سؤااال مهم

للرجوع الي صفحة أبل iPhone 5s الرئيسية اضغط هنا

ce7sawy

2014-12-17 (08:15:56PM)

عايز اعرف سعر ايفون 5 ابيض جديد كاااام ؟؟ وعند مين تحديداً ؟؟
....
وبالنسبه لو حد معاه ايفون 5 ابيض بحاله كويسه وبيبيعه على (( 2000 )) ممكن أشتريه منه

jecko

2014-12-18 (03:13:29AM)

اعتقد سعره حاليا في رنج ال 3500 ، وممكن تسأل في السراج مول في مدينه نصر

ce7sawy

2014-12-18 (02:28:05PM)

طيب يا جيكو انا شوفت اعلان على سوق كوم من اسبوع تقريباً لايفون 5 ابيض LTE ب 3100
,, وبعد يومين تقريباً بدخل على نفس الإعلان لاقيته اتشال ومش موجود غير بس الاسود بالسعر نفسه
,, بعد يوم لاقيت الابيض موجود لكن بسعر 3850 .. والاسود ب 3100
والغريب بقى انه الموبايل نفسه موجود على جوميا ب 5000
انا كنت ناوى اشترى الايفون 5 اس جولد .. لكن الحقيقه مالقتش اختلاف جوهرى يخلينى ادفع 1500 زياده بالمقارنه ب 5 . فقررت انى اجيب 5 ويوم ما قررت اجيبه من سوق كوم لاقيت السعر زااد .
بما انك خبير ف الأيفون قولى ايه الاختلاف بالنسبه للون ؟؟؟ وهل يفرق كل ده ف السعر ؟؟ وايه بقى الافضل الابيض ولا الاسود ؟؟

jecko

2014-12-18 (02:45:21PM)

لا انا رأيي سيبك من موقع سوق وجوميا والحاجات دي انزل بنفسك محلات واسأل فيها هتلاقي اسعار حلوه ،،
وهو حاليا الفرق ما بين الايفون 5s وال 5 حوالي 1000 جنيه مش 1500 ، والفرق مابينهم ان ال 5s فيه تحسين في كل حاجه في الموبايل اداء الجهاز وخصوصا في الالعاب افضل و الكاميرا افضل و ٢ فلاش بتقنيه متميزه يعطي توازن في الوان الصوره ،و طبعا غير ده كله واهم ميزه وهي البصمه اللي فعلا متميزه وبتسهل عمليه فتح الجهاز وامان عالي جدا،،
وطبعا ده مش معناه ان الايفون 5 وحش مثلا لأ الجهاز جميل برده ، ولكن الايفون 5 متجبش اللون الاسود فيه لأنه بيتجرح ويتقشر من اقل حاجه ، لو بتركب فيه جراب بلاستيك قوي ممكن الجهاز يتجرح

ce7sawy

2014-12-18 (04:47:19PM)

ماشى كلامك .. لكن بما انك تعرف اماكن كتير كويسه ومضمونه يبقى فيدنى انته وقولى على مكان كويس او مول ممتاز بأسعار حلوه علشان انزل اشتريه بكره ..!! لكن انت كنت قايل ف كومنت بلاش شراء ايفونات دلوقت علشان لسه هايرخص !! اشترى دلوقت ولا ايه النظام ؟؟ ( بيقولوا فيه تخفيضان اخر الشهر ده ) ف كل المحلات الكبيره .. الكلام ده فعلاً ولا ؟؟
وياريت تقولى سعر 5s gold بالظبط علشان اعمل حسابى :)

jecko

2014-12-18 (11:02:50PM)

في محل كويس في شارع فيصل في محطه التعاون اسمه الونش ، اما بالنسبه للأسعار فهو الايفون 6 هيتظبط على الشهر اللي جاي ويبقى في رنج ال 5300 انشاء الله ، لكن معرفش بقى الايفون 5s ساعتها سعره هينزل كتير ولا لأ ، يعني اتوقع يبقى 4300 مثلا او ممكن اقل الله اعلم ،، ولو انت مش مستعجل على التليفون انك تجيبه دلوقتي ممكن تستنى للشهر اللي جاي احسنلك
وسعر الايفون 5s دلوقتي حوالي 4500 وكل الالوان سعرها زي بعض

تلك الخدمة مخصصة للأعضاء فقط