سعر و مواصفات Alcatel One Touch Scribe HD

مقارنة

Android

Android OS, v4.1 (Jelly Bean)
5.0″

5.0 بوصة
3G

2G / 3G
8 MP, 32...
GB RAM

4 GB, 1 GB RAM
2500mAh

Li-Po 2500 mAh قابلة للازالة

قريبا

(678 تقيمات)

موصفات Alcatel One Touch Scribe HD

الموصفات الاساسية

الحجم	144 x 75 x 8.5 mm (5.67 x 2.95 x 0.33 in)
الوزن	135 جرام
الألوان بالأسواق	متعدد الالوان

الشاشة

نوع الشاشة	IPS LCD capacitive touchscreen, 16M colors
مساحة الشاشة	5.0 بوصة
دقة الشاشة	720 x 1280 pixels, 16:9 ratio (~294 ppi density)
دعم اللمس المتعدد	لا

الشبكة

دعم 2G	نعم
دعم 3G	نعم
دعم 4G-LTE	لا
دعم 5G	لا
دعم HSCSD	لا
دعم EDGE	نعم
دعم GPRS	نعم

الاتصال

دعم WLAN	Wi-Fi 802.11 b/g/n, Wi-Fi Direct, Wi-Fi hotspot
دعم بلوتوث	v4.0 with A2DP
GPS دعم	نعم
NFC دعم	لا
دعم راديو Fm	نعم
دعم USB	نعم

معلومات عن الكاميرا

دعم الكاميرا	8 MP, 3264 x 2448 pixels, autofocus, LED flash
دعم فلاش	نعم
كاميرا امامية	نعم

مساحة الذاكرة

الذاكرة الخارجية	microSD, up to 32 GB
الذاكرة الداخلية	4 GB, 1 GB RAM

نظام التشغيل

نظام التشغيل	Android OS, v4.1 (Jelly Bean)
نوع نظام التشغيل	Android
CPU	Quad-core 1.2 GHz

معلومات أخري

الرسائل	SMS(threaded view), MMS, Email, Push Email, IM
المتصفح	HTML5
معلومات عن البطارية	Li-Po 2500 mAh قابلة للازالة
قدرة البطارية في التحدث	حتي 5 ساعات
قردة البطارية في الوضع العادي	حتي 250 ساعة

الخصائص

دعم شرحتين	لا
الشريحة	Micro-SIM
نوع النغمات	MP3
مخرج صوت 3.5mm jack	نعم
الاهتزاز	نعم
دعم انفراريد	لا
حماية بالبصمة Fingerprint	لا
مكان البصمة	لا يوجد

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع مميزة عن موبايل Alcatel One Touch Scribe HD

[عام] بدون عنوان 2013-09-03 (05:27:03AM)	mrmaxmaz

مواضيع و اراء عن Alcatel One Touch Scribe HD

بدون عنوان

بواسطة: kokomozz

السلام عليكم
اخيراااااااا نزل الكاتيل
Idol X

2013-08-01 (04:13:38PM) / ردود 4

اضف رد

wahba1800

2013-08-03 (12:59:19PM)

يا عم افتكرته نزل هنا :D
قعدت ادور عليه ملقتوش لانى مستنيه ينزل

a7mad7amza

2013-08-02 (05:28:42AM)

فين المصدر ؟
اللى نزل لحاد الان هو الاصدار ال tcl بتاعه اللى هو الشركه المصنعه ونزل فقط فى الصين .
بس مفيش معلومات لسه عن موعد صدوره دوليا
فين المصدر اللى عرفت منه الاخبار دى ؟

kokomozz

2013-08-02 (12:17:46AM)

نازل ان شاء الله شهر ٩ وهو نزل في اوروبا وسعره ١٩٥ يورو بس الواحد مش عارف بقي حيكون سعره هنا كام.

a7mad7amza

2013-08-01 (07:17:30PM)

نزل فين وامتى ؟

بدون عنوان

بواسطة: eyyad1976

السلام عليكم... الاخ ask82
انا اشتريت scribe hd
بس لقيت في عندي dead pixel واحدة بتبان بس في الشاشة السودة بلون ابيض
هل لازم اغير الجهاز ؟
و لو لازم اغيره تفتكر الوكيل رزق الله حيوافق ؟
على فكرة انا بدلت الجهاز من اسبوع تقريبا عشان كان في مشكله في الكاميرة
و الجهاز الجديد هو اللي في ال dead pixel

2013-08-01 (01:10:22PM) / ردود 4

اضف رد

ask82

2013-08-01 (02:18:12PM)

لا لا.هى ممكن تروح خالص لو stuck اما اذا dead انت حتنساها

eyyad1976

2013-08-01 (01:37:54PM)

شكرا على ردك و كتر خيرك عالمساعدة
بس سؤال اخير و لا عليك امر
هل ال dead pixel او stuck pixel الموجودة مش ممكن تزيد مع الوقت او الاستعمال ؟

ask82

2013-08-01 (01:21:46PM)

رابط البرنامج

ask82

2013-08-01 (01:20:36PM)

انا عندى برده DEAD PIXEL واحدة بس هى مش DEAD PIXEL ولا اللى عندك DEAD PIXEL..هى STUCK PIXEL...انا كنت بدلت جهازى الأول بسبب عيوب فى التشطيب و التانى هو اللى طلع فيه STUCK PIXEL...انا مبدلتوش تانى...يعنى مش باينة دى اولا زائد انى تقريبا صلحتها...بص يا سيدى فى كذا طريقة لتصليحها او تخفيفها...واحدة منهم انك تحمل البرنامج ده بس متشغلوش على وظيفة التصليح اكتر من ساعتين بالكتير و ساعة على الأقل...اعمل عملية تنزيل ليه على جهازك و استكشف فيه و حتعرف تشغله ازاى بس اظبطه على نصف ساعة و بعدسن راحة 5 دقائق و ارجع شغله على نصف ساعة تانى و راحة 5 و نصف ساعة لحد ما يبقى ساعتين..حتلاقيها خفت على الأخر او اختفت...بص مادام عندك مشكلة فى بيكسل و اناعندى نفس المشكلة تبقى مشاكل عامة عادية كذلك مشاكل التقفيل..يعنى انت مش ضامن ايه الموبايل المقفول فى علبته حيبقى عامل ازاى لو انت رجعت ده...مشكلة الجودة بقت مشكلة عند معظم صانعين الموبايلات...براحتك بس انا تعايشت مع الموضوع عشان مع الوقت النقطة مش حتفرق و بالذات انها بتبان بس على خلفية سوداء..أهم حاجة بص على التقفيل و التشطيب.

بدون عنوان

بواسطة: merobig

ايه رأيم فى الموبايل دا؟؟
لانه نازل فى دريم 2000 بمبلغ 1975 جنيه فقط تخيلوا ؟؟؟؟!!!

2013-08-01 (11:06:55AM) / ردود 10

اضف رد

merobig

2013-08-02 (05:36:36PM)

ask82

شكرا يا باشمهندس تعبينك معانا

ask82

2013-08-02 (12:57:28PM)

merobig,الجرابات النهاردة ان شاء الله :) حشوف الجودة بتاعة STAR و اقولك بس غالبا الجرابات حتبقى TPU و النوعية دى حلوةعشان مش بتجرح الأجهزة و بتجميها بشكل جيد.

ask82

2013-08-01 (08:44:46PM)

merobig,حاضر حاضر :)

merobig

2013-08-01 (02:52:30PM)

ask82
ولا يهمك يا كبير
ومعلش تعبناك النهاردة
وعلى فكرة انا اتصلت على 888 وقالولى انهم نزلوا كل جرابات الالكاتيل
فياريت لو حضرتك هتكون عندهم النهاردة تشوف جراب الاكاتيل الستار و تقيمة من حيث النوع والجوده
وشكرا لسعة صدرك

ask82

2013-08-01 (02:38:49PM)

قصدت MiroBig برأيى حول السامسونج كور و منافسه بس بكتب من موبايل LG صغير فاتلخبطت فى معفة مين بيستفسر عن السامسونج كور

ask82

2013-08-01 (02:35:34PM)

AliAfify,بس لو انا حشترى حشترى سامسونج عشان اعرف ابيعه لو عايز. اطور او اغيره.LG الناس بتخاف منها.

ask82

2013-08-01 (02:29:39PM)

Aliafifi.كلامك صح بالنسبة للذاكرة اما الرام مش فارقة عمليا مع العلم ان LG بتستخدم IPS فى الشاشة و السامسونج فى الموديل ده شاصة عاديةكاميرا LG 8 اما Samsung 5...خامات و تشطيب LG احلى عن تجربة فى مختلف الموديلات.بطارية LG احسن و الموبايل صناعة كورى و ارخص 100 جنيه.

merobig

2013-08-01 (02:13:48PM)

صديقى العزيز ask82
اعتقد ان فرق الرام والمساحة الداخليه والبروسسور لصالح الSamsung Galaxy Core
ثم انى قرأت من تعليقات الزملاء على صفحة ال LG L7 II Dual P715 على الموقع هنا انه وعلى الرغم ان بطاريته
Li-Ion 2460 mAh battery
الا انها بتكمل اليوم بالعافية ودى حاجه غريبة اوى الصراحة !!

AliAfify

2013-08-01 (01:31:50PM)

على فكره Samsung Galaxy S4 zoom موجود عن الشناوى بـ Price: 3,900 EGP .. هل هوه جهاز عموما كويس , وهل سعره ده حلو !! ؟

ask82

2013-08-01 (11:44:24AM)

على سعره و انه سامسونج....ممتاز و متفوق بس الLG L7 II Dual P715 احلى و ارخص 100 جنيه

بدون عنوان

بواسطة: ask82

جرابات اللألكاتيل و ال LG الموديلات الجديدة متوفرة الأن فى محلات 888...

2013-08-01 (03:11:50AM) / ردود 9

اضف رد

ask82

2013-08-03 (08:48:01AM)

آمين :)

merobig

2013-08-03 (04:25:32AM)

ask82

عشان خاطر نفسك السمحة وامانة الكلمة دى ربنا بيبارك فى كل موبايل تشتريه او تبيعه

:)

ask82

2013-08-03 (02:57:18AM)

الجرابات كلها متوفرة بإستثناء السكرايب و هى جرابات سيليكون طرى حلوة بنمط خشن على الجوانب حتى لا يتم زحلقة الموبايل اثناء استخدامه...

ask82

2013-08-02 (03:47:11AM)

الجاربات متوفرة غدا الجمعة ان شاء الله فى كل فروع 888.

AliAfify

2013-08-01 (01:30:02PM)

ask82 : مصر مش هتنسالك كل ده :) شكرا جزيلا .

ask82

2013-08-01 (01:23:01PM)

ALIAFIFY,ان شاء الله سأزورهم اليوم و حارد عليك فى موضوع الإكسسوارات بتاعة السكرايب.

AliAfify

2013-08-01 (01:19:52PM)

طيب هل فى اكسسوارات للـ Scribe HD !! ؟

ask82

2013-08-01 (09:10:27AM)

موجود من زمان مع الإسكرين بروتيكتور

draboeyad

2013-08-01 (04:48:03AM)

997d جرابه موجود؟

بدون عنوان

بواسطة: mahmoud75

ارجو الرد لو البطارية ضعفت ازاى تتغير ؟

2013-07-31 (06:56:18PM) / ردود 1

اضف رد

ahmrd33470

2013-07-31 (07:13:01PM)

ماتخفش من الموضوع دة انت معاك الضمان 12 شهر وتليفونات كتير معمولة بطارية داخلية مثل الايفون بجميع انواع ونوكيا n8 وجميع التابليت السامسونج وماسمعناش اي مشكلة وبيبقي في التليفونات دية خاصية لو دوست علي زر الباور كثير وهو الجهاز مفتوح اكنك شيلت البطارية

بدون عنوان

بواسطة: AliAfify

الكلام اللى فى الفيديو ده بخصوص MediaTek MT6577 Performance Review حقيقى ولا إشتغاله ؟

يا ريت اهل الخبرة يفتونا فى الموضوع ده !

2013-07-30 (10:34:10PM) / ردود 0

اضف رد

بدون عنوان

بواسطة: mahmoud75

السلام عليكم ورحمة الله و كل عام و انتم بخير الصراحة الجهاز جميل جدا و عاجبنى بس بصراحة فى حاجة قلقانى و هى البطارية انها جزء من الموبايل ياريت حد يفيدنى لو البطارية ضعفت وانا اشتريت الموبايل ده ايه اللى ممكن يتعمل وشكرا لانى لو لاقيت مشكلة فى موضوع البطارية ده هاشترى lg ii 715

2013-07-30 (08:33:17PM) / ردود 0

اضف رد

بدون عنوان

بواسطة: mahmoudelmahdy93

ياجماعة انا محتار جدا بين الاجهزة دي ياريت تساعدوني بحكم خبرتكم

Sony

Xperia U

Xperia J

Xperia Go

Lg Optimus

L7 p700

L5 II dual E55

Black p970

3D p920

Samsung galaxy
S Dous

Wonder

Nokia
Lumia 520

Etisalat E11

Alcatel
X pop

Star

997D

2013-07-30 (05:26:55PM) / ردود 3

اضف رد

ask82

2013-07-31 (12:14:41PM)

997دى او اكس بوب...متقارنش بالطريقة دى تانى :)

draboeyad

2013-07-30 (08:29:16PM)

اللي محتار بيبقي محتار بين موديلين تلاته بالكتير. مش السوق كله ........قول احتياجاتك ايه في الموبيل وفلوسك اد ايه

AliAfify

2013-07-30 (07:35:27PM)

يعنى حضرتك مجبتش سيرة التليفون اللى انتا ناشر على صفحته !! الناس هتفيدك إزاى وليه !! ؟

بدون عنوان

بواسطة: علاءالدين

الحمد لله اشتريت الموبايل النهارده وشكرا لجميع الاعضاء اللى ارشدونى ونصحونى واتمنى انى اقدر افيد الجميع وهجربه واقول على تجربتى وتقييمى للجهاز في اقرب وقت ان شاء الله ... وعلى فكره الجهاز لونه اسود وماشاء الله لونه فخم جدا

2013-07-27 (09:09:24PM) / ردود 18

اضف رد

AliAfify

2013-07-31 (10:31:45PM)

شكرا يا شباب ومنتظرين منكم تقييم وافى وشارح للموبايل ككل , على فكرة أنا مش قلقان من موضوع البطارية إنها بيلت إن , تقريبا معظم منتجات HTC و Apple وماركات تانية بتعمل بطاريات بيلت إن , ومعظم الناس متفهمه النقطة دى .. لكن إحنا بنتكلم عن أداء البطارية وقوة تحملها وإنها بعون الله هتعيش مع الجهاز , وبعدين طالما فى ضمان يبقى مفيش قلق قوى .
محدش رد بخصوص الخطين وهل زى ما سألت : عن الخطين بيشتغلوا مع بعض , ولا لأ ؟ يعنى لو هشغل خط داتا وخط مكالمات , لو أنا على النت مثلا من خط الداتا وجالى مكالمة على خط المكالمات هتوصل ولا هيكون غير متاح أو مشغول !!
كده بقى الموضوع أصبح محير وشبه معقد .. الفكرة اللى الجهاز مبنى عليها ( الإسكريب نوت ) لا تدعم اللغة العربية !! طيب هل فيه أوبشن تعديل الصور ( يعنى لو نزلت على الموبايل صور مصورها بكاميرا ديجيتال وحابب أعمل عليها رتوش وفوتو شوب زى النوت كده ) وملفات الأوفيس والحاجات دى ؟
الظاهر كده إنها هترسى إن حد من الشباب اللى معاه الجهاز هيعزم إدارة وزوار الموقع على الفطار فى يوم ويشرح لنا الجهاز ويخلينا نشوفه بنفسنا :) LOL

علاءالدين

2013-07-31 (06:55:50PM)

استاذ على كل سنه وحضرتك طيب بالنسبه للكاميرا انا قولت اداءها متوسط علشان الناس اللى بتحب التصوير وانا لما قولت كده كان على اساس مقارنتها بسونى اكسبيريا مينى برو اللى كانت معايا لكن الكام مش سيئه ولا حاجه لكن متنتظرش منها الاداء الباهر زى كاميرات السونى او السامسونج لكن اداء البروسيسور ماشاء الله تمام والبطاريه لو اتصال فقط هتفضل معاك يومين كاملين اما موضوع لو البطاريه ضعفت اغيرها ازاى فده موضوع بعيد جدا عن الواقع لان الموبايل لسه جديد ومعتقدش انى اقدر افيدك في الموضوع ده وعلى فكره موضوع البطاريه البلت ان بقى موجود في اغلب المنتجات زى اللاب توب والموبايل يعنى دى مش حاجه جديده والاسكريب نوت لاتدعم اللغه العربيه للأسف

ask82

2013-07-31 (12:28:15PM)

AliAfify,ان شاء الله سأكتب المزيد لاحقا.

ask82

2013-07-31 (12:27:28PM)

AliAfify,مش عارف افيدك عشان مستعملتوش لسة.. :) بتفرج عليه بس :) :)...بس حاقولك فى الكاميرا و البروسيسور عشان دول عملت عليهم فحص و البطارية كمان...البروسيسور متفوق و ينفع يبقى الداتا و الصوت SIMULTANEOUS يعنى مش يشوشوا على بعض..البطارية ممتازة عشان طاقتها و ده اولا و ثانيا عشان الكواد كور بتاع الموبايل مبنى على كورتيكس A7 يعنى انا بقول عليه A9 بدون سخونة و عيوب الA9.الكاميرا كسوفت وير متفوقة اما كهاردوير من حيث algorithms and fine tunning و عدم وجود image stablization يعنى بتضايقك لإنها يعنى لو حطوها زى الجالاكسى جراند او اس 3 كان الموبايل ده ممكن يعنى يقارن بالإس4 و الإكسبيريا زد و htc one بدون مبالغة بس للأسف الشركة قررت توحد الشيبسيتس و الكاميرا حتى التصميم الخلفى انها بارزة تقريبا بقى موحد و ده مش عيب بس يا ريت يغيروا كل ما يتعلق بالكاميرا.بس هى مش وحشة...مش عارف اشرحلك.يعنى لو الموبايل ده دول كور و رامات 512 و نفس الكاميرا و سألتنى كنت حاقولك من اسوأ الكاميرات و انها عاملة زى كاميرات الهاى كوبى بس الباقة كلها على بعضها تفوق سعرها...يعنى مش حتندم الا لو بتشتغل فى التصوير الإحترافى و غالبا ساعاتها برده مش حتشتكى عشان حتكون عارف اواى تتعامل بدون image stabilization و كدا...بالنسبة للتعرف على خط الإيد...فى برنامج جواه و ده اللى جربته الى الأن هو سكرايب كالكوليتور و هو بيتعرف على معادلات رياشية تكتب بخط الأيد...لما استكشفه سأكتب المزيد عنه بس الى الأن انطباعاتى جيدة

AliAfify

2013-07-31 (10:07:35AM)

أستاذ علاء .. أستاذ محمد ( ask82 ) وكل الناس الموجوده .. كل عام وأنتم بخير ومبروك عليكم الجهاز .. أفيدونا فى موضوع الكاميرا أكتر لو سمحتوا أستاذ علاء بيقول أدائها متوسط جدا ( سيئة يعنى ) !! ؟ويا ترى إيه مشكلتها بالظبط ؟ هل علشان مفيش image stabilization ولا camera sensor size ( حجم مستشعر الكاميرا ) صغير أو ضعيف !! ؟ وهل أداء الجهاز عموما وبالأخص مع MediaTek كويس ولا لأ ؟ وهل فعلا نفس فكرة النوت 2 ؟ وبالنسبة للتعرف على خط اليد وكل أوبشن النوت ( بيدعم وبيعرف يقرأ اللغة العربية ولا لأ ) ؟ طبعا إحنا عارفين إننا بنتكلم عن موبايل بيبدأ من 2450 جنيه .. يعنى نص تمن النوت 2 تقريبا , لكن برضه الرقم من قليل خالص , وممكن يجيب موبايل محترم جدا بإمكانيات وأوبشن محترم برضه ... أما بالنسبة للبطارية فهل ممكن لا قدر الله لو قابلتنا مشكلة فى المستقبل سواء كنت فى الضمان أو خارجه بالنسبة للبطارية لو إستدعى تغيرها هيكون إيه الوضع , وعن الخطين بيشتغلوا مع بعض , ولا لأ ؟ يعنى لو هشغل خط داتا وخط مكالمات , لو أنا على النت مثلا من خط الداتا وجالى مكالمة على خط المكالمات هتوصل ولا هيكون غير متاح أو مشغول !!
على فكره دى تقريبا الأسئلة اللى بتدور فى دماغ كل اللى بيزور الصفحة وعايز يشترى الموبايل , مش أنا بس :) فياريت متبخلوش علينا بخبرتكم مع الجهاز , هو الجهاز محترم وجميل لكل اللى بيشوف صوره أو فيديوهاته أو اللى بيشوفه على موقع ألكاتيل

هينبهر بيه فعلا , ويمكن انا وضحت ده للأستاذ / محمد ( ask82 ) فى الرسائل الخاصة .
عموما شكرا جزيلا وأسف على إزعاجكم و وأتمنى من حضراتكم مزيدا من التواصل والتعاون .. شكرا

ask82

2013-07-31 (05:04:06AM)

علاءالدين,انا برده جبت لزقة حماية بتاعت الجراند بس شلتها لردائتها و قررت انى استعمل الموبايل بدون لزقة...ناس كتير عايشة كده...أهم حاجة ميطحتش مع مفاتيح.و كدة كدة صعب ده يحصل نظرا لحجم الموبايل.

علاءالدين

2013-07-31 (12:39:02AM)

kokomozz الله يبارك في حضرتك بالنسبه للبطاريه هى بلت ان في الجهاز اما اللى عايز يشتريه علشان التصوير فانا منصحوش بيه على الرغم من انى كتبت قبل كده ان الكام ممتازه لكن اتضح انها متوسطه جدا يعنى لاتقارن بسونى اكسبيريا مينى برو اللى كان معايا اما عن اداء البطاريه استخدام نت على ال 3g والواى فاى مع بعض استمرت معايا حوالى 20 ساعه يعنى تقدر تقول ان البطاريه كويسه جدا ان شاء الله

kokomozz

2013-07-30 (11:18:08PM)

الف مبروووك
ممكن.تقولنا اخبار الكام ايه معاك وهل البطارية كويسة ولا لا؟؟؟؟و
وهل البطارية جزء من الفون زي الايفون كده ولا بتتشال وتتحط زي اي موبيل
وشكرا ليك وكل عام وانتم بخير

علاءالدين

2013-07-30 (05:13:15PM)

انا اشتريت Screen protection بتاعة الجراند بس للأسف مخلية شكل الشاشه وحش جدا مش عارف اشيلها ولا اخليها مع العلم ان نوع الشاشه dragon trail glass بتاعة الموبايل ضد الخدش واقوى من ال gorilla glass ايه رأيك يا ask82

ask82

2013-07-30 (06:35:01AM)

دى ثغرة كبيرة للغاية...يعنى دى تبقى مشكلة...بس ده يطمن انه الأخطاء البسيطة تحدث و عادى...عملت دراسة اكتشفت فيها ان اى جهاز نسبة العيوب الصناعية لا تقل بأى حال عن 2% و بالذات الموبايلات اللى بتبيع بأعداد كبيرة زى الموديل اللى معانا و الإس4 و الجراند و الإس 3 و حتى السونى...الأيفون...الحمدلله و مبروك و استمتع بيه :)

علاءالدين

2013-07-30 (05:21:35AM)

صورت حسب كلامك بالظبط ومفيش اى dead pixel والحمد لله وده رابط الفيديو اللى فيه المراجعه وتحديدا الدقيقه 3.34

ask82

2013-07-30 (05:01:37AM)

طيب حلو..مافيهوش led أمامى...عايزك بس بالمرة تصور صورة سوداء بدون فلاش حط ايدك و غطى الكاميرا بإيدك و صور و خش على الجالايرى و اعمل زووم و دور على نقط سواء ملونة غير الخلفية السوداء و صور بعدين صورة بيضاء بطريقة شغل الفلاش و غطى ايدك حتلاقى مايلة للأحمر و اعمل فحص عن نقط سوداء فى الخلفية...لو مافيش يبقى كدا كله تمام و اسعمل الموبايل براحتك...ادينى رابط للمراجعة اللى فيها الجهاو فيه فرق فى الشاسيه...مبروك :)

علاءالدين

2013-07-30 (03:39:59AM)

اشكرك على الاهتمام والرد واحب اعرفك انى نزلت فيديو مراجعه للموبايل ولاحظت لما اللى كان بيعمل المراجعه بيدور الجهاز وجه عند منفذ ال usb وقفت الفيديو على شاشه اللاب وقارنت الموبايل اللى معايا باللى موجود في الفيديو لاقيت مفيش مقارنه اللى معايا الفرق مش وضح نهائى غير لما تضغط عليه لكن التانى كان واضح للعين بس معلش ليا استفسار اخير الموبايل مفيهوش ليد امامى للأشعارات ولا فيه واللى جالى مش شغال

ask82

2013-07-29 (07:43:30PM)

ده نفس القصة اللى كانت معايا.براحتك تأثيرها ضعيف و لما بدلت الوحدة الى معايا خدت واحدة فيها dead pixel...اللى اقصده لو هى دى المشكلة و فعلا مش مضايقاك يقى خلاص..لا تضغط عليها...هى عشان لونه اسود قاتم فموظفى و مسؤولى الجودة مش بياخدوا بالهم..كان معايا سامسونج اس4 و رجعته بسبب مشاكل فى التقفيل كله و تجاريح...انا بس عايز اقولك لو الفتحة دى صعب تدخل مياه او تراب يبقى خليه اما اذا ممكن تدخل مياه او تراب..رجعه...براحتك...بس من تجربتى السابقة...يعنى مفيش ضمان للجديد ايه اللى حيبقى فيه...براحتك.بس بلاش تضغط على الشاسيه.

علاءالدين

2013-07-29 (03:56:29PM)

ask82 الله يبارك فيك بس عايز اخد رأيك في حاجه .الجهاز من ناحية usb مش مطبع على بعضه بنسبة 100% وتحديدا بين ال usb ومنفذ الشرائح يعنى مسافه بسيطه جدا ومش باينه غير لما تضغط عليها قوى بايدك ..مش عارف ابدله ولا لأ

ask82

2013-07-29 (05:58:39AM)

مبروك مبروك :)

علاءالدين

2013-07-28 (10:21:46PM)

السلام عليكم الجهاز سعره 2450 من محل 888 فرع العاشر من رمضان وعلى فكره انا اتصلت بواحد صاحبى في العاشر وهو اللى نزل اشتراه وكان موهوم لما شافه لانه معاه lg -l7 لحد دلوقت الجهاز بسم الله ماشاء الله تمام بس علا كانت بتقول ان صوته واطى وانا مش شايف انه واطى والصوت نقى جدا وتصوير الكاميرا تمام حتى في الاماكن المظلمه تماما لأنى كان معايا اكسبيريا مينى برو والصراحه لا يوجد وجه للمقارنه بين الجهازين حتى الان ...من وجهه نظرى

ElMohanad

2013-07-28 (05:47:04PM)

ياترى سعره وصل كام وفين

بدون عنوان

بواسطة: Mexx

انا بصراحه جالى هديه بس انا مش محتاجه ومعه ضمان رزق الله وكل حاجه لسه فى الكيس
وكنت عايز ابيعه على 22250
التليفون كويس جدا وسرع فى كل التطبيقات والشاشه كمان مساعده جدا بصراحه التليفون كويس جدا بس انا مش محتاجه
وده تليفونى 01063550184

2013-07-27 (01:23:46AM) / ردود 2

اضف رد

wahba1800

2013-07-27 (04:56:45PM)

معاه فاتورة ولا لا يا باشا وفاتورة ضريبية ولا عادية؟

Mexx

2013-07-27 (01:24:25AM)

sorry 2250

الموبايلات

سعر و مواصفات Alcatel One Touch Scribe HD

Android

5.0″

3G

8 MP, 32...

GB RAM

2500mAh

موصفات Alcatel One Touch Scribe HD

التسجيل بالموقع

دخول الاعضاء

مواضيع مميزة عن موبايل Alcatel One Touch Scribe HD

مواضيع و اراء عن Alcatel One Touch Scribe HD