفكيرها ، والمستهلك ينقي المنتج اللي يعجبه ويشتريه الموضوع بسيط

omdamedo

2015-08-21 (03:27:07PM)

استاذ جيكو..بخصوص هواتف سلسلة النوت من سامسونج حضرتك وضحت بالكلام اللى قولته ان هواتفالنوت اجهزة فاشلة ..وبعدين هو فى حد هيشترى موبايل نوت ومش هيستخدم الخصائص والمميزاتاللى فيه واللى خلته يرفض اجهزة الايفون..ومش معنى ان حضرتك مش مهتم بالمميزات اللى بتقدمها اجهزة النوت تبقى اجهزة فاشلة ..وبعدين موضوع ان حضرتك تصغر الفيديو فى الايفون6 مش هيبقى مريح لان الشاشة حجمها مش فابلت ماجابتش 5 بوصة وداه مش عيب لانه فى النهاية موبايل مش تابلت ..انا كلامى عن الايفون 6 بلس داه فابلت ومع ذلك ابل صنعته ذى الايفون 6 داه حتى حضرتك عملت تقييم للايفون 6 و6 بلس على اعتبار انك استخدمت 6 بلس يعنى فروقات بسيطة مابينهم.. وجيلبريك يعنى فك قيود ابل وكسر حمايه يعنى الشركة مش سامحه بكدا وبعدين فى النهاية دى اجهزة لكل مستخدم يشوف اللى ينسبه وكل واحد ليه وجهه نظر مختلفة انا بس كنت مستغرب من الايفون 6 بلس ازاى يبقى فابلت ومافيهوش حتى المميزات العادية اللى بتكون فى الاجهزة المنافسة بالشاشات اللى بتكون بالحجم داه يعنى هما كبروا حجم الشاشة لازم يبقى فى قيمة مضافة على الاقل تنافس اجهزة النوت مثلا

jecko

2015-08-20 (02:05:02PM)

وللعلم ، خاصيه زي بتاعت الفيديو دي انا عملتها اصلا على الايفون بالجيلبريك عشان اجربها ، ولغيتها تاني بعد ما عملتها لأني مش بستخدمها اطلاقا

jecko

2015-08-20 (02:03:08PM)

بالاضافه الى كلام الاستاذ BlackCrow قصه الشكل المقتبس دي فعلا مقلد بشكل كبير ، هواتف سامسونج الاخيره الاطار المعدني في الجانب مقلد من ايفون 6 طبعا و زاويه الاطار ( الحته اللي بتلمع من الاطار ) مقلده من الايفون 5s وكون الهاتف من الامام ومن الخلف زجاج فأول شركه عملت الفكره ده هي ابل ومن خمس سنوات ( ايفون 4 )

اما بالنسبه للخصائص اللي موجوده في هواتف سلسله النوت من سامسونح زي تقسيم الشاشه لجزئين ، ومشاهده فيديو في جزء من الشاشه ، بالنسبالي حاجات غير مفيده اطلاقا ومشوفتش حد اصلا معاه جهاز نوت بيستخدمها ، وابل مبتملاش السوفت وير اوبشن على الفاضي لو مكانتش حاجه مفيده مبتحطهاش عشان متتقلش السوفت ويهنج ، وبعدين يعني محبكتش ان الواحد يتفرج على فيديو مثلا وهو بيبعت رساله ، ماهو يا هيركز مع الفيديو يا هيركز مع الرساله :)

BlackCrow

2015-08-19 (09:36:15AM)

أخي الكريم عماد .. الإختلاف في الرأي لا يُفسد للود قضية .. أنظمة التشغيل الثلاثة الرئيسية ال Windows Phone - IOS - Android .. توجد إختلافات في نواة بناء النظام .. هذه الإختلافات هي من تجعل كل نظام تشغيل مميز عن الآخر وله مُستخدمين .

ال IPHONE 6 PLUS قامت أبل بتصميمه إستماعآ لطلبات مُستخدمي الأيفون لأنهم كانوا يريدون شاشة كبيرة من أجل التصفح ومُشاهدة مقاطع الفيديو وقراءة الملفات بكل يُسر .. هذا أمر تتفرد بها أبل ( الإستماع للآراء المُستخدمين ) .

علاج موضوع الإنحاء بكل بساطة هو وضع Back Cover للهاتف الموبايل مش هيتني إلا لو حضرتكْ عايز تتنيه .. الإطار المعدني الخارجي للهاتف .. عدم وجود فتحة ال SD CARD .. قامت سام بأخذها وتقليدها من أبل .. الصورة التالية توضح ما ذكرته ,

omdamedo

2015-08-18 (01:45:54PM)

بص ياباشا القصة وما فيها ان اولا حضرتك فهمتنى غلط ..انا اعرف كويس يعنى ايه استخدام الايفون وانا ماتكلمتش عن سلاسة وسرعة الايفون علشان دى حاجة معروفة من شركة ابل ..الفكرة ان ابل لما بتنزل ايفون مابتحطش امكانيات للموبايل تنافس بيها الشركات الثانية.. يعنى الكلام بصورة خاصة عن الايفون 6 بلس داه جهاز فابلت يعنى مفروض انه بينافس سلسة النوت والموبيلات اللى بالحجم داه بص حضرتك على النوت 5 مثلا فى قيمة مضافة للجهاز داه ذى القلم وانك تفتح شاشتين فى نفس الوقت وامكانيه تصغير الفيديو وغيره من الامكانيات غير الايفون6 بلس مفيهوش ولاحاجة من دى اومال هو ازاى فابلت واستفدت انا ايه بالشاشة الكبيرة دى داه غير موضوع الانحناء وموضوع اقتباس تصميم الايفون لهواتف سامسونج دى مش حاجة وحشة انها تتطور من نفسها وبعدين ماهى كانت بتنزل احهزة من البلاستك والكل انتقدها وكمان لو تلاحظ ان جالكسى اس6 والنوت5 متغطيين بطبقة من الزجاج والايفون مصنوع من الالمونيوم يبقى فين التشابه الكبير فى تصميمهم ... ابل شركة محترمة بس اتمنى انها تحط امكانيات للايفون علشان بيقى فعلا رقم 1 فى العالم

BlackCrow

2015-08-18 (01:18:43PM)

أتفق مع رأي أخي جيكو .. الأيفون رقم 1 في عالم الهواتف الذكية الراقية كهاردوير وسوفت وير .. ودعم شركة أبل المستمر للنظام هو الأفضل .

omdamedo@ مع إحترامي لحضرتكْ .. رأيكْ خطأ .

jecko

2015-08-17 (09:06:59PM)

لو سمحت بلاش قصة الايفون راحت عليه والكلام ده كله ، كل هاتف له مميزاته وله عيوبه وكل واحد بيشتري بناءا على رغباته في الهاتف
واعتقد اقتباس سامسونج لتصميم هواتف ابل وتقليدها بشكل كبير ده ميخليكش تقول ان الايفون راحت عليه ، بالعكس ده معناه ان الايفون الهاتف رقم ١ في العالم ومعظم الشركات بتقلد ابل

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Apple iPhone 6 Plus

مقارنة

IOS
5.5″

5.5 بوصة
3G

2G / 3G
8 MP, 32...
2915mAh

Li-Po 2915 mAh غير قابلة للازالة

مزيد من المعلومات

الموبايلات

نوت5

التسجيل بالموقع

دخول الاعضاء

معلومات سريعة عن Apple iPhone 6 Plus

IOS

5.5″

3G

8 MP, 32...

2915mAh