هذا الموضوع مرتبط بـ iPhone 5s

IOS 8.3

mo7eid1

2015-04-25 (01:27:30PM)

يا استاذ جيكو .... هو IOS-8.3 اخباره ايه على أيفون 5 إس شغال كويس و لا فيه مشاكل ؟؟
أحدث الجهاز بتاعى و لا استنى شويه ؟؟
الاصدار اللى انا شغال بيه حاليا هو IOS8.1.3

و شكرا على مساعداتك

mo7eid1

2015-05-10 (09:39:13PM)

تسلم يا جيكو .... و ربنا يخليك :)

jecko

2015-05-07 (10:49:21PM)

طب كويس ان الاسماء موجوده ويبقى ارفعها على الايكلاود عشان في اي وقت السوفت لو وقع يبقى معاك نسخه منها ،،
وحمدلله على سلامه تليفونك :)

mo7eid1

2015-05-06 (12:27:08PM)

شكرا على الرد يا جيكو.... البرامج دى كانت ال VLC media player بس كنت منزل 2 فيرجين علشان اجرب احمل فيلم بالترجمة
و كان فى كاندى كراش و كام لعبة كده ... اللى عرفته ان البرامج دى كانت بتحمل على البروسيسور و الرمات جامد و هو ده سببب السخونة مش البطاريه هيه السبب ... بس التحميل اللى كانت بتعمله الالبرامج دى كان بيضعف البطارية
بس دلوقتى انا عملته Restore من ال أى تيونز و طلب منى إنى اعمل تحديث ل 8.3 ... فحدثته ز من ساعتها شغال تمام
بس مسح كل حاجة ما عدا الارقام ... أهم حاجة :)
و عملت Activate as New I-Phone

jecko

2015-05-05 (01:56:18PM)

لا البطاريه ان شاء الله هتبقى كويسه ، وحرام تفكر في موضوع تغيير البطاريه ده لأن الايفون لازم يتفتح عشان البطاريه تتغير وطبعا كده هيقل لنص تمنه ،،
وهي ايه البرامج اللي انت كنت حاطتها دي اللي كانت مأثره على البطاريه بالشكل ده ؟

mo7eid1

2015-05-02 (01:07:29PM)

يا جيكو أنا حليت مشكله السخونة..... كان فى برنامج هو اللى بيأثر على التليفون و يخليه يسخن حتى لو بتكلم بس. و البطاريه ادأها اتحسن شوية بعد ما شيلت أغلب البرامج و الالعاب اللى كانت على الجهاز
بس دلوقتى فى حاجة .... هل البطارية كده هترجع زى الاول و لا لا لأن البرامج دى كنت ستطبتها قبل المشكلة ما تظهر فى التليفون ... و المشكلة فضلت موجوده تقريبا 7 ايام .... فخايف لايكون البطاريه يكون حصل فيها حاجة.
أخر سؤال يا باشا ... هو لو انا عايز اشترى بطارية اصليه مضمونه ... تبقى بكام و منين؟

jecko

2015-04-30 (11:21:54AM)

هو الحقيقه انت كده كنت بتضغط على البطاريه جامد ، بس المفروض برده بطاريه الايفون معمره ،، جرب تحدث السوفت وير لأخر نسخه و حاول تريح التليفون من الضغط عليه كده لمده كام يوم ، اول حاجه خلي التليفون يفصل شحن تماما و سيبه لمده نص ساعه مثلا عشان الجهاز يكون بارد تماما وبعد كده حطه على الشاحن لمده 8 ساعات وافصله و متستعملوش كتير بقى خلي الشحنه دي تقعد ٣ ايام مثلا ، عشان تريح البطاريه من الجهد اللي عليها

mo7eid1

2015-04-29 (06:35:23PM)

للأسف يا جيكو ... الوضع ما اتغيرش بعد ما عملت التغييرات اللى قولتى عليها
التليفون ممكن اشحنه مرتين فى اليوم لو انا دخلت على النت 15 دقيقه و لعبت شويه زيهم
و بيكمل اليوم بالعافيه لو انا استعملته مكالمات بس
ممكن يكون اللعب الزيادة اللى انا كنت بالعبه عليه هو يكون السبب ف المشكله دى و برده كنت بستعمله هوت سبوت و بشغل فيديوهات يوتيوب على الاب.... هل ممكن تكون البطاريه ضعفت و ادأها اتغير بسبب كده ... مع العلم أنها كانت بتمكل يوم و نص على الاستعمال ده
دلوقتى مش بتكمل اليوم و بيسخن جدا و انا بتكلم مكالمه عادية جدا..
عايز رأيك و نصيحتك... ايه اللى ممكن اعمله .. و لا مفيش غير انى اتعامل معاه على الوضع ده؟؟؟

jecko

2015-04-27 (04:04:49PM)

العفوا ياباشا ، وان شاء الله الجهاز يتظبط

mo7eid1

2015-04-27 (02:59:16PM)

أنا لسه ما حدثتش لأخر نسخة.
بس أنا لاقيت الحاجات اللى ذكرتها كلها شغاله ... أنا قفلتها و هشوف كده إيه النظام.

هو الضبط بتاع الجهاز رجع على ال Default لما قفل بسبب العب فى الباسورد من حد تانى
لما عملت ريستور للباك اب شكل الضبط رجع على اصله. ممكن ارد بعد يومين و أقولك ايه النظام بعد التغيرات اللى وجهتنى ليها
متشكر جدا على مساعدتك يا جيكو .... جزاك الله خيرا

jecko

2015-04-27 (09:27:55AM)

اداء البطاريه اتغير بعد ما حدثت لأخر نسخة سوفت ؟؟
ومش الطبيعي ان التليفون يسخن جامد بعد ما تعمل مكالمه دقيقتين ، هو ممكن يسخن بسرعه لو انت شغال على الثري جي ، هل بيسخن جامد ولا السخونيه البسيطه العاديه ؟
وادخل على الظبط ووقف خدمه تحديد المواقع وتجديد التطبيقات في الخلفيه ولو برامج مش مهمه اقفل الاشعارات بتاعتها واقفل التحديث الاوتوماتيك للبرامج والالعاب ، وطبعا حاول تخلي اضاءه الشاشه قليله على قد ما تقدر

mo7eid1

2015-04-27 (08:40:17AM)

طيب سؤال تانى بعد إذنك يا جيكو
التليفون أداء البطارية بتاعته اتغير للأسوء ... و درجة حرارته بقيت تزيد بشكل ملحوظ حتى لو انا مش بستعمل الثرى جى أو النت ( درجة الحرارة ممكن تزيد بعد ما اعمل مكالمة او مكالمتين ما يتعدوش الدقيقتين) أعتقد ان مكالمتين عاديين جدا أقل من خمس دقائق ميخلوش التليفون يسخن.
و البطاريه بقيت بتكمل اليوم بالعافيه مع العلم إن إنها كانت ممكن تكمل يوم و نصف الاول قبل ما الاحظ المشاكل دى
إستعمالى للتليفون زى ما هو ... بس ممكن أكون كترت من اللعب عليه شويه عن الاول و نزلت عليه شويه برامج اكتر.

هل البرامج اللى أنا نزلتها هيه السبب فى السخونه و ضعف البطارية؟ مع انى مش بشغلها كتير
تفتكر ايه السبب ؟؟

jecko

2015-04-27 (07:42:59AM)

انا الحقيقه مجربتوش على ال 5s عامل ازاي ، بس كل الناس بتشكر في الاصدار الاخير ده وبتقول عليه انه ظبط التليفون وبقى اسرع ومسمعتش حد اشتكى منه ، ف رأيي انك تحدثه

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Apple iPhone 5s

مقارنة

IOS
4.0″

4.0 بوصة
3G

2G / 3G
8 MP, 32...
1560mAh

Li-Po 1560 mAh غير قابلة للازالة

مزيد من المعلومات

الموبايلات

IOS 8.3

التسجيل بالموقع

دخول الاعضاء

معلومات سريعة عن Apple iPhone 5s

IOS

4.0″

3G

8 MP, 32...

1560mAh