بدون عنوان
للرجوع الي صفحة أبل iPhone 5s الرئيسية اضغط
هنا
HishamElmaghraby
2014-03-26 (02:15:15PM)
انا نفسى اعرف ايه الاعجاز ى الموبايل ده علشان يكون بـ 5350 جنيه ؟
احنا لو شوفنا نفس الامكانيات دى فى اى موبايل سامسونج مش هيكمل 3000 جنيه ؟!
احنا لو شوفنا نفس الامكانيات دى فى اى موبايل سامسونج مش هيكمل 3000 جنيه ؟!
jecko
2014-03-27 (01:56:21AM)
الموضوع مش مجرد امكانيات على الورق وخلاص ، ابل ملهاش في الكلام ده ، البروسيسور الثنائي النواه في الايفون الجديد يتفوق في ادائه على اعلى بروسيسور انتجته اي شركه اخرى ولو ثماني النواه ، والكاميرا 8 ميجابيكسل وادائها لا يقل عن الكاميرات الاخرى لو ال 13 ميجا بتاعت السامسونج او حتى ال 20 ميجا بتاعت السوني بل يتفوق عليهم في التصوير في ظروف الاضاءه الضعيفه ،، وقيس على ده كل حاجة ، لما تيجي تقارن اي موبايل مع ابل انسى الارقام وجرب تجربه فعليه
TheSpecialist100
2014-03-27 (09:10:26PM)
يا أخ جيكو ماتبلغش اوى كدة على فكرة انا كان معايا الفايف اس 32 جيجا وبيعته وجبت LG G2 حاجة وهم والله وطبعا مش مجال دلوقتى انى اقارن بينهم لأن المقارنه محسومة لصالح الجى2 فى كل حاجة على الاقل بالنسبالى ودى طبعا وجهات نظر...بس انا بتكلم من واقع انى مسكت وجربت واستعملت التليفونين يعنى مش مجرد سمع وخلاص...
الايفون نضيف وسريع ولكن...متأخر اوى عن الاندرويد فى حاجات كتير ولو ماطورش من نفسه بسرعة هايضيع وبسرعة برضة
على فكرة شركة ال جى اللى يمكن مش عاجبه ناس كتير وهم احرار طبعا خدت جايزة اكثر شركة ابداعا فى العالم لعالم 2014 فى معرض برشلونة العالمى
الايفون نضيف وسريع ولكن...متأخر اوى عن الاندرويد فى حاجات كتير ولو ماطورش من نفسه بسرعة هايضيع وبسرعة برضة
على فكرة شركة ال جى اللى يمكن مش عاجبه ناس كتير وهم احرار طبعا خدت جايزة اكثر شركة ابداعا فى العالم لعالم 2014 فى معرض برشلونة العالمى
jecko
2014-03-28 (09:12:38PM)
زي ما المقارنه محسومه بالنسبالك لل أل جي في ناس تانيه برده المقارنه بالنسبالهم محسومه للأيفون وانا واحد منهم ، وانت كنت بتقول انه كان معاك ايفون وبيعته وجبت ال جي ، انا كان معايا قبل الايفون نوت ٣ واتش تي سي وان وجربت ال جي ٢ تجربه سريعه كده واكتر تليفون ارتحتله الايفون لأنه اكتر موبايل بيقضى احتياجاتي اللي انا عايزها بشكل مثالي ، يمكن الاندرويد فيه شويه اضافات عند ال ios لكن حاجات مش اساسيه مش هتستعملها بصفه مستمره ، لكن انا واحد من الناس اهم حاجة عندي في الموبايل سرعته وطبعا ملقتش اي موبايل بأداء وسرعة الايفون ، ويهمني ان الموبايل يبقى شكله شيك وخاماته نضيفه ،، وازواق الناس مختلفه في واحد ممكن تعجبه حاجة متعجبش واحد تاني وده الطبيعي في اي سلعه في الدنيا ،
وعلى فكره انا مش ببالغ لما بقارن الايفون بجهاز اخر انا بقول وجهة نظري اللي انا مقتنع بيها ومش بجبر حد انه يقتنع بيها ، وبرده بقول وجهة نظري في منتهى الحياديه ومش بقلل من اي موبايل تاني لأ بالعكس انا طول الوقت بقول سواء الايفون ولا النوت ٣ ولا الجي ٢ كلهم موبايلات جامده وكل واحد يشوف ايه اللي محتاجة في موبايله ويشتري على اساسه
وعلى فكره انا مش ببالغ لما بقارن الايفون بجهاز اخر انا بقول وجهة نظري اللي انا مقتنع بيها ومش بجبر حد انه يقتنع بيها ، وبرده بقول وجهة نظري في منتهى الحياديه ومش بقلل من اي موبايل تاني لأ بالعكس انا طول الوقت بقول سواء الايفون ولا النوت ٣ ولا الجي ٢ كلهم موبايلات جامده وكل واحد يشوف ايه اللي محتاجة في موبايله ويشتري على اساسه
mohaamedshafey
2014-03-29 (03:15:07AM)
استاذ jecko انا عمري ما بتقول حاجه غلط لاكن حكايه الكام والاضاءه الضعيفه z1 احسن واحد وبشهادت كل المواقع
jecko
2014-03-29 (04:00:28AM)
انا قارنت التصوير في الاضاءه الضعيفه الايفون مع النوت ٣ وكان الايفون الافضل ، وقارنته كمان بالاتش تي سي وان ، وبرده كان الايفون افضل مع ان كذا موقع كان بيقول ان الاتش تي سي وان افضل هاتف يصور في الاضاءه الضعيفه ، لكن انا لما جربت لقيت الايفون برده احسن ، ومش تحيز لحاجه بعينها لكن انا بقول على اللي انا جربته بنفسي وممكن اي حد ينزل ويجرب على الطبيعه بنفسه ، وبالنسبه للسوني انا قارنت الكاميرتين جمب بعض لكن كانت الاضاءه قويه لكن بصراحه مقارنتهمش في اضاءه ضعيفه
TheSpecialist100
2014-03-29 (06:08:08PM)
هى وجهات نظر بقى وراحة نفسية..شكرا
mohaamedshafey
2014-03-30 (11:12:21AM)
شوفت حضرتك ذكرت ان 5س احسن من الكام ام 20 ميجا في اول كومنت بس في تالت كومنت مع ماذكرتش سيرته في المقارنات الحيه اللي حضرتك عملتها ومش معني ان حضرتك عملت المقارنه الكام في الاضاءه الضعيفه علي النوت 3 وغيره يبقي احسن من z1
jecko
2014-03-30 (11:25:58PM)
انا لما ذكرت في الاول ان تصويره في الاضاءه الضعيفة اقوى من النوت ٣ والسوني زد ١ ده لأني قارنته مع السامسونج تجربه فعليه اما بالنسبه للسوني انا فعلا مقارنتهمش بنفسي لكن شوفت المقارنه اللي عاملاها موقع gsmarena وده موقع عالمي ومن اكتر المواقع اللي بثق في تجربتها للهواتف وده اللينك عشان تتأكد بنفسك
TheSpecialist100
2014-03-31 (12:38:50AM)
الخلاصة من الاخر للى محتار وعايز يعرف ويقتنع وكلة بالارقام من اكبر واقوى موقع عالمى متخصص فى الهواتف المحمولة (مقارنة كاميرات احدث الهواتف حتى اليوم) يمكن تكون النتيجة مش متوقعة عند ناس كتير بس هى دى الحقيقة...ودى نتيجة الاختبار النهائية بالارقام تقبلوا تحياتى
يمكن تكون النتيجة مش متوقعة عند ناس كتير بس هى دى الحقيقة...ودى نتيجة الاختبار النهائية بالارقام تقبلوا تحياتى
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
معلومات سريعة عن Apple iPhone 5s
-
IOS
-
4.0″
4.0 بوصة -
3G
2G / 3G -
8 MP, 32...
-
1560mAh
Li-Po 1560 mAh غير قابلة للازالة