بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ One Touch Hero
للرجوع الي صفحة الرئيسية اضغط
هنا
نصيحة قبل ما تدفع 3000
تلك الخدمة مخصصة لاعضاء الموقع
معلومات سريعة عن Alcatel One Touch Hero
-
Android
-
6.0″
6.0 بوصة -
3G
2G / 3G -
13 MP, 4...
-
3400mAh
Li-Ion 3400 mAh, غير قابلة للازالة
انا كنت مستني الجهاز ده من 2013 اه والله .. وكل يوم كنت ادخل على النت واشوفه وصل مصر ولا لسه / المهم اول ما الجهاز نزل انا يمكن من اوائل الناس اللي اشتراه.. الجهاز شكله مميز اه لكن تصميم الـ 6 بوصه يخليك تنفر منه المهم هي في الاول والاخر اذواق.. الجهاز كان جاي معاه الموبايل الصغير و الجراب النوفيكيشن .
سوفت الجهاز زيه زي اي جهاز الكاتيل ارخص منه ماغيروش اي شئ في السوفت يعني كأنك شايل سكرايب او ايدول بس كبير شويه ومافيش اي مهام استثنائيه له حتى القلم اللي جاي معاه كأنه قلم من ابو عشرين جنيه اللي ممكن تشتريه لوحده لأي موبايل والله انا بتكلم بجد القلم مالوش اي وظيفه في الموبايل الا لو كنت زهقان من صوابعك تشتغل بالقلم الكاميرا سيئه جداً وفي تقييمي الايدول اكس كاميرته مع انها نفس القيمه بس احسن منه .. المهم انا اتخنقت جداً من الجهاز لاني فعلا كنت منتظره من زمان وماصدقت اجيبه وطلع بالسوء ده .
عملت بنشمارك للجهاز على AnTuTu تخيلو جهاز بالمواصفات اللي كان بيقولوا عليها دي و بالسعر ده والمفروض انه من فئه التابلت والمفروض انه بروسيسور 4 كور تخيلو جاب 15000 بالعافيه وكان في الرينك او الترتيب الـ S3 السامسونج اعلى منه
خلاصة القول اني حاولت كتير اني ما ابعش الجهاز واقنع نفسي بيه بأي طريقه لكن مافيش نتيجه وفي الاخر بيعته وخسرت فيه كتير اه والله ، وانا حبيت انصح الناس قبل ما تجيبه تفكر مره واتنين وعشرين ليه هتجيبه !؟ علشان القلم (( القلم زباله ومالوش اي لازمه)) البطاريه ماشي الى حد ماكويسه 3400 امبير لكن اقسى زمن ليها بتقعده وكان في تقييم جي اس ام ارينا كان 55 ساعه في حين ان بطاريه النوت ثري اللي هي 3200 امبير اتقيمت بـ 75 ساعه ؟!
يا جماعه الموبايل ده معمول للناس اللي بتهرب من فرق السعر لأي فابلت مميز في السوق بمعنى انك نفسك في فابلت فيه قلم وبطاريه كبيره وبتاع بس مبلغ جهاز سوني او نوكيا او سامسونج مش هيقل عن 4000 جنيه فيما فوق ، فإنت بتلاقي فابلت خطين معاه موبايل وكفر وب حوالي 3000 جنيه فبتشتريه من غير ما تفكر لكن اقسم بالله موبايل مايستاهل كل المبلغ ده ، يزيد على كده انك مش هتستفاد منه بأي شئ نهائي كنت جايبه علشانه
انا بيعته ومش حابب اكتب الجهاز التاني اللي اشتريته كان ايه علشان ماحدش يفتكر اني بعمل مقارنات او بوقف سوق الجهاز وبروج لسوق جهاز تاني
بس اللي يعرف الموضوع ده كويس اوي الاخ hardtime انا اتصلت عليه يوم ما قررت خلاص اني ابيع الجهاز واشتري جهاز تاني والحمد لله مع اني خسرت بس انا ارتحت جداً
آسف للاطاله .. ولو حد حابب يستفسر عن اي شئ انا بإذن الله في العون.