استفسار.. رجاء المساعده

للرجوع الي صفحة الكاتيل Pop C7 الرئيسية اضغط هنا

Ma7moudElPOP

2014-04-19 (08:55:55PM)

الحمد لله اشتريت الموبايل ده من اسبوعين بناء على اراء الاعضاء المحترمين وخصوصا الاستاذ وليد الله يباركله ويبارك فيكم جميعا

الموبايل جميل جدا ويستاهل اكتر من سعره .. لكن فى نقطتين ياريت تفيدونى فيهم

الاولى: فى برنامج مش راضى يشتغل بيتسطب ويفتح شاشتين ويقفل اسمه autocad360
البرنامج ده اشتغل على موبايل اخويا سامسونج Galaxy Star Pro S7262 مع انه اقل فى الامكانيات من pop c7 مش عارف دا بسبب كارت الشاشه ولا حاجه تانيه
ياريت حد يجرب البرنامج ده ويرد عليا ضرورى

الحاجه التانيه :الذاكره الداخليه اللى ظاهره عندى فى التطبيقات و لما بوصله بالكومبيوتر 2جيجا فقط والمفروض انها 4 جيجا ....

mahmoud2080

2014-04-20 (05:48:05AM)

انا هحمل البرنامج بكرة و اجربه عندي بس دلوقتي مش هينفع عشان النت عندي بطئ جدا جدا جدا وهحاول بأذن الله ا رد عليك في أسرع وقت

alylol91

2014-04-20 (11:56:53AM)

استاذ محمود ممكن حضرتك تقولى الاقى فين اكسسوارات العده

waleedsunny

2014-04-20 (08:39:34PM)

موضوع البرنامج مش هاقدر افيد حضرتك فيه لان الجهاز كنت جايبه لزميلى وادتهولوه خلاص
ثانيا موضوع المساحة هو فعلا 4 جيجا عبارة عن السيستم 2 جيجا والباقى لحضرتك تحمل عليه اللى انت عايزه وممكن تحطله كارت ميمورى وتحمل عليه اللى انت عايزه

mahmoud2080

2014-04-21 (02:09:57AM)

أسف للتأخير بس انا لحد دلوقتي مجربتش البرنامج لأن النت عندي شبه ميت

أستاذ وليد بالنسبة للألعاب اللي بتتكون من apk+obb بتتحط ازاي ارجو الرد

waleedsunny

2014-04-22 (01:12:48AM)

فيه العاب بتحملها من على النت بتكون عباره عن ملف داتا كبير جدا حوالى مثلا 1 جيجا بيكون بصيغة obb وده بتحطه جوه ملف اسمه Android هاتلاقى جواه ملف اسمه obb تحطه جواه
وبيكون فيه ملف خاص بالتحميل بصيغة apk ده بتحطه فى اى مكان وبعدين تدخل عليه وتدوس تحميل وبعد التحميل ممكن تمسح الملف ده لانه اصبح مالوش لزمه لانك حملته خلاص واللعبه بتقرا من الملف اللى انت حاطته جوه فولدر obb
وتحت امرك فى اى استفسار على الخاص عشان اصبحت قليل الدخول على التعليقات

Ma7moudElPOP

2014-04-23 (10:26:14PM)

ألف شكر ياجماعه على ردودكم واهتمامكم والحمد لله لقيت برنامج رسم بديل بيأدى الغرض اسمه cadian anyview بس كان نفسى أعرف سبب عدم عمل برنامج autocad360 لانه بصراحه ملوش مثيل فى الرسم الهندسى

وبخصوص الاكسسوارات أنا سألت على الجراب فى كل محلات طه الحكيم وسعد الدين فى طنطا مالقيتوش وقاللوى ممكن تنزل كمان شهر
لو عاوز جراب ضرورى أنا جبت جراب -الجلاكسي اس 5 - نفس المقاس بالضبط بس عليك بقى تعمله فتحه للصوت والباور بموس أو قطر .

تلك الخدمة مخصصة للأعضاء فقط