هذا الموضوع مرتبط بـ Pop C5

شراء الكاتيل pop c5

waleedsunny

2014-03-29 (12:19:10PM)

لسه امبارح شارى اتنين لون اسود من الامام وكحلى من الخلف - الواحد ب 850ج
انا معايا جراند2 وكان معايا موبايلات اندرويد كتير جميع الماركات سامسونج وسونى وال جى وهواوى ( 700 و 610 و 511 ) والكاتيل كتيير - و تقدروا تشوفوا تعليقاتى على طتير من الصفحات والحمد لله
بصراحه جهاز تحفه زياده عن اللزوم على سعره ده وشاشته وبطاريته ونقاء صوت المكالمه واندرويد 4.2.2 ( صوت النغمات متوسط زى هواوى ولازم تحمله نغمات من عندك صوتها عالى ) والكاميرا بسيطه والفلاش بتاعها مش قوى لكن بيأدى الغرض لكن فيها تصوير HDR & Panorama & Night مع ان فيها فلاش لكن عيبها انها مافيهاش اتو فوكاس - لكن الافترى وحش
الجهاز خفيف جدا وبطاريته مبدئيا مستواها كويس سرعته فى ال3جى كويسه بشرط الوجود فى مكان تغطية الشبكة 3جى تكون قويه طبعا زيه زى أى موبايل
وسلس جدا فى التعامل وبشغل الالعاب العادية والمعروفه اللى مساحتها متوسط من 30 ميجا لحد 500 ميجا
لكن اللى هايشتريه لازم يكون من النوع اللى بيستعمل الجهاز 100% مكالمات - 50% تصوير - 100% العاب متوسطه وصغيرة - يستحسن بلاش العاب تقيله عشان الرامات على قدها - 80% نت عن طريق ال3 جى - 100% نت عن طريق الواى فاى
تقرير تقييم مبدئى وان شاء الله لو حد عايز يستفسر عن شىء تحت امركم بس يتسحسن بعد كام يوم عشان يكون الواحد جمع اكبر قدر من المعلومات بناء عن استخدام فعلى لفتره معقوله
على فكره الموبايلين عشان واحد ل بنتى وواحد مع ابن واحد زميلى

waleedsunny

2014-03-30 (02:28:35PM)

أستاذ alfarries
ياحبيب قلبى جراب جلد زى المحفظه بيدخل فيه اى موبايل مقاس الاس 3 فى حجم الجهاز مش فى حجم الشاشه مالوش دعوه خالص لا بفتحات ولا اى حاجه - ده جراب ب 5ج مجرد ان يحفظه مؤقتا لحد ماينزله جراب
أستاذ Medhatismail
لما تشد الستاره بصباع واحد بيجبلك لو فيه رسائل او ميلات او مكالمات جاتلك وانت ماقرأتهاش او ماردتش عليها
لكن لما تشد الستاره بصبعين بيجبلك الشاشة اللى فيها الواى فاى والبلوتوث والاضاءه وهكذا
وشكرا على المعلومه دى لانى ماكنتش أعرفها
لكن فى حاجه غلسه ان الشاشة اللى فيها الواى فاى والبلوتوث وهكذا مافيهاش اهم حاجه وهى ايقونة التحكم فى الصوت يبقى صامت او فيبريشن وهكذا عشان لو داخل اجتماع مثلا زى كل الموبايلات
لكن الحمد لله اتغلبت على الموضوع ده وحملت برنامج من على الماركت اسمه Powerful Control
وده مساحته صغيره وبخليك ممكن تحط شريط تختار فى الايقونات اللى انت عايزها على الديسك توب بتاع الموبايل
وفى تانى حاجه غريبه جدا واول مره اقابلها فى الصور
لما ركبت كارت ميمورى وحاطت صور شخصيه فى فولدر وسميته اى اسم - تيجى بقى تدخل على الاستوديو او الجاليرى ماتلقيش الصور بتاعتك مع انك لو دخلت على الفايل مانجر تلاقى الصور موجوده وزى الفل
المهم الواحد عشان والحمد لله فى الاندرويد من فتره معقوله قلت خلاص تلاقى نظام الصور فيه زى النغمات لازم تتحط فى فولدر باسم معين عشان تتشاف فى الجاليرى
وفعلا حاطت الصور فى الفولدر اللى عمله الجهاز والخاص بمكان حفظ الصور بتاعت الكاميرا DCIM وبالفعل شاف الصور عادى خالص
وبرده بخصوص النغمات الخارجيه اللى بتحطها من عندك لازم تحطها فى فولدر اسمه RINGTONE
وهكذا - واللى يعيش ياما يشوف

Medhatismail

2014-03-30 (12:10:59AM)

جرب كدة يا باشا تسحب الستارة بصباع واحد و جرب برضه تسحبها بصباعين و شوف الفرق اللي حيظهر

alfarries

2014-03-30 (12:01:08AM)

الف شكر لحضرتك ع التوضيح واخر سوال انا عارف انك قرفت مني ممكن تديني اقرب عنوان لاي محل بيبعه قريب من الجيزه وفيصل وازاي اس3 بيركب عليه جرباه وهو اكبر فى شاشه 4 من10 وكمان الفتحات بتبقي مختلفه ع مااعتقد ولا ايه وياريت العنوان بالظبط معلش

waleedsunny

2014-03-29 (11:39:38PM)

بص يا أستاذ alfarries
الموبايل لسه نازل مصر بقاله حوالى اسبوعين والكاتيل مش زى سامسونج الجراب بينزل قبل الموبايل طبعا هاتاخد وقت عقبال ما ينزله جراب ده حتى كويس ان العلبه فيها لزقة الشاشة
وبخصوص ستارة النوتيفيكشن - الوين اللى مع حضرتك اندرويد 4.1 واللى موجود فى الكاتيل وهواوى 4.2 موجود فيهم نظام مختلف شويه للنوتيفيكشن ذى ما انت قلت الستاره بتكون فاضيه لما تدوس على زرار فوق على اليمين بيظهرلك الايقونات بتاعت الواى فاى والبلوتوث وهكذا وده برده اصبح موجود فى الجراند2 اندرويد 4.3
فده شىء طبيعى بسبب اختلاف اصدارات الاندرويد

alfarries

2014-03-29 (07:04:20PM)

االف شكرا بجد لحضرتك انت شرحت ووفيت بس كنت عندي سوال لقيت له جراب فليب كفر او الظهر بس عند المحل اللي حضرتك اشتريته من عندي وايه كانت الوان اللي موجوده وبصراحه الموبايل بالوصف اللي حضرتك قولته يبقي جامد جدا ع سرعه وكنت عايز اعرف حاجه فى اندرويد كده محيراني انا معايه جلاكسي وين والستاره اللي هيا بتتشد لي فوق اللي بتجبلك الواي فاي وكذا مربع خيرات جمبها كده وانتي بيتجبها يمني وشمال تختار بين المربعات اللي عايزاها الستاره ديه بقي موجوده فى سامسونج والي جي عادي اللي قولتها اما فى الكاتيل ده شوفت فيديو ع اليوتيوب جايب الموبايل لما بتفتح الستاره ديه مش بيجبلك المربعات الصغير اللي بتتحرك يمين وشمال بالمس عليها بيجب ستاره فاضيه خالص وبتدوس ع مربع يجبلك اليكونات ديه كبيره قوي ومش نفس الشكل بتاعت سامسونج والي جي وسوني وكده وكمان لاحظت كده فى هواوي بارده ممكن حضرتك تقولي ايه سبب فى الاختلاف ويارب تكون فهمتني لاني مش عارف اوصلك الصوره صح واسف للزعاج حضرتك

waleedsunny

2014-03-29 (06:49:28PM)

أستاذ seeen
تصوير البانوراما هو ان حضرتك ممكن تصور صورة بدرجة 360 يعنى ممكن تاخد صورة عبارة عن جوانب الغرفه اللى انت فيها كلها فى صوره واحده وده طبعا استحاله الكاميرا العاديه تجيبه لكن فى البانوراما بيخليك انك تاخد صوره وانت بتلف الموبايل براحه فى اتجاه واحد وبعد كذا ثانيه وانت مستمر فى اللف فى نفس الاتجاه ياخد صوره تانبه وهكذا وعند الانتهاء هاتلقيه قعد كذا ثانيه ودمج الصور كلها مع بعض فى صوره واحده
والتصوير ال HDR دى خاصيه جديده بتخلى الصور اكثر وضوح ونقاء وأكثر إضاءه عن التصوير العادى لكن عيبها ان الفلاش ما بيشتغلش عند التصوير بخاصيه ال HDR
أستاذ alfarries ربنا يخليك على ذوقك وصدقنى الموضوع مايفرقش بين عضو ومشرف لان هنا كلنا بنخدم بعض
نسيت اقول ان الجهاز بيجى معاه فى العلبه الاسكرينه العادية مش اللى ضد البصمه بتاعته وانت اللى بتلزقها او تخلى صاحب المحل يلزقهالك
وحاليا انا معايا البوب ومدى بنتى الجراند2 عشان اجرب الموبايل صح وأظبتهولها
والاوبشن بتاعه زى الايدول 6030 و6012 و 6040 والهواوى 511 و 610 و 700
مافيش ادنى فرق فى الاوبشن الا اختلافات بسيطه
مافيهوش رنه لكل خط على حده لكن انت بتحمله برنامج من على الماركات بيخلى لكل خط رنه وكنت عامل كده فى الهواوى 610
عندك اربع الوان لكل شبكه على حده
المنبه بيشتغل وهو مقفول - وممكن تخلى الموبايل يقفل فى وقت معين ويفتح برده فى وقت معين انت محدده اتوماتيك
شاشة القفل هى شاشة الجهاز ومافيش شاشة منفصله لكل خط على حده زى سامسونج
فيه طبعا فايبريشن عند فتح الاتصال وفيه تنبيه كل دقيقه اثناء المكالمه وفى الوضع الصامت عند قلب الموبايل على وجهه عند ورود مكالمه او عند استخدام المنبه
صوت سماعة المكالمات كويسه وواضحه جدا ماشاء الله
صوت النغمات بتاعته ضعيفه جدا لكن لما حاطت نغمات من عندى اصبح عالى جدا ماشاء الله يعنى العيب مش من السماعه العيب من النغمات اللى حاطينها على الجهاز
فى امكانيه نقل البرامج للكارت الخارجى بدون تحميل برامج مساعدة وفى انك بتختار من الاول البرامج تتحمل على الكارت ولا على الموبايل
النت بتاعه الواى فاى سريع وزى الفل وال3جى بتاعه كويس بس طبعا لازم قوة الشبكة فى المكان اللى انت فيه
البطاريه لحد دلوقتى كويسه جدا ومابيسحبش حاجه من البطاريه وهو ماحدش بيستعمله
طبعا فيه ان قائمة الاتصال لونها اسود وقائمة الاسماء لونها ابيض عشان تستخدم اللى انت عايزه حسب اضاءة المكان اللى انت فيه
من الاخر اللى استخدم الهواوى والكاتيل قبل كده مش هايلاقى اى فرق فى الاوبشن
وبرده الجهاز تحت الاختبار عشان ماحدش يتسرع ويجيب حاجه ويندم لاقدر الله

alfarries

2014-03-29 (04:00:36PM)

والله ياستاذ وليد انت تستاهل تبقي مشرف فى الموقع مش عضو مميز بس واناارجو من اداره الموقع تراجه منظورها فى الموضوع ده بلا مبالغه والله مابدخل صفحه الي لما الاقي حضرتك جايب المفيد وبتنصح بكل خييير بجد ربنا يكتر من امثالك ويزيدك من فضله ياباشا وبعد ازن حضرتك ياريت تقولنا كل عيوبه ومميزاتها علي كمان يومين لانه هنشتري منه لصحابي اول الشهر باذن الله ومش عايز اجبلهم حاجه اللي ماعرف من حضرتك عيوبها ومميزتها لاني بثق فى راي حضرتك جدا جدا ومستني التجربه بتاعت حضرتك ان شاء الله واي عيوب تظهر او تهنيج ومعلش تقلت ع حضرتك جامد انا اسف ياباشا

seeen

2014-03-29 (12:57:47PM)

من فضلك ما الفرق بين تصوير بانوراما وتصوير اتش دى ار

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Alcatel Pop C5

مقارنة

Android
4.5″

4.5 بوصة
3G

2G / 3G
5 MP, 25...
1800mAh

Li-Po 1800 mAh, غير قابلة للازالة

مزيد من المعلومات

الموبايلات

شراء الكاتيل pop c5

التسجيل بالموقع

دخول الاعضاء

معلومات سريعة عن Alcatel Pop C5

Android

4.5″

3G

5 MP, 25...

1800mAh