ساااعدونى

للرجوع الي صفحة أبل iPhone 5s الرئيسية اضغط هنا

Beeesoo

2015-01-31 (08:09:03PM)

أنا سجلت ف الموقع عشان حضرتك والله يا أستاذ جيكو
حضرتك أنا هشترى الايفون 5s بس خايف جدا ؟؟هل لو نزلتله التحديث ممكن الجهاز يبطئ ؟؟ولو أنا عملتله تحديث وعاوز أرجعه زى م أنا اشترته يرجع ولا لأ؟؟؟وتنصحنى بأيه عشان أول مره هستخدم ألايفون؟؟؟ هل اشترى 16 ولا 32 يعنى مثلا 16 هيكفينى يعنى لو هنزل برامج كتيره؟؟ واتأكد ازاى أنه جديد لانج؟؟؟؟
وأول م أعمله Active تنصحنى بأيه؟؟؟؟
اسألتى كتيره والله أنا عارف

jecko

2015-02-01 (11:33:35PM)

نورت الموقع ياباشا :)
ال 5s جهاز اداءه قوي جدا ومفيش تحديث هينزله يبطئ الجهاز خالص ، ولو عملت ابديت لاخر نسخه مثلا مينفعش ترجع للنسخه اللي قبلها
وبالنسبه للمساحه اكيد كل ما كانت اكبر كل ما كان افضل ، وخصوصا ان الفرق بينهم في السعر مبقاش كتير ،، فلو انت من هواه البرامج والالعاب والتصوير الكتير يبقى انصحك بال 32 جيجا
وعشان تتأكد انه جديد لازم تكون العلبه متبرشمه بالكيس الاصلي بتاعها ، وحاول تشوف شكل العلبه وهي متبرشمه في كذا مكان عشان تعرف تفرق بين الكيس الاصلي واللي معمول هنا

واول ما تشغل التليفون تجرب الحاجات دي اذا كان عندك الفرصه او بعد ما تشتريه وتاخد ١٤ يوم ضمان يبقى تجربها

الكاميرا ، الاماميه والخلفيه
الوايرلس
الصوت ، سماعه المكالمات والسماعه الكبيره
الحاجات اللي جايه مع الجهاز ،، الكابل والشاحن والسماعات
السينسورات ،، سينسور الاضاءه و سينسور الاماله
البصمه
الفلاش
مدى قوه الشبكه ، مقارنه مع ايفون تاني زيه
وطبعا البطاريه ،، وللعلم ان اداء البطاريه متوسط يكفي ليوم واحد من الاستخدام الثقيل او يومين من الاستخدام المتوسط

تلك الخدمة مخصصة للأعضاء فقط