هذا الموضوع مرتبط بـ One Touch Idol Mini

بدون عنوان

waleedsunny

2013-11-26 (11:04:52AM)

السلام عليكم
إشتريت لواحد زميلى الكاتيل مينى وخدتوا معايا عشان أظبتهولوا وحملوا عليه حاجات من الواى فاى
وانا معايا الكاتيل IDOL 6030D ودى مقارنه مابين الاتنين من وجهة نظرى فقط
الكاتيل 6030
الرامات صافى 980 ميجا رام
نقاء ووضوح الشاشة محدش يتكلم فيه حوالى 90%
صوت المكالمات ممتاز وفيه خاصية تسجيل المكالمة
صوت النغمات مش عالى قوى - متوسط - لازم تحمل نغمات خارجية تكون عالية اصلا
البطارية بتقعد يومين مكالمات فقط ولو العاب وتحميل ونت ومكالمات يوم واحد - اقصى درجة حرارة اثناء الشحن مع التحميل من الواى فاى واللعب على الموبايل واثناء المكالمة 36
الكاميرا بالنهار 95% - وباليل 80%
الجهاز سريع جدا بنسبة 95%
معدل التهنيج حوالى 2%
المنبة بيشتغل وهو مقفول - ممكن تحديد لون لكل خط وتسميته كمان
جاب على برنامج an tu tu bencmark 8831

الكاتيل مينى
الرامات صافى 470 ميجا رام
الشاشة روعة وأفضل حاجة بسيطة جدا من ال 6030D - مش عارف إزاى
صوت المكالمات ممتاز وفيه خاصية تسجيل المكالمة
صوت النغمات يعتبر أعلى - ممكن تحمل نغمات خارجية تكون عالية اصلا حسب راحتك
البطارية بتقعد 3 أيام مكالمات فقط ولو العاب وتحميل ونت ومكالمات يوم ونص - اقصى درجة حرارة اثناء الشحن مع التحميل من الواى فاى واللعب على الموبايل واثناء المكالمة 38
الكاميرا بالنهار 90% - وباليل 70%
الجهاز سريع بنسبة 85%
معدل التهنيج حوالى 10%
المنبة بيشتغل وهو مقفول - ممكن تحديد لون لكل خط وتسميته كمان - وكمان حاجة جديدة إن بيظهرلك لون الخط اللى بيتم عليه الاتصال أما حد يتصل بيك
جاب على برنامج an tu tu bencmark 11021

الخلاصة المينى عبارة عن idol x صغير وقليل فى الامكانيات لكن السوفت وير واحد بالمللى
سعر المينى متبرشم 1200 ج
سعر ال 6030 1700 ج
سعر ال 6040 2700ج بخطين و ب 2175 خط واحد عند دريم 2000
حرام يدفع فى 6040 بخطين اكتر من 2300ج واللى هايستخدم المينى هايعرف كده كويس لانه نسخة مصغرة منه
والرأى ده عن استخدام فعلى لل 3 اجهزة مش عن طريق السمع
الخلاصة ماتخرجش عن 6030 أو 6012 - نصيحة لوجه الله

mohamedelkhateb

2013-11-27 (11:59:04AM)

لو سمحت هو مساحة الموبايل ده الداخليه 8 ولا 1.8
وشكراااااااااا

dir525

2013-11-27 (10:27:53AM)

عليكم السلام واشكرك جدا يا استاذ وليد شكرا جدا

waleedsunny

2013-11-27 (08:21:34AM)

السلام عليكم
الرامات بتاعته 470 ميجا رام
انا محمل برامج للتخلص من البرامج اللى شغاله من غير لازمة ودى معروفة ومشهوره جدا على الماركت بحيث ان صافى الرام دائما يبقى من 170 الى 200 ميجا رام
ال 6030 كان الصافى بيوصل من 550 الى 620 ميجا رام
مساحه الجهاز المينى الميمورى الداخلى 1.8 جيجا - والخارجى 3.8 جيجا
المساحة دى كافية جدا لواحد مالوش فى الالعاب الكبيرة - أسفلت 6 أو 7 حوالى 1.25 جيجا وريل ريسنج 3 مساحتها 1 جيجا وهكذا
لا حظت انى لما أخدته من زميلى ان البطارية كانت بتخلص بسرعه من الالعاب لكن النت والمكالمات استهلاك البطاريه عادى

dantrolene

2013-11-27 (04:08:49AM)

لو سمحت انا عايز اعرف 8 جيجا بس كافيه لسمارت فون ولا ايه ؟

dir525

2013-11-26 (10:00:43PM)

شكرا جزيلا ياباشا بس معلهش. هو عليه كام تطبيق كده صافي الرام كام بعد. مالسستم يسحب منها هو التطبيقات معلهش تعبك معابا

waleedsunny

2013-11-26 (01:55:54PM)

وهو والحمد لله شغال مع زميلى كويس جدا من غير اى تهنيج حصل معاه لانه بيستخدمه الاستخدام العادى لكن انا كنت بحمل عليه عشان لو فيه حاجه تظهر بسرعة

waleedsunny

2013-11-26 (01:49:19PM)

بص أنا مقصدتش التهنيج بمعنى ان الجهاز يوقف ولازم تدوس على زرار الباور لحد ما الجهاز يطفى وتشغله تانى - اللى حصل ان الجهاز قعدت مشغله وحطه على الشاحن ومشغل الواى فاى وبحمل واعمل ابديت للبرامج اللى عليه وبحمل برامج جديدة لمدة 5 ساعات متواصلة بصراحه طحنت امه عشان انا متعود اطحن الجهاز عند اول استخدام واراقب الحرارة وحاله الجهاز عامة عشان لاقدر الله لو فيه حاجه اقدر اغيره بسرعة - وهو هنج منى فى ال 5 ساعات شغل متواصل مرتين لمدة حوالى من 5 الى 10 ثوانى فا بدوس على زرار الباور دوسه وحده أكنى بقفل الشاشة وبعد كده بدوس دوسه واحده برضه فالتهنيج يروح والجهاز يشتغل عادى وده كان على حرارة 38
رأى ان الجهاز كويس جدا لواحد استخدامه للنت والمكالمات والالعاب الخفيفة عشان الرامات قليله واللى مساعد الجهاز ان البرسسور بتاعه يعتبر عالى عشان كده واخد رقم عالى 11021

نسيت اقول ان ال 6030 صافى المساحة 13 جيجا عبارة عن درايف واحد
لكن ال 6012 عبارة عن ذاكرة للتليفون 1.8 جيجا وذاكرة خارجية 3.7 جيجا معرفه على الجهاز انها كارت ميمورى وعشان كده اى برنامج بتحمله ممكن تنقله للكارت الخارجى اللى هو 3.7 جيجا
صدقنى الكاتيل بجد اصبحت منافس قوى واصبحت بتعمل ذى سامسونج من حيث اصدار اجهزة كتيرة تناسب جميع الفئات وباسعار اقل من سامسونج
وهانروح بعيد ليه الجهاز ده مواصفاته قريبه من جلاكسى كور وكان معايا وجاب رقم 6631 يعنى اقل بكتير من الكاتيل مينى وفعلا المينى اسرع منه بكتير
وارجع واقول لو حضرتك تقدر تزود 500ج وتجيب ال 6030 يكون افضل ولو مانفعش ده هايعجبك جدا ان شاء الله

dir525

2013-11-26 (12:02:10PM)

وبعدين دي اول مره هجيب الكاتل فقلان وخايف انى ارجع اندم تانى
بس هو بصراحه عجبنى جدا ف شياكته افيدونى يرحمكم الله

dir525

2013-11-26 (11:58:57AM)

باشا يعنى انت ايه رايك اتوكل ع الله واجيبه ولا بلاش انا اكتر حاجه مش بحبها التهنيج يعنى الواحد يستحمله ولا هيخنقنى وانا عارف انه راجع للرامه وانا معايا lg l7 وجد خنقنى مووووووووووووت من كتر التهنيج فانا خايف يكون زيه فانت ايه رايك انا عارف ان رامه 1جيجا افضل بس اقل حاجه 1جيجا عاليه شويه

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Alcatel One Touch Idol Mini

مقارنة

Android
4.3″

4.3 بوصة
3G

2G / 3G
5 MP, 25...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Alcatel One Touch Idol Mini

Android

4.3″

3G

5 MP, 25...