هذا الموضوع مرتبط بـ iPhone 6 Plus

!!!!!!!!!!!!!!!!!!!!!!!!!!!!!!!!!!!

ahmedreda19

2014-09-10 (03:05:58AM)

اولا شركه ابل كانت بتنتقد الشركات الاخري في حجم الهاتف وانه مش صالح للاستخدام بأيد واحده ونفقت نفسها وعملت هاتف بشاشه كبيره
ثانيا كانت يتنتقد الشركات التانيه وبتتريق ان الكاميرات بتاعتها بارزه للخارج شويه وان ده عيب ولازم الكاميرا تكون في مستوي سطح الهاتف وعملت كاميرا بارزه
ثالثا كانت بتنتقد الشركات برضه وسامسونج بالاخص عشان موضوع برامج اللياقه والحجات دي ملهاش لازمه وعشاق ابل كانو بيتريقو ويقولو انت ماشي بموبايل مش عياده وبرضه ابل عملتها
رابعا كانت بتنتقد شريحه nfc وبتوصفها بأبشع الاوصاف والوقتي اسخدمتها برضه
فعلا حاجه غريبه هههههههه كله بينافق نفسه حتي ملاك الهاتف اللي اي حد بيمسكه بيمسكه كأسم بس انه ماسك ايفون لكن لو هتقارن مواصفات الهاتف ده منافس قوي جدا للنوت 2 والاس 3 اللي نازلين من سنتين و3 !!!!!!!

mohamedahmed199660

2014-09-11 (09:23:17PM)

ده انت حاجه ............................................................ يا jecko

jecko

2014-09-11 (02:37:32PM)

aligamal99 في ناس مش قادره تقتنع بالكلام ده ، ومش قادرين حتى يستنوا لغاية ما ينزل ويجربوه ويقيموه ، لأ بيقولوا عليه تليفون مش حلو كده وخلاص ، يلا ربنا يهدي

aligamal99

2014-09-11 (01:40:44PM)

والله فعلا زي ما قولت يا جيكو الايفون مش بالكلام والموصفات ده ال 5s مفيش موبايل زيو و سرييع جدا اومال ال ايفون 6 هيبقا ايه وفي ناس بتقول الكاميرا وحشه عشان عرفوا انه 8 ميجا بكسل لازم يمسكوا الوبايل و هما هيعرفوا انهم مسكيين موبيلات لعبة انا مش بتريق انا بقول وجه نظري الكاميرا و البروسيسور ملهومش حل و انا واثق ان الموبايل هيبقا احلي موبايل

jecko

2014-09-11 (01:57:47AM)

مانت لو كنت فهمت الكلام كويس مكنتش قولت كده لكن انت داخل تهاجم وخلاص ، انا بتكلم عن اجهزه ابل عموما على فكره مش الايفون 6 ، وبحكم اني مستهلك لأجهزه ابل من سنوات وبقى عندي الحمد لله خبره الي حدا ما فيها فعشان كده بتكلم ،، وحتى لما اتكلمت عن الايفون 6 قولت اتوقع انه هيبقى حاجه قويه وده لأن انا معايا اصلا دلوقتي 5s واسرع من اي هاتف اخر فبالتأكيد الجيل الجديد احدث واقوى

abdo20112

2014-09-11 (01:20:26AM)

وفر كلامك لنفسك لحد ما تجربه احسن
لان المفروض التعليقات ديه معموله عشان الناس تقول تجربتها مع الجهزه و يفيدوا الباقيين مش ناس تنفخ في حاجه من غير متشوفها ...

jecko

2014-09-10 (11:37:58PM)

لا طبعا مش عايز اطلع الصوره بيضا ولا حاجه واجهزه زي اجهزه ابل مش مستنياني انا عشان ابيض صورتها ، بس انت مينفعش تحكم على حاجه من غير ما تجربها الاول ، جربتها ومعجبتكش ادخل قول تجربتك لكن هتقول وحشه كده وخلاص يبقى وفر كلامك لنفسك احسن ، لأن المفروض التعليقات دي معموله عشان الناس تقول تجربتها مع الاجهزه ويفيدوا الباقيين ، مش ناس تفتري على حاجه من غير ما تجربها ،،

وياريت تنهي الحوار على كده عشان ده مش مكان للخناقات ده مكان للنقاش بأسلوب ( متحضر )

abdo20112

2014-09-10 (10:16:21PM)

لا طبعا المفروض اقول اول رائي حلو او وحش و الناس يا تقتنع بكلامي يا بكلام غيري لان الموقع مش عشان تقول الميزات بس ان انت عايز تطلع الصوره كلها بيضه بس ده غلط مش فاهم انت بتقول كده ازاي و ملاك ايه بس هو لسه حد مسك ال iphone 6 -_- انت بتهزر صح :D

jecko

2014-09-10 (09:06:31PM)

على فكره انا بديك مثال فقط عشان افهمك وجهة نظري لما بقولك ان موتور 1600 مرسيدس اقوى من موتور 2400 هيونداي ، كان قصدي ان تكنولوجيا صناعه البروسيسور ثنائي النواه من ابل مخلياه اقوى من بروسيسورات اخرى رباعيه وثمانيه ،
المهم يعني من كل الكلام ده لو الموبايل شايفه مش عاجبك وميستاهلش ودي وجهة نظرك طبعا وانت حر فيها يبقى بلاش تعلق عليه من اصله عشان متديش عنه انطباع لناس تانيه ممكن تكون متعرفش كويس في الموبايلات انه جهاز سئ وده طبعا مش حقيقي
وانا واحد من الناس في اجهزه بكرها من ساعت ما نزلت وشايفها ملهاش لازمه من وجهة نظري ، لكن مبدخلش على صفحتها وافضل اعيب فيها عشان مضايقش ملاكها اللي هما شايفينها اجهزه قويه جدا
كل واحد حر في رأيه والاهم من ده كله ان الواحد ميتكلمش على حاجه مجربهاش اصلا ، انا لما بدخل في قسم ابل وبحاول اساعد الناس ده لأني مجرب معظم اجهزتها ومن سنين مبتكلمش على الفاضي يعني
وبرده ربنا يوفقك وتختار الجهاز اللي يريحك

abdo20112

2014-09-10 (08:50:44PM)

برده انت مش فاهمني
انا مش عشان بقولك ان نظام ios سريع يبقي التانيين سحلفه :D لا الويندز فون سرع و علي رائيك مفهوش حاجات كتير ملهاش لزمه و زحمه في الموبيل بس عيبه لهوش دعم و الاندرويد مش بطئ بس ده عشان في خصائص اكتر من الانظمه التانيه بكتير و كل شركه بتنزل خصائص جديده
و بما ان انت بتقول مرسيسدس فمرسيدس مبتخطش في العربيه رقم واحد عندها موتور 1600 بتحط مثلا في Mercedes E 350 2014 موتور 3500 حصان اما لو ابل مكانها هتحط موتور 1000 cc و هتشل كل الكماليات من العربيه :D و تبعيه بسعر ال 3500
phonearena كان كاتب ان انت لو هتشتري iphone و عايز نسخه بمساحه اعلي الفرق هيكون 100 دولار مع ان ده بيكلف ابل 10 دولار بس ابل عايز تعمل فلوس
ده كان تعليقهم :D بس بالانجليزي طبعا :D
انا وحهه نظري زي ما قلت انا مش هشتري تليفون بمواصفات متوسطه و سعره اغلي من اي موبيل تاني في السوق عشان سوفته سريع
المهم انا اتمني انك متاخدش النقاش شخصي :)
كل واحد ليه الحريه انه يجيب او يحب الي انت عايزه و يفضل النظام الي يريحه
و زي ما قالي الاخ هارد قبل كده
ربنا يوفقك لما تحبه و ترضاه :D

jecko

2014-09-10 (07:39:59PM)

لا والله انا معنديش مشكله خالص وعارف افرق كويس اوي ما بين السوفت وير والهارد وير ، وكون ان ابل السوفت بتاعها سريع يبقى دي مشكله في الانظمه الاخري هي اللي بطيئه ،
ومين قال ان تليفون ابل مواصفاته متوسطه ؟؟ ماهي دي المشكله ان انت بتبص على الارقام بس وسايب الاداء والتجربه الفعليه ،، انت مثلا عندك في العربيات مرسيدس سي كلاس موتور 1600 و هيونداي سوناتا موتور 2400 لكن مرسيدس اداءها اقوى والاتنين بنفس السعر ، يا فرحتي انا لما ابقى راكب 2400 سي سي وموتور 1600 تاني اسرع مني ،، نفس النظام في الموبايلات لأني بعتبر ابل دي مرسيدس الموبايلات ، يافرحتي انا وانا ماسك موبايل ثماني النواه ولا خمسين نواه و600 جيجا رام والاقي في الاخر موبايل ثنائي النواه اسرع مني ،،
المشكله عندك انت صدقني انت اللي فاهم الموضوع غلط لأن الارقام دي كلها مبتفرقش المهم التجربه الفعليه ، وانا بدور على موبايل ببقى عايز امسك اسرع موبايل في السوق انشالله يبقى البروسيسور نص نواه والرامات ربع جيجا المهم يبقى اسرع موبايل ، انا مش همشي لازق مواصفات الجهاز في دهر التليفون عشان افرجها للناس ، ولما الموبايل يتقل ويهنج مش هتنفعني بحاجه كل الارقام دي

abdo20112

2014-09-10 (07:20:26PM)

jecko
انت عندك مشكله في التفرق بين الهارد و السوفت مش عشان سوفت ابل سريع و بيتغشل علي امكانيات اقل اقوم انا ادفع ثمن اكبر علي هاردوير اقل يعني انت مثلا لو جييت تشتري جهاز كمبيوتر و طلع مظام جديد سريع و بيشتغل بامكانيات جهاز بنتيم 4 اسرع الاجهزه الجديد و مثلا ب 9000 هتقوم تروح تشتري الجهاز ابو نظام سريع و مواصفاات تعبانه كده انت بتشتري سوقت اما انا باخد جهاز بواصفات عاليه و السوفت بعد كده يتعدل
ديه وجهه نظري :D انا مدفعش في تليفون مثلا 7000 او اكتر عشان تليفون مواصفاته متوسطه بالنسبه لمنافسينه و بسعر اعلي عشان سوفته سريع -_-

jecko

2014-09-10 (01:07:14PM)

يا جماااعه قولنا الكلام ده كتير قبل كده اجهزه ابل متقارنهاش من حيث المواصفات بالورقه والقلم ، اجهزه ابل قارنها في الاستخدام ، البروسيسور الثنائي النواه ورامات ١ جيجا في اجهزة ابل اقوى من بروسيسور رباعي او ثماني النواه ورامات ٣ جيجا في اجهزه اخرى ،،

وشركه ابل كانت بتنتقد حجم الهواتف الكبيره واشياء اخرى ، وعملتها تلبيه لرغبات المستهلكين وسوق الهواتف المحموله ، حتى لو هي مش مقتنعه بالحجم مثلا بس انتجته نتيجه لأبحاث اثبتت ان شريحه كبيره من المستخدمين تتجه الي الهواتف ذات الشاشات الكبيره فأصبح من الضروري انتاج هذه الاحجام لأرضاء كافه الازواق ، وكل خاصيه اضافتها في الهاتف اضافتها بعد معرفه ان هناك طلب عليها ،
ودي حاجه الشركه تحترم عليها انها بتلبي احتياجات ورغبات مستهلكيها
وبالنسبه للكاميرا ،، عشان يعملوا هاتف بسمك 6.9 مللي !! لازم تكون الكاميرا بارزه لبرا

abdo20112

2014-09-10 (03:52:52AM)

حقيقه

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Apple iPhone 6 Plus

مقارنة

IOS
5.5″

5.5 بوصة
3G

2G / 3G
8 MP, 32...
2915mAh

Li-Po 2915 mAh غير قابلة للازالة

مزيد من المعلومات

الموبايلات

!!!!!!!!!!!!!!!!!!!!!!!!!!!!!!!!!!!

التسجيل بالموقع

دخول الاعضاء

معلومات سريعة عن Apple iPhone 6 Plus

IOS

5.5″

3G

8 MP, 32...

2915mAh