هذا الموضوع مرتبط بـ One Touch Hero

بدون عنوان

adelwgdy

2014-01-01 (12:52:15AM)

للأسف البروسيسور بتاع الهيرو فعلا موديل قديم وهو Cortex-A7 ( من موقع gsmarena ) على الرغم من أن الـ Cortex-A9 الأحدث منه والموجود فى موديلات ot-997d - x pop - m pop قربت على اعتبارها فيرجن قديم زى مثلا عربيه موديل 1980 وهتتصنع من جديد دلوقتى أى نعم هى على الزيرو لكن التكنولوجيا بتاعتها قديمه او الأحتمال التانى أن موجود من الفيرجن ده من البروسيسور كميات وعاوزين يستفيدوا بيها وخلوا الرامه 2 جيجا علشان تساعد البروسيسور فى تشغيل وتحمل نظام الجيلى بين

waleedsunny

2014-01-03 (03:04:12PM)

كلام حضرتك منطقى ومفيد طبعا ان سياسة الصين للاسف استخدام مكونات قديمة عشان تبقى رخيصة عشان تنزل المنتج بسعر رخيص منافس للماركات المشهورة
عشان كده مش هايبان نتيجة الهوجة اللى عملتها الكاتيل دى بنزول العديد من الموديلات العالية والمتنوعة ورخيصة فى السعر الا بعد تقريبا سنة ونشوف العمر الافتراضى للموديلات دى هاتقعد اد ايه
وشكرا لرد حضرتك

adelwgdy

2014-01-02 (01:20:40PM)

أ / waleedsunny

أنا ابنى معاه موديل alcatel ot-997d وهاريه جمس ونت وبيشحنه كل يوم وعمره ماأشتكى من سخونيه ابدا وعلى فكره الـ s4 cortex-a15 وكاتبين انه بيسخن جدا وده من قوه البروسيسور بتاعه واى بروسيسور قوى وحديث لازم هيسخن لكن بيبقى معمول حساب السخونيه انها متأثرش على مكونات ولا أداء الأجزاء الباقيه من الموبايل فمش معقول اعمل موبايل بأمكانيات الهيرو واحط بروسيسور قديم علشان السخونيه لازم اعمل حساب ده وانا بصنع بقيه مكونات الموبايل انها ماتتأثرش بالسخونيه وده اللى بتعمله الشركات الكبيره وبتنافس بيه بعضها وبتقدم أقوى بروسيسور وراما واجود خامه ومكونات وخدمه لعملائها انا عارف ان فيه فرق سعر بين الـ s4 والهيرو لكن انا برد على سؤال عن قوه البروسيسور بغض النظر عن السعر ان البروسيسور تكنولوجيا قديمه فعلا لكن بالنسبه للسعر انا قولت فى تعليق سابق ان اللى هايغلليه الأكسسوارات اللى معاه لكن من غير الأكسسوارات تمنه لايزيد عن 2500 جنيه و بالأكسسوارات المفروض تمنه لايزيد عن 2800 جنيه ابدا لأن غير كده ازود شويه واجيب s3 او نوت 2 وحقيقى هايستاهلوا الفرق ده لأن الهيرو اللى مخلى ليه شهره الشاشه الكبيره والأكسسوارات ودى سياسه الصين دايما فى منتجاتها تعملك امكانيات كتيره ومبهره على حساب ياأما الجوده او التكنولوجيا تبقى قديمه وعلشان كده بتبقى اسعارها رخيصه وخصوصا فى مصر

waleedsunny

2014-01-01 (10:38:42AM)

كلام حضرتك جميل ومنطقى
بس فى نقطه مهمة ان برسسور A7 أفضل من A9 لانه معالج ضد السخونه عشان كده كل الاجهزة اللى فيها A9 بدون أستثناء بتسخن جدا فى جميع الموديلات والماركات الاكس بوب بيعدى ال 40 عند الشحن او الالعاب البسيطه وال جى برو لايت الجديد برده وكل الاجهزة اللى استعملتها A9 كان اول عيب فيها هو السخونه
لكن A7 كل الاجهزه اللى استعملتها كانت مابتسخنش خالص زى 6030 و 6012 و SONY C وغيرهم كتير كانوا بيتميزوا بالسرعة العاليه وعدم التهنيج وعدم السخونه نهائى
لكن انا بقى معاك لو بتتكلم على A5 فده سخونه متوسطه وسرعه عادية وده بتستعمله سامسونج فى اغلب موبايلاتها عشان رخيص فى كل الموبايلات اللى متوسط 2000 وأقل ذى الكور واس دوز والوين وموديلات كتير جدا لسامسونج
ورأى ده ناتج عن تجربتى لموبايلات اندرويد كتير متنوعة

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Alcatel One Touch Hero

مقارنة

Android
6.0″

6.0 بوصة
3G

2G / 3G
13 MP, 4...
3400mAh

Li-Ion 3400 mAh, غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Alcatel One Touch Hero

Android

6.0″

3G

13 MP, 4...

3400mAh