هذا الموضوع مرتبط بـ One Touch Scribe HD

بدون عنوان

AliAfify

2013-08-04 (05:22:31PM)

أنا شايف إن الناس بتبالغ شوية بإعجابها بجهاز Alcatel One Touch Idol X !! مواصفاته كويسه مش وحشه .. بس أنا شايف جهاز LG Optimus G E975 أفضل منه بمراحل زائد إنه بالفعل متوفر فى السوق وسعره 3600 جنيه بس !! ودى مقارنة بينهم

.
وشايف برضه إن جهاز Huawei Ascend P6 أفضل وشايفه كويس جدا وسعره هيكون أقل من 3000 جنيه ودى مقارنة بينه وبين Alcatel One Touch Idol X

ahmedaliyossef2010

2013-08-06 (03:57:13AM)

مش فاهم ايه المشكلة في سامسونج برضه مهي بتستخدم نفس العدسات بتاعت سوني Exmor برضه بل انها كمان بتقدر تخليه يقدم اداء أفضل من سوني علشان السوفت وير

htc قدمت تقنية جديدة و هي مش تقنية بتزود الجودة دي تقنية بتزود حجم البكسل ذات نفسه بالاضافة كمان لعدسة واسعة علشان تساعد أكتر في التصوير الليلي مش معنى كدة انها أفضل من الباقي ده برضه مقدمتش حاجة أحسن من 13 ميجا قي الاس 4 و لا حتى 8 ميجا في الآيفون 5 عملت تحسن في أداء التصوير الليلي بس

نوكيا بتستخدم عدسات carl zeiss لكن برضه في ناحية التفاصيل مقدمتش حاجة قوية " بتكلم على الكاميرا 8 ميجا " لكن في التصوير الليلي هي طبعا متفوقة

و بالنسبة لموضوع ال جي و الكاتيل فأنا مقصدتش حضرتك حصلت غلطة مني و معملتش فاصل ما بين الكلام أنا كنت أقصد أرد على الأساتذة اللي علقوا فوق على البوست

و على العموم فرق الكفائة خصوصا في الألعاب من رأيي هيبقى كبير نسبيا لصالح ال جي علشان فرق البكسلات اللي بتدار و كمان فرق قوة المعالجين

ask82

2013-08-06 (03:31:04AM)

ahmedaliyossef2010,لم أقل ان الإس4 زى الLG>>ما ذكرته انه مافيش فرق يعنى فى الحياة العملية مش فرق جزرى و سونى و نوكيا و HTC مختلفين عشان نوكيا بتستعمل عدسان مميزة من المانيا زائد انه اشترت شركة كل شغله برامج كاميرات اما سونى فهى معروفة ب EXMOR سينسور و عندها خبرة طويلة بسبب موديلات سايبر شوت ما HTC عشان موبايلاتها الحديثة بتستعمل ULTRAPIXEL تقنية متطورة تزيد وضوح الصورة و الإضاءة اللى داخلة على السينسور زائد حجم السينسور..ده مش موجود فى الإس4 ولا LG ولا الكاتيل يبقى نوكيا و SONY و HTC استثناء و الباقى مافيش فرق...انا ام اقل ان كاميرا الألكاتيل افضل من LG لإنه الألكاتيل لسة منزلش يبقى مقدرش احكم عليه بس السوفت وير كاليبريشن بتاع الألكاتيل فى موديل ال13 ميجابيكسل حيبقى متميز عشان الموديل اللى مستخدم اصلا هو حيبقى الستاندارد الجديد لكل موبايلات الصين ما عدا HUAWEI بمعنى انه مورد الكاميرا ال13 حيدى نصائح بخصوص الكاليبراشن جاهزة عشان مصانه تحت بير السلم معندهاش معامل ابحاث و تطوير و المقصود اصلا وراء بروسيسور ميديا تك رباعى النواة و الحلول الصينية الكوبى و TCL خلافه اغراق السوق العالمى حتى تُفلس و تضعف الشركات الضخمة و فجأة حتلاقى TCL بتشترى ماركات اصغر عشان تزود القدرة الإنتاجية لمنتاجاتها و تبقى كاركة ضخمة و هواوى و ZTE>>>انها خطة تايوان-الصين للسيطرة على صناعة السيمى كونداكتور فى العالم.قصة طويلة اختصارها انه لو الألكاتيل نزل ارخص 800 جنيه من LG حيبقى أحسن منه عشان بيفور نفس الحل و كفائة مشابهة بسعر اقل مع تصميم اجود و شاشة اكبر..دى مافيهاش كلام لإنه فى النهاية LG و الكاتيل و غيره ماركات عاديو مش ايقونية زى ابل و سامسونج...يعنى اللى كل ما كان ارخص و بيعمل نفس الشغل يبقى يكسب...بس كدة :)

ahmedaliyossef2010

2013-08-05 (08:49:11PM)

أنا مختلف شوية مع حضرتك يا أستاذ ask82 في موضوع الكاميرات مفيش حاجة اسمها كل الكاميرات زي بعضها ما عدا htc و نوكيا و سوني

و حضرتك قولت ان Galaxy s4 و Lg optimus g كاميراتهم زي بعض و طبعا ده مش صحيح ممكن تشوف المقارنة بينهم من هنا

الموضوع مش موضوع ميجا بكسل و عدسات و الكلام ده بس في برضه جزء مهم و هو السوفت وير
اللي هو Camera calibration يعني كل شركة بتظبط الألوان و محاولة الوصول لأوضح تفاصيل و غيرهم دي برضه حاجة مهمة

و انا رأيي الشخصي ان lg optimus g هو الأفضل لأنه المعالج بتاعه أقوى بفرق واضح و معالج الرسوميات أقوى بشكل واضح " لأن المعالج في one ttouch idol x بيدير عدد بكسلات أكبر "

بالاضافة لان الفرق في وضوح الشاشة مش هيبقى ملحوظ أوي لأن العين مش بتشوف فوق 300 بكسل لكل انش الأهم هيبقى الألوان

بالاضافة لان اعتقادي ان الكاميرا مش هتبقى أفضل و لا حاجة من ال جي

ask82

2013-08-05 (01:50:40AM)

طبعا بروسيسور كوالكوم سناب دراجون. S4 رباعى النواة كريت افضل من ميديا تك بس و كارت الشاشة ادرينو بردو افضل من باور فى ار بس افضل باد ايه..يعنى فى الاستخدام العملى مش حيبقى فيه فرق ملاحظ و هنا بتيجى ميزة الاكاتيل انه استثمر فى المكونات اللى بتفرق فعليا زى جودة الشاشة ووضوحها و حجمها و التصمين و الخانات و الكانيرا عادى كله بقى فيه ايزو و مادام 13 ميجا بيكسل تبقى لازم فيه image stablization عشاندى مواصفة قياسية فى موديل الكاميرا و اظن انه لا فرق بين الإس 4 و ال LG و الالكاتيل ايدول اكس فى جودة التوير..نوكيا هى المتفوقة و معاها سونى و HTC..غير كدا الكاميرات تكاد تكون متطابقة...ولا ايه :)

kokomozz

2013-08-05 (01:49:24AM)

ههههههههه
حلوة استاذ merobig

merobig

2013-08-05 (01:28:01AM)

kokomozz

انت بتقول : " مع العلم اني لا انحاز لالكاتيل ولا انا تاجر ولا من الضمان ولا بعملو دعاية بس الموضوع احقاقا للحق مش اكتر"
يبقى انت اخوان :)

kokomozz

2013-08-04 (09:18:41PM)

السلام عليكم
والله يا أستاذ AliAfify انا حاولت اوضح معلومة مهمة جدااا ممكن تكون مش واخد بالك منها موضوع العدسة نفسهاوخامتها وجودتها وانا أأكد ليك ان العدسة دي قرب عدسة جهاز Total Station الجهاز ده بيرفع المساحات وبيحدد مناسيب النقط يعني لازم يكون فيه دقة متناهية في الدقة
وشكرا ليك استاذ AliAfify
مع العلم اني لا انحاز لالكاتيل ولا انا تاجر ولا من الضمان ولا بعملو دعاية بس الموضوع احقاقا للحق مش اكتر
وشكرا

AliAfify

2013-08-04 (08:42:54PM)

إزاى بس يا شباب !! ؟ عايزين تقنعونى إن الـ CPU الموجود فى Idol X افضل من اللى فى G E975 واللى هوه Quad-core 1.5 GHz Krait !! مش معقول طبعا , وإن الـ GPU الموجود فى Idol X أفضل من اللى موجود فى G E975 واللى هوه Adreno 320 !! مش معقول خالص .. ممكن إمكانيات Huawei Ascend P6 تكون قريبة آه من Idol X .. لكن LG Optimus G E975 أعتقد لأ .
ما يميز Idol X عنهم جميعا حجم ونوع الشاشة 1080 x 1920 pixels, 5.0 inches (~441 ppi pixel density) , وكونه بخطين فقط لا غير .
أما بالنسبة للكاميرا مش عدد الميجا بكسل اللى أحكم بيه على كفائة الكاميرا والتصوير .. يخضع للموضوع ده حجم مستشعر الكاميرا وفتحة العدسة وإذا كان فيه image stabilization مثلا .
كون الـ Idol X هيستخدم عدسة Fujinon من شركة فوجى , ده لوحده مش كفاية .. يعنى زى إنك تشترى قماشة نضيفه جدا وتقول مش مشكلة إن الترزى يكون بيعرف يفصل أو لأ لأن القماشة اللى معايه كويسه !!
طبعا أنا بتكلم عن جزئية التصوير اللى بفهم فيها شوية أكتر من الموبايلات ومن كون برضه إن معايه كاميرا فوجى

a7mad7amza

2013-08-04 (07:46:27PM)

استاذ AliAfify جهاز Alcatel One Touch Idol X يتفوق على الاتنين اللى انت ذكرتهم فى
1 - حجم الشاشه اكبر منهم
2- الرزليوشن اعلى منهم لكونه 441 ppi
3 - بخطين
4- سعره ارخص
بالاضافه الى انه اعلى من LG Optimus G E975 فى الكام الاماميه
واعلى من Huawei Ascend P6 فى الكام الخلفيه

kokomozz

2013-08-04 (07:26:30PM)

السلام عليكم
بالاضافة كمان الي كلام الاستاذ wahba 1800
ان اول مرة تحصل في موبيل انهن يفكروا في مادة عدسة الكاميرا مش مجرد خصائص تصوير زي مثلا تصوير ليلي وتثبيت الصورة اثناء الالتقاط لا لا لا ده موضوع تاااااني خااااالص
بص يا باشا لو فرضنا انك لابس نضارة زجاج صيني تختلف عن نضارة زجاج ايطالي تختلف عن ايطالي مضغوط تختلف عن اسباني وهكذاااااا..... مش مجرد فلوس وخلااص لا برضو بس الموضوع جودة الرؤية ورؤية الاشياء الدقيقة بجودة ووضوح لان كل ما خامة العدسة تتحسن كل ما يختلف البعد البؤري للعدسة ومكان رأس المنشور الخاص بالرؤية
مثلا لو لبست نضارة عدساتها رديئة بتلاقي عينيك تزغلل نفس الفكرة اللي قدروا يفكروا فيها شركة الكاتيل

wahba1800

2013-08-04 (06:21:02PM)

بص يا باشا اول حاجة شاشة الالكاتيل دى احسن بكتير والريزلوشين اعلى بمراحل واعلى كمان من النوت 2 والاس 4
تانى حاجة ال LG مفيهوش مكان لكارت ميمورى ودا عيب
وبقية الحاجات زى بعض تقريبا بس دا ان الالكاتيل احسن
وبالنسبة للهواوى
الالكاتيل شاشته احس برضه وريزلوشين اعلى
مساحة داخلية اكبر
كاميرا اعلى
بس دى الفروق فالنهاية الالكاتيل احسن ولو بحاجات طفيفة بس هو اعلى من الاتنين اللى حضرتك قايل عليهم :)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Alcatel One Touch Scribe HD

مقارنة

Android
5.0″

5.0 بوصة
3G

2G / 3G
8 MP, 32...
2500mAh

Li-Po 2500 mAh قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Alcatel One Touch Scribe HD

Android

5.0″

3G

8 MP, 32...

2500mAh