هذا الموضوع مرتبط بـ One Touch Scribe HD

بدون عنوان

eyyad1976

2013-08-06 (02:37:12PM)

السلام عليكم
انا النهاردة وصلني جهاز ال idol X اخويا بعتهولي من التشيك
الجهاز ممتاز تقريبا نفس حجم ال scribe hd اكبر حاجات بسيطه
الجهاز خطين و مفيش منفذ لكرت ميموري و مساحة التخزين الداخلية 16 مع رام 2 و معالج 1.5 رباعي النواة . الشاشة 5 انش و ممتازة الوانها طبيعيه جدا
زراير التحكم زي الهوم و الباك مش على الشاشة نفسها زي ال scribe hd , هي موجودة تحت الشاشة يعني زي السامسونج
منفذ اليو اس بي مكانة من تحت
الكاميرا الامامية 13 و دي حكاية ... التصوير الثابت ممتاز حتي في الاضائة الضعيفة و في اوضاع تصوير كتير جدا تصوير الفيديو رائع الكاميرا الامامية من احسن الكاميرات الامامية اللي شوفتها
واجه التشغيل تقريبا نفس ال scribe HD بس حاطين كام برنامج جديد و كام لعبة جديدة
صوت الجهاز ممتاز و واضح
بالنسبة للبطارية انا لسه بشحنها ,, يعني مش هقدر احكم عليها
لحد دلوقتي الجاز مفهوش اي مشاكل و لا سخونة
العيب الوحيد الجهاز لونه اخضر ودي غلطة اخويا هههه
انشاء الله بجرب الجهاز اكتر و ابلغكم

AliAfify

2013-08-07 (08:33:04PM)

شكرا جزيلا أخى الفاضل , وكل عام وحضرتك وكل الساده أعضاء وإدارة الموقع بخير بمناسبة عيد الفطر المبارك أعاده الله علينا جميعا بالخير واليمن والبركات , وربنا يبارك لك فى التليفون يا رب .

eyyad1976

2013-08-07 (04:35:27PM)

الله يبارك فيك اخي الكريم
نعم الجهاز لونه اخضر
و الكاميرا فعلا زي ال s4 , sony Z و تتفوق علهم في حاجات كتير
الجهاز معه flip cover و سكرين بروتكتور و راس الشاحن و يو اس بي و السماعة

AliAfify

2013-08-07 (04:25:27PM)

واضح يا أستاذ eyyad1976 إن فى ألوان كتير مش الأخضر بس :)

AliAfify

2013-08-07 (03:22:19PM)

ألف مبروك يا أستاذ eyyad1976 : كلامك عن جهاز idol X جميل ومشوق , وبجد شوقتنا كلنا ليه , ويا رب يفوق توقعى لأنى قلت قبل كده إن ممكن جهاز LG Optimus G E975 وجهاز Huawei Ascend P6 يكونوا أقوى منه .
بس فى كام ملاحظة لو حضرتك تسمح :
حضرتك قلت إن الموبايل اللى مع حضرتك لونه أخضر ! فى وقت إن شركة ألكاتيل على موقعها مش جايبه سيرة اللون الأخضر خالص !! وبتقول إنه نازل بتلات الوان ( Slate .. Flash+Red .. Flash+Yellow ) يعنى أصفر لامع وأحمر لامع ودرجة من درجات الرمادى ! ( Slate : اللون الرمادي للأردواز صخر يستخدم لتسقيف المنازل ) .
بالنسبة لأداء الكاميرا :: حضرتك قلت : انا قارنتها مع تيليفونات ال sony Z , samsung s4
احسن من السوني في الاضائة المنخفضة و احسن من السامسونج في الفيديو
يعنى معنى كده إنها فى نفس أداء ومستوى كاميرا samsung s4 و sony Z وكمان بتتميز عنهم فى الإضائه المنخفضة والفيديو ولا إيه بالظبط ؟
وحضرتك قلت إن مع التليفون جراب زى بتاع الـ s4 هل اللى هوه S-View Flip Cover Folio Case ؟ زى ده

eyyad1976

2013-08-07 (03:43:35AM)

بالنسبة للسعر مش عارف عشان اخويا هو اللي جابه ... بس ماظنش انه اخويا يدفع اكتر من 3
الاف... اخويا وانا عارفه .. ههههه ... اكيد بهزر
ايوة الجهاز معه جراب زي بتاع ال s4 و screen protector
و انا جربت عليه games تقيل و اداء الجهاز ممتاز و الحمد لله مفيش تهنيج و لا حرارة
و بشغل كذا برنامج و العاب و اسيبهم شغالين و الجهاز مفهوش اي مشاكل
الرام ال 2 جيجا و المعالج ال 1.5 رباعي النواة بيدو اداء ممتاز
الجهاز سلس جدا و الواجه قريبة من ال scribe hd بس فيها 3d لما تعمل scroll
الحاجة اللي مش عاجباني لون الجهاز بس الحمد لله الجراب اسود مغطي اللون
و اليطارية مش قوية اوي و موضوع انه مفيش منفذ لكرت الميموري
بس مش مشكلة لا زم في الاول تاخد كذا دورة شحن عشان يبان اداء البطارية الحقيقي
الصوت عالي جدا وواضح في ال speaker و في السماعة
بالنسبه لمشغل بتاع الالكاتيل الموسيقى فيه اكولايزر و كام اوبشن مش زي ال scribe
و مع ال hands free الصوت رائع و نقي جدا
الفيديو بيدعم تقريبا كل الامتدادات
و مشاهدة الفيدو عليه متعه... في اوبشن انك ممكن تاخد snapshot
الشاشه فعلا مبهرة , و حساسيه الشاشه في ال touch قوية جدا
ممكن تلمس الشاشة و انت لابس جوانتي ( اظن نوكيا عاملتها من زمان )
الكاميرا الخلفية فيها options كتيييييييير و سريعة جدا و الفلاش هو طبعا led light بس قوي و واضح انا قارنتها مع تيليفونات ال sony Z , samsung s4
احسن من السوني في الاضائة المنخفضة و احسن من السامسونج في الفيديو
الكاميرا الاماميه ممتازه جدا جدا حتى في الضوء الضعيف
ال gps سريع جدا في التقاط الاقمار و بيحدد المكان بدقة
نصيحة للجميع : الجهاز ده رائع و اللي عاوز يشتري تيليفون يستنى لما ينزل idol X مصر
و في اعتقادي الشخصي مش حيزيد سعره عن 3000 - 3200 جينه
بس للامانة حتى لو ب 3200 يستاهل كل قرش
و عيد سعيد انشاء الله للجميع
ملاحظة انا بيعت ال scribe HD الناهردة الحمد لله

lakana

2013-08-06 (10:17:42PM)

ايدول اكس سعره كام بره يا برنسسسسسسسس؟

a7mad7amza

2013-08-06 (10:12:37PM)

طبعا الوكيل عندنا هيعمل الصح ويشيل الجراب :)
هو انت متاكد ان اللى معاك الكاتيل مش الاصدار بتاع الشركه المصنعه tcl لان الكاتيل مش كاتبه على الموقع الرسمى ان نازل معاه جراب ال tcl هو اللى بينزل معاه جراب ممغنط ؟

wahba1800

2013-08-06 (07:33:22PM)

اه هو فعلا مكتوب النسخة ام شريحتين مفيهاش مكان لكارت ميمورى ام شريحة واحدة فيها مكان لكارت
MicroSD Card : up to 32GB / no MicroSD card for dual SIM version

eyyad1976

2013-08-06 (04:51:41PM)

الله يبارك فيك
الجهاز اللي معي من غير منفذ كارت ذاكرة
ممكن اللي بخط واحد و ذاكرة داخلية 8 جيجا هو اللي فيه منفذ لكروت الذاكرة
بس تقريبا اللي بخط واحد الكاميرا بتكون 8
عموما
الجهاز جاي معه جراب زي بتاع السامسونج اس 4
و معاي سكرن برتكتور انا لسه ماركبتهاش
و في led notification

wahba1800

2013-08-06 (04:41:45PM)

هو مفيهوش مكان كارت ميمورى ؟؟؟؟؟؟؟؟؟؟ عشان مكتوب فى السايت ان المفروض فيه مكان لكارت ميمورى

a7mad7amza

2013-08-06 (03:27:19PM)

الف مبرووووووووووووووووووووووووووووووك وعقبالنا :)

eyyad1976

2013-08-06 (02:42:58PM)

الله يبارك فيك

ask82

2013-08-06 (02:40:57PM)

مبروووك :) الف مبروك

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Alcatel One Touch Scribe HD

مقارنة

Android
5.0″

5.0 بوصة
3G

2G / 3G
8 MP, 32...
2500mAh

Li-Po 2500 mAh قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Alcatel One Touch Scribe HD

Android

5.0″

3G

8 MP, 32...

2500mAh