=- إستفسارات عامة

للرجوع الي صفحة أبل iPhone 5s الرئيسية اضغط هنا

Marik

2014-07-27 (02:00:30AM)

السلام عليكم .. أنا أول مرة ليا اتفاعل فصفحتكم وإن شاء الله مش هاتكون آخر مرة :)
أنا مستخدم أندرويد وتحديداً جلاكسي نوت 3 .. بواجه مشاكل فالقلق من الرامات والسوفت وير الضعيف للآسف والأمان ،، فعندي شوية إستفسارات متنظمة وآي حد عنده خبرة ياريت يجاوبني أستفاد شخصياً وللفائدة العامة

1- أيه هو إنطباعك عن الآمان "والخصوصية" خصوصاً بعد الشائعات الأخيرة من الإتحاد الأوربي والصين عن إن الأمان مش متوفر وكل الهواتف صفحة مفتوحة فأيد أي منظومة أمنية

2- بما إن التليفون حجمه مش بكبر حجم النوت 3 مثلا .. أيه الانطباع عن تجربة الكتابة على كيبورد الآي فون 5 إس ؟

3- أيه الإنطباع عن الصلابة والعملية للجهاز من ناحية الهيكل + البطارية + الإستخدام العملي زي الأفلام والتصوير إلخ من الأعمال المشابهة

4- دي أهم جزئية .. أيه أخبار عملية التليفون مع الثري جي ،، كنت فبيت صاحبي وهو معاه نوكيا اكسبريس ميوزك .. لاقط ثري جي وانا بيقطع .. فأتغاظت اوي اوي اوي من اللي حصل وخصوصا انه بيتكرر كتير أوي

ياريت أجابة واضحة وشفافة عن كل جزئية فضلا لا أمراً :)
وآسف جداً على الإطالة بس قلت مليش غير الموقع ده طالما هاشتري الجهاز ^_^

jecko

2014-07-27 (04:58:05AM)

بص يا باشا انا واحد من الناس جبت النوت 3 قعد معايا ٣ ايام ورجعته ، وجبت الايفون 5 اس بعديه وكان معايا قبل كده الايفون 5 ،، اللي خلاني ارجع النوت ثري واجيب ايفون تاني اني لاقيت الايفون تليفون عملي جدا وبيلبي احتياجاتي الاساسية بشكل مثالي ، من مكالمات هاتفيه وعلو صوت المكالمات ووضوحها وعلو صوت الجرس ، والحجم العملي ( يمكن شاشته صغيره شويه لكن حجمه مريح جدا في الايد والجيب ) ، اقوى حساسية تاتش عن اي هاتف اخر ، كاميرا قويه جدا تلتقط صور طبيعيه جدا في الوانها واداء عالي في مختلف ظروف الاضائه ، غير ان التهنيج دي حاجه نادره في التليفون ودي كانت من اهم المزايا بالنسبالي ،( الموبايل سريع جدااااا ) ،

وبالنسبه للاستفسارات الاخرى ،،

١- الموبايل مؤمن جدا من العبث فيه من اي شخر اخر ، لكن انا معرفش بصراحه المنظومات الامنيه دي ايه صلاحياتها

٢- بما انك كان معاك نوت ٣ فأكيد الكتابه على الايفون هتبقى رخمه بالنسبالك وطبعا ده للفرق الكبير بين الشاشتين

٣- الجهاز مصنوع من افضل الخامات اللي بيتصنع بيها هاتف على مستوى العالم وبيتحمل الصدمات في جميع جهات الهاتف الا طبعا لو صدمه قويه على الشاشه ،،، البطاريه ادائها متوسط تستمر يوم في الاستخدام المكثف ويومين او اكثر في الاستخدام الخفيف ،،، والتصوير زي ما ذكرت بالاعلى مستواه قوي جداا في جميع ظروف الاضاءه والكاميرا اشبه بكاميرا متخصصه ،،

٤- الثري جي في التليفون كويس ، على حسب الخط اللي انت مشغله وقوه الشبكه وانا محستش انه ضعيف خالص بالمقارنه مع اجهزه اخرى

اتمنى اكون قدرت اوضحلك الاستفسارات اللي انت طالبها

Marik

2014-07-27 (06:21:21PM)

@jecko والله مش عارف اقولك ايه على كرمك وتفاعلك مع المقالة دي :)

أنا الشبكة بتاعتي اتصالات وللأسف متبهدل اخر بهدلة معاها ،، تنصحني اغير لفودافون ؟
بالنسبة للتطبيقات ،، أكيد معظمها بتبقى بريميوم زي الجوجل بلاي .. في طريقة او متاجر متوفرة اقدر اجيب منها التطبيقات فري ولا لازم لازم ادفع ؟

jecko

2014-07-27 (11:58:00PM)

لا العفوا على ايه ياباشا :)

انا الخط بتاعي فودافون وانصحك تغير لفودافون لو عايز شبكة اقوى

وبالنسبه للتطبيقات انت تقريبا كل التطبيقات اللي ممكن تحتاجها هتلاقيها فري ، وفي طبعا اللي بفلوس و ممكن تنزل لو عملت للجهاز جيلبريك

تلك الخدمة مخصصة للأعضاء فقط