هذا الموضوع مرتبط بـ iPhone 5s

سؤال ؟

sohail

2015-08-23 (06:23:02PM)

يا جماعة انا كرهت حاجة اسمها اندرويد جربت معظم الاجهزة من سامسونج واتش تي سي وسوني ولينوفو وهواوي والكاتيل ... موبايلات الاندرويد بتبقى اول ما بتشتريها حلوة والاداء بيبقى حلو وسريع بعد الاستعمال بشهر بيبتدي يقل شوية والرامات بتضعف شوية شوية لحد ما الموب يكمل السنة بيكون خلاص تعب اتهلك من الاستخدام ....... فهل موبايلات ابل كده ؟؟؟ وناس بتقول ان معظم التطبيقات بتبقى بفلوس هل الكلام ده صحيح ؟؟؟ انا معايا xperia zr حملت علية لعبة اسفلت 8 اللعبة كل شوية فيها لاج وبدأ الموبايل يهنج زي اي موبايل اندرويد ... فأرجو النصيحة منكم اخلص من الجهاز اللي معايل واكمل عليه واجيب ايفون 5 او 5c او 5s ... ايه اخبار السرعة و الاداء على الجهزة دي ؟؟؟؟؟؟؟؟؟؟؟؟؟؟

BlackCrow

2015-09-03 (09:10:18AM)

أخت باتي .. أنا سامحتكْ قبل ما تضيفي تعليقك (: الإختلاف في الرأي لا يُفسد للود قضية .. معاكِ حق الأندرويد أكثر مرونة في الإستخدام من نظام ال IOS .. كل نظام ليه مميزات وعيوب .. كان قصدي من النقاش إني أوضح بعض الحقائق فقط .. لو عندك أي تساؤل أو إستفسار فيما يتعلق بالأندرويد أنا في الخدمة.

patti

2015-09-03 (02:58:06AM)

معلش سامحنى على كتابة الجملة خطأ كان قصدى مش نضحك على انفسنا بموضوع الامان كل النظمة مخترقة حتى الابل مخترق ونظام متعب فى كل حاجة وخصوصا عمليه النقل بينه وبين الكمبيوتر او الموبيل والاندرويد قى تطور هائل وخصوصا خاصية الحد من صلاحيات البرامج فى نسخة المارشيليمو

BlackCrow

2015-09-02 (10:33:34AM)

patti@ نظام ال IOS مُقيد وعملي .. أنا لا أضحك على أحد .. أنا ذكرت حقائق نتيجة تجربة عملية عميقة لنظام الأندرويد وقرآءات وتجارب للرومات والروتس .. النظام الأكثر إستهدافآ وإختراقآ من الهاكرز هو الأندرويد .. لأنه مفتوح المصدر ولا توجد رقابة عليه من جوجل وسهولة التعديل في نواة بناء النظام .. الأمان مش الإتصال بالنت .. الأمان عدم وجود فيروسات وبرامج خبيثة تخترق نظام التشغيل وتنتهك خصوصات المُستخدمين .

patti

2015-09-02 (04:50:18AM)

احترم وجهة نظرك ولكنى ارى انا نظام ابل مقيد وغير عملى بالمرة بحكم امتلاكى له لمدة 3شهور بالنسبالى كان مكالمات ونت غير كده مفيش اما موضوع الامان بلاش نضحك على بعض ونقول إن نظام الايفون امان اكثر من الاندرويد طلاما بتستخدم النت على الموبيل يبقى حضرتك مش في امان إطلاقا ده حتى نظام الماكنتوش اخترق اما موضوع الاداء معاك فى النقطة دى ولكن فى سامسونج فقط نتيجة ثقل واجهتها ولكن إتش تى سى وهواوى وغيرهم ادائهم ممتاز

BlackCrow

2015-09-01 (09:05:36AM)

patti@ أختلف مع وجهة نظر حضرتكْ .. ال IOS وال Windows Phone هم الأنظمة الأكثر عملية وكفاءة وأمان من الأندرويد .. ده كلام الخبراء المتعمقين في أنظمة التشغيل الثلاث الرئيسية .. أنا جربت أجهزة أندرويد مختلفة آداء الهاتف بيقل بعد 7 شهور من إستعماله .. غير الثغرات الأمنية التي لا حصر لها .. عكس الأيفون 5 بقاله سنه معايا وزي ما طلعته من الكرتونة أول ما جبته نفس السرعة والآداء القوي السلس .

patti

2015-08-31 (02:58:18PM)

ياريت تقولى ايه اسماء موديلات الأجهزة اللى حضرتك استخدمتها للاندرويد وليس اسماء الماركات علشان كرهتك فيه بصراحة من وجهة نظرى الاندرويد عملى وافضل واشمل من الايفون لانى استخدمت الايفون لمدة 3 شهور وكانت تجربة سيئة والموبايل كان عبارة عن مكالمات ونت فقط والموبيل كان فايف إس وبدلته بالهواوى ميت7 نسخة32 جيجا وهيكمل شهرين معايا وبصراحة حاجة روعة

sohail

2015-08-28 (04:37:28PM)

شكرااا جزيلا لكم على اهتمامكم ....

BlackCrow

2015-08-28 (10:39:52AM)

العفو أخي سهيل .. الأيفون 4s مناسب جدآ لميزانية حضرتكْ وكاميرته ممتازة .. بالعكس الموبايل مرغوب جدآ بدليل في محل في عين شمس كان منزل كام قطعة جداد متبرشمين وكان بيبيعهم على 2700 جنيه بعدها بكام يوم رحت سألت قالي خلص .. مع التحديث الأخير IOS 8.4.1 آداء الموبايل بقى رائع .

jecko

2015-08-28 (12:02:44AM)

عشان تحس بقوة الايفون اشتري من الايفون 5 وانت طالع

sohail

2015-08-27 (04:14:08PM)

شكرااا لك اخي الكريم ... على هذا الكلام القيم ..... بس آخري 1500 جنيه دلوقتي ... ايه رأي حضرتك في ال 4s او ال 4 ولا دول خلاص راحت عليهم ؟؟؟؟

BlackCrow

2015-08-26 (08:07:39AM)

ولا يهمكْ أخي سهيل (: الأسعار دي أسعار لمساحة ال 16 جيجا لأن ال 32 جيجا بيدأ من 2300 جنيه .. الأسعار ممتازة بصراحة .. لو معاك تمن ال 5 إس يبقى توكل على الله وهاته لكن أهم حاجة زي ماقولتكْ تبص على المسامير من تحت تتأكد إنها نظيفة وأن الموبايل معليهوش حساب ال iCloud مُفعل .. تحط الشريحة بتاعتكْ وتعمل إتصال تشوف جودة المكالمة والإسبيكر الخارجي .. تجرب اللمس في الزوايا الأربع للشاشة عشان تتأكد إنه التاتش شغال بكل كفاءة .

صورة توضح المسامير ,

sohail

2015-08-25 (02:34:09PM)

انا اسف على الاطالة اخي الكريم لكن انا معروض علي 5s حالة ممتازة ب 2400 ومعروض علي 5 ب1800 كسر زيرو ومعروض علي 5c ب1850 استعمال نظيف جدا .... ايه رأي حضرتك في الاسعار دي حلوة ولا ممكن تكون الاجهزة معيوبة ... وايه رأي حضرتك في 5c

BlackCrow

2015-08-25 (11:03:41AM)

العفو أخي سهيل .. الفايف إس كسر الزيرو يتراوح سعره بين ال 3000 - 3500 طبعآ معاه العلبة وبكافة المُشتملات .. الأيفون 5 من 2400 - 3000 أقل أو أزيد شوية .

sohail

2015-08-24 (10:26:00AM)

شكرااا على اهتمام حضرتك ......... طب لو ايفون 5 اس كسر زيرو يبقى بكام ؟؟؟؟؟ او ايفون 5 او ايفون 5سي ؟؟؟؟؟؟؟

BlackCrow

2015-08-24 (07:39:45AM)

إللي قلته عن الأندرويد دي حقيقة ماعدى سلسلة ( النكسس ) لأنها أندرويد خام .. المُهم , أنا كان معايا IPhone 4S كانت أول تجربة لي مع نظام ال IOS وكانت تجربة متميزة .. دلوقتي معايا IPhone 5 بقاله سنة .. آداء الهاتف ماشاء الله زي ما إشتريته أول مرة .. سهولة وإستقرار وسرعة ,

مُعظم التطبيقات مجانية وفيه تطبيقات بفلوس .. بس الميزة إن Apple التطبيقات إللي بفلوس بتخليها مجانية لفترة محدودة مجانية ,

أجهزة الأيفون تتميز بالسرعة والآداء المُستقر .. ممكن تشتري الأيفون كسر زيرو أهم حاجة تبص على المسامير من تحت وإن الموبايل ميكونش مفعل فيها ال ICloud .

sohail

2015-08-23 (06:25:28PM)

ولو هشتري ايفون اشتريه كسر زيرو ولا لازم اشتريه جديد ؟؟؟

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Apple iPhone 5s

مقارنة

IOS
4.0″

4.0 بوصة
3G

2G / 3G
8 MP, 32...
1560mAh

Li-Po 1560 mAh غير قابلة للازالة

مزيد من المعلومات

الموبايلات

سؤال ؟

التسجيل بالموقع

دخول الاعضاء

معلومات سريعة عن Apple iPhone 5s

IOS

4.0″

3G

8 MP, 32...

1560mAh